ﺋﯘﻟﯘﻗﻼﺭ


ﺩﯗﻧﻴﺎﺩﯨﻜﻰ ﻫﻪﺭﻗﺎﻧﺪﺍﻕ ﻧﻪﺭﺳﯩﻨﯩﯔ ﺋﯧﻘﺘﯩﺪﺍﺭﻯ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﻫﻪﺗﺘﺎ ﺋﻮﺧﺸﯩﻤﯩﻐﺎﻥ ﺟﯩﺴﯩﻤﻨﯩﯔ ﺋﯧﻘﺘﯩﺪﺍﺭﯨﻤﯘ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﺋﺎﻟﺘﯘﻥ ﺋﯚﺯﯨﻨﯩﯔ ﭘﺎﻗﯩﺮﺍﻗﻠﯩﻘﻰ، ﭘﺎﺳﺴﯩﭗ ﻣﯩﺘﺎﻝ ﻳﻪﻧﻰ ﺳﺎﭘﻠﯩﻘﻰ ، ﻳﯘﻣﺸﺎﻕ ﯞﻩ ﺋﯩﻼﺳﺘﻜﯩﻠﯩﻘﻰ ﺑﯩﻠﻪﻥ ﺗﯚﻣﯜﺭﺩﯨﻦ ﭘﻪﺭﯨﻘﯩﻠﯩﻨﯩﺪﯗ. ﺩﯦﻤﻪﻙ ﺋﯘﻧﯩﯔ ﺑﯘ ﺋﯧﻘﺘﯩﺪﺍﺭﻯ ﺋﯘﻧﯩﯔ ﺗﯚﻣﯜﺭ ﺑﯩﻠﻪﻥ ﺑﻮﻟﻐﺎﻥ ﭘﻪﺭﻗﯩﻨﻰ ﻫﻪﻡ ﻳﯜﻛﺴﻪﻙ ﻗﯩﻤﻤﯩﺘﻨﻰ ﺑﻪﻟﮕﯩﻠﯩﻜﻪﻥ ﻣﯘﺋﯩﻢ ﻧﻮﻗﺘﯩﻨﯩﯔ ﺑﯩﺮﻯ. ﺋﻪﻟﺒﻪﺗﺘﻪ ﺋﯘﻧﯩﯔ ﻗﯩﻤﻤﯩﺘﻨﻰ ﺑﻪﻟﮕﯩﻠﻪﺷﺘﻪ ﻳﻪﻧﻪ ﺑﯩﺮ ﻣﯘﺋﯩﻢ ﻧﻮﻗﺘﯩﻨﯩﻤﯘ ﭼﻪﺗﻜﻪ ﻗﺎﻗﻘﯩﻠﻰ ﺑﻮﻟﻤﺎﻳﺪﯗ. ﺋﯘ ﺑﻮﻟﺴﯩﻤﯘ ﺋﯘﻧﯩﯔ ﺗﯚﻣﯜﺭﮔﻪ ﻗﺎﺭﯨﻐﺎﻧﺪﺍ ﺋﺎﺯ ﺗﯧﭙﯩﻠﯩﺪﯨﻐﺎﻥ ﻣﯩﺘﺎﻝ ﺑﻮﻟﻐﺎﻧﻠﯩﻘﻰ . ﻛﯚﺯ ﺋﺎﻟﺪﯨﻤﯩﺰﺩﯨﻜﻰ ﻣﻪﻧﭙﻪﺋﻪﺕ ﻧﻮﻗﺘﯩﺴﯩﺪﯨﻦ ﺋﺎﻟﻐﺎﻧﺪﺍ ﻳﺎﻛﻰ ﺋﯩﺸﻠﯩﺘﯩﻠﯩﺶ ﺩﺍﺋﯩﺮﯨﺴﻰ ﺋﻮﺭﻧﯩﺪﯨﻦ ﺋﺎﻟﻐﺎﻧﺪﺍ ﺋﺎﻟﺘﯘﻥ ﻫﻪﺭﮔﯩﺰ ﺗﯜﻣﯜﺭﮔﻪ ﻳﻪﺗﻤﻪﻳﺪﯗ. ﺋﺎﺩﻩﻣﻠﻪﺭ ﺗﯘﺭﻣﯘﺷﺘﺎ ﺗﯚﻣﯜﺭﺩﯨﻦ ﺋﺎﻳﺮﯨﻼﻟﻤﺎﻳﺪﯨﻐﺎﻥ ﺑﻮﻟﯘﭖ ﻗﺎﻟﺪﻯ . ﺋﻪﻣﻤﺎ ﺑﯘﻧﯩﯖﻠﯩﻖ ﺑﯩﻠﻪﻥ ﺋﯘﻧﯩﯔ ﻗﯩﻤﻤﯩﺘﻰ ﺋﺎﻟﺘﯘﻧﯩﯖﻜﯩﺪﯨﻦ ﺋﯜﺳﺘﯜﻥ ﺑﻮﻟﻼﻟﻤﺎﻳﺪﯗ. ﻧﯧﻤﻪ ﺋﯜﭼﯜﻥ ؟ ﭼﯜﻧﻜﻰ ﺋﯘ ﻛﯚﭖ ﺋﯩﺸﻠﯩﺘﯩﻠﺴﯩﻤﯘ ﺋﯧﻘﺘﯩﺪﺭﻯ ﺋﺎﺩﻩﺗﺘﯩﻜﯩﭽﻪ ﻣﯩﺘﺎﻝ. ﺋﻪﻣﻤﺎ ﺋﺎﻟﺘﯘﻥ ﺋﺎﺯ ﺋﯩﺸﻠﯩﺘﯩﻠﯩﺪﯗ ﺋﻪﻣﻤﺎ ﺋﯩﻨﺘﺎﻳﯩﻦ ﻣﯘﺋﯩﻢ ﺋﻮﺭﯗﻧﻼﺭﺩﺍ ﺗﯚﻣﯜﺭﻧﻰ ﻗﻪﺗﺌﯩﻲ ﺋﯩﺸﻠﻪﺗﻜﯩﻠﻰ ﺑﻮﻟﻤﺎﻳﺪﯨﻐﺎﻥ ﺋﻮﺭﯗﻧﻼﺭﺩﺍ ﺋﯩﺸﻠﯩﺘﯩﻠﯩﻨﯩﺪﯗ. ﻣﯘﺩﺍﻗﭽﻪ ﺋﯧﻴﺘﻘﺎﻧﺪﺍ ﺷﺎﺭﺍﺋﯩﺖ ﻳﺎﺭﺑﻪﺭﺳﻪ ﺋﺎﻟﺘﯘﻧﻨﻰ ﺗﯚﻣﯜﺭﻧﯩﯔ ﺋﻮﺭﻧﯩﺪﺍ ﻫﻪﺭﻗﺎﺩﺍﻕ ﻳﻪﺭﺩﻩ ﺋﯩﺸﻠﻪﺗﻜﯩﻠﻰ ﺑﻮﻟﯩﺪﯗ ﺋﻪﻣﻤﺎ ﺗﯚﻣﯜﺭﻧﻰ ﺋﺎﻟﺘﯘﻧﻨﯩﯔ ﺋﻮﺭﻧﯩﺪﺍ ﺋﯩﺸﻠﻪﺗﻜﯩﻠﻰ ﺑﻮﻟﻤﺎﻳﺪﯗ.
ﻣﯩﺘﺎﻟﻼﺭ ﺷﯘﻧﭽﯩﻠﯩﻚ ﭘﻪﺭﯨﻘﻠﻪﻧﮕﻪﻥ ﻳﻪﺭﺩﻩ ﺋﻪﻟﺒﻪﺗﺘﻪ ﺗﻪﻥ ﺑﯩﻠﻪﻥ ﺭﻭﻫﻨﯩﯔ ﻗﯘﺷﯘﻟﻤﯩﺴﻰ ﺑﻮﻟﻐﺎﻥ ﻣﯘﺭﻩﻛﻜﻪﭖ ﺟﺎﻧﻠﯩﻖ ﺑﻮﻟﻐﺎﻥ ﺋﺎﺩﻩﻣﻠﻪﺭ ﺋﻪﻟﺒﻪﺗﺘﻪ ﭘﻪﺭﯨﻘﻠﯩﻨﯩﺪﯗ. ﺑﯘ ﺧﯩﻞ ﭘﻪﺭﻕ ﺋﺎﺩﻩﻣﻨﯩﯔ ﺟﯩﺴﻤﺎﻧﯩﻲ ﭘﻪﺭﻗﻰ ﺑﯩﻠﻪﻥ ﺭﻭﻫﯩﻲ ﭘﻪﺭﻗﯩﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺑﻮﻟﯩﺪﯗ. ﺋﺎﺩﻩﻣﻨﯩﯔ ﺟﯩﺴﻤﻰ ﻛﯜﭺ ﻗﯘﯞﯞﻩﺕ ﯞﻩ ﺭﻭﯕﮕﻰ ﺭﻭﻫﻰ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﻫﻪﺗﺘﺎ ﭘﯜﺗﯜﻧﻠﻪﻱ ﺋﻮﯨﺸﺎﻳﺪﯨﻐﺎﻥ ﺋﯩﻜﻜﻰ ﺋﺎﺩﻩﻣﻨﻰ ﺗﺎﭘﻤﺎﻗﻤﯘ ﺗﻪﺱ . ﺋﻪﻣﻤﺎ ﺑﯘ ﻫﻪﺭﮔﯩﺰﻣﯘ ﺋﺎﺩﻩﻣﻠﻪﺭ ﺋﻮﺗﺘﯘﺭﺳﯩﺪﯨﻜﻰ ﺑﯩﺮﺩﯨﻦ ﺑﯩﺮ ﭘﻪﺭﻗﻤﯘ ﺋﻪﻣﻪﺱ ﺋﺎﺩﻩﻣﻠﻪﺭ ﺗﻪﺟﺮﯨﺒﻪ ﻫﻪﻡ ﭘﻪﻥ ﺗﯧﺨﻨﯩﻜﯩﻐﺎ ﺗﺎﻳﯩﻨﯩﯩﭗ ﻛﯚﭼﻘﯘﯞﻩﺗﻠﯩﺮﻧﻰ ﻫﻪﻡ ﭼﯩﺮﺍﻳﻠﯩﺮﯨﻨﻰ ﺋﻮﯕﺸﯩﯟﺍﺍﻟﯩﺪﯨﻐﺎﻥ ﺑﻮﻟﯘﭖ ﻗﺎﻟﺪﻯ. ﺋﻪﻣﻤﺎ ﺋﯚﺯﮔﻪﺭﻣﻪﻳﺪﯨﻐﺎﻥ ﺑﯩﺮ ﺋﺎﺩﻩﻣﻨﻰ ﻳﻪﻧﻪ ﺑﯩﺮ ﺋﺎﺩﻩﻣﻨﻰ ﭘﻪﺭﻗﻠﻪﻧﺪﯛﺭﯨﺪﯨﻐﺎﻥ ﺑﯩﺮﺩﯨﻦ ﺑﯩﺮ ﭘﻪﺭﻕ ﺑﺎﺭ. ﺋﻮ ﺑﻮﻟﯩﻤﯘ ﺭﻭﻫﻰ ﺟﻪﻫﻪﺗﺘﯩﻜﻰ ﭘﻪﺭﻗﺘﯘﺭ. ﺭﻭﻫﯩﻲ ﺟﻪﻫﻪﺗﺘﯩﻜﻰ ﭘﻪﺭﻕ ﺗﯜﭘﺘﯩﻦ ﺋﯧﻴﺘﻘﺎﻧﺪﺍ ﭘﯩﻜﯩﺮ ﻗﯩﻠﯩﺶ ﺟﻪﻫﻪﺗﺘﯩﻜﻰ ﭘﻪﺭﯨﻘﺘﯘﺭ. ﺩﯦﻤﻪﻙ ﺋﺎﺩﻩﻡ ﭘﻪﻗﻪﺕ ﭘﯩﻜﯩﺮ ﻗﯩﻠﯩﺶ ﺟﻪﻫﻪﺗﺘﯩﻨﻼ ﺟﯩﺴﯩﻤﻼﺭ ﯞﻩ ﻫﺎﻳﯟﺍﻧﻼﺭﺩﯨﻦ ﭘﻪﺭﻗﻠﯩﻨﯩﭗ ﻗﺎﻟﻤﺎﻱ ﺑﯩﺮ – ﺑﯩﺮﯨﺪﯨﻨﻤﯘ ﭘﻪﺭﻗﻠﯩﻨﯩﺪﯗ. ﺩﯦﻤﻪﻙ ﻫﻪﺭﺑﯩﺮ ﺋﺎﺩﻩﻣﻨﯩﯔ ﭘﯩﻜﯩﺮ ﻗﯩﻠﯩﺶ ﺋﯩﻘﺘﯩﺪﺭﻯ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﺷﯘﯕﯩﻤﯘ ﻫﻪﺭﺑﯩﺮ ﺋﺎﺩﻩﻣﻨﯩﯔ ﻗﯩﻤﻤﯩﯩﺘﻰ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﻗﯩﻤﻤﻪﺕ ﺟﻪﻫﻪﺗﺘﻪ ﺑﻪﺯﻯ ﺋﺎﺩﻩﻣﻠﻪﺭ ﺋﺎﻟﺘﯘﻧﻐﺎ ﺋﻮﺧﺸﺎﻳﺪﯗ . ﺑﻪﺯﻯ ﺋﺎﺩﻩﻣﻠﻪﺭ ﺗﯚﻣﯜﺭﮔﻪ ﺋﻮﺧﺸﺎﻳﺪﯗ. ﺋﺎﻟﺘﯘﻧﻐﺎ ﺋﻮﺧﺸﺎﻳﺪﯨﻐﯩﻨﻰ ﺋﯘﻟﯘﻕ ﺋﺎﺩﻩﻣﻠﻪﺭﺩﯗﺭ .ﺗﯚﻣﯜﺭﮔﻪ ﺋﻮﺧﺸﺎﻳﺪﯨﻐﯩﻨﻰ ﺋﻪﺩﻩﺗﺘﯩﻜﻰ ﺋﺎﺩﻩﻣﻠﻪﺭﺩﯗﺭ.
ﺋﯘﻟﯘﻕ ﺋﺎﺩﻩﻣﻠﻪﺭ ﻫﻪﺭﮔﯩﺰﻣﯘ ﺋﯚﺯﯨﻨﻰ ﺋﯚﺯﻯ ﺋﯘﻟﯘﻕ ﺩﻩﯞﺍﻟﻐﯘﭼﯩﻼﺭ ﺑﻮﻟﻤﺎﺳﺘﯩﻦ ﺑﻪﻟﻜﻰ ﺋﯘﻟﯘﻕ ﺋﯩﺸﻼﺭﻧﻰ ﻗﯩﻼﻟﯩﻐﺎﻥ، ﺋﯩﻨﺴﺎﻧﯩﻴﻪﺕ ﺟﻪﻣﺌﯩﻴﯩﺘﻰ ﻳﺎﻛﻰ ﺗﺎﺭﯨﺨﻨﯩﯔ ﺗﻪﺭﻩﻗﻘﯩﻴﺎﺗﯩﻨﻰ ﺋﺎﻟﻐﺎ ﺳﯩﻠﺠﯩﺘﻘﯘﭼﯩﻼﺭ ، ﻳﺎﻛﻰ ﺑﯩﺮﻗﻪﯞﻣﻨﯩﯔ ﺗﻪﻏﺪﯨﺮﯨﻨﻰ ﺋﯚﺯﮔﻪﺭﺗﻜﯩﭽﯩﻠﻪﺭﺩﯗﺭ. ﺋﯘﻻﺭ ﺋﺎﻟﺘﯘﻧﺪﻩﻙ ﺳﺎﭖ ﯞﻩ ﭘﺎﺳﺴﯩﭗ ﺑﻮﻟﯩﺪﯗ. . ﺋﯘﻻﺭ ﺋﺎﻟﺘﯘﻧﺪﻩﻙ ﻧﺎﻫﺎﻳﯩﺘﻰ ﺋﺎﺯ ﺋﯘﭼﯘﺭﺍﻳﺪﯗ. ﻫﻪﺗﺘﺎ ﺋﯘﻻﺭ ﺋﻪﺳﯩﺮ ﺋﻪﺳﯩﺮﻟﻪﭖ ﻧﯩﺴﯩﭗ ﺑﻮﻟﻤﺎﺳﻠﯩﻘﯩﻤﯘ ﻣﯘﻣﻜﯩﻦ . ﺋﻪﻣﻤﺎ ﺋﯘﻻﺭ ﺋﻪﯓ ﻫﺎﻟﻘﯩﻠﯩﻖ ﭘﻪﻳﯩﺘﺘﻪ ﺗﺎﺭﯨﺦ ﻳﺎﻛﻰ ﺑﯩﺮ ﻗﻪﯞﻡ ﺋﯘﻻﺭﻧﯩﯔ ﭘﯩﻜﺮﯨﮕﻪ ﻣﯘﻫﺘﺎﺝ ﺑﻮﻟﻐﺎﻧﺪﺍ ﺋﯘﻻﺭ ﺗﺎﺭﯨﺨﻨﻰ ﺋﯚﺯﮔﻪﺭﺗﯩﺪﯗ.
ﺋﻪﻟﺒﻪﺗﺘﻪ ﺋﺎﺩﻩﻣﻠﻪﺭﻧﯩﯔ ﻫﻪﻣﻤﯩﺴﻰ ﭘﯩﻜﯩﺮ ﻗﯩﻠﯩﺪﯗ. ﭘﯩﻜﯩﺮﻧﯩﯔ ﻗﯩﻤﻤﯩﺘﻰ ﺋﻮﺧﺸﺎﺵ ﺑﻮﻟﻤﺎﻳﺪﯗ. ﺋﯘﻟﯘﻕ ﺋﺎﺩﻩﻣﻠﻪﺭ ﭘﯘﺕ- ﻗﻮﻟﯩﻨﻰ ﺋﯩﺸﻠﯩﺘﯩﺪﯨﻐﺎﻥ ﺋﺎﺩﻩﻣﻠﻪﺭ ﺑﻮﻟﻤﺎﺳﺘﯩﻦ ﻛﺎﻟﻼ ﺋﯩﺸﻠﯩﺘﯩﺪﯨﻐﺎﻥ ﻳﻪﻧﻰ ﺗﻪﭘﻪﻛﻜﯜﺭ ﻗﯩﻠﯩﺪﯨﻐﺎﻥ ﺋﺎﺩﻩﻣﻠﻪﺭﺩﯗﺭ. ﺋﯘﻟﯘﻕ ﺋﺎﺩﻩﻣﻠﻪﺭ ﺗﯘﺭﻣﯘﺷﻨﯩﯔ ﺋﯘﺷﺸﺎﻕ ﺗﻪﺭﺗﯩﭙﻠﯩﺮﻯ ﻫﻪﻗﻘﯩﺪﻩ ﺋﻪﻣﻪﺱ ﺑﻪﻟﻜﻰ ﺋﺎﻟﻪﻡ ﻫﻪﻡ ﺋﺎﺩﻩﻣﻨﯩﯔ ﻗﯩﻤﻤﯩﺘﻰ ﻫﻪﻗﻘﯩﺪﻩ ﭘﯩﻜﯩﺮ ﻳﯜﺭﮔﯜﺯﮔﯜﭼﯩﻠﻪﺭﺩﯗﺭ. ﺋﺎﺩﻩﺗﺘﯩﻜﻰ ﺋﺎﺩﻩﻣﻠﻪﺭ ﺑﻮﻟﺴﺎ ﺗﯘﺭﻣﯘﺷﻨﯩﯔ ﺋﯘﺷﺎﻕ - ﭼﯜﺷﺸﻪﻙ ﺗﻪﺭﺗﯩﭙﻠﯩﺮﻯ ﺑﻮﻳﯩﭽﻪ ﻳﺎﻛﻰ ﻗﯧﻠﯩﭙﻠﯩﺸﯩﭗ ﻗﺎﻟﻐﺎﻥ ﺋﯘﺩﯗﻡ ﺑﻮﻳﯩﭽﻪ ﭘﯩﻜﯩﺮ ﻗﯩﻠﻐﯘﭼﯩﻼﺭ ﻫﻪﻡ ﻛﯚﭘﻪﺭﻩﻙ ﻫﺎﻟﺪﺍ ﭘﯘﺕ – ﻗﻮﻟﯩﻨﻰ ﺋﯩﺸﻠﻪﺗﻜﯜﭼﯩﻠﻪﺭﺩﯗﺭ.
ﺋﻪﭘﺴﯘﺳﻜﻰ ﺋﯩﻨﺴﺎﻧﯩﻴﻪﺕ ﺟﻪﻣﺌﯩﻴﯩﺘﻰ ﺗﺎﺭﯨﺨﻨﻰ ﺩﺍﻧﺎﻻﺭ ﻳﺎﺭﺍﺗﺴﯩﻤﯘ ﻧﺎﺩﺍﻧﻼﺭ ﻳﯧﺰﯨﺸﺘﯩﻦ ، ﺩﺍﻧﺎﻻﺭﻧﻰ ﻧﺎﺩﺍﻧﻼﺭ ﺑﺎﻫﺎﻻﺷﺘﯩﻦ ﺧﺎﻟﯩﻲ ﺑﻮﻻﻟﯩﻐﺎﻥ ﺋﻪﻣﻪﺱ. ﺑﻮﻟﯘﭘﻤﯘ ﺋﯚﺯ ﯞﺍﻗﺘﯩﺪﺍ ﺋﯘﻟﯘﻕ ﻛﯩﺸﯩﻠﻪﺭﻧﯩﯔ ﻫﻪﻣﻤﯩﺴﻰ ﺋﺎﻟﺘﯘﻧﺪﻩﻙ ﻗﯩﻤﻤﻪﺕ ﻳﺎﺭﺍﺗﺴﯩﻤﯘ ﺋﺎﻟﺘﯘﻧﺪﻩﻙ ﻗﻪﺩﯨﺮﮔﻪ ﺋﯧﺮﯨﺸﻪﻟﯩﮕﻪﻧﻤﯘ ﺋﻪﻣﻪﺱ. ﺑﯘ ﻳﻪﻧﯩﻼ ﺋﯘﻻﺭﻧﯩﯔ ﭘﯩﻜﯩﺮ ﻗﯩﻠﯩﺶ ﺋﯘﺳﯘﻟﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ، ﭼﯜﻧﻜﻰ ﺋﯘﻻﺭ ﭘﯩﻜﯩﺮ ﻗﯩﻠﻐﺎﻧﺪﺍ ﻫﯧﭽﻘﺎﻧﺪﺍﻕ ﻗﯩﯧﻠﯩﭙﻘﺎ ﻳﺎﻛﻰ ﺋﯚﺗﻤﯜﺷﻨﯩﯔ ﭘﯩﻜﯩﺮ ﺗﻪﺳﯩﺮﯨﮕﻪ ﺋﯘﭼﯩﺮﯨﻤﺎﻳﺪﯗ. ﺗﻪﻝ ﺗﯜﻛﯜﺱ ﻳﯧﯖﯩﻠﯩﻖ ﯞﻩ ﺋﯩﻨﻜﺎﺭﭼﯩﻠﯩﻖ ﺋﯘﻻﺭﻧﻰ ﺋﺎﺩﻩﺗﺘﯩﻜﻰ ﺋﺎﺩﻩﻣﻠﻪﺭﻧﯩﯔ ﻗﯧﻠﯩﭗ ﺋﯧﭽﯩﺪﯨﻜﻰ ﺋﺎﺩﺩﯨﻲ ﭘﯩﻜﯩﺮﮔﻪ ﺯﯨﺖ ﺑﻮﻟﯘﭖ ﻗﺎﻟﻐﺎﻧﻠﯩﻘﺘﯩﻦ ﻛﯚﺯﯨﮕﻪ ﺳﯩﻐﻤﺎﻳﺪﯗ. ﻫﻪﻡ ﺋﯘﻻﺭﻧﯩﯔ ﻧﻪﺯﯨﺮﯨﺪﻩ ﻧﺎﺩﺍﻧﻼﺭﻏﺎ ﺋﺎﻳﻠﯩﻨﯩﭗ ﻗﺎﻟﯩﺪﯗ . ﺷﯘﯕﺎ ﺋﯘﻟﯘﻕ ﺋﺎﺩﻩﻣﻠﻪﺭ ﺋﯚﺯ ﯞﺍﻗﺘﯩﺪﺍ ﭘﯩﺸﻘﺎﻥ ﺋﺎﺩﻩﻣﻠﻪﺭﻧﯩﯔ ﺋﺎﻟﺪﯨﺪﺍ ﻛﺎﻟﯟﺍ ﺑﻮﻟﯘﭖ ﻗﺎﻟﻐﺎﻥ ﺋﺎﺩﻩﻣﻠﻪﺭﺩﯗﺭ. ﺋﻪﻣﻤﺎ ﺩﻩﻝ ﺋﯘﻻﺭﻧﯩﯔ ﻣﯘﺷﯘﻧﺪﺍﻕ ﻛﺎﻟﯟﺍﻟﯩﻘﻰ ﺑﻮﻟﻐﺎﭼﻘﯩﻼ ﺳﺎﻧﺴﯩﺰﻟﯩﻐﺎﻥ ﺋﺎﺩﻩﺗﺘﯩﻜﻰ ﺋﺎﺩﻩﻣﻠﻪﺭﻧﻰ ﻳﯧﯖﯩﭽﻪ ﻫﺎﻳﺎﺗﻘﺎ ﯞﻩ ﺑﻪﺧﯩﺘﻜﻪ ﺋﯧﺮﯨﺸﯩﺪﯗ.
ﺩﯗﻧﻴﺎ ﺭﺍﺳﺘﻼ ﺋﯘﭼﻘﺎﺩﺍﻩﻙ ﺗﻪﺭﻩﻗﻘﯩﻲ ﻗﯩﻠﯩﭗ ﻛﻪﺗﺘﻰ. ﺩﯗﻧﻴﺎﻧﯩﯔ ﺗﻪﺭﻩﻗﯩﻴﺎﺗﻰ ﻫﻪﺗﺘﺎ ﺑﯩﺰﻧﯩﯔ ﺗﻪﺳﺴﺎﯞﯗﺭﯨﻤﯩﺰﺩﯨﻨﻤﯘ ﺑﻪﻙ ﺗﯧﺰ ﻟﯩﺸﯩﭗ ﻛﻪﺗﺘﻰ . ﺳﺎﻗﻼﻧﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﺑﯘ ﻗﺎﻧﯘﻧﯩﻴﻪﺕ ﻛﯩﺸﯩﻠﻪﺭﮔﻪ ﺋﯧﻠﯩﭗ ﻛﻪﻟﮕﯩﻨﻰ ﺗﯧﺨﯩﻤﯘ ﺋﻮﯕﺎﻱ ﯞﻩ ﻗﻮﻻﻱ ﺗﯘﺭﻣﯘﺵ ﺷﺎﺭﺍﺋﯩﺘﻰ ﺑﻮﻟﺴﯩﻤﯘ ﺑﯘﻧﯩﯖﻐﺎ ﻣﺎﺳﻠﯩﺸﯩﺶ ﺋﯜﭼﯜﻥ ﻧﯘﺭﻏﯘﻥ ﯞﺍﻗﯩﺖ ﯞﻩ ﻛﯜﭺ ﺳﻪﺭﯨﭗ ﻗﯩﻠﯩﺪﯨﻐﺎﻥ ﺑﻮﻟﯘﭖ ﻗﺎﻟﺪﻯ. ﺗﻪﺭﻩﻗﯩﻴﺎﺗﻨﯩﯔ ﻧﻪﺗﯩﺠﯩﺴﻰ ﻫﻪﻣﻤﻪ ﺋﺎﺩﻩﻣﻨﻰ ﺗﯘﺭﻣﯘﺵ ﻛﻪﭼﯜﺭﯨﺸﻨﯩﯔ ﺋﺎﺩﺩﯨﻲ ﺷﺎﺭﺍﺋﯩﺘﻠﯩﺮﻏﺎ ﻛﯚﻧﯜﺵ ﻫﻪﻗﻘﯩﺪﯨﻞ ﺍﭘﯩﻜﯩﺮ ﻳﯜﺭﮔﯜﺯﯛﺷﻜﻪ ﺋﯜﻧﺪﻩﭖ ﻫﻪﻣﻤﻪ ﺋﺎﺩﻩﻣﻨﻰ ﺑﯩﺮ ﺧﯩﻞ ﻗﯧﻠﯩﭙﺘﯩﻜﻰ ﺋﺎﺩﺩﯨﻲ ﺋﺎﺩﻩﻣﮕﻪ ﺋﺎﺩﻩﺗﺘﯩﻜﻰ ، ﺯﺍﻣﺎﻧﻐﺎ ﻣﺎﺳﻼﺷﻘﺎﻥ ﻳﺎﺷﺎﺵ ﺋﯧﻘﺘﯩﺪﺍﺭﯨﻐﺎ ﺋﯩﮕﻪ ﺋﺎﺩﻩﻡ ﻗﯩﻠﯩﺸﻘﺎ ﻣﻪﺟﺒﯘﺭﻻﯞﺍﺗﻘﺎﻥ ﺑﻮﻟﺴﯩﻤﯘ، ﻫﻪﺭﮔﯩﺰﻣﯘ ﺋﯘﻟﯘﻗﻼﺭ ﺑﯩﻠﻪﻥ ﺋﺎﺩﻩﺗﺘﯩﻜﯩﻠﻪﺭ ﺋﻮﺗﺘﯘﺭﺳﯩﺪﯨﻜﻰ ﭘﻪﺭﻕ ﻳﻪﻧﯩﻼ ﻳﻮﻗﺎﭖ ﻛﻪﺗﻜﯩﻨﻰ ﻳﻮﻕ ، ﺋﻪﻟﺒﻪﺗﺘﻪ ﺩﯗﻧﻴﺎﯞﻯ ﺋﺎﻟﯩﻤﻼﺭ ، ﻛﻪﺷﭙﯩﻴﺎﺗﭽﯩﻼﺭ ﭘﻪﻳﻼﺳﻮﭘﻼﺭ، ﺋﻪﺩﯨﭙﻠﻪﺭ ﺳﻪﻧﺌﻪﺗﻜﺎﺭﻻﺭﻣﯘ ﺩﯗﻧﻴﺎ ﺗﺎﺭﯨﺨﯩﺪﺍ ﺳﺎﻧﺎﻗﻠﯩﻘﻠﯩﻘﯘ؟ ﻣﺎﺷﯩﻨﯩﻼﺷﻘﺎﻥ ﺩﯗﻧﻴﺎ ﺗﯧﺨﯩﻤﯘ ﺋﯘﻟﯘﻕ ﻣﯘﺗﻪﭘﭙﻪﻛﯜﺭﻟﻪﺭﮔﻪ ﺋﯧﻬﺘﯩﻴﺎﺟﻠﯩﻖ ﺑﻮﻟﻤﺎﻳﺪﯗ ﺩﻩﭖ ﻛﯩﻢ ﺋﯧﻴﺘﺎﻻﻳﺪﯗ؟



