ئاياللىشىپ كېتىۋاتقان ئەر چولپانلار ۋە كۆڭۈل ئېچىش ساھەسىدىكى مەينەتچىلىك

ياخشى تىما ئىكەن شۇڭا باشقا مۇنبەردىن ئەكىردىم

ئاپتورى: ئەنۋەر جۇلا


تۆنۈگۈن يىپەك يولى كىنو تورىدىن شياڭگاڭلىق داڭلىق رىژىسور لى ئەن ئىشلىگەن كىنو «پۇچۇق تاغ»نىڭ 6تۈرلۈك ئالتۇن شار مۇكاپاتى نامزاتلىقىغا، ئۆزىنىڭ ئەڭ ياخشى رىژىسور بولۇپ باھالانغانلىقىنى ئوقۇپ قالدىم-دە، شۇ ھامان دۇنياۋى كاتتا مۇكاپاتقا ئېرىشكەن بۇ كىنونى كۆرۈش ئىستىكى قوزغالدى. باش تىزىملىكتە ئۇ كىنونىڭ ئېلان چۈشەندۈرىشى بار ئىكەن. شۇنىڭ بىلەن بۇ كىنونى ئېچىپ كۆرۈشكە باشلىدىم. كاللامدا دۇنيادا 6تۈرلۈك مۇكاپاتقا ئېرىشىپ ئەڭ زور غۇلغۇلا قوزغىغان كىنو چوقۇم ئادەمنى قاتتىق ھاياجانغا سالىدۇ،دەپ بىر قىزىقىش بولغاچقا ئىشىكنى مەھكەم تاقىۋېتىپ كىنو ئېچىلىشى بىلەنلاپۈتۈن دىققىتىم بىلەن كۆردۈم. مۇقەددىمىسىدە كېچىدە بىر تىمتاس يولدا چىراق يورۇتۇپ كېتىۋاتقان بىر يۈك ماشىنىسى چىقتى. ئۇنىڭغا ماسلاشتۇرۇپ مۇڭلۇق چېلىنغان بىر گېتار مۇزىكىسى ئاڭلاندى. بۇ بىر كىنودا تولا چىقىدىغان ئادەتتىكى كۆرۈنۈش ئىدى. لېكىن كاللامدا ھېلىقى «ئالتۇن شارغا ئېرىشكەن كىنو» ئۇقۇمى بولغاچقا بۇ ئاددى كۆرۈنۈشلەرمۇ ماڭا ئالاھىدە تۇيۇلدى. ئاندىن تاڭ ئېتىپ ماشىنىنىڭ بىر كىچىك تاغلىق بازارغا كىرىپ كەلگىنى، ماشىنىدىن پادىچىلار شىمى ۋە پادىچىلار قالپىقى كىيىۋالغان بىر دارازا يىگىت چۈشۈپ بىر ئۇزۇن قاڭالتىر ئۆينىڭ تېمىغا يۆلىنىپ تۇرغان كۆرۈنىشى، ئۇنىڭ ئارقىدىن يەنە بىر كورۇڭ ماشىنا توپا توزۇتۇپ كېلىپ شۇ يىگىتكە ئوخشىشىپ كېتىدىغان يەنە بىر دارازا يىگىتنىڭ كېلىپ ئۇنىڭغا سىرلىق قاراپ كەتكەن كۆرۈنۈشى چىقتى. نۇرغۇنلىغان ئامېرىكا كىنولىرىدا مۇشۇنداق قالپاق،تار پادىچى شىمى كەيگەن ئادەملەر ناگان ئوينىتىپ ئېتىشىپ كېتىدىغان كۆرۈنۈش كۆپ چىقاتتى. ھەم بۇنداق كىنوغىمۇ ئامراق ئىدىم. كۆڭلۈمدە بۇ ئىككى نوچى بىر-بىرىگە خىرىس قىلىشىپ بىر چاڭدىن ئېتىشىپ كېتىدىغان بولدى دەپ قالدىم. لېكىن ئۇنداق كىشىنى ھاياجانغا سالىدىغان كۆرۈنۈش چىقماي بىر سېمىز پور كۆتەك پەيدا