يېقىندا مۇنبەردە مۇرات ناسىروفنىڭ ئۆلىمى توغۇرلۇق تېما يوللاندى ، بەزى خەۋەرلەردە زەھەر چەككەن دېسە يەنە بەزى خەۋەرلەردە تېلۋىزورنىڭ ئانتىنىسىنى ئوڭشاۋېتىپ بالىكوندىن چۈشۈپ كەتكەن دېيىلۋاتىدۇ . ئېنىق بىر پاكىت ۋە ئۇچۇر تېخى بىزگە يېتىپ كەلگىنى يوق ..... بىزدىلا ئەمەس ئىنسانلاردا ئورتاق بولغان ئاجىزلىق بىر ئادەمنىڭ بارىدا قەدرىنى بىلمەيمىز ،ئۆلۈپ كەتكەندىن كېيىن بولسا ماختاپ سۆزلەپ ھارمايمىز !
ئۇنداقتا سىز مۇرات ناسىروفنى قانچىلىك چۈشىنىسىز ، ياقا يۇرتتا ، باشقا ئەللەردە ئۆسۈپ يېتىلگەن ئۇيغۇرلارنىڭ ئۆزلۈك ۋە كىملىك ھەققىدىكى ئىزدىنىش روھىنى ، ئۆز تارىخى ۋەتىنىگە بولغان سېغىنىش ھېسىياتىنى بىلمەكچى بولسىڭىز تۆۋەندىكى :
كونا مۇنبەردە orxunluq دېگەن ئەزانىڭ يوللانمىسى :
نەبىجان تۇرسۇننىڭ < مۇرات ناسىروف ۋە مەن > ناملىق ئەدەبى ئاخپاراتىنى كۆرۈپ بېقىڭ !~
ﻣﯘﺭﺍﺕ ﻧﺎﺳﯩﺮﻭﭖ ﯞﻩ ﻣﻪﻥ
ﻧﻪﺑﯩﺠﺎﻥ ﺗﯘﺭﺳﯘﻥ
ﻣﯘﻗﻪﺩﺩﯨﻤﻪ.
ﺋﯘﻳﻐﯘﺭﻻﺭ ﺩﯗﻧﻴﺎﺩﯨﻜﻰ ﺑﺎﺷﻘﺎ ﺧﻪﻟﻘﻠﻪﺭﮔﻪ ﺋﻮﺧﺸﺎﺷﻼ ﺋﯚﺯﻟﯩﺮﯨﻨﯩﯔ ﺋﯘﺯﯗﻥ ﺋﻪﺳﯩﺮﻟﯩﻚ ﺷﺎﻧﻠﯩﻖ ﻣﻪﺩﻩﻧﯩﻴﻪﺕ ﯞﻩ ﺳﯩﻴﺎﺳﯩﻲ ﺗﺎﺭﯨﺦ ﺋﻪﻧﺌﻪﻧﯩﺴﯩﮕﻪ ﺋﯩﮕﻪ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ ﺑﻪﻟﻜﻰ ﺋﯚﺯﻟﯩﺮﯨﻨﯩﯔ ﭼﯩﻦ ﻗﻪﻟﺒﯩﺪﯨﻦ ﭘﻪﺧﺮﻟﯩﻨﯩﺪﯨﻐﺎﻥ، ﺳﯚﻳﯩﺪﯨﻐﺎﻥ ﯞﻩ ﺋﯘﻟﯘﻏﻼﻳﺪﯨﻐﺎﻥ ﺳﯘﻟﺘﺎﻥ ﺳﯘﺗﯘﻕ ﻛﻪﺑﻰ ، ﻣﻮﻳﯘﻧﭽﯘﺭ ، ﺳﻪﺋﯩﺪﯨﺨﺎﻥ ﻛﻪﺑﻰ ﺋﯩﻤﭙﯧﺮﺍﺗﺎﺗﻮﺭﻟﯩﺮﻯ، ﻳﯜﺳﯜﭖ ﺧﺎﺱ ﻫﺎﺟﯩﭙﺘﻪﻙ ﺳﯩﻴﺎﺳﯩﻴﻮﻥ-ﺩﯙﻟﻪﺕ ﺋﻪﺭﺑﺎﺑﻠﯩﺮﻯ، ﻣﺎﺧﻤﯘﺕ ﻗﻪﺷﻘﯩﺮﻯ ﻛﻪﺑﻰ ﺋﺎﻟﯩﻤﻠﯩﺮﻯ، ﺋﻪﻟﯩﺸﯩﺮ ﻧﺎﯞﺍﻳﻰ ﻛﻪﺑﻰ ﻳﺎﺯﻏﯘﭼﻰ-ﺷﺎﺋﯩﺮﻟﯩﺮﻯ ﯞﻩ ﺋﺎﻣﺎﻧﻨﯩﺴﺎﺧﺎﻥ ﻛﻪﺑﻰ ﺳﻪﻧﺌﻪﺗﻜﺎﺭﻟﯩﺮﯨﺪﯨﻦ ﺋﯩﺒﺎﺭﻩﺕ ﻛﯚﭘﻠﯩﮕﻪﻥ ﻧﺎﻣﺎﻳﻪﻧﺪﯨﻠﯩﺮﯨﮕﻪ ﺋﯩﮕﻪ ﺑﻮﻟﻐﺎﻥ.
