پىچىرلىشىش
ئۆ.س.ياشلىق
ــ كەچۈر،سېنى سۆيۈپ قاپتىمەن،
ــ ئىختىيارىڭ ئۆزۈڭنىڭ ئىشى.
ــ ھەمراھىمدۇر تۈنلەردە ئازاپ،
ــ تەڭرى بەرسۇن ساڭا كۆز يېشى.
ــ پىچىرلايدۇ تۈندە تۇلۇنئاي،
ــ مەن ئەمەسمەن تۇلۇنئاي لېكىن،
ــ كۆز قىسقانچە قارايدۇ چولپان،
ــ مىنىڭ چولپان بولمىقىم قىيىن.
ــ سەھەردىكى خۇشپۇراق گۈل سەن،
ــ بىلىپ قويغىن تىكىنىم بار ھەم.
ــ مەن سامادىن لەيلەپ چۈشىمەن...
ــ ئەمما مەڭگۈ سەن ئەمەس شەبنەم.
ــ تەڭرى ماڭا سالدى كۆيۈكنى،
ــ ئاۋارىمەن چۆلدە قالغاندەك.
ــ ئاھ،بىر ئۆمۈر سېنى سۆيىمەن،
ــ بىلىنىدۇ سۆزۈڭ يالغاندەك...
ــ .....
ــ ئاھ،سىماھىڭ جاي ئالدى مىنىڭ...
ــ قەيەردىن؟
ــ كۆزلىرىمدىن، قەلبىم تۆرىدىن.
2007-يىل3-ئۆكتەبىر
ئەركزات تەستىقى