خۇرۇچلارنىڭ شىپالق رولى !

پىياز -
شىپالىق رولى : ھەزىمنى ياخشىلاش ، ئىششىق قايتۇرۇش ، بەلغەم بوشىتىش ، تېرىنى پارقىرىتىش ، باھنى قۇۋۋەتلەش ، سۈيدۈكنى راۋانلاشتۇرۇش ، يۇقىرى قان بىسىمنى ، قاندىكى ماينى تۆۋەنلىتىش رولى بار .

بەرەنگە ( ياڭيۇ ) -
شىپالىق رولى : تەركىبىدىكى ئوزۇقلۇقلار ئالمىغا قارىغاندا 3.5 ھەسسە كۆپ بولۇپ ، ئوزۇقلۇق مول بولغان كۆكتاتلاردىن ھېسابلىنىدۇ . ئاسان ھەزىم بولىدۇ . شۇڭا ئاشقازان ، 12 بارماق ئۈچەي يارىسى بارلارنىڭ ياخشى ئوزۇقى . بۆرەك كىسىلىدىن كىلىپ چىققان سۇلۇق ئىششىققا مەنپەئەت قىلىدۇ .

تاتلىق بەرەنگە -
شىپالىق رولى : بەدەنگە ئوزۇق بولىدۇ ، تەرەتنى راۋان قىلىدۇ ، ماددىلارنى سۈزۈش خۇسۇسىيتىگە ئىگە .

تۇرۇپ -
شىپالىق رولى : ھەزىمنى ياخشىلاش ، يەل ھەيدەش ، سۈيدۈك ھەيدەش ، ئىچىنى يۇمشىتىش ، ئىششىق قايتۇرۇش ، يۆتەل توختىتىپ بەلغەم بوشىتىش خۇسۇسىيىتىگە ئىگە .

سامساق -
شىپالىق رولى : چىرىشكە قارشى تۇرۇش ، جاراھەتلەرنى تازىلاش ، ئارتۇق ھۆللۈكنى قۇرۇتۇش ، يەل تارقىتىش ، ھەزىمنى ياخشىلاش ، سىپازمىنى بوشىتىش ، ئىممۇنىتىت ئىقتىدارىنى كۈچەيتىش ، قاندىكى خولىستىرىننى تۆۋەنلىتىش ، يۇقىرى قان بىسىمنى چۈشۈرۈش ، يۈرەكنى كۈچەيتىپ ، يۈرەك رىتىمىنى ئاستىلىتش ، راكنىڭ ئالدىنى ئىلىش رولى بار.

غولسامساق -
شىپالىق رولى : قاندىكى ماينى تۆۋەنلىتىش ، تاجىسىمان يۈرەك كىسىلى ، ئارتىرىينىڭ بوتقىسىمان قىتىششى ۋە قان نۆكچىسى ھاسىل بولۇشنىڭ ئالدىى ئىلىش رولى بار .

غولپىياز -
شىپالىق رولى : تەرلىتىش ، ئىششىق قايتۇرۇش ، سۈيدۈكنى ھەيدەش ۋە راۋانلاشۇرۇش ، بەدەننى ، باھنى قۇۋۋەتلەش ، يۇقىرى قان بىسىمنى چۈشۈرۈش رولى بار .

پالەك -
شىپالىق رولى : قىزىتما پەسەيتىش ، تەرەتنى يۇمشىتىش ، سۈيدۈكنى راۋانلاشتۇرۇش رولى بار .

كۈدە -
شىپالىق رولى : توسالغۇلارنى ئېچىش ، ئىششىق قايتۇرۇش ، تەرەتنى يۇمشىتىش ، زەھەرنى قايتۇرۇش ، جىگەر ۋە بۆرەكنى قۇۋۋەتلەش ، بوۋاسىرنىڭ قېنىنى توختىتىش رولى بار .

يۇمغاقسۈت ( ئاشكۆكى ) -
شىپالىق رولى : قان خىلىتىنىڭ ئۆتكۈرلۈكىنى پەسەيتىش ، سۈيدۈكنى راۋان قىلىش ، توسالغۇلارنى ئېچىش ، ئاغرىق پەسەيتىش ، قان توختىتىش ، ئىشتىھانى ئىچىش ، تاماق سىڭدۈرۈش ، قىزىتما قايتۇرۇش رولى بار .

خەس ( ئوسۇڭ ) -
شىپالىق رولى : قاننى تازىلاش ، سەپرانى نورماللاشتۇرۇش ، توسالغۇلارنى ئېچىش ، سۈيدۈكنى راۋان قىلىش رولى بار .