ﺳﺎﺗﻘﯘﻥ


ﺳﺎﺗﻘﯘﻥ ﻳﺎﻛﻰ ﺧﺎﺋﯩﻨﻠﯩﻖ ﺑﯩﺮ ﺧﯩﻞ ﺭﻭﻫﯩﻴﻪﺕ ﻫﻪﻡ ﭘﯩﺴﺨﯩﻜﺎ ﻣﻪﺳﯩﻠﯩﺴﺪﯗﺭ . ﺗﻮﻳﻤﯩﻐﯘﺭﻟﯘﻕ ﯞﻩ ﺋﯩﭽﻰ ﺗﺎﺭﻟﯩﻖ ﺧﺎﺋﯩﻨﻼﺭﻧﯩﯔ ، ﭘﺎﺳﯩﻘﻼﺭﻧﯩﯔ ﭘﻪﻳﺪﺍ ﺑﻮﻟﯩﺸﯩﺪﯨﻜﻰ ﺑﯩﺮ ﻣﻪﻧﺒﻪ. ﺗﻮﻳﻤﯩﻐﯘﺭﻻﺭﻧﯩﯔ ﻛﯚﺯﻯ ﺗﻮﻳﺴﯩﻤﯘ ﺭﻭﻫﻰ ﻣﻪﯕﮕﯜ ﺗﻮﻳﻤﺎﻳﺪﯗ. ﺷﯘﯕﺎ ﺋﯘﻻﺭ ﯞﺍﻗﺘﻰ ﻛﻪﻟﮕﻪﻧﺪﻩ ﻧﺎﻡ – ﻣﻪﻧﭙﻪﺕ، ﻣﺎﻝ ﺩﯗﻧﻴﺎ ﯞﻩ ﺋﺎﺯﻏﯩﻨﺎ ﻧﻪﭖ ﺋﯜﭼﯜﻥ ﻫﻪﻣﻤﯩﻨﻰ ﺳﯧﺘﯩﯟﯦﺘﯩﺪﯗ. ﺋﯩﭽﻰ ﺗﺎﺭﻻﺭﻣﯘ ﺷﯘﻧﯩﯖﻐﺎ ﺋﻮﺧﺸﺎﻳﺪﯗ. ﺋﯘﻻﺭ ﺋﻪﺗﯩﺮﺍﭘﯩﺪﯨﻜﯩﻠﻪﺭ ﻛﯚﺭﻩﻟﻤﻪﻳﺪﯗ. ﺩﺍﺋﯩﻢ ﺑﺎﺷﻘﯩﻼﺭﻏﺎ ﺯﯨﻴﺎﻧﻜﻪﺷﻠﯩﻚ ﻗﯩﻠﯩﺸﻨﻰ ﺋﻮﻳﻼﭖ ﺗﯘﺭﺍﻟﻤﺎﻳﺪﯗ. ﺋﯘﻻﺭ ﻫﻪﺩﺩﯨﻦ ﺯﯨﻴﺎﺩﻩ ﺷﻪﺧﺴﯩﻴﻪﺗﭽﻰ ﺑﻮﻟﻐﯩﻨﻰ ﺋﯜﭼﯜﻥ ﺋﯩﺪﯨﻴﯩﺴﯩﺪﻩ ﺋﯚﺯﯨﺪﯨﻦ ﺑﺎﺷﻘﺎ ﻫﯧﭻ ﻛﯩﻢ ﺑﻮﻟﻤﺎﻳﺪﯗ . ﻫﻪﺭﻗﺎﻧﺪﺍﻕ ﺋﯩﺶ ﻗﯩﻠﻐﺎﻧﺪﺍ ﺋﯚﺯﯨﻨﯩﯔ ﻣﻪﻧﭙﻪﺋﻪﺗﯩﻨﻰ ﭼﯩﻘﯩﺶ ﻗﯩﻠﯩﭗ ﺑﺎﺷﻘﯩﻼﺭﻧﯩﯔ ﻫﺎﻳﺎﺕ- ﻣﺎﻣﺎﺗﻰ ﺑﯩﻠﻪﻥ ﻛﺎﺭﻯ ﺑﻮﻟﻤﺎﻳﺪﯗ. ﺋﻪﻟﺒﻪﺗﺘﻪ ﺑﯘﻧﺪﺍﻕ ﻛﯩﺸﯩﻠﻪﺭ ﭘﯘﺭﺳﻪﺕ ﻛﻪﻟﻤﯩﮕﻪﻧﺪﻩ ﺋﺎﺩﻩﺗﺘﯩﻜﻰ ﺋﯘﺷﺸﺎﻕ ﻫﻪﺭﯨﻜﻪﺗﻠﻪﺭ ﺑﯩﻠﻪﻥ ﭼﻪﻛﻠﯩﻨﯩﭗ ﻗﺎﻟﯩﺪﯗ. ﻫﻪﻡ ﺧﻪﻟﻘﭙﻪﺭﯞﻩﺭ ﯞﻩ ﻣﯩﻠﻠﻪﺗﭙﻪﺭﯞﻩﺭ ﻗﯩﻴﺎﭘﻪﺗﻜﻪ ﻛﯩﺮﯨﯟﺍﻟﯩﺪﯗ. ﺋﻪﻣﻤﺎ ﺋﯘﻻﺭ ﺷﯘﻧﺪﺍﻕ ﺑﯩﺮ ﭘﯘﺭﺳﻪﺕ ﻛﻪﻟﺪﯨﻤﯘ، ﺋﺎﻧﺪﯨﻦ ﺋﯚﺯ ﻛﺎﺭﺍﻣﯩﺘﻨﻰ ﻧﺎﻣﺎﻳﻪﻥ ﻗﯩﻠﯩﺪﯗ. ﺷﯘﯕﺎ ﻣﯘﻧﺪﺍﻕ ﻛﯩﺸﯩﻠﻪﺭﺩﯨﻦ ﺋﯧﻬﺘﯩﻴﺎﺕ ﻗﯩﻠﻐﺎﻳﺴﻪﻥ. ﭼﯜﻧﻜﻰ ﺩﯛﺷﻤﯩﻨﯩﯔ ﺩﻩﻝ ﻣﯘﺷﯘﻧﺪﺍﻕ ﻛﯩﺸﯩﻠﻪﺭﺩﯨﻦ ﭘﺎﻳﺪﯨﻠﯩﻨﯩﭗ ﺳﯧﻨﻰ ﺋﻮﯕﺪﺍ ﻗﻮﻳﯩﺪﯗ. ﺗﯘﻳﻤﯩﻐﯘﺭ ﯞﻩ ﺋﯩﭽﻰ ﺗﺎﺭ ﻛﯩﺸﯩﻠﻪﺭ ﺋﻪﺗﯩﺮﺍﭘﺘﯩﻜﯩﻠﻪﺭﻧﯩﻼ ﺋﻪﻣﻪﺱ ﺋﯚﺯ ﺧﻪﻟﻘﯩﻨﯩﻤﯘ ﺳﺎﺗﯩﺪﯗ. ﭼﯜﻧﻜﻰ ﺋﯘﻧﯩﯔ ﻧﻪﺯﯨﺮﯨﺪﻩ ﺋﻪﺯﻩﻟﺪﯨﻦ ﺋﯚﺯﯨﻼ ﺑﻮﻟﻐﺎﻥ .