بولدى-دە،قاڭالتىر ئۆينىڭ ئىشىكىنى ئېچىپ ئۆيگە كىرىپ كېلىشىگە ئۇ ئىككى دارازىمۇ ئۇنىڭ ئارقىسىدىن كىردى. ئۆيەە كىرگەندىن كېيىن پور كۆتەك ئۇ ئىككى يېڭى كەلداخۇنغا بىر دەستە ئاچقۇچنى بېرىپ بىر نەرسىلەرنى تاپىلىدى. كىنو تىلى ئېنگېلېزچە بولغاچقا ئاستىدا چىقىپ تۇرغان خەنزۇچە دىئالوگ چۈشەندۈرۈشىنى چالا-پۇچۇق كۆرۈپ ئولتۇرۇپ تۈزۈك نەرسىنى ئاڭقىرالمىدىم. ئەسلىدە بۇ بىر قوي بېقىش بازىسى بولۇپ ئۇ پور كۆتەك قوي باقتۇرىدىغان ئاداشتەك قىلاتتى. ئۇ ئىككىسى ئۇنىڭ قويىنى بېقىپ بېرىشكە كەلگەنلەردەك قىلاتتى. دېگەندەك ئۇنىڭ ئارقىدىن خۇددى بىزنىڭ تېكەس، كۈنەس دېگەن يايلاقلىرىمىزغا ئوخشىشىپ كېتىدىغان ناھىيىتى گۈزەل بىر ياپ-يېشىل تاغ، سۈيى زۇمرەتتەك ئاقىدىغان جىلغىلار ۋە ناھىيىتى نۇرغۇن قويلارنىڭ ئوتلاپ كېتىۋاتقان، ئۇ ئىككى دارازىنىڭ بىردىن ئاتقا مىنىۋېلىپ قويغا قاراۋاتقان كۆرۈنۈشى چىقتى. مەنزىرە ھەقىقەتەن بەك گۈزەل ئىدى. كۆپ-كۆك ئاسمان، پايانسىز قارىغايلار، بۇلۇتتەك قوي پادىلىرى، زۇمرەتتەك سۇلار ئويناقشىپ تۇرغان جىلغىلار، يىراقتا سۇس لەيلەپ تۇرغان تۇمان..بەئەينى مەن ژورنال ۋە بەزى كىنولاردا كۆرگەن بىزنىڭ قازاقلىرىمىزنىڭ يايلىقىغىلا ئوخشايتتى. بۇ مېنى تېخىمۇ قىزىقتۇردى. شۇنىڭ بىلەن«ھە...كىنو راستلا پەيزىكەن» دېگەن تەسىراتقا كەلدىم. ئاندىن كېيىن ئۇ ئىككىسىنىڭ كەچ چۈشكەندىن كېيىن بىر تۆپىلىككە كىچىككىنە بىر چېدىر تىككەن كۆرۈنۈشى،ئاندىن گۈلىان يېقىپ قاقلىنىپ زېرىكىش ئىچىدە بىر-بىرىگە تۈزۈك گەپ قىلىشماي ۋىسكىي ئىچىپ ئولتۇرغان كۆرۈنۈشى چىقتى. ئەتىسى تاڭ ئاتقاندا بىرسى ئېيىققا يولۇقۇپ قاچىمەن دەپ يۈزىنى يېرىۋالدى. قايتىپ كەلگەندىن يەنە بىرسى ئۇنىڭ يۈزىنى ئېرتىپ قويۇمەن دېسە يەنە بىرسى رەت قىلدى. كېيىن ئىككىسى گۈلخاننىڭ قېشىغا كېلىپ ئولتۇرۇپ ۋىسكىي ئىچىشكەچ سەرگۈزەشتلىرىنى سۆزلىشىپ مۇڭدىشىپ كەتتى. ئېنگېلېزچە بىلمىگەچكە خەنزۇچە خېتىنى خوشياقا-خوشياقماي ئوقۇپ ئولتۇرۇپ جەريانىنى كۆردۈم. ئىشقىلىپ تاغدا مال باقىدىغان جاپالىق زېرىكىشلىك كۆرۈنۈشلەر خېلى ئۇزۇن داۋاملاشتى.