تەرخەمەك -
شىپالىق رولى : سەپرانىڭ ئۆتكۈرلۈكىنى پەسەيتىش ، قىزىتمىنى پەسەيتىش ، چىرايىنى گۈزەللەشتۈرۈش ، چوڭ-كىچىك تەرەتنى راۋانلاشتۇرۇش ، خولىستىرىننى تۆۋەنلىتىش رولى بار .

پىدىگەن -
شىپالىق رولى :قان كۆپەيتىش ، ئىششىق قايتۇرۇش ، تەرەتنى راۋانلاشتۇرۇش ، مىڭىنى قۇۋۋەتلەش رولى بار .

قىزىلمۇچ -
شىپالىق رولى : تەرلىتىش ، ماددىلارنى تارقىتىش ، توسالغۇلارنى ئىچىش ، ئىشتىھانى ئىچىش ، ھەزىم قىلىشقا ياردەم بىرىش رولى بار .

كۆكمۇچ -
شىپالىق رولى : تەرلىتىش ، ماددىلارنى تارقىتىش ، توسالغۇلارنى ئىچىش ، ئىشتىھانى ئىچىش ، ھەزىم قىلىشقا ياردەم بىرىش رولى بار .

چوكا پۇرچاق -
شىپالىق رولى : ئىچىنى يۇمشىتىپ ، يەل ھەيدەش ، مىڭىنى ۋە بەدەننى قۇۋۋەتلەش رولى بار .

ئاقچىچەك -
شىپالىق رولى : قاننى تازىلاش ، قان بۇزۇلۇش كىسىلىنىڭ ئالدىنى ئىلىش رولى بار .

كۆكچىچەك -
شىپالىق رولى : كۆكچىچەكتىكى ۋىتامىنلار ، بولۇپمۇ ۋىتامىن س بىلەن ۋىتامىن ئا نىڭ مىقدارى باشقا كۆكتاتلارغا قارىغاندا كۆپ بولۇپ ، جىگەر ئىقتىدارىنى كۈچەيتىش ، كۆرۈش قۇۋۋىتىنى ياخشىلاش ، تەرەتنى راۋانلاشتۇرۇش رولى بار .

بېدە كۆكى -
شىپالىق رولى : تەرەتنى راۋان قىلىش ، قان كۆپەيتىش ، قان ئايلىنىشنى ياخشىلاش ، بەدەننى سەمىرىتىش رولى بار .

يېسسى پۇرچاق -
شىپالىق رولى : قاننىڭ ھاسىل بولۇشىنى ئىلگىرى سۈرۈش ، قان قەنتىنى تۆۋەنلىتىش ، راكنىڭ ئالدىنى ئىلىش رولى بار .

سەۋزە -
شىپالىق رولى : رەئىس ئەزالىرىنى ۋە ئاشقازاننى قۇۋۋەتلەيدۇ ، مەنىينى كۆپەيتدۇ ، تەرەتنى يۇمشىتىدۇ ، سۈيدۈك ھەيدەيدۇ ، بەلغەم بوشىتىدۇ .

شوخلا ( پەمىدۇر) -
شىپالىق رولى : سۈيدۈك ماڭدۇرىدۇ ، ئىشتەي ئاچىدۇ ، ھەزىمگە ياردەم بىرىدۇ ، قەۋزىيەتنى بوشتىدۇ ، يىڭى تەتقىقات نەتىجىسدىن قارىغاندا ، ئەرلەر شوخلىنى كۆپ ئىستمال قىلىپ بەرسە مەزى بىزى ياللاغى بولۇشنىڭ ئالدىنى ئالىدۇ .

يېسىۋىلەك -
شىپالىق رولى : ھەزىمنى ياخشىلايدۇ ، قان پەيدا قىلىدۇ ، ئاشقازانغا مەنپەئەت قىلىدۇ ، ئۈچەي يوللىرىنى راۋان قىلىدۇ .

كاللەك يىسىۋىلەك -
شىپالىق رولى : سۈيدۈك ، ھەيزىنى راۋانلاشتۇرىدۇ ، توسالغۇلارنى ئاچىدۇ .

كەرەپشە -
شىپالىق رولى : سۈيدۈك ، ھەيزىنى راۋانلاشتۇرىدۇ ، توسالغۇلارنى ئاچىدۇ، يەللەرنى تارقىتىدۇ ، ئىششىق ياندۇرىدۇ .

زەنجىۋىل -
شىپالىق رولى : ئىشتىھانى ئاچىدۇ ، ھەزىمنى ياخشىلايدۇ ، يەل تارقىتىدۇ ، جىگەرنىڭ تۇسالغۇلىرىنى ئىچىپ ،ئارتۇق قۇيۇق ھۆللۈكلەرنى قۇرۇ تىدۇ ، خۇشلۇق كەلتۈرىدۇ .