ﺋﯘﻳﻐﯘﺭﻻﺭﻧﯩﯔ ﺷﺎﻧﻠﯩﻖ ﯞﻩ ﺳﻪﻟﺘﻪﻧﻪﺗﻠﯩﻚ ﺋﯚﺗﻤﯜﺷﻰ ﻫﻪﻡ ﺋﻪﺷﯘ ﺑﯜﻳﯜﻙ ﻧﺎﻣﺎﻳﻪﻧﺪﯨﻠﯩﺮﻯ ﺋﯘﻻﺭﻧﯩﯔ ﻣﯩﻠﻠﯩﻲ ﺋﯧﯖﯩﻨﯩﯔ ﻳﯩﻠﺘﯩﺰﯨﻨﻰ ﺳﯘﻏﺎﺭﻏﯘﭼﻰ ﺭﻭﻫﻰ ﻣﻪﻧﺒﻪ ﺑﻮﻟﻐﺎﻥ ﺑﻮﻟﺴﺎ، 20-ﺋﻪﺳﯩﺮﺩﻩ ﻣﻪﻳﺪﺍﻧﻐﺎ ﭼﯩﻘﻘﺎﻥ ﻫﺎﺯﯨﺮﻗﻰ ﺯﺍﻣﺎﻥ ﺋﯘﻳﻐﯘﺭ ﺋﯘﻟﯘﻍ ﺋﺎﺩﻩﻣﻠﯩﺮﻯ ﺋﯘﻳﻐﯘﺭ ﻣﯩﻠﻠﯩﻲ ﻛﯩﻤﻠﯩﻜﯩﻨﻰ ﺭﺍﯞﺍﺟﻼﻧﺪﯗﺭﯗﺵ ﯞﻩ ﻛﯜﭼﻪﻳﺘﯩﺸﻨﯩﯔ ﺋﺎﯞﺍﻧﮕﺎﺭﺗﻠﯩﺮﻯ ﺳﯜﭘﯩﺘﯩﺪﻩ ﺗﯧﯖﯩﺮﻗﺎﺵ ﻫﻪﻡ ﺋﯜﻣﯩﺪﯞﺍﺭﻟﯩﻖ ﺑﯩﻠﻪﻥ ﻛﯧﻠﻪﭼﻪﻛﻜﻪ ﻗﺎﺭﺍﭖ ﻣﻪﺭﺩﺍﻧﻪ ﻗﻪﺩﻩﻡ ﺗﺎﺷﻼﯞﺍﺗﻘﺎﻥ ﺋﯘﻳﻐﯘﺭﻧﯩﯔ ﺋﺎﻟﻐﺎ ﺋﯩﻠﮕﯩﺮﯨﻠﯩﺸﯩﮕﻪ ﺋﯩﻠﻬﺎﻡ ﺑﯧﺮﯨﺶ ﺷﯘﻧﯩﯖﺪﻩﻙ ﭼﺎﻗﯩﺮﯨﻖ ﻗﯩﻠﯩﺸﺘﻪﻙ ﺷﻪﺭﻩﭘﻠﯩﻚ ﯞﻩﺯﯨﭙﯩﺴﯩﻨﻰ ﺋﺎﺗﻘﯘﺭﻣﺎﻗﺘﺎ. 20-21-ﺋﻪﺳﯩﺮﺩﯨﻜﻰ ﺋﯘﻳﻐﯘﺭ ﻣﻪﻧﯩﯟﻯ ﺩﯗﻧﻴﺎﺳﯩﻨﻰ ﺑﯧﻴﯩﺘﯩﺸﻜﻪ ﻫﻪﺳﺴﻪ ﻗﻮﺷﯘﯞﺍﺗﻘﺎﻥ ﺋﯘﻳﻐﯘﺭ ﭘﯩﺪﺍﻛﺎﺭﻟﯩﺮﯨﻨﯩﯔ ﺳﺎﻧﻰ ﯞﻩ ﻛﻪﺳﯩﭗ ﺩﺍﺋﯩﺮﯨﺴﻰ ﻛﯚﭖ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ، ﺑﻪﻟﻜﻰ ﻗﻮﻟﻐﺎ ﻛﻪﻟﺘﯜﺭﮔﻪﻥ ﻣﯘﯞﻩﭘﭙﻪﻗﯩﻴﻪﺗﻠﯩﺮﯨﻤﯘ ﺋﺎﻟﻠﯩﻘﺎﭼﺎﻥ ﺗﻪﻛﻠﯩﻤﺎﻛﺎﻥ ﯞﻩ ﺟﯘﯕﻐﺎﺭﯨﻴﯩﺪﯨﻦ ﺋﯩﺒﺎﺭﻩﺕ ﺋﯩﻜﻜﻰ ﺋﻮﻳﻤﺎﻧﻠﯩﻘﺘﯩﻦ ﻫﺎﻟﻘﯩﭗ ﺋﯚﺗﯜﭖ، ﻳﺎﯞﺭﻭ-ﺋﺎﺳﯩﻴﺎﻏﺎ ﺟﯜﻣﻠﯩﺪﯨﻦ ﺩﯗﻧﻴﺎﻏﺎ ﻳﯜﺯﻟﻪﻧﺪﻯ ﻫﻪﻣﺪﻩ ﺧﻪﻟﻘﺌﺎﺭﺍﻟﯩﻖ ﺗﯜﺱ ﺋﺎﻟﺪﻯ. ﺋﯘﺯﯗﻥ ﻳﯩﻠﻼﺭ ﺑﯘ ﺋﯩﻜﻜﻰ ﺋﻮﻳﻤﺎﻧﻠﯩﻘﻘﺎ ﺩﯛﻣﻠﻪﭖ ﻗﻮﻳﯘﻟﻐﺎﻥ ﺋﯘﻳﻐﯘﺭ ﻛﯩﻤﻠﯩﻜﻰ ﺑﯜﮔﯜﻧﻜﻰ ﻛﯜﻧﺪﻩ ﺗﺎﺭﯨﺨﺘﯩﻜﻰ ﺋﻮﺭﺧﯘﻥ ﺩﯙﻟﯩﺘﯩﻨﯩﯔ ﺋﯩﮕﯩﻠﯩﺮﯨﻠﯩﻖ ﺳﯜﭘﯩﺘﻰ ﺑﯩﻠﻪﻧﻼ ﺋﻪﻣﻪﺱ ﺑﻪﻟﻜﻰ، ﻳﯧﯖﻰ ﺋﯘﻳﻐﯘﺭ ﻛﯩﻤﻠﯩﻜﻰ ﻫﺎﻟﯩﺘﯩﺪﻩ ﻳﻪﺭ ﺷﺎﺭﯨﻐﺎ ﺗﻮﻧﯘﻟﯘﺷﻘﺎ ﺑﺎﺷﻠﯩﺪﻯ. ﺩﯗﻧﻴﺎ ﻣﯘﻧﺪﺍﻕ ﺑﯩﺮ ﻣﯩﻠﻠﻪﺗﻨﯩﯔ ﻫﯧﭽﻘﺎﭼﺎﻥ ﺋﯘﻧﺘﯘﻟﯘﭖ ﻛﯧﺘﯩﻠﻤﻪﻳﺪﯨﻐﺎﻧﻠﯩﻘﻰ، ﺑﻪﻟﻜﻰ ﺋﻪﺟﺪﺍﺩﻟﯩﺮﯨﻐﺎ ﺋﻮﺧﺸﺎﺷﻼ ﻳﯧﯖﻰ ﺗﺎﺭﯨﺦ ﻳﺎﺯﯨﺪﯨﻐﺎﻧﻠﯩﻘﯩﻐﺎ ﺋﯩﺸﻪﻧﺪﻯ ﯞﻩ ﺋﯩﺸﻠﻪﻧﻤﻪﻛﺘﻪ.
ﻣﻪﻥ ﺋﻪﻧﻪ ﺷﯘ ﻛﯚﭘﻠﯩﮕﻪﻥ ﺗﺎﻻﻧﺘﻠﯩﻖ ﯞﻩ ﭘﯩﺪﺍﻛﺎﺭ ﻛﯩﺸﯩﻠﯩﺮﯨﻤﯩﺰ ﻗﺎﺗﺎﺭﯨﺪﺍ ﭘﻪﻗﻪﺕ ﺋﺎﺩﺩﯨﻲ ﺑﯩﺮ ﺋﯘﻳﻐﯘﺭ ﻧﺎﺧﺸﯩﭽﯩﺴﻰ ﻳﻪﻧﻰ ﺋﯘﻳﻐﯘﺭ ﺳﻪﻧﺌﻪﺗﻜﺎﺭﻯ ﻫﻪﻗﻘﯩﺪﻩ ﺋﺎﺳﺎﺳﯩﻲ ﺗﯧﻤﺎ ﺳﯜﭘﯩﺘﯩﺪﻩ ﺗﻮﺧﺘﺎﻟﻤﺎﻗﭽﯩﻤﻪﻥ. ﺋﻪﻣﻤﺎ ﺋﻪﺳﻜﻪﺭﺗﯩﻤﻪﻧﻜﻰ، ﻣﯧﻨﯩﯔ ﻧﻪﺯﯨﺮﯨﻤﺪﻩ ﺋﯚﺯ ﺧﻪﻟﻘﻰ ﺋﯜﭼﯜﻥ ﺟﺎﯞﺍﭘﻜﺎﺭﻟﯩﻖ ﺗﯘﻳﻐﯘﺳﻰ ﻫﯧﺲ ﻗﯩﻠﻐﺎﻥ ﻫﻪﻡ ﻣﯩﻠﻠﯩﺘﯩﻨﯩﯔ ﺋﺎﻟﺪﯨﺪﺍ ﻧﯧﻤﯩﻨﯩﯔ ﻧﻮﻣﯘﺱ، ﻧﯧﻤﯩﻨﯩﯔ ﺷﻪﺭﻩﭖ ﺋﯩﻜﻪﻧﻠﯩﻜﯩﻨﻰ ﻫﻪﺱ ﻗﯩﻼﻟﯩﻐﺎﻥ ﺋﺎﺩﺩﯨﻲ ﺋﺎﺩﻩﻣﻠﻪﺭﻧﯩﯔ ﻫﻪﻣﻤﯩﺴﻰ ﺋﻮﺧﺸﺎﺷﻼ ﺋﻪﯓ ﺳﯚﻳﯜﻣﻠﯜﻛﺘﯘﺭ !
