بولۇپ قالدىڭ سۆيگۈگە كېپەن
تەبەسسۇم
قاپتىمەنمۇ ئېسىڭدىن چىقىپ ،
قويمىدىڭغۇ بىرەر رەت ئەسلەپ .
ماڭا كۆيگەن شۇ كۆيۈشلىرىڭ ،
كەتتىمۇ يار شۇنچە تېز پەسلەپ .
تەقدىر بىزگە قىلدى كۆپ چاقچاق ،
بىز ھەم قىلدۇق ئۇندىن ئاشۇرۇپ .
قارا ھىجران ئۆرتىدى دىلنى ،
سىغىنىشنى دىلدىن قاچۇرۇپ .
گۈل سۇنغانتىڭ نەچچە يىل بۇرۇن-
ئاۋال ماڭا مېھرىڭ بىلەن سەن .
گۈل ئورنىغا تىكەن ئالماشتى ،
بولۇپ قالدىڭ سۆيگۈگە كېپەن .
بۈگۈن قانداق كۈن دەپ سورسىسام ،
قۇلقىڭغا كىرمەس بۇ سۇئال .
چىن سۆيگۈگە خائىنلىق قىلغان ،
دوزاققىمۇ ئارتۇق بىلىپ قال .
ئەركزات تەستىقى