شۇڭغىچە قىزىقىپ كۆرۈۋەردىم....لېكىن بىر يەرگە كەلگەندە كۆڭلۈم غەش بولۇشقا باشلىدى. ئادەمنىڭ قۇسقۇسىنى كەلتۈرىدىغان، بەدەندىكى تۈكلەرنى تەتۈر ياندۇرىدىغان ناھىيىتى يېقىنمسىز بىر كۆرۈنۈشلەر چىققىلى تۇردى. ئىككى كۆتەكتەك ئەركىشىنىڭ قوش جىنىسلىق مۇھەببەتلىشىۋاتقان كۆرۈنۈشى ئاپ-ئاشكارىلا چىقىشقا باشلىدى... بىر قىسما بولۇپ قېلىپ ئۆچۈرەي دەپ تۇرسام بۇ كۆرۈنۈش قىسقىلا ئىكەن كۆرۈنۈش ئالماشتى. لېكىن كېيىنكى كۆرۈنۈشلار ھە دېگەندىلا مۇشۇنداق مەينەت كۆرۈنۈشلەرنىڭ تەرەققى قىلىشىغا يۈزلەندى. بۇ ئىككى ھەزىلەكنىڭ بۇ قىلمىشىنى ھېلىقى پور كۆتەك خۇجايىن كۆرۈپ قېلىپ بۇلارنى ھەزىلەكلىك قىلىپ قويۇمنى ياخشى باقمىغان دەپ قارىدى-دە ئىشتىن بوشاتتى. ئاندىن بۇ ئىككىسى ئۆيگە قايتىشقاندىن كېيىن بىردىن چىرايلىق قىزغا ئۆيلەنگەن ئائىلە تۇرمۇشلىرى چىقتى. لېكىن ھەر ئىككىسى شۇنداق چىرايلىق خوتۇنلارنى ئېلىۋېلىپمۇ يەنە تۇرمۇشىدىن قانائەت تاپمىغانلىقى ئەكىس ئەتكەن ۋەقەلىكلەر چىقتى. كېيىن ئۇلار نەچچە بالىلىق بولۇشقاندىن كېيىن قايتىدىن ئىزدەشكەن ككرۈنۈشلەر چىقتى. بىر-بىرسىنى كۆرۈپلا خۇددى بىر ئەر بىر قىزنى سۆيگەندەك كۆرۈنۈشلەر چىقتى. بۇنى بىرسىنىڭ خوتۇنى دەرىزىدىن كۆرۈپ قالدى. شۇ يەرگە كەلگەندە تاقىتىم يېرىلدى-دە كىنونى ئۆچۈردۈم.
بۇ ئوپ-ئوچۇقلا ئوخشاش جىنىسلىقلار مۇھەببىتى تەرغىپ قىلىنغان مەينەت كىنو ئىدى. بەك سەسكىنىپ كەتتىم ھەم ھەيران قالدىم. ھەيران قالغىنىم دۇنيادىكى ئەڭ نوپۇزلۇق مۇكاپات ئالتۇن شارنىڭ مۇشۇنداق ھەزىلەك كىنونى 6تۈر بويىچە مۇكاپاتقا ئېرىشتۈرۈپ پۈتۈن دۇنياغا داغدۇغىلىق تارقىتىشقا سەۋەپكار بولغىنى ئىدى. ئېنىقكى بۇ كىنو پۈتۈن دۇنيادا داغدۇغىلىق قويۇلىدۇ.بىلەت كىرىمىدە بىر مەزگىل زومىگەر بولىدۇ. ئاندىن بۇ كىنونى كۆرگەن نۇرغۇن ئادەملەر زەھەرلىنىپ ھەزىلەكلەر سېپىگە قېتىلىدۇ. بۇ زامان ئاخىرنىڭ بىشارەتلىرىنىڭ بىرىدەك تۇيۇلدى. ئىلگىرى تىتانىك قاتارلىق دۇنياۋى مەشھۇر كىنولاردىكى تۇتۇقراق جىنسىي مۇھەببەت كۆرۈنۈشلىرى چىقسىمۇ ھەي نىمىشقا غەرپ ئاشۇنداق بىر كۆرۈنۈشنى قىستۇرماي كىنو ئىشلىمەيدىغاندۇ؟