ﻣﯘﻫﻪﺑﺒﻪﺕ ﯞﻩ ﻧﻪﭘﺮﻩﺕ


ﻣﯘﻫﻪﺑﺒﻪﺕ ﺋﺎﺩﻩﻣﻨﻰ ﺑﯩﺮﻟﻪﺷﺘﯜﺭﯨﺪﯗ. ﺋﻪﻣﻤﺎ ﭼﻪﻛﺘﯩﻦ ﺋﺎﺷﻘﺎﻥ ﻣﯘﻫﻪﺑﺒﻪﺕ ﺋﺎﺩﻩﻣﻨﻰ ﺑﯩﺨﯘﺗﻼﺷﺘﯘﺭﯨﺪﯗ.
ﻗﻪﻟﺒﯩﻤﻨﻰ ﻣﯘﻫﻪﺑﺒﻪﺕ ﺋﯩﮕﯩﻠﻪﭖ ﻛﻪﺗﻜﻪﻥ ﺋﯩﻜﻪﻥ. ﻫﻪﻣﻤﻪ ﺋﺎﺩﻩﻣﻨﻰ ﺳﯜﻳﻪﺗﺘﯩﻢ. ﻫﻪﻣﻤﻪ ﻧﻪﺭﺳﯩﮕﻪ ﻣﯘﻫﻪﺑﺒﻪﺕ ﺑﯩﻠﻪﻥ ﻣﯘﺋﺎﻣﯩﻠﻪ ﻗﯩﻼﺗﺘﯩﻢ. ﻫﻪﻡ ﻫﻪﻣﻤﻪ ﺋﺎﺩﻩﻣﻨﻰ ﻣﺎﯕﺎ ﺷﯘﻧﺪﺍﻕ ﻣﯘﺋﺎﻣﯩﻼ ﻗﯩﻠﯩﺪﯗ ﺩﻩﭖ ﺋﻮﻳﻼﻳﺘﯩﻢ . ﭼﯜﻧﻜﻰ ﺩﯗﻧﻴﺎﺩﺍ ﻫﯧﭽﻘﺎﻧﺪﺍﻕ ﺭﻩﺯﯨﻠﻠﯩﻚ ﺑﻮﻟﻤﺎﻳﺪﯗ. ﻫﻪﺭﻗﺎﻧﭽﻪ ﺭﻩﺯﯨﻠﯩﻜﻨﯩﻤﯘ ﻣﯘﻫﻪﺑﺒﻪﺕ ﺋﺎﺭﻗﯩﻠﯩﻖ ﺋﯘﻧﻰ ﺋﯩﻠﻠﯩﺘﻘﯩﻠﻰ ﺑﻮﻟﯩﺪﯗ ﺩﻩﭖ ﺳﺎﻧﺎﻳﺘﺘﯩﻢ . ﻣﺎﯕﺎ ﺋﺎﺗﺎ – ﺑﻮﯞﯨﻠﯩﺮﯨﻢ ﺷﯘﻧﺪﺍﻕ ﺋﯚﮔﻪﺗﻜﻪﻥ ﺋﯩﺪﻯ . ﺋﻪﻣﻤﺎ ﻣﯧﻨﯩﯔ ﺗﻪﻏﺪﯨﺮﯨﻢ ﻣﻪﻥ ﺋﻮﻳﻠﯩﻐﺎﻧﺪﻩﻙ ﺋﯘﻧﺪﺍﻕ ﮔﯜﺯﻩﻝ ﺑﻮﻟﯘﭖ ﻛﻪﺗﻤﯩﺪﻯ. ﻣﻪﻥ ﻛﻪﻳﻨﻰ- ﻛﻪﻳﻨﯩﺪﯨﻦ ﻣﻪﻏﻠﯘﭖ ﺑﻮﻟﺪﯗﻡ. ﺋﻪﯓ ﻫﺎﻟﻘﯩﻠﯩﻖ ﭘﻪﻳﯩﺘﻠﻪﺭﺩﻩ ﻣﻪﻥ ﺳﯚﻳﮕﻪﻥ، ﻣﻪﻥ ﻣﯘﻫﻪﺑﺒﻪﺕ ﺑﺎﻏﻠﯩﻐﺎﻥ ﺷﯘ ﺋﺎﺩﻩﻣﻠﻪﺭ ﻣﯧﻨﻰ ﺋﻮﺭﯨﻐﺎ ﺋﯩﺘﺘﻪﺭﺩﻯ . ﻣﻪﻥ ﺋﺎﻏﺮﯨﻨﺪﯨﻢ. ﺋﯘﻻﺭﻏﺎ ﻣﯘﻫﻪﺑﺒﻪﺕ ﻗﻮﻳﻐﺎﻥ ﺋﯩﺪﯨﻤﻐﯘ؟ ﻧﯧﻤﯩﺸﻘﺎ ﻣﺎﯕﺎ ﺧﺎﺋﯩﻨﻠﯩﻖ ﻗﯩﻠﯩﺪﯗ؟ ﻧﯧﻤﯩﺸﻘﺎ ﻣﯧﻨﻰ ﻫﺎﻻﻙ ﻗﯩﻠﯩﺪﯗ؟ ﺑﯩﺮ ﭼﺎﻏﻼﺭﺩﺍ ﻣﻪﻥ ﻫﻪﻣﻤﻪ ﻧﯧﻤﻪﻣﺪﯨﻦ ﻣﺎﻝ ﺩﯗﻧﻴﺎ ﯞﻩ ﻗﯧﺮﯨﻨﺪﺍﺷﻠﯩﺮﻣﺪﯨﻦ ﯞﺍﺯ ﻛﯧﭽﯩﭗ ﻗﯘﺗﻘﯘﺯﯗﭖ ﻗﺎﻟﻐﺎﻥ ﻗﺎﺗﯩﻞ ﺑﻮﻳﻨﯩﻤﻐﺎ ﻗﯧﻠﯩﭻ ﺩﻩﻣﻠﻪﭖ ﺗﯘﺭﻏﺎﻥ ﺷﯘ ﭘﻪﻳﺘﻠﻪﺭﺩﻩ ﺋﯘﻧﯩﯖﺪﯨﻦ ﻧﯧﻤﻪ ﺋﯜﭼﯜﻥ ﺷﯘﻧﺪﺍﻕ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺳﻮﺭﯨﺪﯨﻢ .
‹‹ﻛﻪﭼﯜﺭﮔﯩﻦ ﺑﯘ ﺗﻪﺑﯩﺌﻪﺗﻨﯩﯔ ﻗﺎﻧﯘﻧﻰ . ﻣﻪﻥ ﺳﻪﻧﺪﯨﻦ ﻣﯘﻫﻪﺑﺒﻪﺕ ﺗﻪﻟﻪﭖ ﻗﯩﻠﻤﯩﻐﺎﻧﺘﯩﻢ . ﺳﻪﻥ ﺋﯚﺯﻟﯩﻜﯩﯖﺪﯨﻦ ﺑﻪﺭﺩﯨﯔ. ﺋﻪﻣﺪﻯ ﻣﯩﻨﻪﻧﻨﻪﺕ ﻗﯩﻠﯩﺸﯩﯔ ﻛﯧﺮﻩﻛﻤﯘ؟ ﺑﯘ ﺩﯗﻧﻴﺎﺩﺍ ﻳﺎﻛﻰ ﺳﻪﻥ ﻳﺎﻛﻰ ﻣﻪﻥ ﻳﺎﺷﺎﻳﺪﯨﻐﺎﻥ ﺑﻮﻟﯘﭖ ﻗﺎﻟﺪﯨﻢ . ﺳﻪﻥ ﺋﺎﺟﯩﺰ ﻛﯧﻠﯩﭗ ﻗﻮﻟﯘﻣﻐﺎ ﭼﯜﺷﯜﭖ ﻗﺎﻟﻐﺎﻧﻜﻪﻧﺴﻪﻥ ﺋﯚﻟﺘﯜﺭﻣﻪﻱ ﻧﯧﻤﻪ ﺋﺎﻣﺎﻟﯩﻢ ››
ﻣﻪﻥ ﺷﯘﻧﺪﯨﻼ ﭼﯜﺷﻪﻧﺪﯨﻢ . ﺋﻪﺳﻠﻰ ﻣﯧﻨﻰ ﺋﯚﻟﺘﯜﺭﻣﻪﻛﭽﻰ ﺑﻮﻟﻐﯩﻨﻰ ﻗﺎﺗﯩﻞ ﺋﻪﻣﻪﺱ ﺑﻪﻟﻜﻰ ﺋﯚﺯﻩﻡ ﺋﯩﻜﻪﻧﻤﻪﻥ. ﻣﻪﻥ ﺋﯚﺯﻩﻣﻨﯩﯔ ﭼﯧﻜﻰ ﻳﻮﻕ ﻣﯘﻫﻪﺑﺒﻪﺗﻠﯩﺮﻯ ﺗﻪﺭﯨﭙﯩﺪﯨﻦ ﺋﯚﺯﻩﻣﻨﯩﯔ ﺋﻮﺭﯨﺴﯩﻨﻰ ﻛﻮﻻﭖ ﻣﯧﯖﯩﭙﺘﯩﻤﻪﻥ . ﻣﯘﻫﻪﺑﺒﻪﺕ ﻣﯧﻨﯩﯔ ﻛﯚﺯﯛﻣﻨﻰ ﻛﯚﺭ ﻗﯩﻠﯩﭙﺘﯘ. ﻣﻪﻥ ﻣﯘﻫﻪﺑﺒﻪﺗﻨﯩﯔ ﺑﯩﺮ ﺗﻪﺭﯨﭙﯩﻨﯩﻼ ﻛﯚﺭﻩﻟﻪﭘﺘﯩﻤﻪﻥ ﺋﻪﻣﻪﺳﻤﯘ؟
ﻣﻪﻥ ﺑﯘﻧﻰ ﺋﺎﻳﺮﯨﻼﻟﻤﺎﭘﺘﯩﻤﻪﻥ ﺯﻩﺯﯨﻠﻠﻪﺭﻧﯩﻤﯘ ﺋﻮﺧﺸﺎﺷﻼ ﻣﯘﻫﻪﺑﺒﻪﺕ ﺑﯩﻠﻪﻥ ﺳﯚﻳﯜﭘﺘﯩﻤﻪﻥ . ﺋﻪﻛﯩﺴﯩﻨﭽﻪ ﻣﻪﻥ ﻣﻪﻧﺪﯨﻦ ﻣﯘﻫﻪﺑﺒﻪﺕ ﺗﻪﻟﻪﭖ ﻗﯩﻠﯩﯟﺍﺗﻘﺎﻥ ﻗﯧﺮﯨﻨﺪﺍﺷﻠﯩﺮﻣﻐﺎ ﻣﯘﻫﻪﺑﺒﻪﺗﻨﻰ ﻧﺎﻫﺎﻳﯩﺘﻰ ﺋﺎﺯ ﺑﯧﺮﯨﭗ ﻣﯧﻨﯩﯔ ﺋﻮﺭﺍﻣﻨﻰ ﻛﯚﻻﯞﺍﺗﻘﺎﻥ ﺩﯛﺷﻤﻪﻧﻠﯩﺮﯨﻤﮕﻪ ﻛﯚﺭﻩﻙ ﺑﯧﺮﯨﭙﺘﯩﻤﻪﻥ . ﻗﯧﺮﯨﻨﺪﺍﺷﻠﯩﺮﯨﻢ ﺋﺎﺟﯩﺰﻻﭘﺘﯘ . ﺩﯛﺷﻤﻪﻧﻠﯩﺮﯨﻢ ﻛﯜﭼﯜﻳﯜﭘﺘﯘ. ﺋﻪﺳﻠﯩﺪﻩ ﻣﻪﻥ ﻛﯩﻤﮕﻪ؟ ﻧﯧﻤﯩﮕﻪ؟ ﻧﯧﻤﻪ ﺋﯜﭼﯜﻥ؟ ﻧﯧﻤﻪ ﻣﻪﻗﺴﻪﺕ ﺑﯩﻠﻪﻧﻤﯘ ﻣﯘﻫﻪﺑﺒﻪﺕ ﻗﻮﻳﯩﻤﻪﻥ ﺩﯦﮕﻪﻥ ﺳﯘﺋﺎﻻﺭﻧﻰ ﺑﺎﻟﺪﯗﺭﺭﺍﻕ ﺑﯩﻠﻪﻟﯩﮕﻪﻥ ﺑﻮﻟﺴﺎﻡ ﺑﻪﻟﻜﯩﻢ ﺑﯘ ﺗﯩﺮﺍﺩﯨﮕﯩﻴﯩﻠﯩﺮﯨﻢ ﻳﯜﺯ ﺑﻪﺭﻣﻪﺱ ﺋﯩﻜﻪﻥ .
. ﻧﻪﭘﺮﻩﺕ ﺋﺎﺩﻩﻣﮕﻪ ﻛﯜﭺ ﯞﻩ ﻏﯘﺭﯗﺭ ﺑﯧﻐﯩﺸﻼﻳﺪﯗ. ﺋﻪﻣﻤﺎ ﭼﻪﻛﺘﯩﻦ ﺋﺎﺷﻘﺎﻥ ﻧﻪﭘﺮﻩﺕ ﺋﺎﺩﻩﻣﻨﻰ ﺭﻩﺯﯨﻠﯩﻜﻜﻪﺋﺎﭘﯩﺮﯨﺪﯗ.
ﻗﻪﻟﺒﯩﻤﻨﻰ ﻧﻪﭘﺮﻩﺕ ﺋﯩﮕﯩﻠﻪﭖ ﻛﻪﺗﻜﻪﻥ ﺋﯩﻜﻪﻥ . ﻫﻪﻣﻤﻪ ﻧﻪﺭﺳﯩﮕﻪ ﻧﻪﭘﺮﻩﺕ ﺑﯩﻠﻪﻥ ﻗﺎﺭﺍﻳﺘﯩﻢ . ﺋﻪﺗﺮﺍﭘﯩﻤﺪﯨﻜﻰ ﻗﯧﺮﯨﻨﺪﺍﺷﻠﺮﯨﻤﺪﯨﻦ ﻳﯩﺮﮔﯩﻨﻪﺗﺘﯩﻢ . ﺋﯘﻻﺭﻧﻰ ﺋﯚﭺ ﻛﯚﺭﻩﺗﺘﯩﻢ ، ﻛﯚﺯﮔﻪ ﺋﯩﻠﻤﺎﻳﺘﺘﯩﻢ . ﻫﻪﻡ ﺋﯘﻻﺭﺩﯨﻦ ﻗﻮﺭﻗﺎﺗﺘﯩﻢ. ﺋﯘﻻﺭ ﻣﯧﻨﯩﯔ ﺑﺎﻳﻠﯩﻘﯩﻤﻨﻰ، ﺋﻮﺭﻧﯩﻤﻨﻰ ﻫﻪﻡ ﻣﻪﻥ ﺑﯩﻠﻤﻪﻳﺪﯨﻐﺎﻥ ﺑﺎﺷﻘﺎ ﻧﻪﺭﺳﯩﻠﯩﺮﯨﻤﻨﻰ ﺗﺎﺭﺗﯩﯟﺍﻟﯩﺪﯨﻐﺎﻧﺪﻩﻙ ﺑﯩﺮ ﺧﯩﻞ ﺩﻩﻛﻜﻪ - ﺩﯛﻛﻜﻪ ﺋﯩﭽﯩﺪﻩ ﺋﯚﺗﻪﺗﺘﯩﻢ . ﺷﯘﯕﺎ ﺋﯘﻻﺭﻏﺎ ﺋﯩﺸﻪﻧﻤﻪﻳﺘﺘﯩﻢ . ﺷﯘﯕﺎ ﭘﯘﺭﺳﻪﺕ ﺑﻮﻟﺴﯩﻼ ﺋﯘﻻﺭﻧﯩﯔ ﺩﻩﻛﻜﯩﺴﯩﻨﻰ ﺑﯧﺮﻩﺗﺘﯩﻢ . ﺋﻮﺭﯨﻐﺎ ﺋﯩﺘﺘﯩﺮﯨﺸﻜﻪ ﺗﻪﻳﻴﺎ ﺭ ﺗﯘﺭﺍﺗﺘﯩﻢ . ﻣﻪﻧﺪﯨﻦ ﺗﯚﯞﻩﻥ ﺗﯘﺭﯨﺪﯨﻐﺎﻧﻼﺭﻏﺎ ﻗﻮﻝ ﺋﺎﺳﺘﯩﺪﯨﻜﯩﻠﯩﺮﯨﻤﮕﻪ ﺭﻩﻫﯩﻤﺴﯩﺰﻻﺭﭼﻪ، ﺷﯘﻣﻼﺭﭼﻪ ، ﻫﯧﻠﯩﮕﻪﺭﻟﻪﺭﭼﻪ ، ﻣﯘﺋﺎﻣﯩﻠﻪ ﻗﯩﻼﺗﺘﯩﻢ . ﺋﯘﻻﺭﻧﻰ ﺋﻪﺭﻛﯩﻨﻠﯩﻜﺘﯩﻦ ﺑﻪﻫﺮﯨﻤﺎﻥ ﻗﯩﻠﻐﯘﺯﻣﺎﻳﺘﯩﻢ. ﺋﯘﻻﺭﻧﯩﯔ ﭘﯩﻜﺮﯨﻨﻰ ﺗﻪﭘﭙﻪﻛﯜﺭﯨﻨﻰ ﺑﯘﻏﺎﺗﺘﯩﻢ . ﻗﯧﺮﯨﻨﺪﺍﺷﻠﯩﺮﯨﻤﻨﯩﯔ، ﻳﯧﻘﯩﻨﻠﯩﺮﯨﻤﻨﯩﯔ ﺋﺎﺟﯩﺰﻟﯩﻘﯩﻨﻰ، ﺑﯩﭽﺎﺭﻩ ﻫﺎﻟﯩﺘﯩﻨﻰ ﻛﯚﺭﺳﻪﻡ ﻳﺎﻳﺮﺍﭖ ﻛﯧﺘﻪﺗﺘﯩﻢ . ﺷﯘﻧﺪﺍﻕ ﻗﯩﻠﯩﭙﻤﻪﻥ ﺋﺎﺭﺯﯗ ﺋﺎﺭﻣﯩﻨﯩﻤﻐﺎ ﻳﻪﺗﺘﯩﻢ . ﺋﻪﻣﻤﺎ ﻣﻪﻥ ﺑﺎﺭﻏﺎﻧﺴﯩﯧﺮﻯ ﻳﺎﻟﻐﯘﺯ ﻗﺎﭘﺘﯩﻤﻪﻥ. ﺋﻪﺗﺮﺍﭘﯩﻤﻨﻰ ﭘﻪﺱ، ﺧﯘﺷﺎﻣﻪﺗﻜﯜﻳﻼﺭ ﻗﺎﭘﻼﭘﺘﯘ. ﻗﺎﻟﻐﺎﻧﻼﺭ ﻣﯧﻨﯩﯔ ﺩﻩﺳﺘﯩﻤﺪﯨﻦ ﺧﺎﻧﻰ ﯞﻩﻳﺮﺍﻥ ﺑﻮﻟﯘﭘﺘﯘ. ﻗﯧﻠﯩﭻ ﺑﻮﻳﻨﯘﻣﻐﺎ ﻛﻪﻟﮕﻪﻧﺪﻩ ﺗﯩﻜﻪﻧﺪﻩﻙ ﻳﺎﻟﻐﯘﺯ ﻗﺎﻟﻐﺎﻥ ﺋﯩﺪﯨﻢ.
ﺋﻪﺳﻠﻰ ﺑﯩﻠﺴﻪﻡ ﻧﻪﭘﺮﻩﺗﻨﯩﯔ ﺑﯩﺮ ﺗﻪﺭﯨﭙﯩﻨﻰ ﻛﯚﺭﻩﻟﻪﭘﺘﯩﻤﻪﻥ ﺋﻪﻣﻪﺳﻤﯘ؟
ﻣﯘﻫﻪﺑﺒﻪﺗﺴﯩﺰ ﻛﯩﺸﯩﺪﻩ ﻧﻪﭘﺮﻩﺗﻤﯘ ﺑﻮﻟﻤﺎﻳﺪﯗ. ﻧﻪﭘﺮﻩﺗﺴﯩﺰ ﻛﯩﺸﯩﺪﻩ ﻣﯘﻫﻪﺑﺒﻪﺗﻤﯘ ﺑﻮﻟﻤﺎﻳﺪﯗ. ﺩﯗﻧﻴﺎ ﻣﯘﻫﻪﺑﺒﻪﺕ ﺑﯩﻠﻪﻥ ﻧﻪﭘﺮﻩﺕ ﺋﻮﺗﺘﯘﺭﺳﯩﺪﺍ ﭼﺎﻳﻘﯩﻠﯩﭗ ﺗﯘﺭﯨﺪﯗ. ﺳﻪﻥ ﺑﯩﺮﺳﯩﻨﻰ ﻫﻪﻗﯩﻘﯩﻲ ﺳﯚﻳﻤﯩﺴﻪﯓ ، ﺋﯘﻧﯩﯖﻐﺎ ﺩﯛﺷﻤﯩﻨﯩﮕﻪ ﻗﺎﻧﺪﺍﻗﻤﯘ ﻧﻪﭘﺮﻭﺕ ﻳﺎﻏﺪﯗﺭﺍﻻﻳﺴﻪﻥ. ﺳﻪﻥ ﺋﻪﮔﻪﺭ ﺳﻪﻥ ﻫﻪﻗﻘﯩﻲ ﻧﻪﭘﺮﻩﺗﻠﯩﻨﻪﻟﻤﯩﺴﻪﯓ ، ﺋﯘﻧﻰ ﻗﺎﻧﺪﺍﻗﻤﯘ ﻫﻪﻗﻘﯩﻲ ﺳﯚﻳﮕﻪﻥ ﺑﻮﻟﯩﺴﻪﻥ؟ ﺋﺎﺩﻩﻣﺪﻩ ﭼﯘﻗﯘﻡ ﻣﯘﻫﻪﺑﺒﻪﺗﻤﯘ ﻧﻪﭘﺮﻩﺗﻤﯘ ﺑﻮﻟﯩﺸﻰ ﻛﯧﺮﻩﻙ . ﺋﻪﻣﻤﺎ ﻣﯘﻫﻪﺑﺒﻪﺗﻤﯘ ﻧﻪﭘﺮﻩﺗﻤﯘ ﻗﺎﺭﻏﯘﻻﺭﭼﻪ ﺑﻮﻟﻤﺎﺳﺘﯩﻦ ﺑﻪﻟﻜﻰ ﻧﯧﻤﯩﮕﻪ؟ ﻧﯧﻤﯩﺸﻘﺎ؟ ﻣﯘﻫﻪﺑﺒﻪﺕ ﻗﯘﻳﯘﺷﻨﻰ ﻫﻪﻡ ﻧﻪﭘﺮﻩﺗﻠﯩﻨﯩﺸﻨﻰ ﭼﯘﻗﯘﻡ ﺑﯩﻠﯩﺶ ﻛﯧﺮﻩﻙ . ﻣﯘﻫﻪﺑﺒﻪﺕ ﻧﻪﭘﺮﯨﺘﻰ ﺋﯧﻨﯩﻖ ﺑﻮﻟﻤﯩﻐﺎﻥ ﺋﺎﺩﻩﻣﺪﯨﻦ ﻫﻪﺯﻩﺭ ﺋﻪﻳﻠﯩﮕﻪﻳﺴﻪﻥ .

ﺑﯩﺰﻧﯩﯔ ﺗﯘﺭﻣﯘﺷﯩﻤﯩﺰ


ﺑﯩﺰ ﻳﺎﻛﻰ ﻛﻪﺳﯩﭙﻠﻪﺷﻤﯩﮕﻪﻥ، ﻳﻪ ﺳﯩﻴﺎﺳﯩﻴﻼﺷﻤﯩﻐﺎﻥ، ﻳﺎﻛﻰ ﺩﯗﻧﻴﺎﯞﯦﻴﻼﺷﻤﯩﻐﺎﻥ ﻳﺎﻛﻰ ﺗﯘﻟﯘﻕ ﻣﯩﻠﻠﻴﻼﺷﻤﯩﻐﺎﻥ ﺋﯩﻨﺘﺎﻳﯩﻦ ﺋﺎﺩﺩﯨﻲ ﺗﯘﺭﻣﯘﺵ ﭼﯜﺷﻪﻧﭽﯩﻠﯩﺮﻧﯩﯔ ﻗﺎﻣﺎﻟﻰ ﺋﯩﭽﯩﺪﻩ ﻳﺎﺷﺎﻳﻤﯩﺰ. ﭘﻪﻗﻪﺕ ﺋﻪﺭ- ﺋﺎﻳﺎﻟﻠﯩﻖ ﻣﯘﻧﺎﺳﯩﯟﻩﺗﺘﯩﻜﻰ ﻗﯧﻴﯩﺪﺍﺷﻼﺭ، ﺋﯘﺭﯗﺵ- ﺗﺎﻻﺷﻼﺭ، ﺋﯘﺭﯗﻕ - ﺗﯘﻗﻘﺎﻧﭽﯩﻠﯩﻖ ﻣﯘﻧﺎﺳﯧﯟﯦﺘﯩﺪﯨﻜﻰ ﺗﯩﻠﻐﺎ ﺋﺎﻟﻐﯘﭼﯩﻠﯩﻘﻰ ﻳﻮﻕ ﺳﺎﻧﺴﯩﺰﻟﯩﻐﺎﻥ ﺋﯘﺷﺸﺎﻕ ﺋﯩﺸﻼﺭ ﺑﯩﺰﻧﻰ ﻗﺎﻣﺎﻝ ﻗﯩﯩﯟﺍﻟﯩﺪﯗ. ﺑﯩﺰﻧﻰ ﻳﻪﭖ ﻛﯧﺘﯩﺪﯗ. ﺑﯩﺰﻧﯩﯔ ﺋﻪﻗﻠﻤﯩﺰﻧﻰ، ﺭﻭﻫﯩﻲ ﺩﯗﻧﻴﺎﺭﯨﻤﯩﺰﻧﻰ ﻳﻪﭖ ﻛﯧﺘﯩﺪﯗ. ﺗﻪﺑﯩﺌﻪﺕ ﻳﺎﻛﻰ ﺧﯘﺩﺍ ﺋﺎﺗﺎ ﻗﯩﻠﻐﺎﻥ ﺋﻪﻗﻠﯩﻤﯩﺰﻧﻰ ﻣﺎﻧﺎ ﻣﯘﺷﯘﻧﺪﺍﻕ ﺋﻪﺭﺯﯨﻤﻪﺱ ﺋﯩﺸﻼﺭﻏﺎ ﺳﻪﺭﭖ ﻗﯧﻠﯩﯟﯦﺘﯩﻤﯩﺰ. ﻫﻪﺗﺘﺎ ﺭﺍﺩﯨﺌﻮ – ﺗﯧﻠﯩﯟﯦﺰﯨﻴﻪ، ﻛﯩﻨﻮ، ﺋﯧﻼﻥ ﯞﻩ ﺋﯩﭙﯩﺰﻭﺗﻠﯩﺮﻣﯩﺰﺩﯨﻦ ﺗﺎﺭﺗﯩﭗ ﺑﯩﺰﻧﯩﯔ ﺭﻭﻫﯩﻤﯩﺰﻧﻰ ﺗﯘﺭﻣﯘﺵ ﺋﯘﺳﯘﻟﯩﻤﯩﺰﻧﻰ ﺋﻪﻛﺲ ﺋﻪﺗﺘﯜﺭﯛﭖ ﺑﯧﺮﯨﺪﯨﻐﺎﻥ ﺋﺎﻣﯩﻠﻼﺭﻧﯩﯔ ﻫﻪﻣﻤﯩﺴﻰ ﻣﺎﻧﺎ ﺷﯘﻧﺪﺍﻕ ﺑﯩﺮﻻ ﻧﻮﻗﺘﯩﺪﺍ ﭼﯚﮔﯩﻠﻪﻳﺪﯗ.
ﺑﯩﺰ ﺟﻪﻣﺌﻴﻪﺗﺘﯩﻦ، ﺳﯩﻴﺎﺳﯩﻴﺪﯨﻦ، ﺩﯗﻧﻴﺎﺩﯨﻦ ﻧﺎﻫﺎﻳﯩﺘﻰ ﻳﯩﺮﺍﻕ ﺟﺎﻳﺪﺍ ﻳﺎﺷﺎﻳﻤﯩﺰ. ﺩﯗﻧﻴﺎﺩﯨﻜﻰ ﺋﯚﺯﮔﯜﺭﯛﺷﻠﻪﺭﻧﯩﯔ ﺑﯩﺰ ﺑﯩﻠﻪﻥ ﻫﯧﭽﻘﺎﻧﺪﺍﻕ ﻣﯘﻧﺎﺳﯩﯟﯦﺘﻰ ﻳﻮﻗﺘﻪﻙ ﺗﻮﻳﯩﻠﯩﺪﯗ. ﺋﻪﻣﻤﺎ ﺷﯘﻧﻰ ﻫﯧﺲ ﻗﯩﻠﯩﭗ ﻳﻪﺗﻤﻪﻳﻤﯩﺰﻛﻰ ﺩﯗﻧﻴﺎﺩﯨﻜﻰ ﻫﻪﺭﺑﯩﺮ ﺋﯚﺯﮔﯜﺭﯛﺷﻠﻪﺭﻧﯩﯔ ﺑﯩﺰﻧﯩﯔ ﻣﻪﻧﭙﻪﺋﻪﺗﯩﻤﯩﺰ ﺑﯩﻠﻪﻥ ﺷﻪﻙ – ﺷﯚﻫﺒﯩﺴﯩﺰ ﻣﯘﻧﺎﺳﯩﯟﻩﺗﻠﯩﻚ ﺑﻮﻟﯩﺪﯗ، ﻫﯧﭻ ﺑﻮﻟﻤﯩﺴﺎ ﻗﯩﻠﭽﻪ ﭘﺎﻳﺪﯨﺴﻰ ﺑﻮﻟﻤﯩﻐﺎﻥ ﺗﻪﻏﺪﯨﺮﺩﯨﻤﯘ ﺋﯩﻨﺴﺎﻥ ﺑﻮﻟﻐﺎﻧﺪﯨﻜﯩﻦ ﭼﯘﻗﯘﻡ ﻫﻪﺭﺑﯩﺮ ﺋﯚﺯﮔﯜﺭﯛﺷﻠﻪﺭﮔﻪ ﺑﯩﻠﯩﺸﯩﻤﯩﺰ ﻫﻪﻡ ﺷﯘﻧﯩﯖﻐﺎ ﻧﯧﺴﺒﻪﺗﻪﻥ ﺋﯚﺯﯨﻤﯩﻨﯩﯔ ﻛﯚﺯ ﻗﺎﺭﯨﺸﯩﻤﯩﺰﻧﻰ ﺋﯩﭙﺎﺩﯨﻠﯩﺸﯩﻤﯩﺰ ﻛﯧﺮﻩﻙ . ﺳﯩﻴﺎﺳﯩﻲ ، ﺋﯩﻘﺴﺎﺩ ، ﻣﻪﺩﻩﻧﯩﻴﻪﺕ ﻣﺎﻧﺎ ﺑﯘ ﺋﯜﭼﻰ ﺩﯗﻧﻴﺎﻧﯩﯔ ﺋﯘﭺ ﺩﺍﯕﻘﺎﻥ ﭘﯘﺗﻰ . ﺋﯩﻨﺴﺎﻥ ﺩﯗﻧﻴﺎ ﻫﻪﻗﻘﯩﺪﻩ ﻗﺎﻧﭽﯩﻠﯩﻚ ﭘﯩﻜﯩﺮ ﻳﯜﺭﮔﯜﺯﻩﻟﯩﺴﻪ ﺷﯘﻧﭽﯩﻠﯩﻚ ﻧﻪﺭﺳﯩﮕﻪ ﺋﯧﺮﯨﺸﯩﺪﯗ ﻳﺎﻛﻰ ﺷﯘﻧﭽﯩﻠﯩﻚ ﻧﻪﺭﺳﯩﻨﻰ ﺋﯧﻠﯩﺸﻘﺎ ﻗﯘﺭﺑﻰ ﻳﯧﺘﯩﺪﯗ.


