| |||||||||
shakira | تۆمۈر ئوقۇتقۇچى سېتىۋالىمەنمەن مەلۇم مەكتەپنىڭ مۇدىرى،ماڭا تۆمۈر ئوقۇتقۇچى جىددى لازىم بولۇپ قالغان.جۇڭگۇدا يوقمىش،ئاڭلىسام مۇشۇ مۇنبەردە چەتئەلدە تىجارەت قىلىۋاتقان ،خىزمەت قىلىۋاتقان ياكى ئوقۇۋاتقان ئۇيغۇرلارنى جېق دەيدۇ.شۇڭا كۆپچىلىكنى بىر ھە-ھۇ دەپ ئالاقىلىشىپ بېرەمدىكىن دەپ بۇ تىمىنى يوللىشىم.
ئوقۇتقۇچى شۇنچە كۆپ تۇرسا تۆمۈردىن ياسالغىنى نىمە قىلىسىز دەمسىز؟قويىڭە شۇ گۆشتىن پۈتكەن ئادەمنى.تويدۇم،ماڭا بىرىمۇ لازىم ئەمەس.مەن زاكاس قىلغان تۆمۈر ئوقۇتقۇچىلار كەلگەندە ھەممىسىنىڭ كۆتىگە تىپىمەن.نەگە بارسا بارسۇن.دەپ بەرسەم ھەيران قالىسىز بۇلارنىڭ ھورۇنلۇقىغا.ھەپتىدە ئاران 30 سائەت دەرىس ئورۇنلاشتۇرساممۇ قاقشىغان.30 سائەت دەرىس دىگەن قانچىلىك ئىش دەيسىز .ئەمگەككە چىقسا بىر كۈندە 50 كىلوگىرام پاختىنى تىرىش ۋەزىپىسىنى ئورۇنداپ بولالماي ئىنجىقلاپ تۇرغان.ئائىلە سۆھبەتكە ئەۋەتسەم :«ئاپىسى تىللىدى،دادىسى ئۇردى،ئىتى تالاپ كەتتى»دەپ ماڭقىسىنى ئېقىتىپ كەلگەن.ئېيتىڭلارچۇ،نىمە قىلىدۇ بۇنداق ئوقۇتقۇچىنى؟بۇلار ئالغان مائاشىغا يۈز كىلەلەمدۇ؟ئارانلا قىلسا ئاغرىپ قالدىم دەپ بالنىستا يېتىۋالغان،تېخى مەجبۇرى ئۆتىنى ئالغۇزىۋەتكەنلەرمۇ بار دەيمەن.ھۇرۇنلىقىغا باھانە كۆرسىتىش ئۈچۈن ھەر قانداق ئىشنى قىلىدۇ دەيمەن بۇلار.مۇشۇنداق كەچكىچە ئاغرىپ قېلىپ ياشىغۇچە بېرىپ بىنادىن سەكرەپ ئۆلىۋالسا بولمامدۇ؟شۇنچە كەڭرى تەتىل تۇرسا نىمىشقا تەتىلدە ئاغرىپ قالمايدۇ دەيمەن.ھىچ بولمىسا شەنبە،يەكشەنبە كۈنى ئاغرىپ قالسا بولمامدۇ؟ھازىر تازا ئىشلەيدىغان ۋاقىتتا ئاغرىپ قالدىم دەپ يېتىۋالغىنى نىمىسى دەيمەن.تويدۇم بۇلاردىن،بەك تويۇپ كەتتىم.ماڭا ئاغرىپ قالمايدىغان ،رۇخسەت سورىمايدىغان،مەن قىل دىگەننى جان-دىل بىلەن ئورۇندايدىغان تۆمۈر ئوقۇتقۇچى لازىم.تۆمۈر ئوقۇتقۇچى دىسەم ماۋۇ بىزنىڭ ئايال ئوقۇتقۇچىلاردەك تۆت چاسا بىر نىمىنى ئەۋەتمەي،ھېلىقى نىمىتى...ھە،ھېلىقى تانسىكەش تۆمۈر خوتۇنلاردەك چىستەيلىرىدىن ئالاقىلىشىڭلارجۇمۇ.