بۇ بىر كىلاسسىك،نادىر كىنو تۇرسا دەپ ئەيىپلەپ كېتەتتىم. لېكىن ئۇ نىمىلا دېگەن بىلەن قىز-ئوغۇللار ئوتتۇرىسىدىكى مۇھەببەت بولغاچقا باشقا تەسىرلىك كۆرۈنۈشلەرنىڭ يۈزىنى قىلىپ كەچۈرگەنمۇ بولاتتىم. لېكىن جۇڭگو قان سىستېمىسىدىن بولغان لى ئەن دېگەن بۇ ژىجىسور ئاداش پۈتۈن دۇنياغا ھەزىلەكلەرنىڭ ئەسلى ماھىيىتىنى ئوپ-ئوچۇق تەرغىپ قىلغان ئىدى. ئۇيغۇر بولساممۇ ۋەتىنىم جۇڭخۇا بولغاچقا بۇ كىسپۇرۇچ بىلەن بىر ۋەتەنداش بولۇپ قالغىنىمغا شۇنچە بەك ئۆكۈنۈپ كەتتىم...
ھەي!...بۇ دۇنيا نېمە بوپ كېتىۋاتىدۇ! مۇشۇنداق كىنو دۇنيا مەدەنىيىتىنىڭ ئەڭ يۈكسەك چوققىسىنى نامايەن قىلىدىغان كاتتا ئېتىراپنامىنىڭ پىرامىدىسىغا بايراق قادىغان تۇرسا، تېخى جۇڭگولۇق ئىشلەپتۇ بۇ كىنونى....لەنەت لى ئەن دېگەن كىسپۇرۇچ!!! كۆڭلۈم بەك يېرىم بولدى...
ئەمەلىيەتتە چولپانلار تائىپىسىدىكى ھەزىلەكلەر توغرىلىق بۇرۇنلا ئاڭلىغان ئىدىم. لېكىن بۇنداق كاتتا مۇراسىمدا ئوپ-ئوچۇق مۇئەييەنلەشتۈرگەن گەپ-سۆزلىرىنى ئاڭلىمىغاچقا ئانچە بەك ئېرەن قىلمىغان ئىدىم. قانداق بولسا بولمامدۇ؟ مەن بەرىبىر مۇسۇلماننىڭ پەرزەنتى. ئەخلاقتىكى بۇ دەرىجىدە بۇزۇلۇش پەقەت مۇسۇلمان بولمىغان يات دىندىكىلەرنىڭ ئىشى، مەن ئۆز ئىشىمنى بىلەي دەپ پەرۋاسىز مۇئامىلىدە بولاتتىم.
لېكىن يەنە تۇرۇپ-تۇرۇپ تېلېۋېزوردىن «ئورتاق بىر ناخشا» پىروگراممىسىنى كۆرۈۋېتىپ چوڭ قۇرۇقلۇق ۋە گاڭتەي چولپانلىرىنىڭ چېچىنى غەلىتە قىلىۋالغان، ئايالچىسىغا ياسىنىپ،غىتمەكتەك ساغرا ئوينىتىپ ئوغۇغان ناخشىلىرىنى كۆرسەم ئىچىم ئاچچىق بولماي قالمايتتى. بولۇپمۇ سۇن ۋېن دېگەن ناخشىنى بەلەن ئوقۇيدىغان ئاق پىسماق ئاداش ھەمىشە غەلىتە ئىشتانلارنى كىيىپ،چېچىنى ئەجەپبىراڭ قىلىپ سەھنىگە چىقاتتى. بەزىدە ئەسەبىي ناخشا مەستانىلىرى ئۆزىنى تۇتىۋالالماي سەھنىگە چىقسا سەھنىدىلا قىزلارنى سۆيۈپ قوياتتى. ھېلىقى جۇڭگودىكى 10داڭلىق مودېل،كىيىم لاھىيىلىگۈچى،ناخشىچى،كىنو-تېلېۋېزىيە چولپىنى،جۇڭگودىكى ئەڭ كېلىشكەن ئەر دەپ ئادەمنىڭ غىدىقى كەلگۈدەك باھاغا ئېرىشكەن خۇ جۈن دېگەن نېمىمۇ كۆزۈمگە پەقەت سىغمايتتى. گەپ قىلىشلىرى بويىغا ياراشمىغان، خېنىم مېجەز ئىدى. كىيىۋالغان گۈللۈك ئىشتانلىرى، مايكىلىرى قۇسقۇمنى كەلتۈرەتتى. كۆپۈنچىسىنىڭ ئىسمىنى ئۇنتۇپ قاپتىمەن. ئىشقىلىپ خېلى كۆپ بار مۇشۇنداق غەلىتە مېجەز نېمىلەر.