ﺭﯗﺳﻼﺭﻧﻰ ﺋﯘﺳﯘﻟﻐﺎ ﺳﺎﻟﻐﺎﻥ ﺋﯘﻳﻐﯘﺭ ﻣﯘﯕﻰ
ﺳﯚﻳﯜﻣﻠﯜﻙ ﺩﻭﺳﺘﻼﺭ! ﺷﯘﻧﭽﻪ ﺷﻮﺥ" ﮔﯚﻝ ﺋﺎﻳﯩﻢ" ﻧﺎﺧﺸﯩﺴﻰ ﺋﯘﺯﯗﻥ ﻳﯩﻠﻼﺭﺩﯨﻦ ﺑﯘﻳﺎﻥ ﻛﯩﺸﯩﻠﻪﺭﻧﯩﯔ ﻗﻪﻟﺒﯩﻨﻰ ﻟﻪﺭﺯﯨﮕﻪ ﺳﯧﻠﯩﭗ، ﻫﺎﻳﺎﺗﻠﯩﻘﻘﺎ ﺭﻭﻣﺎﻧﺘﯩﻚ ﻣﯘﻫﻪﺑﺒﻪﺕ ﺗﯘﻳﻐﯘﺳﻰ ﺑﯩﻠﻪﻥ ﺋﯜﺯﯛﻟﻤﻪﺱ ﺷﯩﺠﺎﺋﻪﺕ ﺑﻪﺧﺶ ﺋﯧﺘﯩﭗ ﻛﯧﻠﯩﯟﺍﺗﻘﺎﻧﻠﯩﻘﻰ ﻫﻪﻣﻤﯩﮕﻪ ﻣﻪﻟﯘﻡ! ﺑﻪﻟﻜﻰ، ﺑﯘ ﻧﺎﺧﺸﯩﻨﻰ ﺑﯩﻠﻤﻪﻳﺪﯨﻐﺎﻥ ﺑﯩﺮﻣﯘ ﺋﯘﻳﻐﯘﺭ ﺑﻮﻟﻤﯩﺴﺎ ﻛﯧﺮﻩﻙ؟! ﺋﯘﻳﻐﯘﺭﻧﯩﯔ ﭘﺎﻙ ﻣﯘﻫﻪﺑﺒﻪﺗﻜﻪ، ﺳﺎﺩﺍﻗﻪﺗﻤﻪﻧﻠﯩﻜﻜﻪ ﺷﯘﻧﺪﺍﻗﻼ ﺋﻪﺭﻛﯩﻦ، ﺷﺎﺩ-ﺧﻮﺭﺍﻡ ﻫﺎﻳﺎﺗﻘﺎ ﺑﻮﻟﻐﺎﻥ ﺋﯩﻨﺘﯩﻠﯩﺸﻰ ﺑﯩﻠﻪﻥ ﻳﯘﻏﯘﺭﯗﻟﻐﺎﻥ ﺑﯘ ﻧﺎﺧﺸﺎ ﺋﯘﻳﻐﯘﺭﻧﯩﯔ ﻣﻪﻧﯩﯟﻯ ﻛﯜﭺ ﻗﯘﯞﯞﯨﺘﯩﻨﯩﯔ ﻣﻪﻧﺒﻪﺳﻰ ﺳﯜﭘﯩﺘﯩﺪﻩ، ﺋﯘﻳﻐﯘﺭﻧﯩﯔ ﺋﺎﻳﯩﻐﻰ ﺗﻪﻛﻜﻪﻥ ﻳﻪﺭﻟﻪﺭﻧﯩﯔ ﻫﻪﻣﻤﯩﺴﯩﮕﻪ ﻳﯧﺘﯩﭗ ﺑﺎﺭﻏﺎﻥ ﻫﻪﻡ ﺑﺎﺭﻣﺎﻗﺘﺎ. ﻣﺎﻧﺎ ﺑﯜﮔﯜﻧﻜﻰ ﻛﯜﻧﻠﻪﺭﺩﻩ ﺑﯘ ﻧﺎﺧﺸﺎ ﺭﯗﺳﯩﻴﻪ ﺳﻪﻫﻨﯩﻠﯩﺮﯨﻨﻰ ﺯﯨﻞ-ﺯﯨﻠﯩﮕﻪ ﺳﯧﻠﯩﭗ، ﺳﻪﻧﺌﻪﺗﺨﯘﻣﺎﺭ ﺭﯗﺱ ﺗﺎﻣﺎﺷﯩﺒﯩﻨﻠﯩﺮﯨﻨﻰ ﺋﻮﺭﯗﻧﻠﯩﺮﯨﺪﯨﻦ ﺗﯘﺭﻏﯘﺯﯨﯟﻩﺗﻤﻪﻛﺘﻪ. ﺑﯘ ﻧﺎﺧﺸﺎ ﺑﯩﭙﺎﻳﺎﻥ ﺭﯗﺳﯩﻴﯩﻨﯩﯔ ﻣﻮﺳﻜﯟﺍ، ﺳﺎﻧﻜﯩﺖ ﭘﯧﺘﯩﺮﺑﯘﺭﮒ ﻗﺎﺗﺎﺭﻟﯩﻖ ﻛﯚﭘﻠﯩﮕﻪﻥ ﭼﻮﯓ-ﻛﯩﭽﯩﻚ ﺷﻪﻫﻪﺭﻟﯩﺮﻯ ﻫﻪﺗﺘﺎ ﺳﯩﺒﯩﺮﯨﻴﻪ ﺋﻮﺭﻣﺎﻧﻠﯩﻘﻠﯩﺮﯨﺪﯨﻜﻰ ﺳﻮﻏﯘﻕ ﺋﯩﻘﻠﯩﻢ ﻗﯩﺸﻼﻗﻠﯩﺮﯨﺪﺍ، ﯞﻭﻟﮕﺎ -ﺋﯘﺭﺍﻝ ﯞﺍﺩﯨﻠﯩﺮﯨﺪﺍ، ﺋﯘﻛﺮﺍﺋﯩﻨﯩﻴﯩﻨﯩﯔ ﺩﻧﯧﭙﺮ ﺩﻩﺭﻳﺎﻟﯩﺮﻯ ﯞﺍﺩﯨﻠﯩﺮﯨﺪﺍ، ﺑﻪﻻﺭﯗﺳﯩﻴﯩﻨﯩﯔ ﻳﯧﺸﯩﻠﻠﯩﻘﻘﺎ ﭘﯜﺭﻛﻪﻧﮕﻪﻥ ﺗﯜﺯﻟﻪﻧﮕﻠﯩﻜﻠﯩﺮﯨﺪﻩ، ﻣﻮﻟﺪﺍﯞﯨﻴﻪﻧﯩﯔ ﺋﯜﺯﯛﻣﺰﺍﺭﻟﯩﻘﻠﯩﺮﯨﺪﺍ ﻳﺎﯕﺮﺍﭖ، ﺋﯘ ﻳﻪﺭﻟﻪﺭﺩﯨﻜﻰ ﻛﯩﺸﯩﻠﻪﺭﮔﻪ ﺋﯘﻳﻐﯘﺭ ﻣﯩﻠﻠﯩﺘﯩﻨﯩﯔ ﺩﻭﺳﺘﻠﯘﻕ ﺗﯩﻠﻪﻛﻠﯩﺮﯨﻨﻰ ﺑﯩﻠﺪﯛﺭﻣﻪﻛﺘﻪ. ﺋﯚﻣﯩﺮﯨﺪﻩ ﺋﯘﻳﻐﯘﺭ ﺩﯦﮕﻪﻥ ﻧﺎﻣﻨﻰ ﺋﺎﯕﻼﭖ ﺑﺎﻗﻤﯩﻐﺎﻥ ﻛﯩﺸﯩﻠﻪﺭ ﺋﯘﻳﻐﯘﺭﻧﯩﯔ ﺑﯘ ﺷﻮﺥ ﻧﺎﺧﺸﯩﺴﯩﻨﯩﯔ ﻛﯜﭼﻠﯜﻙ ﻣﯘﺯﯨﻜﯩﻠﯩﻖ ﺋﯘﺩﺍﺭﻟﯩﺮﯨﻐﺎ ﺟﯜﺭ ﺑﻮﻟﯘﭖ ﺋﯘﺳﯘﻟﻐﺎ ﭼﯜﺷﻤﻪﻛﺘﻪ. ﺋﻪﻟﯟﻩﺗﺘﻪ، ﺋﯚﺯﯨﺪﯨﻦ ﺑﺎﺷﻘﺎ ﺧﻪﻟﻘﻠﻪﺭﻧﯩﯔ ﻣﻪﺩﻩﻧﯩﻴﯩﺘﯩﻨﻰ ﺋﯚﺯﯨﺪﯨﻦ ﺋﯜﺳﺘﯜﻥ ﻛﯚﺭﯛﺵ ﺗﯘﻳﻐﯘﺳﻰ ﯞﻩ ﺋﯚﺯﯨﺪﯨﻦ ﺑﺎﺷﻘﺎ ﻣﯩﻠﻠﻪﺗﻠﻪﺭﻧﯩﯔ ﻣﯩﻠﻠﯩﻲ ﺋﺎﻫﺎﯕﻠﯩﺮﯨﺪﯨﻦ ﺯﻭﻕ ﺋﯧﻠﯩﺶ ﺋﯩﻘﺘﯩﺪﺍﺭﻯ ﻛﻪﻣﭽﯩﻠﯩﻚ ﺑﯩﻠﻪﻥ ﺗﻮﻧﯘﻟﻐﺎﻥ ﺭﯗﺳﻼﺭﻧﯩﯔ ﺋﯘﻳﻐﯘﺭﻧﯩﯔ ﻛﯩﭽﯩﻜﻜﯩﻨﻪ ﺑﯩﺮ ﻳﯧﺰﯨﺴﻰ ﺑﻮﻟﻐﺎﻥ ﺋﺎﺗﯘﺷﻨﯩﯔ ﺋﻪﻧﺌﻪﻧﯩﯟﻯ ﺧﻪﻟﻖ ﺋﺎﻫﺎﯕﻠﯩﺮﯨﻐﺎ ﺋﯘﺳﯘﻟﻐﺎ ﭼﯜﺷﯩﺸﻰ ﺯﻭﺭ ﺑﯩﺮ ﻣﯚﺟﯩﺰﻩ ﺑﻮﻟﺴﺎ ﻛﯧﺮﻩﻙ؟ ﺑﯘ ﻣﯚﺟﯩﺰﻩ ﭘﻪﻗﻪﺕ ﻣﻪﺧﺴﯘﺱ ﺭﯗﺱ ﻣﯘﺯﯨﻜﯩﻠﯩﺮﯨﻨﻰ ﯞﻩ ﺭﯗﺳﻼﺭﻧﯩﯔ ﻣﯘﺯﯨﻜﺎ ﭘﺴﯩﺨﯩﻜﯩﺴﯩﻨﻰ ﻳﺎﺧﺸﻰ ﭼﯜﺷﻪﻧﮕﻪﻥ ﺋﯘﻳﻐﯘﺭ ﻳﯩﮕﯩﺘﻰ ﻣﯘﺭﺍﺕ ﻧﺎﺳﯩﺮﻭﭖ ﺗﻪﺭﯨﭙﯩﺪﯨﻦ ﻳﺎﺭﯨﺘﯩﻠﺪﻯ.
ﺋﯘﻧﺪﺍﻗﺘﺎ ﻣﻪﺯﻛﯘﺭ ﻧﺎﺧﺸﯩﻨﻰ ﺷﯘﻧﭽﻪ ﻳﯧﻘﯩﻤﻠﯩﻖ ﺋﯧﻴﺘﯩﭗ، ﻣﯘﺳﺘﻪﻗﯩﻞ ﺩﯙﻟﻪﺗﻠﻪﺭ ﻫﻪﻡ ﺩﻭﺳﺘﻠﯘﻗﻰ ﻛﯩﺸﯩﻠﯩﺮﯨﻨﻰ ﻫﺎﻳﺎﺟﺎﻧﻐﺎ ﺳﺎﻟﻐﺎﻥ ﺑﯘ ﻧﺎﺧﺸﯩﭽﻰ ﻛﯩﻢ؟ ﺋﯘ، ﺑﯜﮔﯜﻧﻜﻰ ﻛﯜﻧﺪﻩ ﺭﯗﺳﯩﻴﻪ ﺟﯜﻣﻠﯩﺪﯨﻦ ﭘﯜﺗﯜﻥ ﻣﯘﺳﺘﻪﻗﯩﻞ ﺩﯙﻟﻪﺗﻠﻪﺭ ﻫﻪﻡ ﺩﻭﺳﺘﻠﯘﻗﯩﺪﺍ ﻣﻪﺷﻬﯘﺭ ﺑﻮﻟﯘﭖ ﺗﻮﻧﯘﻟﻐﺎﻥ، ﻧﺎﺧﺸﺎ ﺧﯘﻣﺎﺭ ﻳﺎﺷﻼﺭﻧﯩﯔ ﭼﻮﻗﯘﻧﯘﺵ ﺋﻮﺑﻴﯧﻜﺘﯩﻐﺎ ﺋﺎﻳﻼﻧﻐﺎﻥ، ﻧﺎﺧﺸﺎ ﭼﻮﻟﭙﯩﻨﻰ ﻣﯘﺭﺍﺕ ﻧﺎﺳﯩﺮﻭﭘﺘﯘﺭ. ﻣﯘﺭﺍﺕ ﻧﺎﺳﯩﺮﻭﭖ ﺑﯜﮔﯜﻧﻜﻰ ﺭﯗﺱ ﺋﻪﺳﺘﺮﺍﺩﻟﯩﻖ ﻧﺎﺧﺸﺎ -ﻣﯘﺯﯨﻜﯩﺴﯩﻨﯩﯔ ﺋﻪﯓ ﻣﻪﺷﻬﯘﺭ ﯞﻩﻛﯩﻠﻠﯩﺮﻯ ﺋﺎﻟﻼ ﭘﯘﮔﺎﭼﯧﯟﺍ، ﻓﯩﻠﯩﭗ ﻛﯩﺮﻛﻮﺭﻭﯞ، ﺋﻮﻟﯧﮓ ﮔﺎﺯﻣﺎﻧﻮﭖ، ﯞﺍﻟﯧﺮﻯ ﻟﯩﺌﻪﺋﻮﻧﺘﯧﯟ ﯞﻩ ﺑﺎﺷﻘﯩﻼﺭ ﻏﺎ ﺋﻮﺧﺸﺎﺵ ﺷﺎﻥ-ﺷﯚﻫﺮﻩﺗﻜﻪ ﺋﻪﺭﯨﺸﻜﻪﻥ ﺑﻮﻟﯘﭖ، ﻫﺎﺯﯨﺮﻗﻰ ﺯﺍﻣﺎﻥ ﺭﯗﺳﯩﻴﻪ ﺳﻪﻧﺌﻪﺕ ﺗﺎﺭﯨﺨﯩﺪﯨﻦ ﭘﻪﺧﯩﺮﻟﯩﻚ ﺋﻮﺭﯗﻥ ﺋﺎﻟﻐﺎﻥ.