ماش ئۈندۈرمىسى -
شىپالىق رولى :
ئۈندۈرمىلەر تەرەتنى راۋان قىلىدۇ ، ئىسسىق سەپرانى ھەيدەيدۇ .

گۈمبەمەدەك -
شىپالىق رولى : كۆزنى روشەن قىلىش ، ئوزۇق بولۇش ، قان بىسىمىنى تۆۋەنلىتىش ، جىگەر قىتىشىنىڭ ئالدىنى ئىلىش ، راكىنىڭ ئالدىنى ئىلىش .

قارا قىرىنقۇلاق -
شىپالىق رولى : قان كۆپەيتىش ، بەدەننى قۇۋەتلەش ، راكقا قارشى تۇرۇپ ، ئۆپكىنىڭ ۋە مىڭىنىڭ خىزمىتىنى ياخشىلاش ، چىراينى گۈەللەشتۈرۈش ، تەرەتنى راۋان قىلىش رولى بار .

ئاق قىرىنقۇلاق -
شىپالىق رولى : خىلىت ھاسىل قىلىش ، ئۆپكىنى سىلىقلاش ، ئاشقازاننى ئاسراش ، يىلىكنى تۇلۇقلاش ، يۈرەكنى كۈچەيتىش ، بەدەننىڭ ئىممۇنىتىت ئىقتىدارىنى يۇقىرى كۆتۈرۈش رولى بار .

لامىنارىيە -
شىپالىق رولى : يۇقىرى قان بىسىمنى چۈشۈرۈش ، ھەزىمنى ياخشىلاش ، سۈيدۈكىنى راۋان قىلىش ، ئورگانىزىمدىكى يود كەملىكىنى تۇلۇقلاپ پوقاقنىڭ ئالدىنى ئىلىش ، غەيرىي تەبئىي بەلغەم خىلىتىنى تازىلاش ، بەدەندىكى ئارتۇق ماددىلارنى ھەيدەش رولى بار .

توخۇم -
شىپالىق رولى : ئوزۇق بولۇش ، بەدەننى قۇۋەتلەش ، مىڭىنى قۇۋەتلەش ، باھنى قۇۋۋەتلەش رولى بار .

چامغۇر -
شىپالىق رولى : ئۆپكىنى تازىلاش ، مىزاجىنى تەڭشەش ، بەلغەم بوشىتىش ، روھنى جانلاندۇرۇش ، ئىشتىھانى ئىچىش ، كۆزنى قۇۋۋەتلەش ، سۈيدۈك ھەيدەش رولى بار .

كاۋا -
شىپالىق رولى : دىئابىت كىسىلىگە پايدىسى بار .

تاۋۇز -
شىپالىق رولى : بەدەنگە ھۆللۈك يەتكۈزىدۇ ، قان ۋە سەپرانىڭ ئۆتكۈرلۈكىنى پەسەيتىدۇ ، ئۇسسۇزلىقنى پەسەيتىدۇ ، سۈيدۈك ھەيدەيدۇ.

بۇغداي ئۇنى -
شىپالىق رولى : قاننى كۆپەيتىش ، تىز ھەزىم بولۇش ، مىزاجىنى تەڭشەش رولى بار .

گۈرۈچ -
شىپالىق رولى : تېز ھەزىم بولۇش ، ياخشى خىلىت ھاسىل قىلىش ، ئىچ سۈرۈشنى توختىتىش رولى بار .

مەنبە - « چىلانغان كۆكتاتلار » دىگەن كىتابتىن ئىلىندى .

بىلىۋىلىشقا تېگىشلىك مەزمۇنلاركەن ! ساغلاملىق بىباھدۇر!

رەخمەت سىزگە.......بىلىۋىلشقا تىگىشلىك ئىشلاركەن.....
جاپا چىكىپسىز.............

جاپا چەككەن بولسىڭىزمۇ بىلىۋېلىشقا تېگىشلىك ساۋاتلارنى يوللاپسىز. رەھمەت سىزگە.

جاپا چەكتىڭىز ~`  بۇ  تېمىنى ساقلىۋالدىم رەھمەت ~~ بولسا داۋاملىق يوللاپ تۇرۇڭ ~~

  بىلىۋېلىشقا تىگىشلىك ساۋاتلار ئىكەن، مەن كۆچۈرۋالدىم، ئەجرىڭىزگە كۆپ رەھمەت!!!

ئەجرىڭىزگە رەخمەت مەنمۇ بىلىۋالدىم.

رامھت! قېرىندىشىم،جاپا چېكىپسىز،مۇشۇنداق تېمىلارنى داۋاملىق يوللاپ  تۇرارسىز،،،،،،

رەھمەت مەن بىلىۋالدىم . دائىم كۆرۈپ تۇرىمەن