سەھنىدە ناخشىنى بىر بەلەن ئەرەنچە ئوقۇيدۇ،لېكىن ناخشىسىدىن كېيىن رىياسەتچى ياكى ناخشا مەستانىلىرىغا گەپ قىلغاندا ئايالچە خۇلۇق چىقىرىپ سۆزلەيدۇ. «يۇمۇلماس كۆز»دە رول ئالغان لۇ يى دېگەن ئاداش چوڭ سۈپەت رول ئالىدۇ. لېكىن ئۇ ئاداشمۇ يۈزىگە بىر نەرسىلەرنى بەك سۈركەمدۇ قانداق چىرايىدىن ئەركەكلىك چىقىپ تۇرمايدۇ،بەك نازۇك چىراي. «ئېسىلزادىلەر» دە داڭ چىقارغان چېن كۈنمۇ ئىلگىرى تونۇشتۇرغۇچىغا ئېرىشىمەن دەپ بەزىبىر ئىشلارنى قىلغان دېگەندەك گەپلەرمۇ بار توردا...ماۋ نىڭ، سەي گوخۇا توغرىلىقمۇ گەپ-سۆزلەر ئاز ئەمەس. قايسى بىر يىلى خان جەمەتى مادرېد كوماندىسىدىكى بېكخام،رونالدولار شياڭگاڭغا كەلگەندە شەرقتىكى تام.خەنكىس دەپ ئاتالغان كىنو چولپىنى ليۇ دېخۇا بېكخامنىڭ كىيىم يەڭگۈشلەش ئۆيىگە كىرىپ ئۇنىڭ بىلەن خۇپىيانە كۆرۈشكەن دېگەندەك گەپلەرمۇ بار. بۇغۇ ئىسپاتلانمىغان ئۆسەك سۆزلەر. مەنمۇ بۇ گەپلەرنى يالغان دەيمەن. لېكىن ئۇلارنىڭ كىيىنىشلىرى،چاچلىرىنى ھەرخىل بويۇۋېلىپ پاخپايتىۋېلىشلىرى بارغانسېرى ئەرگە ئوخشىمايۋاتىدۇ.كۆزۈمگە خۇددى ھەزىلەكتەكلا كۆرۈنىدۇ. ھەر قېتىم خەنزۇچە سەنئەت پىروگراممىلىرىنى كۆرسەملا زادى مۇشۇنداق ھالەت چىقىدۇ. ئوغۇل بالىدەك چىقىدىغىنى چېڭ لوڭ، لى ليەنجيې، ھېلىقى تەيۋەنلىك توكۇر ناخشىچى جېڭ جىخۇا قاتارلىقلار. چى چىڭمۇ چېچىنى پاخپايتىۋالىدۇ.تۇڭ ئەنگېمۇ قېرىغانسېرى شۇنداق قىلىۋالىدۇ. يەنە تېخى شياڭگاڭلىق توختاشقان بىر چولپان قۇلىقىغا ھالقا سېلىۋالىدۇ. ئۇلار سەھنىدە شۇ قەدەر تېتىقسىزلىشىدۇكى، ئاجايىپ غىلجىڭلىشىپ كېتىۋاتقان ئايال چولپانلار بىلەن سەھنىدە غىلجىڭلىقتا بەسلىشىپ،پەسلىشىپ كېتىدۇ. ئۇلار كەيگەن غەلىتە كىيىملەرنى ئەركەك غۇرۇرى بار ئوغامبالا ئۆلتۈرىۋەتسىمۇ كەيمەيدۇ ھەم ئۇلاردەك خېنىمچە گىرىم قىلمايدۇ. ئىش قىلىپ ئەر چولپانلار بارغانسېرى ئاياللىشىپ كېتىۋاتىدۇ.