ﺋﻪﻟﯟﻩﺗﺘﻪ، ﺷﻮﺥ ﯞﻩ ﻳﯧﻘﯩﻤﻠﯩﻖ ﻧﺎﺧﺸﺎ-ﻣﯘﺯﯨﻜﯩﻼﺭﻧﯩﯔ ﯞﺍﻗﺘﻰ ﻛﻪﻟﺴﻪ ﻣﯩﻠﻠﻪﺕ ﯞﻩ ﺗﯩﻞ ﺋﺎﻳﺮﯨﻤﯩﺴﻰ ﺑﻮﻟﻤﺎﻳﺪﯗ، ﺋﻪﻧﻪ ﺷﯘﻧﺪﺍﻕ ﻫﻪﻣﻤﻪ ﻣﯩﻠﻠﻪﺕ ﺟﯜﻣﻠﯩﺪﯨﻦ ﻫﻪﻣﻤﻪ ﺋﯩﻨﺴﺎﻥ ﺋﻮﺭﺗﺎﻕ ﻫﻮﺯﯗﺭﻟﯩﻨﺎﻻﻳﺪﯨﻐﺎﻥ، ﺑﻪﻫﺮ ﺋﺎﻻﻻﻳﺪﯨﻐﺎﻥ ﻧﺎﺧﺸﺎ-ﻣﯘﺯﯨﻜﯩﻼﺭﻧﻰ ﻫﻪﻣﻤﻪ ﻣﯘﺯﯨﻜﺎﻧﺖ ﺋﯩﺠﺎﺩ ﻗﯩﻼﻟﻤﺎﻳﺪﯗ ﺷﯘﻧﺪﺍﻗﻼ ﻫﻪﻣﻤﻪ ﻧﺎﺧﺸﯩﭽﯩﻼﺭ ﺋﯧﻴﺘﺎﻟﻤﺎﻳﺪﯗ. ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﯩﺪﺍ ﺋﯩﻠﮕﯩﺮﻯ ﻛﯧﻴﯩﻦ ﺋﯩﻜﻜﻰ ﺋﯘﻳﻐﯘﺭ ﻧﺎﺧﺸﯩﺴﻰ ﺭﯗﺳﻼﺭﻧﻰ ﻗﯩﺴﻘﯩﺴﻰ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﯩﺪﯨﻜﻰ ﻫﻪﺭ ﻣﯩﻠﻠﻪﺕ ﺗﺎﻣﺎﺷﯩﺒﯩﻨﻠﯩﺮﯨﻨﻰ ﺋﯘﺳﯘﻟﻐﺎ ﭼﯜﺷﯜﺭﺩﻯ ﺩﯦﺴﻪﻙ ﻣﯘﺑﺎﻟﯩﻐﻪ ﺑﻮﻟﻤﯩﺴﺎ ﻛﯧﺮﻩﻙ، ﺑﯘ ﺋﯩﻜﻜﻰ ﺋﯘﻳﻐﯘﺭ ﻧﺎﺧﺸﯩﺴﯩﻨﯩﯔ ﺑﯩﺮﻯ 70-80-ﻳﯩﻠﻼﺭﺩﺍ ﭘﯜﺗﯜﻥ ﺋﻮﺗﺘﯘﺭﺍ ﺋﺎﺳﯩﻴﺎ ﯞﻩ ﺳﻮﯞﯦﺖ ﺋﯩﺘﺘﯩﭙﺎﻗﯩﻐﺎ ﺗﻮﻧﯘﻟﻐﺎﻥ ﺋﯘﻳﻐﯘﺭﻻﺭﻧﯩﯔ " ﻳﺎﺷﻠﯩﻖ " ﺋﺎﻧﺴﺎﻣﺒﯩﻠﻰ ﺗﻪﺭﯨﭙﯩﺪﯨﻦ ﺋﻮﺭﯗﻧﻼﻧﻐﺎﻥ " ﺋﺎﭘﭙﺎﻕ-ﺋﺎﭘﭙﺎﻕ ﺗﻮﺷﻘﺎﻧﻼﺭ" ﺑﻮﻟﺴﺎ، ﻳﻪﻧﻪ ﺑﯩﺮﻯ 90-ﻳﯩﻠﻼﺭﻧﯩﯔ ﺋﺎﺧﯩﺮﻟﯩﺮﯨﺪﺍ ﯞﻩ ﻫﺎﺯﯨﺮﻣﯘ ﺋﯧﻴﺘﯩﻠﯩﯟﺍﺗﻘﺎﻥ "ﮔﯜﻝ ﺋﺎﻳﯩﻢ" ﻧﺎﺧﺸﯩﺴﯩﺪﯗﺭ. ﻫﻪﺭ ﺋﯩﻜﻜﯩﻼ ﻧﺎﺧﺸﺎ ﺋﯘﻳﻐﯘﺭ ﺧﻪﻟﻖ ﺋﯩﺠﺎﺩﯨﻴﯩﺘﯩﮕﻪ ﻣﻪﻧﺴﯘﭖ ﺑﻮﻟﺴﯩﻤﯘ، ﻟﯧﻜﯩﻦ ﺋﯘﻻﺭﻧﯩﯔ ﺋﯩﺠﺮﺍﭼﯩﻠﯩﺮﯨﻨﯩﯔ ﺋﯩﺴﯩﻤﻠﯩﺮﻯ ﻣﯘﺭﺍﺕ ﺑﻮﻟﯘﭖ، ﺋﺎﻟﺪﯨﻨﻘﯩﺴﻰ ﻗﺎﺯﺍﻗﯩﺴﺘﺎﻥ ﺧﻪﻟﻖ ﺋﺎﺭﺗﯩﺴﻰ، ﻗﺎﺯﺍﻗﯩﺴﺘﺎﻥ ﺟﯘﻣﻬﯘﺭﯨﻴﻪﺗﻠﯩﻚ ﺋﯘﻳﻐﯘﺭ ﺗﯩﻴﺎﺗﯩﺮﯨﻨﯩﯔ ﺩﯨﺮﯦﻜﺘﻮﺭﻯ ﻣﯘﺭﺍﺕ ﺋﻪﺧﻤﻪﺩﻯ ﺋﯩﺪﻯ. 70-80-ﻳﯩﻠﻼﺭﺩﺍ " ﻳﺎﺷﻠﯩﻖ" ﺋﺎﻧﺴﺎﻣﺒﯩﻠﯩﻐﺎ ﺭﻩﻫﺒﻪﺭﻟﯩﻚ ﻗﯩﻠﻐﺎﻥ ﻳﺎﺵ ﻣﯘﺭﺍﺕ ﺋﻪﺧﻤﻪﺩﻯ ﺋﯘﻳﻐﯘﺭﻻﺭ ﺋﺎﺭﯨﺴﯩﺪﺍ ﺗﯘﻧﺠﻰ ﻗﯧﺘﯩﻢ ﻣﻪﺧﺴﯘﺱ ﮔﯘﺭﯗﭘﭙﺎ ﺗﯜﺯﯛﭖ، ﺋﯘﻳﻐﯘﺭ ﭼﺎﻟﻐﯘﻟﯩﺮﻯ ﺑﯩﻠﻪﻥ ﻏﻪﺭﺏ ﯞﻩ ﺯﺍﻣﺎﻧﯩﯟﻯ ﭼﺎﻟﻐﯘﻻﺭﻧﻰ ﻫﻪﻡ ﻣﯘﺯﯨﻜﺎ ﺋﯘﺩﺍﺭﻟﯩﺮﯨﻨﻰ ﺑﯩﺮﻟﻪﺷﺘﯜﺭﯛﺵ ﺋﺎﺭﻗﯩﻠﯩﻖ ﺋﯘﻳﻐﯘﺭ ﻧﺎﺧﺸﺎ-ﻣﯘﺯﯨﻜﯩﻠﯩﺮﯨﻨﻰ ﻗﺎﺯﺍﻗﯩﺴﺘﺎﻧﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺋﻮﺗﺘﯘﺭﺍ ﺋﺎﺳﯩﻴﺎ ﺟﯘﻣﻬﯘﺭﯨﻴﻪﺗﻠﯩﺮﯨﺪﻩ ﺷﯘﻧﯩﯖﺪﻩﻙ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﯩﻨﯩﯔ ﺑﺎﺷﻘﺎ ﺟﯘﻣﻬﯘﺭﯨﻴﻪﺗﻠﯩﺮﻯ ﯞﻩ ﺭﺍﻳﻮﻧﻠﯩﺮﯨﺪﺍ ﺋﻮﺭﯗﻧﻼﭖ، ﻣﯩﻠﻴﻮﻧﻠﯩﻐﺎﻥ ﺋﯩﺨﻼﺳﻤﻪﻧﻠﻪﺭﻧﻰ ﺑﻮﻳﺴﯘﻧﺪﯗﺭﻏﺎﻥ ﺋﯩﺪﻯ. ﻳﺎﺷﻠﯩﻖ ﺋﺎﻧﺴﺎﻣﺒﯩﻠﯩﻨﯩﯔ ﮔﯘﺭﯗﭘﭙﯩﺴﻰ ﺩﺍﺋﯩﻢ ﺗﯧﻠﯧﯟﯨﺰﻭﺭ ﺋﯧﻜﺮﺍﻧﻠﯩﺮﯨﺪﺍ ﻛﯚﺭﯛﻧﯜﭖ، "ﺋﺎﭘﭙﺎﻕ-ﺋﺎﭘﭙﺎﻕ ﺗﻮﺷﻘﺎﻧﻼﺭ" ﻧﺎﺧﺸﯩﺴﻰ ﺭﺍﺩﯨﺌﻮ- ﺗﯧﻠﯩﯟﯨﺰﻭﺭﻻﺭﺩﺍ ﺩﺍﺋﯩﻢ ﻳﺎﯕﺮﺍﭖ ﺗﯘﺭﻏﺎﻧﻠﯩﻘﻰ ﺋﯜﭼﯜﻥ ﺋﻮﺗﺘﯘﺭﺍ ﺋﺎﺳﯩﻴﺎ ﺟﯘﻣﻬﯘﺭﯨﻴﻪﺗﻠﯩﺮﯨﺪﯨﻜﻰ ﻫﻪﺭ ﻣﯩﻠﻠﻪﺕ ﻛﯩﺸﯩﻠﯩﺮﯨﻨﯩﯔ ﺗﻮﻱ -ﺗﯚﻛﯜﻧﻠﯩﺮﯨﺪﻩ، ﻛﯚﯕﯜﻝ ﺋﯧﭽﯩﺶ ﺳﻮﺭﯗﻧﻠﯩﺮﯨﺪﺍ ﯞﻩ ﺗﯜﺭﻟﯜﻙ ﻣﻪﺩﻩﻧﯩﻴﻪﺕ ﭘﺎﺋﺎﻟﯩﻴﻪﺗﻠﯩﺮﯨﺪﻩ ﺑﯘ ﻧﺎﺧﺸﯩﻨﻰ ﺋﯧﻴﺘﯩﺶ ﻫﻪﻡ ﺋﯘﺳﯘﻝ ﺋﻮﻳﻨﺎﺵ ﻧﻮﺭﻣﺎﻝ ﺋﻪﻫﯟﺍﻟﻐﺎ ﺋﺎﻳﻼﻧﻐﺎﻥ ﺋﯩﺪﻯ. ﻣﯘﺭﺍﺕ ﺋﻪﺧﻤﻪﺩﯨﻨﯩﯔ ﻧﺎﻣﻰ ﺋﻪﻳﻨﻰ ﯞﺍﻗﯩﺘﺘﺎ ﻳﺎﺷﻠﯩﻖ ﺋﺎﻧﺴﺎﻣﺒﯩﻠﻰ ﺑﯩﻠﻪﻥ ﻫﻪﻡ ﺋﻪﺷﯘ ﺋﯚﺯﻯ ﺋﻮﺭﯗﻧﺪﯨﻐﺎﻥ ﺑﯩﺮ ﻗﺎﺗﺎﺭ ﻧﺎﺧﺸﯩﻠﯩﺮﻯ ﺑﯩﻠﻪ ﺯﯨﭻ ﺑﺎﻏﻠﯩﻨﯩﭗ ﻛﻪﺗﻜﻪﻥ ﺑﻮﻟﯘﭖ، ﺋﯘﻧﯩﯔ ﺋﯩﺨﻼﺳﻤﻪﻧﻠﯩﺮﻯ ﺗﺎﺭ ﺋﯘﻳﻐﯘﺭ ﺩﺍﺋﯩﺮﯨﺴﯩﺪﯨﻦ ﻫﺎﻟﻘﯩﭗ ﻛﻪﺗﻜﻪﻥ. ﺑﻪﻟﻜﻰ، ﻣﯘﺭﺍﺕ ﺋﻪﺧﻤﻪﺩﻯ ﻫﺎﺯﯨﺮﻣﯘ ﺋﻪﺷﯘ 20 -30 ﻳﯩﻠﻼﺭﻧﯩﯔ ﺋﺎﻟﺪﯨﺪﯨﻜﻰ ﺷﯚﻫﺮﯨﺘﻰ ﺑﯩﻠﻪﻥ ﻳﺎﺷﺎﯞﺍﺗﻘﺎﻥ ﺑﻮﻟﺴﺎ، ﻛﯧﺮﻩﻙ؟! ﻣﯘﺭﺍﺕ ﺋﻪﺧﻤﻪﺩﻯ ﺩﯦﺴﻪ ﻛﯩﺸﯩﻠﻪﺭ ﺋﯘﻧﯩﯔ ﻫﺎﺯﯨﺮﻗﻰ ﻧﺎﺧﺸﯩﻠﯩﺮﻯ ﺋﻪﻣﻪﺱ ﺑﻪﻟﻜﻰ ﺋﯘﻧﯩﯔ ﻳﺎﺷﻠﯩﻖ ﻣﻪﺯﮔﯩﻠﯩﺪﻩ ﺋﯧﻴﺘﻘﺎﻥ " ﺋﺎﭘﭙﺎﻕ-ﺋﺎﭘﭙﺎﻕ ﺗﻮﺷﻘﺎﻧﻼﺭ"، " ﺑﯩﺮﯨﻨﭽﻰ ﻣﯘﻫﻪﺑﺒﻪﺕ" ﯞﻩ ﺑﺎﺷﻘﺎ ﺑﯩﺮ ﻗﺎﺗﺎﺭ ﻧﺎﺧﺸﯩﻠﯩﺮﯨﻨﻰ ﺋﻪﺳﻠﯩﺮﯨﮕﻪ ﻛﻪﻟﺘﯜﺭﯨﺪﯗ. ﻗﯩﺴﻘﯩﺴﻰ، ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﯩﺪﯨﻜﻰ ﻧﻮﭘﯘﺳﻰ ﺋﺎﺯ ﻣﯩﻠﻠﻪﺕ ﻫﯧﺴﺎﺑﻠﯩﻨﯩﺪﯨﻐﺎﻥ ﺋﯘﻳﻐﯘﺭﺩﯨﻦ ﭼﯩﻘﻘﺎﻥ ﺋﯩﻜﻜﻰ ﻣﯘﺭﺍﺕ ﺋﯘ ﻳﻪﺭﻟﻪﺭﺩﯨﻜﻰ ﺋﯘﻳﻐﯘﺭﻻﺭﻧﯩﻼ ﺋﻪﻣﻪﺱ، ﺑﻪﻟﻜﻰ ﭘﯜﺗﯜﻥ ﺩﯗﻧﻴﺎﺩﯨﻜﻰ ﺋﯘﻳﻐﯘﺭﻻﺭﻧﻰ ﺗﻮﻧﯘﺗﺘﻰ. ﻛﯧﻴﯩﻨﻜﻰ ﻣﯘﺭﺍﺕ ﺑﯘﺭﯗﻧﻘﻰ ﻣﯘﺭﺍﺗﺘﯩﻦ ﺯﻭﺭ ﺩﻩﺭﯨﺠﯩﺪﻩ ﻫﺎﻟﻘﯩﭗ ﻛﻪﺗﻜﻪﻧﻜﻰ، ﺋﯘ ﻣﻮﺳﻜﯟﺍﺩﻩﻙ ﺭﯨﻘﺎﺑﻪﺕ ﺷﻪﻫﯩﺮﯨﺪﻩ، ﺭﯗﺳﻼﺭﻧﯩﯔ ﻣﺎﻧﺎ ﻣﻪﻥ ﺩﯦﮕﻪﻥ ﭼﻮﻟﭙﺎﻧﻠﯩﺮﻯ ﺭﯨﻘﺎﺑﻪﺗﻠﯩﺸﯩﭗ، ﺋﺎﺧﯩﺮﻯ ﺋﯘﻻﺭﻧﯩﯔ ﺋﯩﭽﯩﺪﯨﻜﻰ ﺋﻪﯓ ﻛﯜﭼﻠﯜﻛﻠﯩﺮﻯ ﯞﻩ ﺗﺎﻻﻧﺘﻠﯩﻘﻠﯩﺮﻯ ﺋﯘﺗﯘﭖ ﭼﯩﻘﯩﺪﯨﻐﺎﻥ ﺑﯩﺮ ﺟﺎﻳﺪﺍ ﺭﯨﻘﺎﺑﻪﺕ ﻣﻪﻳﺪﺍﻧﯩﻐﺎ ﭼﯜﺷﯜﭖ، ﺩﺍﯓ ﭼﯩﻘﺎﺭﺩﻯ ﯞﻩ ﺷﯚﻫﺮﻩﺕ ﻗﺎﺯﺍﻧﺪﻯ.