ئەر تۆمۈر ئادەم لازىم ئەمەس،تۆمۈر ئادەمنىڭ ئەركىكىمۇ،چىشىسىمۇ ئوخشاش قاۋۇل بولغاندىكىن ھەممىسى ئايال بولۇپ كەتسۇن.ئەمما ھەمسىنىڭ چىرايى ئوخشاش بولسا بولمايدۇ جۇمۇ.مانداق،بىر-بىرىدىن قېلىشقۇسىز گۈزەللەردىن بولسۇن.مۇھىمى قاپتۇ،شوخ-شوخ پىروگراممىسىنى قاچىلاپ قويۇڭلار.بىزنىڭ ئايال ئوقۇتقۇچىلاردەك يارىتىپ تېخى تانسىغا تارتىپ قويسا ،تىرنىقىنى تاتىلاپ «ئېرىم تىللايتى»دەيدىغان بولسا ،ئاچىقىپ ئېرىتىپلا مەش ياسىتىۋىتىمەن جۇمۇ.ئاندىن كىيمى ماۋۇ خوتۇنلاردەك ئۇزۇن-ئۇزۇن،پۇتلۇشۇپ تۇرىدىغان بولماي،بولسا ئاچقۇدەك يەرنى ئېچىپ مانداق...،ھى ھى ھى،بۇنى مەن دىمىسەممۇ چەتئەللىك دىگەن ياسىنىشقا ئۇستا.يەنە بار،ماۋۇ يېڭى مائارىپ ئىسلاھاتىغا ماسلىشىش ئۈچۈن چوقۇم قوش تىللىق بولۇش كېرەك جۇمۇ.كۆپ تىللىق بولۇپ كەتسىمۇ ياق دىمەيمەن.كىم بىلىدۇ كىيىن كۆپ تىللىق مائارىپ ئىسلاھاتى يولغا قويۇلۇپ قېلىنامدۇ تېخى. مىنىڭ مۇشۇ شەرتىمگە ماس كىلىدىغان مال بولسا ئالاقىلىشىش تېلىفۇن نومۇرۇم:250250250 .پۇلدا چاتاق يوق.كىلىشىپ كىتىمىز.ھە،ئەمىسە مۇشۇنداق بولسۇن،ئىشنى كىچىكتۈرمەيلى جۇمۇ.كەچتە بىر مۇھىم ئولتۇرۇش بار ئىدى،كىچىكىپ قالماي.مۇشۇنچىلىك يازاي.چۈشەنمىگەن يېرى بولسا غاچچىدە تېلىفۇن قىلىڭلار،ئاتچوت قىلىۋىتىمەن.ئەمىسە،شۇنداق بولسۇن ،ھە. ___ باشقۇرغۇچى : musallas تەرىپىدىن تەستىقلاندى . تەستىقلانغان ۋاقتى : 2008-04-12
| |||||
---|---|---|---|---|---|---|
بۇ يازمىنىڭ يېقىنقى باھالىنىش ئەھۋالى : |
112yulgun دەرىجىسى :ئالىي ئەزا | ئوقۇتقۇچىلار ئۈچۈن قىلىنغان ھەق گەپ بوپتۇ.بۇ كۈنلەردىكى بېسىمغا تۆمۈر ئوقۇتقۇچى ئەمەس،بەلكى،پولات ئوقۇتقۇچى بولسىمۇ بەرداشلىق بېرىشى قىيىن.
| |||||
---|---|---|---|---|---|---|
Yaw-mat دەرىجىسى :يېڭى ئۆگەنگۈچى | مەجبۇرىي ئۆتىنى ئالغۇزىۋېتىدىغانلارمۇ بار دەپ قۇيۇڭ ، ھا ...ھا....... قارىغاندا سىزنى ئالدىماق شۇنچىلىك تەس ، شۇنچىلىك مۆشكۈل ئۇخشىمامدۇ ، قاتتىق تەلەپچانكەنسىز -ھە ( بۇنداق دېگىنىم سىزنى ئاشۇرىۋەتتى دېگىنىم ئەمەس )..............