ئۇلار توغرىلىق ئكسەك سۆزلەرمۇ كۈندىن-كۈنگە كۆپىيىۋاتىدۇ. ئۇلار بىلەن نېمە كارىمىز دەپ قۇلىقىمىزنى يوپۇرۇپ بولالمىغاندەك دەرىجىدە يامراپ كېتىۋاتىدۇ. گەرچە ئۇلار باشقا بىر مىللەت،بىز باشقا بىر مىللەت بولساقمۇ ئەمما بىر ۋەتەندە ياشايمىز. رادىيەتسىيىسى كۈچلۈك بولغان بىز ئۇيغۇرلار ھامان ياخشى-يامان دېمەي ئۇدۇللۇق نەرسىلەرنى دوراۋېرىمىز.ئەنسىرەيدىغىنىم ئەتە-ئۆگۈن بىزنىڭ سەھنىلىرىمىزنىمۇ ئاياللىشىپ كېتىۋاتقان ئەر چولپانلار قاپلاپ كېتەرمۇ؟ دېگەندىن ئىبارەت. نېمىلا دېگەن بىلەن بۇنداق غەيرى ئەھۋال ئەخلەت سۈپىتىدە ئەمەس بەلكى مەدەنىيەت ھادىسىسى، سودا ئۈنۈمى يارىتىدىغان غەيرى نورمال مەدەنىيەت سۈپىتىدە شىددەت بىلەن ھەر بىر بۇلۇڭ-پۇچقاقلارغا يامراۋاتىدۇ. قايسى كۈنى بىر ئۇيغۇرچە مۇنازىرە تورىدىن بىر م.ت.ۋ پىلاستىنكىسىنى كۆرۈپ قالدىم. تۈزۈك بىر ئۇيغۇر بالاڭزا چېچىنى پاخپايتىۋېلىپ يات مىللەتتتەك ياسىنىپ ھېچقانداق ئۇيغۇر پۇرىقى يوق بىر مەنزىرىنى كىرىشتۈرۈپ بىر ناخشا ئوقۇپ چىقىپتۇ. تېخى مۇشۇ پىلاستىنكىنى بىزدىكى يىراقنى كۆرمەي بۇرنىنىڭ ئۇچىنىلا كۆرىدىغان كىسپۇرۇچلار بەك مۇڭلۇق ناخشىكەن دەپ داڭلاپ كېتىپتۇ. ئۇ بالىغۇ ئەمدى خەلقئارا چوپلپانلارنى دوراپ باققۇسى كەلگەندۇ.چىرايىمۇ ئەركەك چىرايكەن،لېكىن ياسىنىشلىرى پەقەت بولماپتۇ. يايلاق مىللىتىگە ياراشمايدۇ ئۇكام ئۇنداق ياسىنىش، ئابدۇللادەك، دىلشات راھىدىندەك چوڭ سۈپەت چىقىپ ئوقۇڭ ناخشىنى. چاچنى ئۇزۇن قويۇۋھلسىڭىزمۇ مەيلى،مەخمۇت سۇلايماندەك ئاشىقچىلاپ،ئۇيغۇرچىلاپ قويۇڭ.مۇھىمى ئۇيغۇرلۇق ئوبرازىڭىز،كۆك تۈك مىللەتكە خاس ئەركەكلىكىڭىز تۇرقىڭىزدىن ئەكس ئەتسۇن.
ھۆرمەتلىك تورداشلار، ئۆزەم سەنئەت ساھەسىنىڭ ئەھلى بولمىساممۇ ئەمما سەنئەت توغرىلىق بىر-ئىككى ئېغىز قايناپ سالدىم. «پۇچۇق تاغ» دېگەن كىنونى كۆرمەڭلار، ئاياللىشىپ كېتىۋاتقان ئەر چولپانلارنىڭ بۈگۈنكى كۈنى بىزنىڭ ئەتىمىز بولۇپ قالارمىكىن دەپ ۋىجدانىم ئېچىشتى. بەزى گەپلەر تۆمۈرچىنىڭ گېپىدەك سېسىق بولۇپ قالدى.توغرا چۈشۈنۈڭلار...