ﺋﻪﻟﯟﻩﺗﺘﻪ، ﻫﻪﺭ ﺑﯩﺮ ﻧﺎﺧﺸﯩﭽﯩﻨﯩﯔ ﺩﻩﯞﺭ ﺳﯜﺭﯨﺪﯨﻐﺎﻥ، ﺷﺎﻥ-ﺷﻪﺭﻩﭖ ﻗﺎﺯﯨﻨﯩﺪﯨﻐﺎﻥ، ﺳﺎﻥ-ﺳﺎﻧﺎﻗﺴﯩﺰ ﺋﯩﺨﻼﺳﻤﻪﻧﻠﻪﺭﻧﻰ ﻣﻪﻫﻠﯩﻴﺎ ﻗﯩﻠﯩﺪﯨﻐﺎﻥ ﯞﻩ ﺋﯘﻻﺭﻧﻰ ﻣﻪﻧﯩﯟﻯ ﺟﻪﻫﻪﺗﺘﯩﻦ ﺑﻮﻳﺴﯘﻧﺪﯨﺮﯨﺪﯨﻐﺎﻥ ﺑﯩﺮ ﻣﻪﺯﮔﯩﻠﻰ ﺑﻮﻟﯩﺪﯗ ﺷﯘﻧﯩﯖﺪﻩﻙ ﻳﻪﻧﻪ ﻳﯧﯖﻰ ﺋﻪﯞﻻﺩﻻﺭﻏﺎ ﺋﻮﺭﯗﻥ ﺑﯧﺮﯨﭗ، ﭘﻪﺧﯩﺮﻟﯩﻚ ﻧﺎﻣﻰ ﯞﻩ ﺋﺎﯞﺍﺯﻯ ﺑﯩﻠﻪﻥ ﺋﯚﺯ ﻫﯚﺭﻣﯩﺘﯩﻨﻰ ﺳﺎﻗﻼﭖ ﻗﺎﻟﯩﺪﯨﻐﺎﻥ ﯞﻩ ﻳﺎﻛﻰ ﺋﯘﻧﻰ ﻳﻮﻗﯩﺘﯩﭗ، ﺑﺎﺭﺍ-ﺑﺎﺭﺍ ﺋﯩﺨﻼﺳﻤﻪﻧﻠﻪﺭ ﺗﻪﺭﯨﭙﯩﺪﯨﻦ ﺋﯘﻧﺘﯘﻟﯩﺪﯨﻐﺎﻥ ﻣﻪﺯﮔﯩﻠﯩﻤﯘ ﺑﻮﻟﯩﺪﯗ. ﺋﻪﻣﻤﺎ، ﻣﯘﺭﺍﺕ ﻧﺎﺳﯩﺮﻭﭖ ﺋﺎﻟﺪﯨﻨﻘﯩﺴﯩﮕﻪ ﻣﻪﻧﺴﯘﭖ ﺑﻮﻟﯘﭖ، ﺋﯘ ﺋﻮﻥ ﻧﻪﭼﭽﻪ ﻳﯩﻠﺪﯨﻦ ﺑﯘﻳﺎﻥ ﺋﯚﺯ ﺷﯚﻫﺮﯨﺘﯩﺪﯨﻦ ﻣﻪﻫﺮﯗﻡ ﻗﺎﻟﻤﯩﺪﻯ ﻫﻪﻡ ﺗﯧﺨﯩﻤﯘ ﻳﯧﯖﻰ ﯞﻩ ﺯﺍﻣﺎﻧﻐﺎ ﻻﻳﯩﻖ ﺋﯩﺠﺎﺩﯨﻴﻪﺗﻠﯩﺮﯨﻨﻰ ﻣﻪﻳﺪﺍﻧﻐﺎ ﭼﯩﻘﯩﺮﯨﭗ، ﺋﯩﺨﻼﺳﻤﻪﻧﻠﯩﺮﯨﻨﯩﯔ ﺳﺎﻧﯩﻨﻰ ﯞﻩ ﺩﺍﺋﯩﺮﯨﺴﯩﻨﻰ ﺗﯧﺨﯩﻤﯘ ﻛﯧﯖﻪﻳﺘﻤﻪﻛﺘﻪ ﯞﻩ ﻛﯚﭘﻪﻳﺘﻤﻪﻛﺘﻪ.
ﺩﯦﻤﻪﻙ، ﻣﯧﻨﯩﯔ ﺑﺎﻳﺎﻥ ﻗﯩﻠﯩﺪﯨﻐﯩﻨﯩﻢ ﻛﻮﻧﺎ ﻣﯘﺭﺍﺕ ﺋﻪﻣﻪﺱ ﺑﻪﻟﻜﻰ ﻳﯧﯖﻰ ﻣﯘﺭﺍﺕ، ﻳﻪﻧﻰ ﻣﻮﺳﻜﯟﺍ ﭼﻮﻟﭙﺎﻧﻠﯩﺮﻯ ﺗﯩﺰﯨﻤﻠﯩﻜﯩﻨﯩﯔ ﺋﺎﻟﺪﯨﻨﻘﻰ ﺭﯦﺘﯩﺪﯨﻦ ﺋﻮﺭﯗﻥ ﺋﺎﻟﻐﺎﻥ، ﻣﯩﻠﻴﻮﻧﻠﯩﻐﺎﻥ ﻧﺎﺧﺸﺎ-ﺧﯘﻣﺎﺭ ﺭﯗﺱ ﺋﯩﺨﻼﺳﻤﻪﻧﻠﯩﺮﻯ ﺋﯚﺯﯨﮕﻪ ﻣﻪﻫﻠﯩﻴﺎ ﻗﯩﻠﻐﺎﻥ ﯞﻩ ﻣﻪﻧﯩﯟﻯ ﺟﻪﻫﻪﺗﺘﯩﻦ ﺑﻮﻳﺴﯘﻧﺪﯗﺭﻏﺎﻥ ﻣﯘﺭﺍﺕ ﻧﺎﺳﯩﺮﻭﭘﺘﯘﺭ !
ﺋﯘﻳﻐﯘﺭ ﺭﻭﻫﻰ ﺑﯩﻠﻪﻥ ﻳﯘﻏﯘﺭﯗﻟﻐﺎﻥ ﻣﯘﺭﺍﺕ
ﻫﻪﺭﻗﺎﻧﺪﺍﻕ ﺑﯩﺮ ﺩﻩﯞﺭ ﺳﯜﺭﯛﭖ ﺩﺍﯓ ﭼﯩﻘﺎﺭﻏﺎﻥ ﺷﻪﺧﺴﻨﯩﯔ ﻣﯘﺋﻪﻳﻴﻪﻥ ﺑﯩﺮ ﺋﯚﺳﯜﭖ-ﻳﯧﺘﯩﻠﯩﺶ ﻫﻪﻡ ﺋﯚﺯ ﻣﯘﯞﻩﭘﭙﻪﻗﯩﻴﻪﺗﻠﯩﺮﯨﮕﻪ ﺋﯧﺮﯨﺸﯩﺶ ﻣﯘﺳﺎﭘﯩﺴﻰ ﺑﻮﻟﯩﺪﯗ، ﻳﻪﻧﻪ ﺋﯚﺯ ﻧﯚﯞﯨﺘﯩﺪﻩ ﺑﯘ ﺷﻪﺧﺴﻨﯩﯔ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺸﯩﻐﺎ ﺗﻪﺳﯩﺮ ﻛﯚﺭﺳﻪﺗﻜﻪﻥ ﺋﺎﻣﯩﻠﻼﺭ ﯞﻩ ﺳﻪﯞﻩﺑﻠﻪﺭ ﺑﻮﻟﯩﺪﯗ. ﻣﯘﺭﺍﺗﻨﯩﯔ ﻧﻪﺗﯩﺠﻪ ﻗﺎﺯﯨﻨﯩﺸﯩﻨﯩﯖﻤﯘ ﺋﯚﺯﯨﮕﻪ ﺧﺎﺱ ﺑﯩﺮ ﺳﻪﯞﻩﺑﻰ ﺑﺎﺭ، ﺋﯘ ﺑﻮﻟﺴﯩﻤﯘ، ﺋﯘﻳﻐﯘﺭ ﻣﯩﻠﻠﯩﻲ ﺭﻭﻫﻰ ﺑﯩﻠﻪﻥ ﻳﯘﻏﯘﺭﯗﻟﻐﺎﻥ ﺋﺎﺗﺎ ﻣﯩﺮﺍﺱ ﺳﻪﻧﺌﻪﺕ ﺭﻭﻫﯩﺪﯗﺭ.