مۇشۇ مىللەتداشلىرىمىزنىڭ باشلىقى بۇلۇپ قالماقتىنمۇ تەس ئىش يۇق ، قىلمىسا تىللاۋاتقان ، قىلىپ بەرسە رازى بۇلمايۋاتقان ..... تەڭچىلىكتىن باشقا نەرسە ئەمەس . تۈمۈر خۇتۇننىڭمۇ چاتىغى چىقىدىغان ۋاقـتى بۇلىدۇ ، ئەڭ ياخشىسى پېنىسىىيۇنېر بۇلاپ كېتىڭ .... | |||||
---|---|---|---|---|---|---|
iklima دەرىجىسى :يېڭى ئۆگەنگۈچى | ھەقىھەتەن، ھازىر ئاشۇنداق مەكتەپ مۇدىرلىرى كۆپىيىپ كېتىۋاتىدۇ.ئۇلارنىڭ بولسا شۇ بىچارە ئوقۇتقۇچىلارنىڭ يەكشەنبەكۈنلىرىنىمۇ تارتىۋالغۇسى بار.
| |||||
---|---|---|---|---|---|---|
batuk دەرىجىسى :تىرىشچان ئەزا | بۇنىڭ چارىسى بىرلا. قايسى يەردە ئىككى ئاساسەننى ئۆتكۈزىۋالماقچى بولغان بولسا شۇ يەردىن تەكلىپ قىلسا بۇلىدۇ.شۇ يەردە ئەشۇ مۇدىرنىڭ تەلىۋى ھەتتا ئۇنىڭدىن ئارتۇقىمۇ كۆپ.
| |||||
---|---|---|---|---|---|---|
nazakat29 دەرىجىسى :شەبنەم ئەزاسى | ھازىر ئوقۇتقۇچىلاردا ،خالىغان ئىش قىلىش ئەركىنلىكى ئەمەس ،خالىغانچە تەپەككۈر قىلىش ئەركىنلىكىمۇ قالمايۋاتىدۇ...ئۇلار مۈشكۈل سىناخلاردا تاۋلىنىپ ،پۇلاتقا ئايلىناي دەپ قالدى ...يەنە ئازراق تەخىر قىلىڭ!
| |||||
---|---|---|---|---|---|---|
kisek | بۇ تېما ئاپامنى ۋە ئۇنىڭ خىزمەتداش دوستلىرىنى ماڭا ئەسلەتتى،ئاپام 60-يىللاردا تولۇق كۇرسنى پۈتتەرگەندىن كېيىن مەن تۇغۇلغان ناھىيەنىڭ يېزىسىغا ئەمگەككە چۈشۈپتۇ،.........4يىللىق ئەمگەكتىن كېيىن ناھىيىلىك ئوتتۇرا مەكتەپكە ئىشقا چۈشۈپتۇ،........80-يىللارنىڭ بېشىدا مەن ئەسلىيەلەيدىغان چاغلار،دەرسلىك كىتاپنىڭ ئۇيغۇرچىسى ۋاقتىدا نەشردىن چىقمىغاچقا خەنزۇچە ئوقۇتۇش ماتىرىياللىرىدىن پايدىلىنىپ دەرسلىك تىزىسى بويىچە خىمىيەدىن دەرس بېرىۋېتىپتىكەنتۇق.......شۇ چاغدىكى مااشى78كوي ئىدىكەندۇق(كېيىنچە 20يىل ئۆزگەرمەي مۇشۇ ھالەتتە ئىكەنلىگىنى ماڭا دىگەن).ماڭا ،ئوتتۇرا مەكتەپ ۋاقىتلىرىمدا «خىمىيە»«ماتىماتىكا»لىق مەسىلىلەرنى ئانالىز قىلىشتا ئىزچىل «技巧»لارنى ئۈگىتىپ كەلدى...
