تەنھالىق ئىچىدىكى بەخـت
نۇرى
كۆز يېشى... ھەممە يەردە كۆزيېشى ....
گاھىلار بەخت ئىزلەپ يېتەلمەي تۆكەر،
گاھىلار بەختتىن يىراق كېتەلمەي تۆكەر ،
بەخت بوسۇغىسىدا تۇرۇپ بەزىلەر ،
تۇزلۇق ناننى مەردانە يۈتەلمەي تۆكەر .
چاچقۇ... ھەممە يەردە رەڭگارەڭ چاچقۇ....
قۇشۇلغان باشلارغا چېچىلغان چاچقۇ،
ئوماق قىز لىۋىدە ئېچىلغان چاچقۇ،
يىرتىلغان سۆرەتتىن ياسىلىپ گاھى،
خارلىنىپ ئاياققا چېچىلغان چاچقۇ،
بەخت... ھەممە يەردە بەخت ...
شوق كۈلكە ئىچىدە توزىغان بەخت ،
قايغۇنى نىشان قىپ ئۇزىغان بەخت ،
قەلىبنىڭ ئەركىسى بولالمىغان گۈل،
نىدالىق ئاۋازدا بوزلىغان بەخت ...
تەنھا... ھەممە تەنھا...
مورىنى ئايرىغان ئارمانلار تەنھا،
ياستۇقنى بىر قىلغان دەرمانلار تەنھا ،
جۈپ قەبرە ئۈستىگە گۈلدەستە تىزىپ ،
ۋەدىلەر بېرىشىپ ھارغانلار تەنھا.....