ﺩﺍﻏﺪﯗﻏﺎ


ﻣﻪﻥ ﺋﻪﯓ ﺩﺍﻏﺪﯗﻏﺎ ﺑﻮﻟﯩﯟﺍﺗﻘﺎﻥ ﺋﯩﺸﻼﺭﺩﯨﻦ ﮔﯜﻣﺎﻧﻠﯩﻨﯩﻤﻪﻥ ﭼﯜﻧﻜﻰ ﺳﺎﺧﺘﯩﻠﯩﻚ ، ﺯﻭﺭﺍﯞﺍﻧﻠﯩﻖ ﯞﻩ ﻣﻪﻏﻠﯘﺑﯩﻴﻪﺕ ﺩﻩﻝ ﺷﯘﻳﻪﺭﺩﯨﻦ ﺑﺎﺷﻠﯩﻨﯩﺪﯗ.
ﺋﯩﺰﺩﻩﺵ
ﺑﯩﺰ ﺗﺎﺭﯨﺨﺘﯩﻦ ﻏﯘﺭﯗﺭﯨﻤﯩﺰﻧﻰ، ﻛﻪﻟﮕﯜﺳﯩﺪﯨﻦ ﺋﯚﺯﯨﻤﯩﺰﻧﻰ ﺋﯩﺰﺩﯨﺸﯩﻤﯩﺰ ﻛﯧﺮﻩﻙ .


ﻣﻪﻏﻠﯘﺑﯩﻴﻪﺕ ﻣﻪﻏﻠﯘﺑﯩﻴﻪﺗﻨﯩﯔ ﺋﺎﻧﯩﺴﻰ


ﺑﯩﺰﻧﯩﯔ ﺗﺎﺭﯨﺨﺘﯩﻦ ﺑﯘﻳﺎﻥ ﺑﯩﺰﻧﻰ ﺳﺎﺧﺘﺎ ﺋﯜﻣﯩﺪﻛﻪ ﺑﯚﻟﻪﭖ ﻛﯧﻠﯩﯟﺍﺗﻘﺎﻥ ﺗﺎﺭﯨﺨﺘﯩﻜﻰ ﺑﺎﺭﻟﯩﻖ ﺋﻪﺧﻤﯩﻘﺎﻧﻪ ﯞﻩ ﻣﻪﻏﻠﯘﺑﯩﻴﻪﺗﻠﯩﻚ ﺋﯘﺭﯗﻧﯘﺷﻠﯩﺮﯨﻤﯩﺰﻏﺎ ﺳﻪﯞﻩﺏ ﺑﻮﻟﯩﯟﺍﺗﻘﺎﻥ ﺑﯩﺮ ﺩﻭﺭﺩﺍﻧﯩﻤﯩﺰ ﺑﺎﺭ، ﺋﯘ ﺑﻮﻟﺴﯩﻤﯘ ﻣﻪﻏﻠﯘﺑﯩﻴﻪﺕ - ﻏﺎﻟﯩﺒﯩﻴﻪﺗﻨﯩﯔ ﺋﺎﻧﯩﺴﯩﺪﯗﺭ. ﺋﻪﻣﻤﺎ ﺋﻪﻗﯩﻞ ﻛﯚﺯﯨﻤﯩﺰ ﯞﻩ ﺳﻪﻣﯩﻤﯩﻴﻠﯩﻚ ﺑﯩﻠﻪﻥ ﻧﻪﺯﻩﺭ ﺳﺎﻟﯩﺪﯨﻐﺎﻥ ﺑﻮﻟﺴﺎﻕ ﺑﯩﺰﻧﯩﯔ ﺗﺎﺭﯨﺨﯩﻤﯩﺰﺩﺍ ﻫﯧﭽﻘﺎﭼﺎﻥ ﻣﻪﻏﻠﯘﺑﯩﻴﻪﺕ ﻏﺎﻟﯩﺒﯩﻴﻪﺗﻨﯩﯔ ﺋﺎﻧﯩﺴﻰ ﺑﻮﻟﯘﭖ ﺑﺎﻗﻤﯩﻐﺎﻥ، ﺋﻪﻛﺴﯩﻨﭽﻪ ﻣﻪﻏﻠﯘﺑﯩﻴﻪﺗﻨﯩﯔ ﺋﺎﻧﯩﺴﻰ ﺑﻮﻟﯘﭖ ﻛﯧﻠﯩﯟﺍﺗﻘﺎﻧﻠﯩﻘﯩﻨﻰ ﺑﺎﻳﻘﯩﺸﯩﻤﯩﺰ ﺋﺎﻧﭽﻪ ﺗﻪﺳﻤﯘ ﺋﻪﻣﻪﺱ. ﻧﯧﻤﻪ ﺋﯜﭼﯜﻥ ﺷﯘﻧﺪﺍﻕ ﺑﻮﻟﯩﺪﯗ؟ ﻧﯧﻤﻪ ﺋﯜﭼﯜﻥ ﺗﺎﻻﻱ ﻗﯧﺘﯩﻢ ﻣﻪﻏﻠﯘﭖ ﺑﻮﻟﯘﭖ ﻳﻪﻧﻪ ﺷﯘ ﺷﯘﺋﺎﺭﻧﻰ ﺗﻮﯞﻻﭖ ﻛﯧﻠﯩﯟﺍﺗﯩﻤﯩﺰ؟ ﺋﻪﻣﺪﻯ ﺑﯩﻠﺴﻪﻙ ﺑﯘ ﺷﯘﺋﺎﺭﻧﯩﯔ ﻣﻪﻧﯩﺴﻰ ﭘﻪﻗﻪﺕ ﺋﺎﺟﯩﺰﻻﺭﻏﯩﻼ ، ﻣﻪﻏﻠﯘﺑﯩﻴﻪﺗﭽﯩﮕﯩﻼ ﺧﺎﺱ ﺑﻮﻟﻐﺎﻥ، ﺋﻪﻧﻪ ﺷﯘﻻﺭﻧﯩﯔ ﺭﻭﻫﻨﻰ ﻛﯚﺗﯜﺭﯨﺪﯨﻐﺎﻥ، ﺋﯘﻻﺭﻏﺎ ﺋﺎﺯ- ﺗﻮﻻ ﺋﯜﻣﯩﺪ ﺑﯧﻐﯩﺸﻼﺷﻘﺎ ﺋﻪﻣﻪﻙ ﺑﻮﻟﯘﺷﺘﯩﻦ ﺑﺎﺷﻘﺎ ﻧﻪﺭﺳﻪ ﺋﻪﻣﻪﺱ ﺋﯩﻜﻪﻥ . ﻏﻪﻟﺒﻪ ﻗﯩﻠﻐﯘﭼﻰ ﺑﯩﺮ ﻗﯧﺘﯩﻤﺪﯨﻼ ﻏﻪﻟﺒﻪ ﻗﯩﻠﯩﺪﯨﻜﻪﻥ. ﺑﻮﻟﯘﭘﻤﯘ ﺑﻪﺯﻯ ﺋﯩﺸﻼﺭﺭﺩﺍ ﺑﯩﺮ ﻗﯧﺘﯩﻤﻠﯩﻖ ﭘﯘﺭﺳﻪﺕ ﺗﯘﺭﺳﺎ ﻳﻪﻧﻪ ﺳﯩﺰﮔﻪ ﺳﯩﻨﺎﻕ ﻗﯩﻠﯩﺸﯩﯖﯩﺰﻏﺎ ﻧﻪﺩﯨﻜﻰ ﭘﯘﺭﺳﻪﺕ ﺑﻮﻟﺴﯘﻥ؟
ﻏﻪﻟﺒﻪ ﻳﺎﻛﻰ ﻣﻪﻏﻠﯘﭖ ﺑﻮﻟﯘﺵ ﻫﻪﺭﻛﻪﺕ ﻣﻪﺳﯩﻠﯩﺴﻰ ﺋﻪﻣﻪﺱ. ﺑﻪﻟﻜﻰ ﺭﻭﻫ ﻣﻪﺳﯩﻠﯩﺴﻰ ﺋﯩﻜﻪﻥ . ﺑﯩﺮ ﻛﯩﺸﯩﻨﯩﯔ ﻣﻪﻏﻠﯘﭖ ﺑﻮﻟﯘﺷﻰ ﻳﺎﻛﻰ ﺑﯩﺮ ﺗﻮﭘﻨﯩﯔ ﻣﻪﻏﻠﯘﭖ ﺑﻮﻟﯩﺸﻰ ﺷﯘ ﻛﯩﺸﯩﻨﯩﯔ ﺷﯘ ﺗﻮﭘﻨﯩﯔ ﺭﻭﻫﯩﻲ ﺩﯗﻧﻴﺎﺳﯩﻐﺎ ﺑﺎﻏﻠﯩﻖ ﺑﻮﻟﯘﭖ، ﺋﻮﺧﺸﺎﺵ ﺑﯩﺮ ﭘﯩﺴﺨﯩﺪﯨﻜﻰ ﺋﺎﺩﻩﻡ ﺋﻮﺧﺸﯩﻤﯩﻐﺎﻥ ﺩﻩﯞﺭﻟﻪﺭﺩﻩ ﻳﺎﺷﯩﺴﯩﻤﯘ ﺋﻮﺧﺸﺎﺷﻼ ﺑﯩﺮ ﺋﯩﺸﻘﺎ ﺩﯛﭺ ﻛﯧﻠﯩﺪﯨﻜﻪﻥ ﻫﻪﻡ ﺋﻮﺧﺸﺎﺵ ﻧﻪﺗﯩﺠﻪ ﺑﯩﻠﻪﻥ ﺧﺎﺭﻩﻛﺘﯩﺮﯨﻠﯩﺪﯨﻜﻪﻥ. ﭘﻪﻗﻪﺕ ﯞﺍﻗﺖ، ﺋﻮﺭﯗﻥ ﻫﻪﻡ ﺷﻪﻛﯩﻠﻼ ﺋﻮﺧﺸﯩﻤﺎﻳﺪﯨﻜﻪﻥ ﺧﺎﻻﺱ . ﺭﺍﺳﺘﻨﻰ ﺋﯧﻴﺘﻘﺎﻧﺪﺍ ﺩﯗﻧﻴﺎﺩﺍ ﻫﯧﭽﻜﯩﻢ ﻫﯧﭽﻜﯩﻤﺪﯨﻦ ﺗﻪﺟﺮﯨﺒﻪ ﺳﺎﯞﺍﻕ ﺋﺎﻟﻤﺎﻳﺪﯗ. ﭼﯜﻧﻜﻰ ﻫﻪﺭﻛﯩﻢ ﺋﯚﺯﯨﻨﯩﯔ ﻳﻮﻟﯩﻨﻰ ﺋﯚﺯﻯ ﺗﻪﻧﻬﺎ ﺑﺎﺳﯩﺪﯗ. ﺑﯧﺴﯩﭗ ﺑﻮﻟﻐﺎﻧﺪﯨﻦ ﻛﯧﻴﯩﻦ ﭼﯩﻘﻘﺎﻥ ﻧﻪﺗﯩﺠﻪ ﺷﯘﻛﻰ، ﻫﻪﺭﻛﯩﻤﺪﯨﻦ ﺑﯩﺮ ﺋﯩﺰ ﻗﺎﻟﯩﺪﯗ. ﺋﯩﻨﺴﺎﻥ ﺋﺎﯞﺍﻝ ﺑﯩﻠﯩﭗ - ﺑﯩﻠﻤﻪﻱ ﻣﺎﯕﯩﺪﯗ. ﺋﺎﺧﯩﺮﻯ ﺑﯘﻧﻰ ﺑﺎﺷﻘﯩﻼﺭ ﻳﯩﻐﯩﻨﭽﺎﻗﻼﭖ ﻗﻮﻳﯩﺪﯗ. ﺋﻪﻣﻤﺎ ﺷﯘ ﻳﻮﻟﻨﯩﯔ ﺗﻮﻏﺮﺍ، ﺧﺎﺗﺎﻟﯩﻘﯩﻨﻰ ﺋﯚﺯﻯ ﺑﯩﻠﻤﻪﻳﺪﯗ. ﺋﯘﻧﯩﯔ ﺗﻮﻏﺮﺍ ﺧﺎﺗﺎﻟﯩﻘﯩﻨﻰ ﺋﯘﻧﯩﯔ ﭘﯩﺴﺨﻜﯩﺴﻰ ، ﺭﻭﻫﯩﻲ ﺩﯗﻧﻴﺎﺳﻰ ﺋﯚﻟﭽﻪﻳﺪﯗ. ﺋﯘﻧﯩﯔ ﺭﻭﻫﯩﻲ ﺩﯗﻧﻴﺎﺳﻰ ﺋﻪﻗﯩﻞ ، ﭘﺎﺭﺍﺳﻪﺕ، ﺭﯦﺌﺎﻟﻠﯩﻖ، ﻏﺎﻳﻪ ﻫﻪﻡ ﻳﯜﻛﺴﻪﻙ ﻧﯩﺸﺎﻥ ﻗﯘﺷﯘﻟﻐﺎﻧﺪﯨﻼ ﺋﺎﻧﺪﯨﻦ ﺋﯘ ﻏﺎﻟﯩﺒﻘﺎ ﺋﺎﻳﻠﯩﻨﯩﺪﯗ. ﺷﯘﻧﯩﯖﻐﺎ ﺋﯩﺸﯩﻨﯩﯖﻜﻰ ﺋﯩﺪﯦﯩﺴﯘﻧﻨﯩﯔ ﻻﻣﭙﯘﭼﻜﺎ ﺋﯩﺠﺎﺕ ﻗﯩﻠﯩﺸﻰ، ﺋﯘﻧﯩﯔ ﻣﯩﯔ ﻗﯧﺘﯩﻤﯩﺪﯨﻦ ﺋﺎﺭﺗﯘﻕ ﻗﺎﺭﻏﯘﻻﺭﭼﻪ ﺳﯩﻨﺎﻗﺘﯩﻦ ﻳﺎﻛﻰ ﻣﻪﻏﻠﯘﺑﯩﻴﯩﺘﯩﺪﯨﻦ ﻛﻪﻟﮕﻪﻥ ﺋﻪﻣﻪﺱ، ﺑﻪﻟﻜﻰ ﺋﯘﻧﯩﯔ ﺩﯗﻧﻴﺎﺳﯩﺪﺍ ﺑﺎﺭﻟﯩﻖ ﺋﯩﺸﻠﯩﺘﯩﺸﻜﻪ ﺑﻮﻟﯩﺪﯨﻐﺎﻥ ﺋﯚﺗﻜﯜﺯﮔﯜﭼﻠﻪﺭﻧﻰ ﺋﯩﺸﻠﯩﺘﯩﭗ ﺑﯧﻘﯩﺸﺘﯩﻦ ﺋﯩﺒﺎﺭﻩﺕ ﺑﯘ ﻧﯩﻴﻪﺕ ﺋﺎﻻ ﻗﺎﭼﺎﻥ ﭘﯜﻛﯜﻟﯜﭖ ﺑﻮﻟﻐﺎﻥ. ﻛﯧﻴﯩﻜﯩﺴﻰ ﺑﻮﻟﺴﺎ ﺑﯩﺮ ﻫﻪﺭﯨﻜﻪﺕ ﺟﻪﺭﻳﺎﻧﯩﻼ ﺧﺎﻻﺱ. ﺋﯘ ﺗﻪﺟﺮﯨﺒﻪ ﻗﯩﻠﯩﯟﺍﺗﻘﺎﻥ ﺑﯩﺮﯨﻨﭽﻰ ﺋﯚﺗﻜﯜﺯﮔﯜﭼﻨﻰ ﺋﯩﺸﻠﻪﺗﻜﻪﻥ ﯞﺍﺧﺘﯩﺪﯨﻼ ﺗﯚﻙ ﺋﯚﺗﻤﯩﮕﻪﻥ ﺑﻮﻟﺴﯩﻤﯘ ﺋﯘ ﭼﯘﻗﯘﻡ ﺷﯘﻧﺪﺍﻕ ﺑﯩﺮ ﺋﯚﺗﻜﯜﺯﭼﻨﻰ ﺗﯧﭙﯩﭗ ﭼﯩﻘﯩﺪﯨﻐﺎﻧﻠﯩﻘﯩﻐﺎ ﺋﯩﺸﻪﻧﮕﻪﻥ . ﻣﺎﻧﺎ ﺑﯘ ﺋﯘﻧﯩﯔ ﻏﻪﻟﺒﻪ ﻗﯩﻠﯩﺸﯩﺪﯨﻜﻰ ﺋﺎﭼﻘﯘﭺ . ﺋﻪﻟﺒﻪﺗﺘﻪ ﺑﻪﺯﻯ ﺋﯩﺸﻼﺭ ﻗﺎﻧﺪﺍﻗﻤﯘ ﻻﻣﭙﯘﭼﻘﺎ ﺗﻪﺟﺮﯨﺒﯩﺴﯩﮕﻪ ﺋﻮﺧﺸﯩﺴﯘﻥ؟ ﭘﻪﻗﻪﺕ ﺳﯩﺰﮔﻪ ﺑﯩﺮ ﻗﯧﺘﯩﻤﻠﯩﻘﻼ ﭘﯘﺭﺳﻪﺕ ﺑﻮﻟﯩﺸﻰ ﻣﯘﻣﻜﯩﻦ . ﺋﻪﮔﻪﺭ ﻣﻪﻏﻠﯘﺑﯩﻴﻪﺗﭽﯩﻠﯩﻚ ﺭﻭﻫﯩﻲ ﺩﯗﻧﻴﺎﺳﯩﻐﺎ ﺋﯩﮕﻪ ﻛﯩﺸﻰ ﺑﻮﻟﺴﺎ ﺋﯘﻧﯩﯖﻐﺎ ﺋﻮﻥ ﻣﯩﯔ ﻗﯧﺘﯩﻤﻠﯩﻖ ﭘﯘﺭﺳﻪﺕ ﯞﻩ ﺗﻪﺟﺮﯨﺒﻪ ﺑﻪﺭﺳﯩﯖﯩﺰﻣﯘ ﺋﯘ ﻳﻪﻧﯩﻼ ﺋﻮﺧﺸﺎﺵ ﺑﯩﺮ ﺋﯩﺸﺘﺎ، ﺋﻮﺧﺸﺎﺵ ﺋﯘﺳﯘﻝ ﺑﯩﻠﻪﻧﻼ ﻣﻪﻏﻠﯘﭖ ﺑﻮﻟﯩﺪﯗ. ﺑﯘﻧﺪﺍﻕ ﺗﺮﺍﮔﯧﺪﯨﻴﯩﻠﻪﺭ ﺑﯩﺰﻧﯩﯔ ﺗﺎﺭﯨﺨﻤﯩﺰﺩﺍ ﺋﺎﻧﭽﻪ ﺋﺎﺯ ﺑﻮﻟﻤﯩﺴﺎ ﻛﯧﺮﻩﻙ .