90-يىللارنىڭ ئوتتۇرىسىدا ئالى مەكتەپتە ئوقۇۋاتقان چېغىمدا ئاپام،«مۇاشىم سەل يۇقۇرىلاپتۇ،شۇڭا ساڭىمۇ ئايلىق ئەۋەتىدىغان پۇلدىن 20كوي ئاشۇرۇپ ئەۋەتتىم...»دىگەن خەت كەلدى. .............................................................................................................................. ئاپام ھەقىقى «تۆمۈر ئادەم»،لېكىن ھازىر پېنسىيەدە...ھەرقانداق يۇقۇرى مۇاش بەرسىڭىزمۇ مەن ئۇنىمايمەن،چۈنكى ئاپام 35يىللىق ۋەزىپىسىنى ئادا قىلىپ بولدى! | |||||
---|---|---|---|---|---|---|
核弹 دەرىجىسى :يېڭى ئۆگەنگۈچى | ھەقىھەتەن، ھازىر ئاشۇنداق مەكتەپ مۇدىرلىرى كۆپىيىپ كېتىۋاتىدۇ.ئۇلارنىڭ بولسا شۇ بىچارە ئوقۇتقۇچىلارنىڭ يەكشەنبەكۈنلىرىنىمۇ تارتىۋالغۇسى بار.بولسا بارلىق ئايال ئوقۇتقۇچىلارنى كۈندە بىردىن تانسىغا ئاپىرىپ ئويناپ كۈلسە ................بۇنداق ئىشلار بارغانسىرى كۆپىيىپ قالدى.
| |||||
---|---|---|---|---|---|---|
yuilgun دەرىجىسى :شەبنەم ئەزاسى | مەن ھېچنىمە دىمەيمەن، چۇنكى سىزنىڭ ۋەزىپىڭىز سىز مۇشۇ خىزمەتنى تاللىغان ۋاقىتتىكى ئىرادىڭىزغا ئوخشاش،ئوخشاش جاپالىق
| |||||
---|---|---|---|---|---|---|
kok-sultan تەۋپىق ئىزچىسى | ئوقوتقۇچىلىق خىزمىتى جاپالىق ھەم شەرەپلىك خىزمەت...شۇڭا ئوقۇتقۇچىلارنى شامغا ئوخشىتىپ تەسۋىرلەش مودىغا ئايلانغان.شام نەرقى ئەرزان،پۇرىقى سېسىق نەرسە...
يازمىڭىزدىن سۆيۈندۇم. | |||||
---|---|---|---|---|---|---|
shakira | بۇ ھەپتە مەلۇم سەۋەپ تۈپەيلى ئۇقۇتقۇچىلارنى ۋە ئۇلارنىڭ خىزمىتىنى چۈشىنىش پۇرسىتىگە ئېرىشتىم.
ئۇلارنىڭ تارتىۋاتقان جاپالىرىنى ۋە بەزى ھاماقەت مەكتەپ مۇدىرلىرىنىڭ چەكتىن ئاشقان ۋە ئورۇنسىز تەلەپلىرىنى ئاڭلاپ كۆزلىرىمگە ياش كەلدى.ئوقۇۋاتقان ۋاقىتلىرىمدا ئوقۇتقۇچىلىرىمنىڭ جاپالىرىنى ھىس قىلىپ يەتمەپتىكەنمەن،تولىمۇ كىچىكىپ چۈشەندىم.شۇ سەۋەپتىنمىكىن تا ھازىرغىچە بەزى ئوقۇتقۇچۇمغا تېخىچە رەنجىپ يۈرەتتىم.ھازىر بۇ رەنجىشلەر ئورنىنى ھۆرمەت ئىگەللىدى.مۇشۇ پۇرسەتتە پۈتۈن ئۇيغۇر ئوقۇتقۇچىلارغا ھۆرمەت سالىمى يوللايمەن.سىلەر ھەقىقەتەن جاپا تارتىۋاتىسىلەر.سىلەرگە كۆپ رەھمەت. | |||||
---|---|---|---|---|---|---|