| |||||||||
kok-sultan تەۋپىق ئىزچىسى | بىزگە تۇنۇش قەدىمىي ئورمان (1)
جۇشقۇن سايراپ تۇراتتى قۇشلار، سالقىن كەچتە قىلىشىپ ناۋا. يايراپ بىر پەس سەگىيتى يۈرەك، جانغا ھۇزۇر بېرەتتى ھاۋا. يۇمران چىملىق يۇيۇنۇپ پاكىز، ئاچار ئىدى نازلىنىپ قۇچاق. غۇنچە يېرىپ نامازشام گۈلى، كۈلەر ئىدى تېلىقىپ ئۇزاق. چىغىر يوللار سېلىشىپ گىرە، زۇمرەت ئېقىن بولاتتى ئامراق. مەپتۇن بولۇپ قالدۇرغان ئىزغا، ھەۋەس بىلەن باقاتتى ياپراق. چىمەن قىرغاق شادلىققا تولۇپ، قوزغار ئىدى رومانتىك خىيال. قەسەم قىلىپ سېغىنغان دىلغا، ئىزدەر ئىدى ئۆمۈرلۈك ۋىسال. ياشلىق ئوتى قاينىغان تەنگە، تاشلار ئىدى مەجنۇنتال سايە. غەليان قىلىپ ئالتىنچى سەزگۈ، تۇغار ئىدى يېڭى بىر غايە. (2) خىلى مەزگىل ئارىدىن ئۆتۈپ، چۈشتى شۇ چاغ تۇيۇقسىز ئەسكە. كېۋەز شېخى قاپلىغان دالا، چۈشتى بەكمۇ تۇنۇماق تەسكە. كۆكنى قۇچقان سۇۋادان تېرەك، قاخشال بولۇپ قالدۇرغان جەسەت. گۆردەك سۈرلۈك قۇرىغان ئۆستەڭ، نالە قىلار زارلىنىپ مىڭ رەت. جىمجىت ئاۋاز يامرىغان زىمىن، بولۇپ قالغان ھامىلدار قۇمغا. ئاسمان-پەلەك ئۆرلىگەن قۇيۇن، بەخت تىلەر تۇغۇلار <<شۇم>>غا. (3) بىزگە تۇنۇش قەدىمىي ئورمان، جەۋھەر سۆزى ئۇنتۇلغان قوشاق. باغرى قانغا لىق تولغان ئاشىق، ناخشا-كۈيى ھەسرەتكە توشاق. مەنبە:ئىجادىيەت | |||||
---|---|---|---|---|---|---|
بۇ يازمىنىڭ يېقىنقى باھالىنىش ئەھۋالى : |
uqkun500 دەرىجىسى :يېزىش چەكلەنگەن | ياخشى يېزىپىسىز . قۇلىڭىزگە دەرت بەرمىسۇن
| ||||
---|---|---|---|---|---|
hilale ھىلالە | بىرىنچى بۆلەك ئۈچىنچى كۇپلىت ئىككىنچى مىسرادىكى «ئامراق» سۆزىگە،ئىككىنچى بۆلەك بىرىنچى كۇپلىتقا يەنە بىر ئىشلەپ بېقىشىڭىزنى تەۋسىيە قىلىمەن.
«جىمجىت ئاۋاز يامرىغان زىمىن» دېگەن مىسرادىن سۆيۈندىم،ئىجادىيىتىڭىز ئۇتۇقلۇق بولغاي... | |||||
---|---|---|---|---|---|---|
Tanha☆Bala دەرىجىسى :يېڭى ئۆگەنگۈچى | ياخشى شىئىركەن ، بولسا مۇشۇنداق شئىرلەرنى كۆپلەپ يىزىپ تۇرغايسىز. . . قولىڭىزغا دەرت كەلمىسۇن دوستۇم . ..
| |||||
---|---|---|---|---|---|---|
nurdun | شېئىر يېزىپ ياتمايدىغان ۋۇجۇدۇغا پاتمايدىغان مۇئەللىمدە ئۆزلىرى ھە؟ھېسياتلىق شېر لار تۈكۈلۈپلا تۇردۇ ھە؟
قەلەملىردىن .سىلگە بىر شاگىرىت بۇلاي دەيمەن شېر يېزىشتا .بۇ چىن سۈزۈم قەلەملرى ھارمىغاي | |||||
---|---|---|---|---|---|---|