ﻳﺎﺷﺎﺵ ﯞﻩ ﻣﻪﯞﺟﯜﺗﻠﯩﻖ

ﻳﺎﺷﺎﯞﺍﺗﯩﻤﯩﺰ ﺑﯘﻧﯩﺴﻰ ﺋﯧﻨﯩﻖ. ﺋﻪﻣﻤﺎ ﺋﯩﺸﻪﻧﭽﯩﻠﯩﻚ ﺋﻪﻣﻪﺱ ، ﭼﯜﻧﻜﻰ ﺋﯩﺴﭙﺎﺕ ﻳﻮﻕ . ﻳﺎﺷﺎﺷﻨﯩﯔ ﺋﯚﺯﻯ ﻣﻪﯞﺟﯜﺗﻠﯩﻖ ﺩﯦﺮﻩﻙ ﺑﻪﺭﺳﯩﻤﯘ ﺋﻪﻣﻤﺎ ﺋﯘ ﻣﻪﯞﺟﯜﺗﻠﯩﻘﻘﺎ ﺑﺎﺭﺍﯞﻩﺭ ﺋﻪﻣﻪﺱ . ﻗﻮﻳﻤﯘ ﻛﺎﻟﯩﻠﯩﻤﯘ ﺋﺎﺩﻩﻣﻤﯘ ﺋﻮﺧﺸﺎﺵ ﻳﺎﺷﺎﻳﺪﯗ . ﺋﻪﻣﻤﺎ ﺋﯘﻻﺭﻧﯩﯔ ﻗﯩﻤﻤﯩﺘﻰ ﺋﯘﺧﺸﺎﺵ ﺑﻮﻟﻤﺎﻳﺪﯗ. ﻣﺎﻧﺎ ﺑﯘ ﻣﻪﯞﺟﯜﺗﻠﯩﻘﻨﯩﯔ ﻣﺎﻫﯩﻴﯩﺘﯩﻨﻰ ﭼﯜﺷﻪﻧﺪﯛﺭﯛﭖ ﺑﯧﺮﯨﺪﯗ . ﺋﯩﻨﺴﺎﻧﻨﯩﯔ ﻣﻪﯞﺟﯜﺗﻠﯩﻘﻰ ﺑﯩﻠﻪﻥ ﻫﺎﻳﯟﺍﻧﻨﯩﯔ ﻣﻪﯞﺟﯜﺗﻠﯩﻘﻰ ﻫﻪﺭﮔﯩﺰﻣﯘ ﺋﻮﺧﺸﺎﺵ ﺑﯩﺮ ﻗﯩﻤﻤﻪﺗﺘﻪ ﺋﻪﻣﻪﺱ، ﺋﻮﺧﺸﺎﺵ ﺑﯩﺮ ﻗﯩﻤﻤﻪﺗﺘﻪ ﺑﻮﻟﻤﯩﻐﯩﻨﻰ ﺋﯜﭼﯜﻥ ﺋﻮﺧﺸﺎﺵ ﺑﯩﺮ ﻗﯩﺴﻤﻪﺗﺘﯩﻤﯘ ﺋﻪﻣﻪﺱ . ﻫﺎﻳﯟﺍﻧﻼﺭﻧﯩﯔ ﻣﻪﯞﺟﯜﺗﻠﯩﻘﻰ ﭘﻪﻗﻪﺕ ﺗﻪﻥ ﺋﺎﺭﻗﯩﻠﯩﻘﻼ ﺋﯩﭙﺎﺩﯨﺴﯩﻨﻰ ﺗﺎﭘﯩﺪﯗ. ﺷﯘﯕﺎ ﺋﯘﻧﯩﯔ ﻗﯩﻤﻤﯩﺘﻰ ﺗﻪﻧﻨﯩﯔ ﺋﯚﻟﯩﺸﻰ ﺑﯩﻠﻪﻥ ﻳﻮﻗﯩﻠﯩﺪﯗ . ﻫﺎﻳﯟﺍﻧﻼﺭ ﺋﯚﺯﯨﻨﯩﯔ ﻗﺎﻧﭽﯩﻠﯩﻚ ﻗﯩﻤﻤﯩﺘﻰ ﺑﺎﺭﻟﯩﻘﯩﻨﻰ ﺑﯩﻠﻤﯩﮕﭽﻜﻪ ﺋﯚﺯﯨﻨﯩﯔ ﻣﻪﯞﺟﯜﺗﻠﯩﻘﯩﻨﻰ ﺑﯩﻠﻤﻪﻳﺪﯗ. ﺑﯩﺮ ﻗﻮﻱ ﺋﯜﭼﯜﻥ ﭘﻪﻗﻪﺕ ﺩﯗﻧﻴﺎﺩﺍ ﺋﯚﺯﻯ ﺑﯩﺮﻻ ﻗﻮﻱ ﻣﻪﯞﺟﯜﺕ. ﺷﯘﻧﺪﺍﻕ ﺑﻮﻟﻐﺎﭼﻘﺎ ﺩﯗﻧﻴﺎﺩﯨﻜﻰ ﻗﻮﻳﻼﺭﻧﯩﯔ ﻫﻪﻣﯩﺴﻰ ﻗﯩﻤﻤﻪﺕ ﺟﻪﻫﻪﺗﺘﻪ ﺑﯩﺮﻻ ﻗﻮﻳﺪﯨﻦ ﺋﯩﺒﺎﺭﻩﺕ . ﺷﯘﯕﺎ ﺋﯘﻻﺭﻧﻰ ﺑﯩﺮﻻ ﻗﯩﺴﻤﻪﺕ ﻛﯜﺗﯜﭖ ﺗﯘﺭﯨﺪﯗ. ﺋﯩﻨﺴﺎﻧﻼﺭﻧﯩﯔ ﻣﻪﯞﺟﯜﺗﻠﯩﻘﻰ ﺗﻪﻥ ﺑﯩﻠﻪﻥ ﺭﻭﻫﻨﯩﯔ ﺑﯩﺮ ﮔﻪﯞﺩﯨﻠﯩﺸﯩﺪﯨﯩﻦ ﺋﯩﺒﺎﺭﻩﺕ. ﺷﯘﯕﺎ ﻫﻪﺭ ﺑﯩﺮ ﺋﯩﻨﺴﺎﻥ ﭘﻪﻗﻪﺕ ﺗﻪﺑﯩﺌﯩﻴﻠﯩﻚ ﺑﯩﻠﻪﻥ ﺋﯩﺠﺘﯩﻤﺎﺋﯩﻴﻠﯩﺸﯩﺶ ﺋﯩﺒﺎﺭﻩﺕ ﺋﯩﻜﻜﻰ ﻧﻮﻗﺘﯩﺪﯨﻼ ﻣﻪﯞﺟﯘﺕ ﺑﻮﻟﯘﭖ ﺗﯘﺭﺍﻻﻳﺪﯗ. ﺷﯘﯕﺎ ﺑﯩﺮ ﺋﺎﺩﻩﻡ ﻣﻪﯞﺟﯜﺕ ﺑﻮﻟﯘﭖ ﺗﯘﺭﯗﺵ ﺋﯜﭼﯜﻥ ﭼﯘﻗﯘﻡ ﺋﯚﺯﯨﮕﻪ ﺗﻪﯞﻩ ﺑﯩﺮ ﺗﻮﭖ ﻣﻪﯞﺟﯜﺕ ﺑﻮﻟﯘﭖ ﺗﯘﺭﯨﺸﻰ ﻛﯧﺮﻩﻙ. ﭼﯜﻧﻜﻰ ﺋﯩﺠﺘﯩﻤﺎﺋﯩﻠﯩﺸﯩﺶ ﺋﯩﻨﺴﺎﻧﻼﺭﻧﻰ ﻧﯘﺭﻏﯘﻥ ﺗﻮﭘﻘﺎ ﺑﯜﻟﯩﯟﺍﺗﻘﺎﻥ ﺑﻮﻟﯩﺪﯗ. ﻫﻪﺭﺑﯩﺮ ﺋﯩﻨﺴﺎﻥ ﭘﻪﻗﻪﺕ ﻣﯘﺷﯘ ﺗﻮﭖ ﺋﯩﭽﯩﺪﯨﻼ ﻳﺎﺷﺎﺵ، ﺋﯚﻟﯜﺵ، ﺗﺎﻟﯩﺸﯩﺶ، ﺭﯨﻘﺎﺑﻪﺗﻠﯩﺸﻰ ﯞﻩ ﺑﻪﺧﺘﻜﻪ ﻧﺎﺋﯩﻞ ﺑﻮﻟﯘﺵ ﺷﻪﺭﯨﭙﯩﮕﻪ ﺋﯧﺮﯨﺸﻪﻟﻪﻳﺪﯗ . ﺑﯘ ﺧﯩﻞ ﺗﻮﭖ ﺗﻪﻧﻨﯩﯔ ﻳﯩﻐﯩﻠﯩﺸﯩﺪﯨﻼﺍ ﺋﻪﻣﻪﺱ ﺑﻪﻟﻜﻰ ﺭﻭﻫﻨﯩﯔ ﻳﯩﻐﯩﻠﯩﺸﯩﺪﯨﻦ ﺷﻪﻛﯩﻠﻠﯩﻨﯩﺪﯗ . ﺷﯘﯕﺎ ﻫﻪﺭﺑﯩﺮ ﺋﯩﻨﺴﺎﻥ ﻳﺎﺷﺎﯞﺍﺗﻘﺎﻥ ﻳﺎﻛﻰ ﺋﯚﻟﮕﻪﻧﺪﯨﻦ ﻛﯧﻴﯩﻨﻤﯘ ﻣﻪﯕﮕﯜ ﺋﯚﺯﯨﮕﻪ ﺗﻪﯞﻩ ﺑﻮﻻﻟﻤﺎﻳﺪﯗ. ﺷﯘ ﺗﻮﭘﻨﯩﯔ ﻣﺎﺩﺩﯨﻲ ﻣﻪﯞﺟﯜﺗﻠﯩﻘﻰ ﺑﯩﻠﻪﻥ ﺷﯘ ﺗﻮﭘﻨﯩﯔ ﺭﻭﻫﯩﻲ ﻣﻪﯞﺟﯜﺗﻠﯩﻘﻰ ﻗﻮﺷﯘﻟﯘﭖ ﺷﯘ ﺗﻮﭘﻨﯩﯔ ﻗﯩﻤﻤﯩﺘﯩﻨﻰ ﺑﻪﻟﮕﯩﻠﻪﻳﺪﯗ. ﺷﯘ ﺗﻮﭘﻨﯩﯔ ﻗﯩﻤﻤﯩﺘﻰ ﺷﯘ ﺗﻮﭘﻨﯩﯔ ﻗﯩﺴﻤﯩﺘﯩﻨﻰ ﺑﻪﻟﮕﯩﻠﻪﻳﺪﯗ. ﺷﯘ ﻧﻮﻗﺘﯩﯩﺪﯨﻦ ﺋﯧﻴﺘﻘﺎﻧﺪﺍ ﺑﯩﺮ ﺷﻪﺧﺴﻨﯩﯔ ﻣﻪﯞﺟﯜﺗﻠﯩﻘﻰ ﺷﯘ ﺷﻪﺧﺲ ﺗﻪﯞﻩ ﺑﻮﻟﻐﺎﻥ ﺷﯘ ﻣﯩﻠﻠﻪﺗﻨﯩﯔ ﻣﻪﯞﺟﯜﺗﻠﯩﻘﻰ ﺑﯩﻠﻪﻥ ﭼﻪﻣﺒﻪﺭﭼﻪﺱ ﺑﺎﻏﻼﻧﻐﺎﻥ ﺑﻮﻟﯘﭖ ﺷﯘ ﺗﻮﭖ ﺋﯚﺯﯨﻨﯩﯔ ﻣﻪﯞﺟﯜﺗﻠﯩﻘﯩﺪﯨﻦ ﻗﺎﻟﺴﺎ ﺷﯘ ﺷﻪﺧﺴﻤﯘ ﻣﻪﯞﺟﯜﺗﻠﯩﻘﺘﯩﻦ ﻗﺎﻟﯩﺪﯗ . ﺑﻪﻟﻜﻢ ﺋﯘ ﻳﺎﺷﯩﺸﻰ ﻣﯘﻣﻜﯩﻦ، ﺋﻪﻣﻤﺎ ﺑﯘ ﻫﻪﺭﮔﯩﺰﻣﯘ ﻣﻪﯞﺟﯜﺩﻟﯩﻘﺪﯨﻦ ﺩﯦﺮﻩﻙ ﺑﻪﺭﻣﻪﻳﺪﯗ. ﭼﯜﻧﻜﻰ ﻣﻪﯞﺟﯘﺗﻠﯩﻖ ﺑﻮﻟﯘﺵ ﺋﯜﭼﯜﻥ ﻗﯩﻤﻤﻪﺕ ﻛﯧﺮﻩﻙ ﻗﯩﻤﻤﻪﺕ ﭼﯘﯕﯘﻡ ﺋﯩﺴﭙﺎﺕ ﺗﻪﻟﻪﺏ ﻗﯩﻠﯩﺪﯗ. ﺑﻪﻟﻜﯩﻢ ﻳﺎﺷﺎﯞﺍﺗﻘﺎﻧﺪﯨﻤﯩﺰ ، ﺋﻪﻣﻤﺎ ....

ﺋﯩﻠﻤﯩﻴﻠﯩﻚ ﻫﻪﻗﻘﯩﺪﻩ

ﺋﯩﺠﺪﯨﻤﺎﺋﯩﻲ ﭘﻪﻥ ﺗﻪﺗﻘﯩﻘﺎﺗﻠﯩﺮﯨﺪﺍ ﻳﺎﻛﻰ ﺗﯘﺭﻣﯘﺷﺘﺎ ﺑﻮﻟﻤﯩﺴﯘﻥ ﺩﺍﺋﯩﻢ ﺋﯩﻠﻤﯩﻴﻠﯩﻜﻨﻰ ﺗﻪﻛﯩﺘﻠﻪﻳﻤﯩﺰ. ﺑﯘ ﺗﻮﻏﺮﺍ . ﺋﻪﻣﻤﺎ ﺋﯩﻠﻤﯩﻴﻠﯩﻜﻨﯩﯖﻤﯘ ﭼﯧﻜﻰ ﺑﻮﻟﯘﺷﻰ ﻛﯧﺮﻩﻙ . ﺑﻪﺯﻯ ﭘﯩﺮﯨﻨﺴﯩﭙﻠﯩﻖ ﻣﻪﺳﯩﻠﯩﻠﻪﺭﻧﻰ ﺋﯩﻠﻤﯩﻴﻠﯩﻜﻜﻪ ﺗﺎﻳﯩﻨﯩﭗ ﻫﻪﻝ ﻗﯩﻠﻐﯩﻠﻰ ﺑﻮﻟﻤﺎﻳﺪﯗ. ﭼﯜﻧﻜﻰ ﺑﻪﺯﻯ ﻧﻪﺭﺳﯩﻠﻪﺭ ﻳﺎﻟﻐﯘﺯ ﺋﯩﻠﯩﻢ ﻣﻪﺳﯩﻠﯩﺴﯩﻼ ﺋﻪﻣﻪﺱ ﺑﻪﻟﻜﻰ ﭘﺎﻳﺪﺍ- ﺯﯨﻴﺎﻥ ﻫﻪﻕ – ﻧﺎﻫﻪﻕ ﻣﻪﺳﯩﻠﯩﺴﯩﺪﯗﺭ. ﺑﯘﻧﺪﺍﻕ ﻣﻪﺳﯩﻠﯩﻠﻪﺭ ﺋﯩﻠﻤﯩﻴﻠﯩﻜﻨﯩﯔ ﭼﯧﮕﺮﯨﺴﯩﺪﯨﻦ ﭼﯩﻘﯩﭗ ﻛﻪﺗﻜﻪﻥ ﺑﻮﻟﯩﺪﯗ. ﺋﯩﻠﻤﯩﻴﻠﯩﻜﻨﯩﯔ ﭘﯩﺮﯨﻨﺴﯩﭙﻰ ﺯﺍﺩﻯ ﻧﯧﻤﻪ؟ ﺑﯘﻧﯩﯖﻐﺎ ﺟﺎﯞﺍﭖ ﺑﯧﺮﻩﻟﻤﻪﻳﻤﯩﺰ . ﻳﯘﯞﺍﺷﻠﯩﻖ ﯞﻩ ﺋﯩﺘﺎﺋﻪﺗﻤﻪﻧﻠﯩﻚ ﺑﺎﺷﻘﯩﻼﺭﻧﯩﯖﻜﯩﻨﯩﻼ ﺗﻮﻏﺮﺍ ﺩﻩﭖ ﻗﺎﺭﺍﺵ ﻫﻪﺭﮔﯩﺰﻣﯘ ﺋﯩﻠﻤﯩﻴﻠﯩﻚ ﺋﻪﻣﻪﺱ. ﻫﻪﺭﻗﺎﻧﺪﺍﻕ ﯞﺍﻗﯩﺘﺘﺎ ﺋﯩﻠﻤﯩﻲ ﻗﯩﻴﺎﭘﻪﺗﻜﻪ ﻛﯩﺮﯨﯟﯦﻠﯩﺸﻨﯩﯔ ﺋﯚﺯﻯ ﺋﯩﻠﯩﻤﯩﻲ ﺑﻮﻟﻤﯩﻐﺎﻥ ﺋﯩﺶ . ﻫﻪﻣﻤﯩﻼ ﯞﺍﻗﯩﺘﺘﺎ ﺑﯩﻠﯩﻤﻨﯩﯔ ﺋﻪﺳﻘﯧﺘﯩﭗ ﻛﯧﺘﯩﺸﻰ ﻧﺎﺗﺎﻳﯩﻦ ، ﺑﻪﺯﻯ ﭼﺎﻏﻼﺭﺩﺍ ﺑﯩﺮﻧﻰ ﻳﻪﯕﺴﻪﯕﻤﯘ ﺑﯩﻠﯩﻜﯩﯖﮕﻪ ﺗﺎﻳﯩﻨﯩﺸﻘﺎ ﺗﻮﻏﺮﺍ ﻛﯧﻠﯩﺪﯗ

ﺑﺎﺷﻠﯩﻨﯩﺶ ﻣﺎﻫﯩﻴﻪﺕ ﯞﻩ ﻧﻪﺗﯩﺠﻪ


ﺑﯩﺰﻧﯩﯔ ﺭﻭﻫﯩﻴﯩﺘﯩﻤﯩﺰﺩﯨﻜﻰ ﺋﻪﺟﻪﻟﻠﯩﻚ ﺋﺎﺟﯩﺰﻟﯩﻖ ﺷﯘﻛﻰ ﺩﺍﺋﯩﻢ ﺋﯩﺸﻨﯩﯔ ﺑﺎﺷﻠﯩﻨﯩﺸﯩﻨﻰ ﻛﯚﺭﯛﭖ ﻣﺎﻫﯩﻴﯩﺘﻨﻰ ﺋﯧﻨﯩﻘﻠﯩﻤﺎﻳﻤﯩﺰ ، ﺷﯘﯕﺎ ﻧﻪﺗﯩﺠﻪ ﺩﺍﺋﯩﻢ ﺑﯩﺰﮔﻪ ﻣﻪﻧﺴﯜﭖ ﺑﻮﻟﻤﺎﻳﺪﯗ.
ﻫﻪﺭﻗﺎﺩﺍﻕ ﺋﯩﺸﻨﯩﯔ ﺑﺎﺷﻠﯩﻨﯩﺸﻰ ﻧﺎﻫﯩﻴﯩﺘﻰ ﻗﺎﻳﻨﺎﻡ ﺗﺎﺷﻘﯩﻨﻠﯩﻘﻘﺎ ﺗﻮﻟﻐﺎﻥ ﺑﻮﻟﯩﺪﯗ. ﺑﯘﻧﺪﺍﻕ ﭼﺎﻏﺪﺍ ﻫﯧﺴﯩﻴﺎﺕ ﺋﺎﺳﺎﺳﯩﻲ ﺋﻮﺭﯗﻧﺪﺍ ﺗﯘﺭﯗﭖ ﻛﯧﺘﯩﺪﯗ. ﺋﻪﻣﻤﺎ ﺋﯩﺶ ﺑﺎﺷﻠﯩﻨﯩﺶ ﺑﯩﻠﻪﻥ ﺋﯘﻧﺪﺍﻕ ﺋﺎﺳﺎﻥ، ﺋﯘﻧﺪﺍﻕ ﺋﻮﯕﺎﻳﻼ ﻳﯜﺭﯛﺷﯜﭖ ﻛﯧﺘﯩﺶ ﻗﺎﻧﺪﺍﻗﻤﯘ ﻣﯘﻣﻜﯩﻦ ﺑﻮﻟﺴﯘﻥ؟ ﺭﯦﺌﺎﻟﻠﯩﻖ ﻧﯘﺭﻏﯘﻥ ﻗﯩﻴﻨﭽﯩﻠﯩﻘﻨﻰ ﺗﺎﺷﻠﯩﺸﻰ ﻣﯘﻣﻜﯩﻦ . ﻗﯧﻴﯩﻨﭽﯩﻘﻼﺭ ﻫﻪﻝ ﺑﻮﻟﻼﻣﺪﯗ ، ﺑﻮﻟﻤﺎﻣﺪﯗ ؟ ﻣﺎﻧﺎ ﺑﯘ ﻣﺎﻫﯩﻴﻪﺗﻜﻪ ﺑﯧﺮﯨﭗ ﺗﺎﻗﯩﺸﯩﺪﯗ؟
ﻣﺎﻫﯩﻴﻪﺕ ﺋﯘﻟﯘﻗﯟﺍﺭ ﺋﺎﺭﺯﯗ ﺑﯩﻠﻪﻧﻼ ﭼﻪﻛﻠﯩﻨﯩﭗ ﻗﺎﻟﻤﺎﻱ ﺋﻪﯓ ﺗﻮﻏﺮﺍ ﯞﻩ ﺋﻪﯓ ﻣﯘﺳﺴﺘﻪﻛﻜﻪﻡ ﻧﯩﺸﺎﻧﺪﯗﺭ. ﺋﯘ ﺗﻮﻏﺮﺍ ﯞﻩ ﺗﻪﯞﺭﻩﻧﻤﻪﺱ ﻣﻪﻗﺴﻪﺕ ﺑﯩﻠﻪﻥ ﻳﺎﻧﻤﺎﺱ ﺋﯧﺘﯩﻘﺎﺗﺘﯩﻦ ﻗﻮﭘﯘﺭﯨﻠﯩﺪﯨﻐﺎﻥ ﺟﺎﭘﺎ ﻣﯘﺷﻪﻗﻪﺕ ﺑﯩﻠﻪﻥ ﺗﻮﻟﻐﺎﻥ ﺗﺎﻡ . ﻫﻪﺭﻧﺪﺍﻕ ﺋﯩﺸﻨﯩﯔ ﺑﯩﺮ ﻧﻪﺗﯩﺠﯩﺴﻰ ﭼﯩﻘﯩﺪﯗ ، ﺑﯘ ﻧﻪﺗﯩﻘﻪ ﻛﯚﯕﯜﻟﺪﯨﻜﯩﺪﻩﻙ ﺑﻮﻟﯘﺷﯩﻤﯘ ﻳﺎﻛﻰ ﺑﻮﻟﻤﺎﺳﻠﯩﻘﯩﻤﯘ ﻣﯘﻣﻜﯩﻦ . ﺑﯘ ﺋﯩﺸﻨﯩﯔ ﺑﺎﺷﻠﯩﻨﯩﺸﻰ ﺑﯩﻠﻪﻥ ﺋﻪﻣﻪﺱ ﺑﻪﻟﻜﻰ ﻣﺎﻫﯩﻴﯩﺘﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ . ﻧﯩﺸﺎﻧﺴﯩﺰ ﻣﺎﻫﯩﻴﻪﺗﺴﯩﺰ ﺋﯩﺶ ﻛﻪﻟﻜﯜﻥ ﺳﯜﻳﯩﮕﻪ ﺋﻮﺧﺸﺎﺵ ﺑﺎﺷﻘﯩﻼﺭﻧﯩﻤﯘ ﺋﯚﺯﯨﻨﯩﻤﯘ ﯞﻩﻳﺮﺍﻥ ﻗﯩﻠﯩﺪﯗ.


