ئۆز ئەركىڭنى تاڭما بالىغا
<گۈلى-رەنا>
«جان قوزام،ئاستا ماڭ كەتمە يىقىلىپ!»
سايىدەك ئەگىشىپ يۈرىسەن ھامان.
بۇزۇلسا بۇزۇلغاي تۈزەپمۇ باققاي،
بۇزۇلۇپ تۈزۇلۈپ كەلگەنغۇ جاھان .
شوخلىقى كەلتۈرەر بىرەر بالا دەپ،
ئەركىنى بەنت قىلىپ توسما ئالدىراپ.
ۋەھىمىلىك تۇرقۇڭدىن قورىنمىسۇن ئۇ،
قالمىسۇن ھەم شۇ تاپ ئەنسىز يىتىرقاپ.
ئەندىشە ئىلكىدە چەكلەپ ھەممىدىن ،
ئاغزىڭدا ئاۋايلاپ كۆيمە بالىغا.
تۇنجۇققان تۇيغۇڭنىڭ تەققازاسىدا ،
ئوز ئەركىڭنى بولدى تاڭما بالىغا.
ئۆز ئەركىڭنى بولدى تاڭما بالىغا،
بالىلىق تۇيغۇدا نەپەسمۇ ئالغاي.
قورۇنۇپ ھەممىدىن تەمتىلەپ دائىم،
نە ئۈچۈن ياشاشنى بىلمەي قالمىغاي.
موللا پوك-پوك تەستىقلىدى . 
XabnamBBS -> شېئىرىيەت گۈلزارى -> (گۈلى-رەنا)ئۆز ئەركىڭنى تاڭما بالىغا