ئەسلى مەنبە: گۈلىستان تورى

بۇ ئىشلارغا نىمە دىگۈلۈك . يەنىلا توۋا دەي!

زامان ئاخىرىنىڭ ئالامەتلىرى ........

خۇدا ساقىلار ئۇنداق كۈنلەردىن،      

توۋا. . . . .  .  . توۋا.  . . . . . . . .  ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟ ؟
                             

ھايۋانغا ھەۋەس قىلىدىغانلار كۆپىيىپ كىتىۋاتىدۇ دىسە

تويە مانا ئەركىن دۇنيا ، دىمۇكىراتىيە دىگەنگە !!!

ئاتالمىش دېمگىراتىيەنىڭ  مەدەنىيەت مەھسۇلاتلىرى مانا مۇشۇنداق لاۋزا.

دىمكۇراتىيە_ پەقەت كىينىشتىكى ئەركىنلىك، جنىسيەتتىكى ئەركىنلىكتە ئىپادىلىنەمدىغاندۇ؟

توۋا !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

------==23-مارت خوتەن شەھرىدە ئاتاغلىق قاشتاش سودىگىرى مۇتەللىپ ھاجىمنىڭ تۈرمىدە قىيىن قىستاق نەتىجىسىدە ئۆلگەنلىكى ئاشكارلانغاندىن كىيىن بىرقېتىملىق نارازىلىق كۆسۈتۈش پالىيتى ئېلىپ بېرىلدى . نامايىشقا نۇرغۇن ئۇيغۇر ئاياللار قاتناشتى . قاتناشقۇچى خەلق <تۈرمىدىكى قىيىن قىستاقلار توختۇسۇن><سىياسى ۋە دىنى سەۋەپلەردىن بىگۇناھ تۈرمىدە يېتىۋاتقان باللىرىمىز قۇيۇپ بېرىلسۇن ><ئۇيغۇرلارنىڭ ئۆرپ-ئادەتلىرىگە ھۆرمەت قىلىنسۇن> دىگەن شۇئارلارنى توۋلىدى . ئۇ يەردىكى كىشىلەرنىڭ دىيشىچە 600 كىشى قاماقتا.
29-مارت يەنە قاراقاش ناھىيسىدە قارىشلىق پائالىيەتلىرى بولغان .ھۆكۈمەت 500 كىشىنى تۇتقۇن قىلغان. خەۋەرنىڭ سىرىتقا چىقىپ كىتىشىنى توسقان .
==================================================================

  نىمە دىيشىمنىمۇ بىلمەي قالدىم...................توۋا دىمىسە بىكار

بۇزۇلمىغىچە تۈزۈلمەس دەيدىغان گەپ بار ئەمەسمۇ،بۇزۇلدىغان يېرىگە كېپ قالدى بۇ كىسپۇرۇشلارنىڭ.

Quote:

بۇ يازما10قەۋەتتىكىuyghur-diyarنىڭ2008-03-31 20:09يوللىغان  :
------==23-مارت خوتەن شەھرىدە ئاتاغلىق قاشتاش سودىگىرى مۇتەللىپ ھاجىمنىڭ تۈرمىدە قىيىن قىستاق نەتىجىسىدە ئۆلگەنلىكى ئاشكارلانغاندىن كىيىن بىرقېتىملىق نارازىلىق كۆسۈتۈش پالىيتى ئېلىپ بېرىلدى . نامايىشقا نۇرغۇن ئۇيغۇر ئاياللار قاتناشتى . قاتناشقۇچى خەلق <تۈرمىدىكى قىيىن قىستاقلار توختۇسۇن><سىياسى ۋە دىنى سەۋەپلەردىن بىگۇناھ تۈرمىدە يېتىۋاتقان باللىرىمىز قۇيۇپ بېرىلسۇن ><ئۇيغۇرلارنىڭ ئۆرپ-ئادەتلىرىگە ھۆرمەت قىلىنسۇن> دىگەن شۇئارلارنى توۋلىدى . ئۇ يەردىكى كىشىلەرنىڭ دىيشىچە 600 كىشى قاماقتا.
29-مارت يەنە قاراقاش ناھىيسىدە قارىشلىق پائالىيەتلىرى بولغان .ھۆكۈمەت 500 كىشىنى تۇتقۇن قىلغان. خەۋەرنىڭ سىرىتقا چىقىپ كىتىشىنى توسقان .
==================================================================

ئەمدى شىزاڭ بىسقتۇرغاندى، بىزنىڭ يۇرتلاردىمۇ مۇشۇنداق ۋاقەلەر چىقىپتۇدە، ھەي، بىز دائىم مۇشۇنداق ئىشلاردىن كېچىكىپ خەۋەر تاپىمىز. ۋەزىيەتنىڭ بۇ ياقلاردىمۇ جىددى بولۇپ كىتىپ بارغىنى بىكار ئەمەسكەندە؟

بۇ ىەققە  نېمە  دېگۈلۈك  ئەمدى        توۋا    خۇدايىم !!!!!!!!  ئاخىرقى زاماننىڭ  ئالامەتلىرىى  بۇ !!!!!!!