ﮔﺎﻻﺳﺘﯘﻙ ﭼﻪﻛﻜﻪﻥ ﺋﯧﺸﻪﻙ
.
ﻣﯘﻧﺪﺍﻕ ﺑﯩﺮ ﺗﻪﻣﺴﯩﻞ ﺑﺎﺭ ﺋﯩﻜﻪﻥ . ﻳﻮﻟﯟﺍﺱ ﺋﯧﺸﻪﻛﻨﻰ ﺗﯘﻧﺠﻰ ﻗﯧﺘﯩﻢ ﻛﯚﺭﮔﻪﻥ ﯞﺍﻗﺘﯩﺪﺍ ﺋﯧﺸﻪﻛﻨﯩﯔ ﺩﻩﺷﺸﻪﺗﻠﻚ ﻫﺎﯕﮕﯩﺮﯨﺸﻰ ﯞﻩ ﺋﯘﻧﯩﯔ ﺑﻪﺳﺘﯩﮕﻪ ﻗﺎﺭﺍﭖ ﺗﻪﺷﯟﯨﺸﻜﻪﭼﯜﺷﯜﭘﺘﯘ. ﺷﯘﻧﯩﯔ ﺑﯩﻠﻪﻥ ﻳﻮﻟﯟﺍﺱ ﺑﯘ ﻧﺎﺗﯘﻧﯘﺵ ﻫﺎﻳﯟﺍﻧﺪﯨﻦ ﻗﻮﺭﻗﯘﭖ، ﺋﯧﺸﻪﻙ ﺗﯘﺭﻏﺎﻥ ﻳﻪﺭﮔﻪ ﻛﯧﻠﻪﻟﻤﻪﭘﺘﯘ. ﺋﻪﻣﻤﺎ ﻳﯘﺷﯘﺭﯗﻥ ﻳﯧﺘﯩﭗ ﻛﯚﺯﯛﺗﯜﺷﻜﻪ ﺑﺎﺷﻼﭘﺘﯘ. ﻳﻮﻟﯟﺍﺱ ﻛﯜﺯﻩﺗﻜﻪﻧﺴﯧﺮﻯ ﺑﯘ ﭼﻮﯓ ﻫﺎﻳﯟﺍﻧﻨﯩﯔ ﺋﻮﺕ ﭼﻮﭖ - ﻳﻪﭖ ﻳﯧﺘﯩﺸﺘﯩﻦ ﺑﺎﺷﻘﺎ ﺋﺎﻻﻫﯩﺪﯨﻠﯩﻜﯩﻨﯩﯔ ﻳﻮﻗﻠﯩﻘﯩﻨﻰ ﻛﯚﺭﯛﭖ ﺋﺎﺧﯩﺮﻯ ﺗﻪﯞﻩﻛﻜﯜﻝ ﻗﯩﻠﯩﭗ ﻳﯘﺷﯘﺭﯨﻨﻐﺎﻥ ﺟﺎﻳﯩﺪﯨﻦ ﭼﯩﻘﯩﭗ ﺋﯘﻧﻰ ﺳﯩﻨﺎﭖ ﺑﺎﻗﻤﺎﻗﭽﻰ ﺋﻪﮔﻪﺭ ﺋﯧﺸﻪﻙ ﺋﯘﻧﯩﯖﻐﺎ ﻫﯘﺟﯘﻡ ﻗﯩﻠﻤﺎﻗﭽﻰ ﺑﻮﻟﺴﺎ ﺩﻩﺭﻫﺎﻝ ﺟﯧﻨﻨﻰ ﺋﯧﻠﯩﭗ ﻗﺎﭼﻤﺎﻗﭽﻰ ﺑﻮﻟﯘﭖ ﺋﯧﺸﻪﻛﻜﻪ ﺩﻩﻛﻜﻪ- ﺋﯩﭽﯩﺪﻩ ﻳﯧﻘﯩﻨﻠﯩﺸﯩﭙﺘﯘ . ﺋﻪﻣﻤﺎ ﻳﻮﻟﯟﺍﺱ ﺋﻮﻳﻠﯩﻐﺎﻥ ﺋﯩﺸﻨﯩﯔ ﺑﯩﺮﺳﯩﻤﯘ ﻳﯜﺯ ﺑﻪﺭﻣﻪﭘﺘﯘ. ﺋﻪﻛﺴﯩﻨﭽﻪ ﺋﯧﺸﻪﻙ ﻳﻮﻟﯟﺍﺳﻨﯩﯔ ﺋﯚﺯﯨﮕﻪ ﻳﯧﻘﯩﻨﻼﭖ ﻛﻪﻟﮕﻪﻧﻠﯩﻜﻰ ﺑﯩﻠﻪﻧﻤﯘ ﻛﺎﺭﻯ ﻳﻮﻕ ﺧﯩﺮﺍﻣﺎﻥ ﻳﯧﺘﯩﯟﯦﺮﯨﭙﺘﯘ. ﻳﻮﻟﯟﺍﺱ ﻳﻪﻧﯩﻤﯘ ﺟﯜﺭﺋﻪﺗﻠﯩﻨﯩﭗ ﺋﯘﻧﯩﯔ ﺑﯩﻠﻪﻥ ﺋﺎﻧﭽﻪ- ﻣﯘﻧﭽﻪ ﺋﻮﻳﻨﯩﺸﯩﭗ ﺑﯧﻘﯩﭙﺘﯘ. ﺑﯘ ﺟﻪﺭﻳﺎﻧﺪﺍ ﻳﻮﻟﯟﺍﺱ ﺑﯘ ﻫﺎﻳﯟﺍﻧﻨﯩﯔ ﺗﯘﺭﻗﻰ ﻳﻮﻏﺎﻥ ﺋﺎﯞﺍﺯﻯ ﺩﻩﺷﺸﻪﺕ ﺑﻮﻟﻐﯩﻨﻰ ﺑﯩﻠﻪﻥ ﺋﯩﻨﺘﺎﻳﯩﻦ ﻳﯘﯞﺍﺵ، ﭘﻪﻗﻪﺕ ﺋﺎﭼﯩﻘﻘﻰ ﻛﻪﻟﺴﯩﻤﯘ ﺑﯩﺮﻧﻪﭼﭽﻪ ﺋﺎﺟﯩﺰ ﺗﯩﭙﯩﻚ ﺑﯩﻠﻪﻧﻼ ﺑﻮﻟﺪﻯ ﻗﯩﻠﯩﺪﯨﻐﺎﻧﻠﯩﻘﯩﻨﻰ ﺑﯩﻠﯩﯟﯨﻠﯩﭗ ﻛﯧﻴﯩﻦ ﺋﺎﻧﺪﯨﻦ ﺧﺎﺗﯩﺮﯨﺠﻪﻡ ﻫﺎﻟﺪﺍ ﺋﯘﻧﯩﯖﻐﺎ ﯞﯗﺟﯘﻡ ﻗﯩﻠﯩﭗ ﺋﯘﻧﻰ ﻳﻪﯞﯦﺘﯩﭙﺘﯘ.
ﺑﯘﻏﯘ ﺑﯩﺮ ﻣﻪﺳﻪﻝ. ﺋﻪﻣﻤﺎ ﺗﯘﺭﻣﯘﺷﺘﯩﻤﯘ ﺋﯧﺸﻪﻛﻨﯩﯔ ﺗﯩﺮﺍﮔﯩﺪﯨﻴﯩﺴﻰ ﺋﺎﺯ ﺋﻪﻣﻪﺱ. ﺷﯘﻧﺪﺍﻕ ﺋﯧﺸﻪﻙ ﻗﺎﯞﯗﻝ ﻫﺎﻳﯟﺍﻥ. ﺋﻪﻣﻤﺎ ﺋﯘ ﺋﯚﺯﯨﻨﯩﯔ ﻗﺎﻧﭽﯩﻠﯩﻚ ﺩﻩﺭﯨﺠﯩﺪﻩ ﻗﺎﯞﯗﻝ ﺋﯩﻜﻪﻧﻠﯩﻜﯩﻨﻰ ﺑﯩﻠﻤﻪﻳﺪﯗ. ﺷﯘﯕﺎ ﺋﯘﻧﯩﯔ ﻗﺎﯞﯗﻟﻠﯩﻘﻰ ﺋﯚﺯﻯ ﺋﯜﭼﯜﻥ ﺋﻪﻣﻪﺱ، ﺑﺎﺷﻘﯩﻼﺭﻧﯩﯔ ﻫﯚﺯﯗﺭﻯ ﺋﯜﭼﯜﻥ ﺳﻪﺭﯨﭗ ﺑﻮﻟﯩﺪﯗ. ﺷﯘﻧﺪﺍﻕ، ﺋﯧﺸﻪﻙ ﺋﯩﺸﭽﺎﻥ ﻫﺎﻳﯟﺍﻥ. ﺋﯘ ﺗﯧﻨﯩﻤﺴﯩﺰ ﺋﯩﺸﻠﻪﻳﺪﯗ، ﻫﺎﺭﯞﺍ ﺗﺎﺭﺗﯩﺪﯗ ، ﻗﻮﺵ ﺳﯚﺭﻩﻳﺪﯗ، ﺯﺍﺩﯨﻼ ﺋﺎﺭﺍﻡ ﺋﺎﻟﻤﺎﻳﺪﯗ. ﺋﻪﻣﻤﺎ ﺋﯘ ﺋﺎﺷﯘ ﺋﯩﺸﭽﺎﻧﻠﯩﻘﻰ ﺗﯜﭘﻪﻳﻠﯩﺪﯨﻦ ﺗﺎﻳﺎﻗﺘﯩﻦ ﻗﯘﺗﯘﻻﻟﻤﺎﻳﺪﯗ. ﭼﯜﻧﻜﻰ ﺋﯧﺸﻪﻛﻨﯩﯔ ﺋﯩﺸﭽﺎﻧﻠﯩﻘﻰ ﺋﯚﺯﻯ ﺋﯜﭼﯜﻥ ﺋﻪﻣﻪﺱ ، ﺷﯘﯕﺎ ﺋﯘ ﻳﺎﻛﻰ ﺗﯧﺰ ﻣﺎﯕﺴﯘﻥ ﻳﺎﻛﻰ ﺳﻮﺭﻩﻟﻤﯩﻠﯩﻚ ﻗﯩﻠﺴﯘﻥ ﻫﺎﺭﯞﯦﻜﻪﺵ ﺋﯘﻧﻰ ﻗﺎﻣﭽﯩﻼﺷﻨﻰ ﺋﯘﻧﯘﺗﻤﺎﻳﺪﯗ. ﭼﯜﻧﻜﻰ ﺑﯘ ﺋﯩﺶ ﻫﺎﺭﯞﯦﻜﻪﺵ ﺋﯜﭼﯜﻥ ﺑﯩﺮ ﺋﺎﺩﻩﺗﻜﻪﺋﺎﻳﻠﯩﻨﯩﭗ ﻛﻪﺗﻜﻪﻥ. ﺋﯧﺸﻪﻙ ﻣﻪﻳﻠﻰ ﻗﺎﻧﭽﯩﻠﯩﻚ ﭼﺎﭘﺴﯘﻥ، ﻗﺎﭼﯩﻠﯩﻚ ﺋﯩﺸﭽﺎﻧﻠﯩﻖ ﻛﯚﺭﺳﻪﺗﻤﯩﺴﯘﻥ ﻫﺎﺭﯞﯨﻜﻪﺵ ﺋﯚﺯ ﺋﯧﺸﯩﻜﯩﺪﯨﻦ ﻣﻪﮔﮕﯜ ﻗﺎﻧﺎﺋﻪﺕ ﻫﯧﺲ ﻗﯩﻠﻤﺎﻳﺪﯗ. ﺷﯘﯕﺎ ﺋﯧﺸﻪﻙ ﻧﺎﺭﺍﺯﻯ ﺑﻮﻟﺴﯩﻤﯘ ﺗﺎﻳﺎﻗﺘﯩﻦ ﻗﻮﺭﻗﯘﭖ ﻣﻪﯕﮕﯜ ﭼﯧﭙﯩﺸﻘﺎ ﻣﻪﺟﺒﯘﺭ ﺑﻮﻟﯩﺪﯗ. ﺋﻪﻣﻤﺎ ﺋﯘﻣﻪﯕﮕﯜ ﭼﺎﭘﺴﯩﻤﯘ ﻣﻪﻧﺰﯨﻠﮕﻪ ﻳﯧﺘﻪﻟﻤﻪﻳﺪﯗ. ﭼﯜﻧﻜﻰ ﺋﯘﻧﯩﯔ ﻫﯧﭽﻘﺎﻧﭽﺎﻥ ﻣﻪﻧﺰﯨﻠﻰ ﺑﻮﻟﯘﭖ ﺑﺎﻗﻤﯩﻐﺎﻥ. ﭼﯜﻧﻜﻰ ﺋﯧﺸﻪﻛﺘﻪ ﺋﺎﺭﺯﯗ ﺩﯦﮕﻪﻥ ﻧﻪﺭﺳﻪﻣﻪﯞﺟﯜﺕ ﺋﻪﻣﻪﺱ. ﺑﯘﻧﺪﺍﻕ ﺩﯦﺴﻪﻙ ﺑﻪﻟﻜﯩﻢ ﺋﯧﺸﻪﻛﻜﻪ ﺋﯘﯞﺍﻝ ﻗﯩﻠﯩﭙﻤﯘ ﻗﻮﻳﻐﺎﻥ ﺑﻮﻻﺭﻣﯩﺰ. ﺋﯘﻧﯩﯔ ﺑﯩﺮﺩﯨﻦ ﺑﯩﺮ ﺋﺎﺭﺯﯗﺳﻰ ﺳﻪﭘﻪﺭﻧﻰ ﺗﯜﮔﯜﺗﯜﭖ ﺑﯘﻳﯘﻧﺘﯘﺭﯨﻘﯩﻨﻰ ﺋﯧﻠﯩﯟﯦﺘﯩﭗ ﺧﺎﺗﯩﺮﯨﺠﻪﻡ ﻫﺎﻟﺪﺍ ﻗﻮﺭﺳﯩﻘﯩﻨﻰ ﺗﻮﻳﻐﯘﺯﯗﭖ ﺑﯩﺮ ﻳﯧﺘﯩﯟﯦﻠﯩﺶ ﺑﻮﻟﺴﺎ ﻛﯧﺮﻩﻙ . ﺷﯘﯕﺎ ﺋﯘ ﺩﺍﺋﯩﻢ ﺋﯚﺯ ﻣﻪﻫﻪ ﻟﻠﯩﺴﯩﮕﻪ ﻳﯧﻘﯩﻨﻼﺷﻘﺎﻧﺪﺍ ﺑﺎﺭﻟﯩﻖ ﻛﯜﭼﻰ ﺑﯩﻠﻪﻥ ﭼﯧﭙﯩﺸﻘﺎ ﺑﺎﺷﻼﻳﺪﯗ. ﺋﯘﻧﯩﯔ ﺋﺎﺭﺯﯗﺳﻰ ﺷﯘﻧﭽﯩﻠﯩﻚ ﺋﺎﺩﺩﯨﻲ ﺑﻮﻟﻐﺎﭼﻘﯩﻤﯩﻜﯩﻦ ﺋﻪﻳﺘﺎﯞﯗﺭ ﺑﯘﻧﯩﯖﻐﺎ ﻳﯧﺘﯩﺸﯩﻤﯘ ﻧﺎﻫﺎﻳﯩﺘﻰ ﺗﻪﺱ. ﻛﯚﭖ ﯞﺍﻗﯩﺘﻼﺭﺩﺍ ﺋﯩﮕﯩﺴﻰ ﺋﯘﻧﻰ ﺋﯘﻧﺘﯘﭖ ﻗﯧﻠﯩﭗ ﺋﯘﻧﯩﯔ ﻗﻮﺭﺳﯩﻘﯩﻨﻰ ﺋﺎﭺ ﻗﯘﻳﯩﺪﯗ.
ﺋﯧﺸﻪﻛﻨﯩﯔ ﺋﺎﯞﺍﺯﻯ ﺋﯩﻨﺘﺎﻳﯩﻦ ﺟﺎﺭﺍﯕﻠﯩﻖ ﯞﻩ ﻣﯘﯕﻠﯘﻕ. ﺋﯘﻧﯩﯔ ﺋﺎﯞﺍﺯﯨﻐﺎ ﺋﺎﺯﺍﭖ ﯞﻩ ﺩﻩﺕ - ﻫﻪﺳﯩﺮﻩﺕ ﺋﺎﺭﯨﻠﯩﺸﯩﭗ ﻛﻪﺗﻜﻪﻥ ﺑﻮﻟﯩﺪﯗ. ﺋﻪﭘﺴﯘﺳﻠﯩﻨﺎﺭﻟﯩﻘﻰ ﺋﯘﻧﯩﯔ ﺋﺎﺷﯘ ﻣﯘﯕﻠﯘﻕ ﯞﻩ ﺟﺎﺭﺍﯕﻠﯩﻖ ﺋﺎﯞﺍﺯﻯ ﻛﯩﺸﯩﻠﻪﺭﻧﯩﯔ ﻏﻪﻣﺨﻮﺭﻟﯩﻘﯩﻨﻰ ﺋﻪﻣﻪﺱ، ﺑﻪﻟﻜﻰ ﻏﻪﺯﯨﭙﯩﻨﻰ ﻛﻪﻟﺘﯜﺭﯨﺪﯗ. ﭼﯜﻧﻜﻰ ﺋﯘ ﺩﺍﺋﯩﻢ ﺑﯩﻤﻪﻫﻪﻝ ﭼﺎﻏﺪﺍ ﻫﺎﮔﮕﯩﺮﺍﭖ ﺳﺎﻟﯩﺪﯗ.
ﺋﯧﺸﻪﻛﻨﯩﯔ ﻛﯚﺯﯨﮕﻪ ﻗﺎﺭﺍﯓ، ﺋﯘﻧﯩﯖﻐﺎ ﺑﯩﺮ ﺧﯩﻞ ﺋﺎﺯﯨﺮﺍﻕ ﺩﻭﺗﻠﯩﻚ ﺑﯩﻠﻪﻥ ﻣﯘﯓ ﯞﻩ ﻏﻪﻡ ﺋﺎﺭﯨﻠﯩﺸﭗ ﻛﻪﺗﻜﻪﻥ ﺑﻮﻟﯩﺪﯗ. ﺋﻪﺳﻠﯩﺪﻩ ﺋﯘﻧﯩﯔ ﻛﯚﺯﻟﯩﺮﯨﻤﯘ ﺋﻮﻳﻨﺎﭖ ﺗﯘﺭﺍﺗﺘﻰ. ﺋﯘﻧﯩﯔ ﺑﯩﻐﻪﻡ ﯞﻩ ﺋﻪﺭﻛﯩﻦ، ﺑﻪﺧﺘﻠﯩﻚ ﭼﺎﻏﻠﯩﺮﯨﻤﯘ ﺑﻮﻟﻐﺎﻥ، ﺋﻪﻣﻤﺎ ﻧﺎﻫﺎﻳﯩﺘﻰ ﻗﯩﺴﻘﺎ ﺑﻮﻟﻐﺎﻥ، ﺋﯘ ﺩﺍﺋﯩﻢ ﺋﺎﺷﯘ ﺗﻪﺧﻪﻱ ﯞﺍﻗﯩﺘﻠﯩﺮﺩﯨﻜﻰ ﺋﻪﺭﻛﯩﻦ ﺗﯘﺭﻣﯘﺷﯩﻨﻰ ﺋﻪﺳﻠﻪﭖ ﻗﺎﻟﺴﺎ ﻛﯧﺮﻩﻙ.
ﺗﻪﺧﻪﻱ ﺯﯦﺮﻩﻙ ﺷﻮﺥ ﯞﻩ ﭼﯩﺮﺍﻳﻠﯩﻖ ﻛﯧﻠﯩﺪﯗ. ﭼﯩﺮﺍﻳﻠﯩﻘﻠﯩﻘﯩﺪﯨﻦ ﺋﯘﻧﯩﯖﻐﺎ ﻛﯩﺸﯩﻨﯩﯔ ﻣﻪﺳﺘﻠﯩﻜﻰ ﻛﯧﻠﯩﺪﯗ. ﺋﻪﻣﻤﺎ ﺋﯧﮕﯩﺴﻰ ﺋﯘﻧﯩﯔ ﺑﯘﻧﺪﺍﻕ ﺷﻮﺥ ﯞﻩ ﺋﻪﺭﻛﯩﻦ ﭼﻮﯓ ﺑﻮﻟﯩﺸﻨﻰ ﻳﺎﻗﺘﯘﺭﻣﺎﻳﺪﯗ ﻫﻪﻡ ﺋﯘﻧﯩﯔ ﻳﺎﺭﺍﻣﻠﯩﻖ ﺋﯧﺸﻪﻙ ﺑﻮﻟﯩﺸﻨﻰ ﺋﺎﺭﺯﯗ ﻗﯩﻠﯩﭗ ﺋﯘﻧﯩﯔ ﭘﯘﺗﯩﻨﻰ ﺑﯘﻏﯘﭖ ﻗﻮﻳﯩﺪﯗ. ﺗﻪﺧﻪﻳﻨﯩﯔ ﺷﻮﺧﻠﯩﻘﻰ ﺋﺎﻧﯩﺴﻰ ﺑﯩﻠﻪﻥ ﺑﯩﻠﻠﻪ ﻳﯜﺭﯛﺵ ﺟﻪﺭﻳﺎﻧﯩﺪﺍ ﺗﻪﺩﺭﯨﺠﻰ ﻳﻮﻗﺎﻳﺪﯗ. ﻫﺎﺭﯞﺍ ﺋﯩﮕﯩﺴﻰ ﺗﻪﺧﻪﻳﻨﻰ ﺋﺎﻧﺎ ﺋﯧﺸﻪﻙ ﺑﯩﻠﻪﻥ ﺑﯩﺮﮔﻪ ﺋﯧﻠﯩﯟﺍﻟﯩﺪﯗ. ﺋﯘﻧﯩﯔ ﺑﯘﻧﺪﺍﻕ ﻗﯩﻠﯩﺸﻰ ﺋﯘﻧﻰ ﺳﺎﻳﺎﻫﻪﺕ ﻗﯩﻠﺪﯛﺭﯛﺵ ﻳﺎﻛﻰ ﺋﻪﺭﻛﯩﻨﻠﯩﻜﺘﯩﻦ ﺑﻪﻫﺮﯨﻤﺎﻥ ﻗﯩﻠﺪﯛﺭﯛﺵ ﺋﻪﻣﻪﺱ، ﺑﻪﻟﻜﻰ ﺋﺎﻧﯩﺴﻰ ﺑﯩﻠﻪﻥ ﺑﯩﻠﻠﻪ ﻳﯜﺭﯛﭖ ﻗﺎﻧﺪﺍﻕ ﻳﺎﺭﺍﻣﻠﯩﻖ ﯞﻩ ﺋﯩﺘﺎﺋﻪﺗﻤﻪﻥ ﺋﯧﺸﻪﻙ ﺑﻮﻟﯘﺷﻨﻰ ﺋﯚﮔﯩﺘﯩﺸﺘﯩﻦ ﺋﯩﺒﺎﺭﻩﺕ. ﺋﯩﮕﯩﺴﻰ ﺗﻪﺧﻪﻳﻨﻰ ﮔﻪﺭﭼﻪﺗﺎﻳﺎﻕ ﺑﯩﻠﻪﻥ ﺳﺎﯞﯨﻤﯩﺴﯩﻤﯘ ﺋﻪﻣﻤﺎ ﺗﻪﺧﻪﻱ ﺗﺎﻳﺎﻗﺘﯩﻦ ﺷﯘﻧﺪﺍﻕ ﺑﻪﻙ ﻗﻮﺭﻗﯩﺪﯗ. ﭼﯜﻧﻜﻰ ﺋﯘ ﺋﺎﻧﯩﺴﯩﻐﺎ ﺗﻪﻛﻜﻪﻥ ﻫﻪﺭﺑﯩﺮ ﺗﺎﻳﺎﻗﻨﯩﯔ ﮔﯜﯞﺍﭼﯩﺴﻰ-ﺩﻩ. ﺷﯘﻧﺪﺍﻕ ﻗﯩﻠﯩﭗ ﺗﻪﺧﻪﻱ ﺋﺎﻧﯩﺴﻰ ﺑﯩﻠﻪﻥ ﺑﯩﻠﻠﻪ ﻳﯜﺭﯛﺵ ﺟﻪﺭﻳﺎﻧﯩﺪﺍ ﻗﺎﻧﺪﺍﻕ ﺋﯩﺘﺎﺋﻪﺕ ﻗﯩﻠﯩﺶ ﯞﻩ ﻗﺎﻧﺪﺍﻕ ﺋﯧﺸﻪﻙ ﺑﻮﻟﯘﺷﻨﯩﯔ ﻳﻮﻟﻠﯩﺮﯨﻨﻰ ﺋﯚﮔﯜﻧﯩﺪﯗ. ﺋﯘﻧﻰ ﺋﯧﮕﯩﺴﻰ ﻫﺎﺭﯞﯨﻐﺎ ﻗﺎﺗﻘﺎﻧﺪﺍ ﺋﯘ ﺋﺎﻻﻗﺎﭼﺎﻥ ﺑﯩﺮ ﺷﻮﺥ ﺗﻪﺧﻪﻳﺪﯨﻦ ﻣﯘﻻﻳﯩﻢ ﻏﻪﻣﻜﯩﻦ ﺋﯧﺸﻪﻛﻜﻪ ﺋﺎﻳﻼﻧﻐﺎﻥ ﺑﻮﻟﯩﺪﯗ. ﺋﻪﻟﺒﻪﺗﺘﻪ ﺋﯘﻧﯩﯔ ﺗﯧﺮﯨﺴﻰ ﺩﻩﺳﻠﻪﭖ ﻳﯘﻣﺮﺍﻥ ﺑﻮﻟﻐﺎﭼﻘﺎ ﺗﺎﻳﺎﻕ ﺋﯘﻧﻰ ﻗﺎﺗﺘﯩﻖ ﺋﺎﺯﺍﭘﻠﯩﺸﻰ ﻣﯘﻣﻜﯩﻦ. ﺷﯘﯕﺎ ﺋﯘ ﺩﻩﺳﻠﻪﭖ ﺗﺎﻳﺎﻗﺘﯩﻦ ﻗﻮﺭﻗﯘﭖ ﻧﺎﻫﺎﻳﯩﺘﻰ ﺗﯧﺰ ﻳﯜﮔﯜﺭﻩﻳﺪﯗ. ﺋﻪﻣﻤﺎ ﻳﻪﻧﯩﻼ ﺗﺎﻳﺎﻗﺘﯩﻦ ﻗﯘﺗﯘﻻﻟﻤﺎﻳﺪﯗ. ﺗﺎﻳﺎﻕ ﺋﯘﻧﯩﯔ ﺩﯛﻣﺒﯩﺴﯩﻨﻰ ﺑﺎﺭﺍ – ﺑﺎﺭﺍ ﻳﯧﻐﯩﺮ ﻗﯩﻠﯩﭗ ﺗﯧﺮﯨﺴﯩﻨﻰ ﻗﯧﻠﯩﻨﻼﺷﺘﯘﺭﯨﺪﯗ. ﺷﯘﻧﯩﯔ ﺑﯩﻠﻪﻥ ﺋﯘ ﺗﺎﻳﺎﻗﻘﺎ ﻛﯚﻧﯜﭖ ﻗﺎﻟﯩﺪﯗ. ﺋﯘ ﺋﯚﺯﯨﻨﯩﯔ ﺑﯘ ﺳﻪﭘﻪﺭﻧﻰ ﻣﻪﯕﮕﯜ ﺗﯜﮔﯜﺗﻪﻟﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﯩﭗ ﻳﻪﺗﻜﯩﻨﯩﺪﻩ ﺗﺎﻳﺎﻕ ﻳﯧﺴﯩﻤﯘ ﻫﻮﺭﯗﻧﻠﯘﻕ ﺑﯩﻠﻪﻥ ﻣﯧﯖﯩﺸﻘﺎ ﺋﺎﺩﻩﺗﻠﯩﻨﯩﺪﯗ. ﺑﯘﭼﺎﻏﺪﺍ ﺋﯧﺸﻪﻛﺘﻪ ﺋﯜﻣﯩﺪ ﺩﯦﮕﻪﻥ ﻧﻪﺭﺳﯩﺪﯨﻦ ﺋﻪﺳﻪﺭ ﻗﺎﻟﻤﺎﻳﺪﯗ. ﺋﯧﺸﻪﻙ ﺷﯘ ﺗﻪﺭﯨﻘﯩﺪﻩ ﺋﯚﻣﯩﺮﯨﻨﯩﯔ ﺋﺎﺧﯩﺮﯨﻐﯩﭽﻪ ﺗﺎﻳﺎﻗﺘﯩﻦ ﻗﯘﺗﯘﻻﻟﻤﺎﻳﺪﯗ. ﻫﻪﺗﺘﺎ ﺋﯚﻟﮕﻪﻧﺪﯨﻦ ﻛﯧﻴﯩﻨﻤﯘ ﻛﯩﺸﯩﻠﻪﺭ ﺋﯘﻧﯩﯔ ﺗﯧﺮﯨﺴﯩﻨﻰ ﺳﯘﻳﯘﯞﯦﻠﯩﭗ ﻗﯘﺭﯗﺗﯘﭖ ﻧﺎﻏﺮﺍ ﻳﺎﺳﺎﻳﺪﯗ. ﭼﯜﻧﻜﻰ ﺗﯩﺮﯨﻚ ﯞﺍﻗﺘﯩﺪﯨﻦ ﺑﺎﺷﻼﭘﻼ ﺗﺎﻳﺎﻗﻘﺎ ﻛﯚﻧﯜﭖ ﻛﻪﺗﻜﻪﻥ ﺗﯧﺮﻩ ﻧﺎﻏﺮﺍ ﻗﯩﻠﯩﭗ ﺋﻮﺭﯗﺷﻘﺎ ﺗﺎﺯﺍ ﺑﺎﭖ ﻛﯧﻠﯩﺪﯗ. ﺑﯘ ﺋﺎﺭﻗﯩﻠﯩﻖ ﻛﯩﺸﯩﻠﻪﺭ ﺋﯘﺳﺴﯘﻝ ﺋﻮﻳﻨﺎﭖ، ﺗﻪﻧﺘﻪﻧﻪ ﻗﯩﻠﯩﺸﯩﺪﯗ. ﺋﻪﻣﻤﺎ ﺷﯘ ﭼﺎﻏﺪﺍ ﻫﯧﭽﻜﯩﻤﻤﯘ ﺋﯧﺸﻪﻛﻨﻰ ﺋﯧﺴﮕﻪ ﺋﯧﻠﯩﭗ ﻗﻮﻳﻤﺎﻳﺪﯗ. ﺋﻪﻟﺒﻪﺗﺘﻪ ﺋﯧﺸﻪﻛﻨﯩﯖﻤﯘ ﺟﺎﻫﯩﻠﻠﯩﺸﯩﭗ ﺑﺎﺗﯘﺭﻟﯩﺸﯩﭗ ﻛﯧﺘﯩﺪﯨﻐﺎﻥ ﯞﺍﺍﻗﯩﺘﻠﯩﺮﯨﻤﯘ ﺑﺎﺭ . ﺑﯘﻧﺪﺍﻕ ﯞﺍﻗﯩﺘﺘﺎ ﺑﯩﺮ ﻫﺎﯕﮕﺎ ﺑﯩﺮﻩﺭ ﻣﺎﺩﺍ ﺋﯧﺸﻪﻛﻨﯩﯔ ﻳﻮﻟﺪﯨﻜﻰ ﺳﯜﻳﺪﯨﻜﯩﻨﻰ ﭘﯘﺭﺍﭖ ﻗﺎﻟﻐﺎﻥ ﺑﻮﻟﯩﺪﯗ. ﺑﯘﻧﺪﺍﻕ ﭼﺎﻏﺪﺍ ﻣﻪﻳﻠﻰ ﻗﺎﻧﭽﯩﻠﯩﻚ ﺗﺎﻳﺎﻕ ﻳﯩﻴﯩﺸﯩﺪﯨﻦ ﻗﻪﺗﺌﯩﻲ ﻧﻪﺯﻩﺭ ﺳﯜﻳﺪﯛﻙ ﭘﯘﺭﺍﭖ ﻣﺎﯕﻤﺎﻱ ﺗﯘﺭﯨﯟﺍﻟﯩﺪﯗ. ﻣﺎﺩﺍ ﺋﯧﺸﻪﻛﻨﻰ ﻛﯚﺭﺳﯩﻐﯘ ﺋﯩﺸﻨﯩﯔ ﭼﺎﺗﯩﻘﻰ ﺷﯘ . ﺋﯘ ﭼﺎﻏﺪﺍ ﺋﯧﺸﻪﻛﻨﯩﯔ ﻛﯚﺯﯨﮕﻪ ﻗﺎﻥ ﺗﻮﻟﯩﺪﯗ.
ﺋﯧﺸﻪﻛﻨﯩﯔ ﺟﯩﻨﺴﯩﻲ ﺋﻪﺯﺍﺳﻰ ﺭﺍﺳﺘﻨﻼ ﺑﺎﺷﻘﺎ ﺟﺎﻧﻠﯩﻘﻼﺭﺩﯨﻦ ﺋﯘﺯﯗﻥ. ﻫﻪﻡ ﺟﯩﻨﺴﯩﻲ ﺋﯩﺴﺘﯩﮕﯩﻤﯘ ﺑﺎﺷﻘﯩﻼﺭﺩﯨﻦ ﻛﯜﭼﻠﯜﻙ . ﺋﻪﭘﺴﯘﺳﻠﯩﻨﺎﺭﻟﯩﻘﻰ ﺋﯧﺸﻪﻙ ﺑﯘﻧﺪﺍﻕ ﻫﯘﺯﯗﺭﻏﺎ ﻧﺎﻫﺎﻳﯩﺘﻰ ﺗﻪﺳﺘﻪ ﺋﯧﺮﯨﺸﯩﺪﯗ، ﺋﯘ ﺑﯘ ﺟﻪﻫﻪﺗﺘﻪ ﻫﻪﺗﺘﺎ ﺧﻮﺭﺍﺯﻏﯩﻤﯘ ﻳﻪﺗﻤﻪﻳﺪﯗ.
ﺋﯧﺸﻪﻛﻨﯩﯔ ﺟﯩﻨﺴﯩﻲ ﻫﻪﺭﻛﯩﺘﯩﻨﻰ ﻣﯘﻫﻪﺑﺒﻪﺕ ﺩﯦﻴﯩﺸﻜﻪ ﺑﻮﻟﻤﺎﻳﺪﯗ. ﺋﯘ ﺋﺎﻗﻘﯘﭼﻘﺎﭼﻼﺭﺩﻩﻙ ﻣﯘﻫﻪﺑﺒﻪﺗﻠﯩﺸﻪﻟﻤﻪﻳﺪﯗ. ﭘﻪﻗﻪﺕ ﺑﯩﺮ ﺧﯩﻞ ﻳﺎﯞﺍﻳﻰ ﺋﯩﺴﺘﻪﻙ ﺗﯘﺭﯗﺗﻜﯩﺴﯩﺪﯨﻼ ﻫﻪﺭﻛﻪﺗﻠﯩﻨﯩﺪﯗ . ﺑﯘ ﺧﯩﻞ ﻫﻪﺭﻛﻪﺕ ﺧﯘﺩﺩﯨﻲ ﺑﺎﺳﻘﯘﻧﭽﯩﻠﯩﻘﻘﺎ ﺋﻮﺧﺸﺎﭖ ﻛﯧﺘﯩﺪﯗ. ﭼﯜﻧﻜﻰ ﺑﯘ ﺧﯩﻞ ﻫﻪﺭﯨﻜﻪﺕ ﻣﺎﺩﺩﺍ ﺋﯧﺸﻪﻛﻨﯩﯔ ﻣﻪﻳﻠﯩﺴﯩﺰ ، ﻧﯘﺭﻏﯘﻥ ﻗﻮﻏﻼﺷﻼﺭ ﻗﺎﺭﺷﯩﻠﯩﻖ ﯞﻩ ﺗﯧﭙﯩﻜﻠﻪﺭ ﺑﻪﺩﯨﻠﯩﮕﻪ ﺋﯧﻠﯩﭗ ﺑﯧﺮﯨﻠﯩﺪﯗ. ﺑﯘﻧﺪﺍﻕ ﺋﻪﻫﯟﺍﻝ ﺋﺎﺳﺘﯩﺪﺍ ﻫﻪﺗﺘﺎ ﺋﯧﺸﻪﻛﻨﯩﯔ ﺋﯩﮕﯩﺴﯩﻤﯘ ﺑﯘﻧﯩﯖﻐﺎ ﺋﺎﻣﺎﻝ ﻗﯩﻼﻟﻤﺎﻳﺪﯗ. ﺷﯘﯕﺎ ﻛﯩﺸﯩﻠﻪﺭ ﺑﻪﺩ ﻗﯩﻠﯩﻖ ﻛﯩﺸﯩﻠﻪﺭﻧﻰ ﺋﯘﻧﯩﯖﻐﺎ ﺋﻮﺧﺸﯩﺘﯩﭗ ﺗﻪﻣﺴﯩﻞ ﻗﯩﻠﯩﺪﯗ. ﺑﯘ ﺧﯩﻞ ﻳﺎﯞﺍﻳﻰ ﻫﯧﺴﯩﻴﺎﺗﺘﯩﻦ ﺩﺍﺩﯨﺴﻰ ﻧﺎﻣﻪﻟﯘﻡ ﺑﻮﻟﻐﺎﻥ ﻧﯘﺭﻏﯘﻥ ﺑﯩﺘﻪﻟﻪﻱ ﺗﻪﺧﻪﻳﻠﻪﺭ ﺗﯘﻏﯘﻟﯘﭖ ﺋﯚﺯﯨﻨﯩﯔ ﺟﻪﺑﺮﻯ - ﺟﺎﭘﺎﻟﯩﻖ ﺳﻪﭘﯩﺮﯨﻨﻰ ﺑﺎﺷﻼﻳﺪﯗ. ﺋﻪﻣﻤﺎ ﺑﯘﻧﯩﯔ ﺑﯩﻠﻪﻥ ﺋﯧﺸﻪﻛﻨﯩﯔ ﭘﻪﻳﺮﺍﻳﻰ ﭘﻪﻟﻪﻙ. ﺋﯘ ﭘﻪﻗﻪﺕ ﺷﯘ ﻗﯧﺘﯩﻢ ﺋﯚﺯ ﺋﯩﺴﺘﯩﻜﯩﻨﻰ ﻗﺎﻧﺪﯗﺭﯞﺍﻟﺴﯩﻼ ﺷﯘ ﻛﯘﭘﺎﻳﻪ .
ﺋﯧﺸﻪﻙ ﺋﯧﺸﻪﻛﺘﯩﻦ ﻗﺎﻟﺴﺎ ﻗﯘﻟﯩﻘﻨﻰ ﻛﻪﺱ ﺩﯦﮕﻪﻥ ﮔﻪﭖ ﺑﺎﺭ . ﺑﯘ ﺩﯦﮕﻪﻧﻠﯩﻚ ﺋﯧﺸﻪﻙ ﺋﯧﺸﻪﻛﻠﯩﻜﺘﻪ ﻳﻪﻧﻪ ﺑﯩﺮ ﺋﯧﺸﻪﻛﺘﯩﻦ ﻗﺎﻟﺴﺎ ﻗﯘﻟﯩﻘﯩﻨﻰ ﻛﻪﺱ ﺩﯦﮕﻪﻧﻠﯩﻚ ﺑﻮﻟﺴﺎﻛﯧﺮﻩﻙ. ﺋﯧﺸﻪﻛﻠﻪﺭ ﻗﯘﻟﯩﻘﯩﻨﯩﯔ ﺭﺍﺳﺘﯩﻨﻼ ﻛﯧﺴﯩﻠﯩﭗ ﻛﯧﺘﯩﺸﯩﺪﯨﻦ ﻗﻮﺭﻗﺎﻣﺪﯗ ﻗﺎﻧﺪﺍﻕ ، ﺑﯩﺮ ﺑﯩﺮﻯ ﺑﻪﻙ ﺑﻪﺳﻠﯩﺸﯩﺪﯗ. ﺋﻪﮔﻪﺭ ﺑﯩﺮ ﺋﯧﺸﻪﻙ ﻳﻪﻧﻪ ﺑﯩﺮ ﺋﯧﺸﻪﻛﻨﯩﯔ ﺋﯚﺯﯨﺪﯨﻦ ﺋﯚﺗﯜﭖ ﻛﯧﺘﯩﯟﺍﺗﻘﺎﻧﻠﯩﻘﯩﻨﻰ ﻛﯚﺭﯛﭖ ﻗﺎﻟﺪﯨﻐﺎﻥ ﺑﻮﻟﺴﺎ ﺟﺎﻥ ﺟﻪﻫﻠﻰ ﺑﯩﻠﻪﻥ ﻳﯜﮔﯜﺭﻩﻳﺪﯗ. ﺑﯘﻧﺪﺍﻕ ﭼﺎﻏﺪﺍ ﺗﺎﻳﺎﻗﻨﯩﯖﻤﯘ ﻻﺯﯨﻤﻰ ﻗﺎﻟﻤﺎﻳﺪﯗ. ﺋﻪﮔﻪﺭ ﺋﯩﻜﻜﻰ ﻫﺎﯕﮕﺎ ﺑﯩﺮ ﻣﺎﺩﯨﻨﻰ ﺗﺎﻟﯩﺸﯩﭗ ﻗﺎﻟﯩﺪﯨﻐﺎﻥ ﺑﻮﻟﺴﺎ ﺋﻪﻳﻬﺎﻧﻨﺎﺱ، ﺷﯘﻧﺪﺍﻕ ﺑﺎﺗﯘﺭﻟﯘﻕ ﺑﯩﻠﻪﻥ ﺋﯧﻠﯩﺸﯩﺪﯗﻛﻰ ﺑﯘﻧﺪﺍﻕ ﻣﻪﻧﺰﯨﺮﯨﻨﻰ ﻳﻮﻟﯟﺍﺱ ﻛﯚﺭﯛﭖ ﻗﺎﻟﯩﺪﯨﻐﺎﻥ ﺑﻮﻟﺴﺎ ﺑﻪﺩﻩﺭ ﺗﯩﻜﯩﯟﯦﺘﯩﺸﻰ ﻣﯘﻣﻜﯩﻦ. ﻳﯧﻘﯩﻨﯩﺪﯨﻦ ﺑﯘﻳﺎﻥ ﮔﺎﻻﺳﺘﯘﻙ ﭼﻪﻛﻜﻪﻥ ﺑﻪﺯﻯ ﺋﯧﺸﻪﻛﻠﻪﺭ ﭘﻪﻳﺪﺍ ﺑﻮﻟﯘﭖ ﻗﺎﭘﺘﯘ. ﺋﻪﻣﻤﺎ- ﺯﻩ، ﺋﯧﺸﻪﻛﻜﻪﮔﺎﻻﺳﺘﯘﻙ ﭼﻪﻛﻜﯜﺯﯛﭖ ، ﻛﺎﺳﺘﯘﻡ ﺑﯘﺭﯗﻟﻜﺎ ﻛﻪﻳﮕﯜﺯﯛﭖ ﭼﯩﺮﺍﻳﻠﯩﻖ ﮔﯧﻠﻪﻡ ﺋﯜﺳﺘﯩﮕﻪ ﻗﯘﻳﯘﭖ ﻗﻮﻳﺴﯩﯖﯩﺰﻣﯘ ﻳﻪﻧﯩﻼ ﺋﻮﺧﺸﺎﺵ ﺗﯧﺰﻩﻛﻠﻪﯞﯦﺮﯨﺪﯗ.

ﭼﯩﺮﺍﻳﻠﯩﺮﯨﻤﯩﺰ

ﭼﯩﺮﺍﻳﻠﯩﺮﻣﯩﺰ ﺋﯚﺯﮔﯜﺭﯛﭖ ﻛﯧﺘﯩﭙﺘﯘ. ﺑﯘﻧﻰ ﻳﯧﻘﯩﻨﺪﯨﻼ ﻫﯧﺲ ﻗﯩﻠﯩﺪﯨﻢ . ﺋﺎﻟﺪﯨﻤﺪﯨﻜﻰ ﺋﯜﺳﺘﻪﻟﺪﻩ ﺑﯩﺮ ﭘﺎﺭﭼﻪ ﺳﯚﺭﻩﺕ ﺗﯘﺭﯗﭘﺘﯘ. ﺭﻩﺗﻠﯩﻚ ﻫﻪﺭﺑﯩﻲ ﻛﯩﻴﯩﻢ ﺷﯘﻧﺪﺍﻕ ﻳﺎﺭﺍﺷﻘﺎﻥ ﺑﯩﺮ ﺗﻮﭖ ﻳﺎﺷﻼﺭ ﻗﻮﺭﺍﻟﻠﯩﺮﻧﻰ ﭼﯩﯔ ﺗﯘﺗﻘﯩﻨﯩﭽﻪ ﺗﯘﺭﯗﭘﺘﯘ. ﺋﯘﻻﺭﻧﻰ ﻫﻪﻣﯩﺴﻰ ﮔﻪﯞﺩﯨﻠﯩﻜﻤﯘ ﺋﻪﻣﻪﺱ، ﭘﺎﻛﺎﺭ ﻟﯩﺮﯨﻤﯘ ﺋﯘﺭﯗﻗﻠﯩﺮﯨﻤﯘ ﻛﯚﭖ . ﺋﻪﻣﻤﺎ ﻗﻮﺭﺳﯩﻘﻰ ﺋﺎﻟﺪﯨﻐﺎ ﺗﻮﻣﭙﯩﻴﯩﭗ ﻗﺎﻟﻐﯩﻨﻰ ﻳﻮﻕ. ﻫﻪﻣﻤﺴﻰ ﺋﯘﺭﯗﻕ، ﺋﻪﻣﻤﺎ ﭼﯩﺪﺍﻣﻠﯩﻖ ﻛﯚﺗﯜﺭﻩﯕﮕﯜ ﻫﻪﻣﻤﯩﺴﻨﯩﯔ ﻛﯚﺯ ﻟﯩﺮﯨﺪﻩ ﺑﯩﺮ ﺧﯩﻞ ﺋﯚﺕ ﭼﺎﻗﻨﺎﭖ ﺗﯘﺭﻏﺎﻥ ﻏﻪﺯﻩﭖ ﯞﻩ ﻧﻪﭘﺮﻩﺕ ﻫﻪﻡ ﻫﻪﻗﯩﻘﻪﺕ ﻧﯘﺭﻯ ﭼﺎﻗﻨﺎﭖ ﺗﯘﺭﯗﭘﺘﯘ. ﻧﯘﺭﻟﯘﻕ ﻗﺎﺗﺘﯩﻖ ﻛﯚﺯﻟﻪﺭ ﺋﺎﺩﻩﻣﻨﻰ ﺋﻪﻳﻤﯩﻨﺪﯛﺭﯨﺪﯗ. ﻫﻪﺗﺘﺎ ﻗﯩﺰﻻﺭﻧﯩﯖﻤﯘ ﻫﯧﺠﺎﻳﻐﺎﻥ ﭼﯩﺮﺍﻳﻰ ﻳﻮﻕ. ﺋﺎﻟﺪﯨﻤﺪﺍ ﻳﻪﻧﻪ ﺑﯩﺮ ﺳﯚﺭﻩﺕ .... ﻗﯘﺭﺳﺎﻗﻠﯩﺮﻯ ﺗﻮﭘﭙﯩﻴﯩﭗ ﭼﯩﻘﯩﭗ ﻛﻪﺗﻜﻪﻥ ﻳﺎﺷﻼﺭ ﺋﺎﻟﺪﯨﺪﺍ ﺑﯩﺮ ﻧﻪﭼﭽﻪ ﻗﻮﺭﯨﻤﺎ ﯞﻩ ﻫﺎﺭﺍﻕ ﭘﻮﺗﯩﻠﻜﯩﻠﯩﺮﻯ ﺋﻪﺭﯞﻩﯓ - ﺳﻪﺭﯞﻩﯓ ﺗﺎﺷﻠﯩﻨﯩﭗ ﻳﺎﻛﻰ ﺑﯩﺮ ﺑﯩﺮﺳﯩﻤﯩﺰﮔﻪ ﺯﻩﻫﻪﺭﺧﻪﻧﯩﺪﯨﻠﻪﺭﭼﻪ ﻗﺎﺭﯨﺸﯩﭗ ﺗﯘﺭﯗﺭﯨﻤﯩﺰ . ﻫﻪﻣﻤﯩﺰﻧﯩﯔ ﻛﯚﺯﻟﯩﺮﯨﺪﻩ ﺑﯩﺮ ﻫﯩﻠﻪ- ﻣﯧﻜﯩﺮ، ﺳﺎﺧﺘﯩﻠﯩﻚ ﯞﻩ ﺯﻩﺧﻪﺭ ﺧﻪﻧﺪﯨﻠﯩﻚ. ﻛﯚﺯﻟﯩﺮﯨﻤﯩﺰ ﻗﻮﻳﻨﯩﯔ ﻛﯚﺯﯨﮕﻪ ﺋﻮﺧﺸﺎﺵ ﻣﻪﺳﯜﻡ . ﺋﻪﻣﻤﺎ ﺧﻪﺗﻪﺭﻟﯩﻚ، ﺋﯩﺸﻪﻧﭽﺴﯩﺰﻟﯩﻚ ﯞﻩ ﻫﯧﻴﻠﻪ ﻣﯧﻜﯩﺮﻟﯩﻚ، ﺑﯩﺮ ﺑﯩﺮﯨﻤﯩﺰﺩﯨﻦ ﭘﺎﻳﺪﯨﻠﯩﻨﯩﺸﻨﻰ، ﺑﯩﺮ ﺑﯩﺮﯨﻤﯩﺰﻧﻰ ﺋﺎﺯﯨﺮﺍﻕ ﺑﻮﻟﺴﯩﻤﯘ ﻗﯘﻳﯘﯞﯦﻠﯩﺸﻨﻰ ﺋﯩﺴﺘﻪﭖ ﺗﯘﺭﯨﺪﯗ.
ﺋﺎﺩﻩﻡ ﺋﺎﭼﭽﯩﻘﻰ ﻛﻪﻟﮕﻪﻧﺪﻩ ﺳﻪﻣﯩﻤﯩﻴﻠﯩﺸﯩﺪﯗ. ﻛﯜﻟﮕﻪﻧﺪﻩ ﺑﻮﻟﺴﺎ ﻫﯧﻴﻠﯩﮕﻪﺭﻟﯩﺸﯩﭗ ﻛﯧﺘﯩﺪﯗ. ﺋﺎﻫ ! ﻧﯧﻤﯩﺸﻘﺎ ﻫﯧﺠﺎﻳﻐﺎﻥ ﭼﯩﺮﺍﻳﻠﻼﺭ ﺷﯘﻧﭽﻪ ﻛﯚﭖ. ﻧﯧﻤﯩﺸﻘﺎ ﻏﻪﺯﻩﭘﻠﯩﻚ ﭼﺮﺍﻳﻼﺭﻧﻰ ﻛﯚﺭﻩﻟﻤﻪﻳﻤﯩﺰ . ﺑﻪﻟﻜﯩﻢ ﺑﯩﺮ ﺑﯩﺮﯨﻤﯩﺰﮔﻪ ﺷﯘﻧﭽﯩﻠﯩﻚ ﺗﺎﻣﺎﺧﻮﺭ ﺑﻮﻟﻐﺎﭺ ﺑﯩﺮ ﺑﯩﺮﻣﯩﺰﮔﻪ ﻣﻪﻏﯘﺭﯗﺭ ﻗﺎﺭﯨﻴﺎﻟﻤﺎﻱ ﻫﯧﻴﻠﮕﻪﯨﺮﻟﻪﺭﭼﻪ ﻫﯧﺠﯩﻴﯩﯟﺍﺗﺪﯨﻐﺎﻧﺪﯨﻤﯩﺰ . ﺑﯩﺮ- ﺑﯩﺮﻣﯩﺰﺩﯨﻦ ﺋﺎﺯﯨﺮﺍﻕ ﻧﻪﭖ ﭼﯩﻘﯩﭗ ﻗﺎﻻﺭﺭﻣﯘ ﺩﯦﮕﻪﻥ ﺑﯩﭽﺎﺭﻩ ﺋﯜﻣﯩﺪﺗﻪ ﺗﯩﻜﯩﻠﯩﯟﺍﺗﻘﺎﻧﺪﯨﻤﯩﺰ. ﺑﻪﻟﻜﯩﻢ ﺋﺎﻧﭽﻪ - ﻣﯘﻧﭽﻪ ﭘﺎﻳﺪﯨﻐﯩﻤﯘ ﺋﯧﺮﯨﺸﻜﻪﻧﺪﯨﻤﯩﺰ. ﺋﻪﻣﻤﺎ ﺷﯘﻧﯩﯔ ﺑﯩﻠﻪﻥ ﺋﯘﻧﯩﯖﺪﯨﻨﻤﯘ ﭼﻮﯓ ﺑﯩﺮ ﻧﻪﺭﺳﯩﻠﻪﺭﻧﻰ ﻳﯜﺗﺘﯜﺭﯛﭖ ﻗﯘﻳﯩﯟﺍﺗﯩﻤﯩﺰ ﺋﯘ ﺑﻮﻟﺴﯩﻤﯘ ﻏﯘﺭﯗﺭ ﯞﻩ ﺋﯚﺯﯨﮕﻪ ﺋﯩﺸﯩﻨﯩﺶ .

ﻫﻪﻗﯩﻘﻪﺕ

ﻫﻪﻗﯩﻘﻪﺕ ﺋﯩﻜﻜﻰ ﺧﯩﻞ ﺑﻮﻟﯩﺪﯗ. ﺑﯩﺮﺳﻰ ﻛﯩﺸﯩﻠﻪﺭﻧﻰ ﺭﻭﻫﯩﻲ ﺩﯗﻧﻴﺎﺳﯩﺪﯨﻜﻰ ﺋﺎﺭﺯﯗ ﺋﺎﺭﻣﯩﻨﯩﺪﯨﻜﻰ ﻫﻪﻗﯩﻘﻪﺕ .ﻳﻪﻧﻪﺑﯩﺮﻯ ﺭﯦﺌﺎﻟﻠﯩﻘﺘﯩﻜﻰ ﻫﻪﻗﯩﻘﻪﺕ ﺑﯘ ﻛﯜﭼﻠﯜﻛﻠﻪﺭﻧﯩﯔ ﻫﻪﻗﻘﯩﺘﻰ ﺋﯘ ﺋﯧﮕﯩﻠﯩﺪﯗ، ﺳﯘﻧﯘﭖ ﻛﯧﺘﯩﺪﯗ ﻫﻪﺗﺘﺎ ﻳﻮﻕ ﺑﻮﻟﯘﭖ ﻛﯧﺘﯩﺪﯗ.

ﺟﺎﻫﯩﻠﻠﯩﻖ

ﺟﺎﻫﯩﻠﻠﯩﻖ ﮔﯜﺯﻩﻝ ﺋﻪﺧﻼﻕ . ﺑﯩﺰ ﺋﯘﻧﻰ ﺋﯩﺰﭼﯩﻞ ﺗﯩﻠﻼﭖ ﻛﻪﻟﮕﻪﻥ ﺑﻮﻟﺴﺎﻗﻤﯘ ﻫﯧﭽﻘﯩﺴﻰ ﻳﻮﻕ . ﭼﯜﻧﻜﻰ ﺑﯩﺰ ﺩﺍﺋﯩﻢ ﺋﻪﻫﻤﯩﻴﯩﺘﻰ ﻳﻮﻕ ﻧﻪﺭﺳﯩﻠﻪﺭﻧﻰ ﺋﯘﻟﯘﻗﻼﭖ ﺋﻪﻫﻤﯩﻴﻪﺗﻠﯩﻚ ﻧﻪﺭﺳﯩﻠﻪﺭﻧﻰ ﻗﺎﻏﺎﻳﻤﯩﺰ . ﺟﺎﻫﯩﻠﻠﯩﻖ ﻣﻪﻥ ﺳﯧﻨﻰ ﺳﯜﻳﯩﻤﻪﻥ . ﻣﻪﻥ ﺭﻭﻫﻰ ﺳﯧﻨﯩﯔ ﺑﯩﻠﻪﻥ ﺳﯘﻏﯘﺭﯨﻠﻐﺎﻥ ﻛﯩﺸﯩﻠﻪﺭﻧﻰ ﻳﺎﺧﺸﻰ ﻛﯚﺭﯨﻤﻪﻥ. ﺋﯘﻧﺪﺍﻕ ﺋﺎﺩﻩﻣﻠﻪﺭ ﺋﯚﺯ ﺋﯧﺘﯩﻘﺎﺩﯨﻨﻰ، ﯞﻩﺗﯩﻨﯩﻨﻰ ، ﺋﻪﺧﻼﻗﯩﻲ ﭘﻪﺯﯨﻠﯩﯩﺘﻨﻰ، ﺋﯚﺯ ﻗﯧﺮﯨﻨﺪﯨﺸﻨﻰ ﻗﻮﻏﺪﯨﻴﺎﻻﻳﺪﯗ. ﭼﯜﻧﻜﻰ ﺋﯘﻻﺭ ﺋﻪﯓ ﺋﺎﻟﺪﻯ ﺑﯩﻠﻪﻥ ﺋﯚﺯ ﭘﯩﻜﺮﯨﻨﻰ ﻗﻮﻏﺪﯨﻴﺎﻻﻳﺪﯗ. ﭼﯜﻧﻜﻰ ﺳﻪﻥ ﺋﯘﻻﺭﻏﺎ ﻏﯘﺭﯗﺭ ﯞﻩ ﺋﯩﺸﻪﻧﭻ ﻗﻪﻳﺴﻪﺭﻟﯩﻚ ﻗﻮﺭﻗﻤﺎﺳﻠﯩﻘﻨﻰ ﯞﻩ ﻗﯘﺭﻏﺎﻥ ﺑﯧﺮﯨﺸﻨﻰ ﺋﯚﮔﯩﺘﯩﺴﻪﻥ ﺟﯜﻣﻠﯩﺪﯨﻦ ﺳﻪﻥ ﺋﯘﻻﺭﻏﺎ ﺋﯚﺯﻟﯩﻜﯩﻨﻰ ﺋﯚﮔﯩﺘﯩﺴﻪﻥ . ﻣﻪﻳﻠﻰ ﺋﯘﻧﯩﯔ ﻫﻪﺭﻛﯩﺘﻰ ﺧﺎﺗﺎ ﺗﻮﻏﺮﺍ ﺑﻮﻟﺴﯘﻥ ﻳﺎﻛﻰ ﻣﻪﻏﻠﯘﭖ ﻏﺎﻟﯩﭗ ﺑﻮﻟﺴﯘﻥ ﺋﯘﻧﯩﯖﺪﯨﻦ ﺋﯘﻟﯘﻗﻠﯩﻖ ﺗﯧﻤﯩﭗ ﺗﯘﺭﯨﺪﯗ . ﺋﯩﻬ ﺟﺎﻫﯩﻞ ﻛﯩﺸﻰ ﺑﺎﺷﯩﻘﯩﻼﺭ ﺳﯩﺰﻧﻰ ﻣﻪﺧﺴﯩﺮﻩ ﻗﯩﻠﯩﯟﺍﺗﺎﻣﺪﯗ؟ ﺑﻮﭘﺘﯘ، ﺭﻩﻧﺠﯩﻤﻪﯓ. ﺋﻪﺳﻠﻰ ﺑﯩﺮﻧﻰ ﺑﯩﺮ ﺩﯦﻴﯩﺶ ﻛﯜﻟﻜﯩﻠﯩﻚ ﺋﻪﻣﻪﺱ، ﺑﯩﺮﻧﻰ ﺋﯩﻜﻜﻰ ﺩﯦﻴﯩﺶ ﺋﻪﯓ ﻛﯜﻟﻜﯩﻠﯩﻚ ﺋﻪﻣﻪﺳﻤﯘ؟

ﺋﯘﻳﻐﯘﺭﭼﻪ ﻫﺎﻳﺎﺕ

ﺋﺎﻫ! ﺗﻪﻧﻨﯩﯔ ﻫﯚﺯﯗﺭﯨﻨﻰ ﺭﻭﻫﻨﯩﯔ ﻫﻼﻛﯩﺘﯩﻨﻰ ﯞﺍﻳﯩﻐﺎ ﻳﻪﺗﻜﯜﺯﯨﺪﯨﻐﺎﻥ ﺋﯘﻳﻐﯘﺭﭼﻪ ﻫﺎﻳﺎﺕ ﺳﻪﻥ ﻧﯧﻤﻪ ﺩﯦﮕﻪﻥ ﺗﺎﺗﻠﯩﻖ ﯞﻩ ﺯﻩﻫﻪﺭﻟﯩﻜﺴﻪﻥ. ﺋﯘﻳﻐﯘﺭﭼﻪ ﺗﻪﭘﻪﻛﻜﯜﺭ ﺑﺎﻧﺎ ﺳﻪﯞﻩﺏ ﺋﯩﺰﺩﻩﻳﺪﯨﻐﺎﻥ ﺗﻪﭘﭙﻪﻛﯜﺭ ، ﺋﯚﺯﺋﯩﺸﯩﻨﻰ ﺑﺎﺷﻘﯩﻼﺭﻧﯩﯔ ﺋﯧﺘﯩﺮﺍﭖ ﻗﯩﻠﯩﺸﯩﻨﻰ ﻛﯜﺗﯜﭖ ﺗﯘﺭﯨﺪﯨﻐﺎﻥ ﺗﻪﭘﭙﻪﻛﯜﺭ ، ﺋﯘﻳﻐﯘﺭﭼﺎ ﺗﻪﭘﭙﻪﻛﯜﺭ ﺩﻩﺭﻩﺥ ﺑﯩﻠﻪﻥ ﻛﺎﺭﻯ ﻳﻮﻕ ﺑﯩﺮﺗﺎﻝ ﻛﯚﺗﻪﻛﻨﻰ ﺗﺎﻟﯩﺸﯩﺪﯨﻐﺎﻥ ﺗﻪﭘﭙﻪﻛﻜﯜﺭ .

ﻳﺎﺷﺎﺵ ﯞﻩ ﺋﯚﻟﯜﻡ

ﺋﯩﻜﻜﻰ ﺧﯩﻞ ﻛﯩﺸﯩﻠﻪﺭ ﺋﯚﻟﯜﻣﺪﯨﻦ ﺑﻪﻛﺎﺭﻩﻙ ﻗﻮﺭﻗﯩﺪﯗ. ﺑﯩﺮﻯ ﭘﺎﺳﺴﯩﻖ ﻧﺎﻣﻪﺗﻠﻪﺭ، ﻳﻪﻧﻪ ﺑﯩﺮﻯ ﻛﯚﯕﻠﯩﮕﻪ ﺗﯧﺨﻰ ﻗﯩﻠﯩﭗ ﺑﻮﻻﻟﻤﯩﻐﺎﻥ ﺋﯘﻟﯘﻕ ﺋﯩﺸﻼﺭﻧﻰ ﭘﯜﻛﻜﻪﻥ ﻛﯩﺸﯩﻠﻪﺭ . ﺋﻪﻣﻪﻟﯩﻴﻪﺗﺘﻪ ﺋﯚﻟﯜﻡ ﻗﻮﺭﻗﯘﻧﯩﭽﻠﯩﻖ ﺋﻪﻣﻪﺱ، ﻳﺎﺷﺎﺵ ﻗﻮﺭﻗﯘﻧﯘﭼﻠﯘﻕ ﺑﻮﻟﻐﺎﭼﻘﯩﻼ ﻛﯩﺸﯩﻠﻪﺭ ﺋﯚﻟﯜﻣﺪﯨﻦ ﺑﻪﻛﺎﺭﺍﻕ ﻗﻮﺭﻗﺴﺎ ﻛﯧﺮﻩﻙ .

مةنبة:گۈلستان تورى

               

  ياخشى يوللاپ سىز !!!!!!!!!!!!!!!!!!!!!!!!

               

ئادەمنى چوڭقۇر خىيالغا سالغۇدەك تەپەككۇرلەركەن...  ئوبدان يوللاپسىز ... رەھمەت سىزگە..

                   

               

ياخشى يوللاپ سىز !!!!!!!!!!!!!!!!!!!!!!!!نۇرغۇن نەرسىلەرنى بىلۋالدۇق،،،رھمەت،،ھارماڭ

رەخمەت..........................................سىزگە

رەھمەت سىزگە ئويلىنىشقا تىگىشلېككەن 

Quote:

بۇ يازما3قەۋەتتىكىYagmauyghurنىڭ2008-04-11 17:04يوللىغان  :
               

مۇنبەردە خەت يېزىشنى بىلمەيدىغانلار خېلى كۆپكەن ھە .........................

ياخشى تېمىكەن............ رىئاللىقتا ئادەم راستىنلا ئۆزىگە ئۆزى ئىگە بولالمايدىكەن.  

                                     

تېمىڭىزغا رەخمەت!كۆپ جاپا چەككەنسىز!
بۇندىن كېيىنمۇ كۆپلەپ يوللاپ تۇرۇشىڭىزغا تىلەكداشمەن!

مۇئەللىم بىز بىر سىنىپ بالىنى تورخانىغا كىرىپ بىزنى بۇ ماقالىنى تېپىپ ئۇقۇشقا بۇيرىدى .بەس  .مەنلا تىز تاپالىدىم ۋەمۇنبەرگە بىر نىمىلەرنى يوللاپ كۈرۈپ تۇرغاچقا بۇ ماقالىنىڭ مەزمۇنىغا تىزلا ماسلىسالىدىم .قارىغاندا ئۇقۇتقۇچىمىز بىزگە كومپىيتورنىڭ قاتتىىق دىتالىغا ئوخشاش  نىمە قاچىلاپ بۇيرۇق بەرسە شۇنى ئىجرا قىلىدىغان بىر نەرسىگە ئوخشاپ قالماسلىقىمىزنى تەلەپ قىلغان ئوخشايدۇ . گالاستۇك تاقىسام تاقايمەنكى ئەمدى ئىشەك بولمايمەن . راستىنى ئېيتسام بۇ ماقالىنىڭ مەزمۇنىنى ناھايىتى تەس ھەزىم قىلغۇدەكمەن ،چۈنكى پىكىر خېلى چوڭقۇر ئىكەن .يارايسىز دوستۇم .يېزىۋېرىڭ . مەن قاتارلىقلار سىزنى قوللايدۇ .