ﻣﯘﺭﺍﺕ ﻧﺎﺳﯩﺮﻭﭖ 1969-ﻳﯩﻠﻰ ﻗﺎﺯﺍﻗﯩﺴﺘﺎﻧﻨﯩﯔ ﺋﺎﻟﻤﯘﺗﺎ ﺷﻪﻫﺮﯨﺪﻩ ﺳﻪﻧﺌﻪﺗﻜﺎﺭ ﺋﺎﺋﯩﻠﯩﺴﯩﺪﻩ ﺗﯘﻏﯘﻟﻐﺎﻥ. ﺧﯘﺩﺩﻯ ﻫﻪﺭ ﺑﯩﺮ ﺋﺎﺩﻩﻣﻨﯩﯔ ﺋﯚﺳﯜﭖ ﻳﯧﺘﯩﻠﯩﭗ، ﻧﻪﺗﯩﺠﯩﻠﻪﺭﻧﻰ ﻗﻮﻟﻐﺎ ﻛﻪﻟﺘﯜﺭﯛﺷﯩﺪﻩ ﻣﻪﻟﯘﻡ ﺑﯩﺮ ﺋﺎﺳﺎﺳﻰ ﻫﻪﻝ ﻗﯩﻠﻐﯘﭺ ﺭﻭﻝ ﺋﻮﻳﻨﯩﻐﺎﻥ ﺳﻪﯞﻩﭖ ﺑﻮﻟﻐﯩﻨﯩﺪﻩﻙ ﻣﯘﺭﺍﺕ ﻧﺎﺳﯩﺮﻭﭘﻨﯩﯖﻤﯘ ﻣﯘﻧﺪﺍﻕ ﻣﻪﺷﻬﯘﺭ ﺳﻪﻧﺌﻪﺗﻜﺎﺭ ﺑﻮﻟﯘﭖ ﻳﯧﺘﯩﻠﯩﺸﯩﮕﻪ ﺗﻪﺳﯩﺮ ﻛﯚﺭﺳﻪﺗﻜﻪﻥ ﺋﺎﻣﯩﻠﻼﺭﻧﯩﯔ ﺑﯩﺮﻯ، ﺋﯘﻧﯩﯔ ﺋﺎﺗﺎ-ﺋﺎﻧﯩﺴﯩﻨﯩﯔ ﺗﻪﺭﺑﯩﻴﯩﻠﯩﺸﻰ، ﻛﯚﻳﯜﻧﯜﺷﻰ ﯞﻩ ﻗﻮﻟﻠﯩﺸﻰ ﺑﻮﻟﯘﭖ ﻫﯧﺴﺎﺑﻠﯩﻨﯩﺪﯗ. ﺋﯘ، ﺩﻩﺳﻠﻪﭘﻜﻰ ﻧﺎﺧﺸﺎ- ﻣﯘﺯﯨﻜﺎ ﺗﻪﺭﺑﯩﻴﯩﺴﯩﻨﻰ ﺩﺍﺩﯨﺴﯩﺪﯨﻦ ﺋﺎﻟﻐﺎﻥ ﺑﻮﻟﯘﭖ، ﺋﯘﻧﯩﯔ ﺩﺍﺩﯨﺴﻰ ﺋﯩﺴﻤﺎﺋﯩﻞ ﻧﺎﺳﯩﺮﻭﭖ ﺋﻪﺳﻠﻰ ﻛﻪﺳﭙﯩﻲ ﺳﻪﻧﺌﻪﺗﻜﺎﺭ ﺋﯩﺪﻯ.
ﺋﯩﺴﻤﺎﺋﯩﻞ ﺋﺎﻛﺎ ﻗﻪﺷﻘﻪﺭﺩﻩ ﺩﯗﻧﻴﺎﻏﺎ ﻛﻪﻟﮕﻪﻥ. ﺋﯘ، 1940-ﻳﯩﻠﻼﺭﺩﯨﻦ ﺑﺎﺷﻼﭖ ﻗﻪﺷﻘﻪﺭ، ﺋﺎﻗﺴﯘ ﻗﺎﺗﺎﺭﻟﯩﻖ ﺟﺎﻳﻼﺭﺩﯨﻜﻰ ﺳﻪﻧﺌﻪﺕ ﮔﯘﺭﯗﭘﭙﯩﻠﯩﺮﯨﺪﺍ ﺋﯩﺸﻠﯩﮕﻪﻥ. 1945-ﻳﯩﻠﻰ 8-ﺋﺎﻳﺪﺍ ﻣﯩﻠﻠﻰ ﺋﺎﺭﻣﯩﻴﯩﻨﯩﯔ ﭘﻮﺩﭘﻮﻟﻜﻮﯞﻧﯩﻜﻰ ﺳﻮﭘﺎﺧﯘﻥ ﺑﺎﺷﭽﯩﻠﯩﻘﯩﺪﯨﻜﻰ ﺑﯩﺮ ﮔﯘﺭﯗﭘﭙﺎ ﻣﯘﺯﺍﺭﺕ ﺩﺍﯞﯨﻨﻰ ﺋﺎﺭﻗﯩﻠﯩﻖ ﺟﻪﻧﯘﺑﻘﺎ ﭼﯜﺷﯜﭖ، ﺋﺎﻗﺴﯘﻧﻰ ﻗﻮﺭﺷﺎﯞﻏﺎ ﺋﺎﻟﻐﺎﻧﺪﺍ، ﺋﯩﺴﻤﺎﺋﯩﻞ ﺋﺎﻛﺎ ﻣﯩﻠﻠﯩﻲ ﺋﺎﺭﻣﯩﻴﻪ ﺳﯧﭙﯩﮕﻪ ﭘﯩﺪﺍﺋﯩﻲ ﺑﻮﻟﯘﭖ ﻗﻮﺷﯘﻟﯘﭖ، ﺋﺎﻗﺴﯘ ﺋﻪﺗﺮﺍﭘﯩﺪﯨﻜﻰ ﺟﻪﯕﻠﻪﺭﮔﻪ ﻗﺎﺗﻨﺎﺷﻘﺎﻥ. 1945-ﻳﯩﻠﻰ 10-ﺋﺎﻳﺪﺍ ﻣﯩﻠﻠﻰ ﺋﺎﺭﻣﯩﻴﻪ ﺑﯘﻳﺮﯗﻕ ﺑﻮﻳﯩﭽﻪ ﺷﯩﻤﺎﻟﻐﺎ ﭼﯧﻜﯩﻨﯩﭗ ﭼﯩﻘﻘﺎﻧﺪﺍ، ﺋﯘ ﺳﻮﭘﺎﺧﯘﻥ ﭘﻮﻟﻜﯩﺪﺍ ﺳﻪﻧﺌﻪﺕ ﻛﯘﺭﯗﺟﯘﻛﻰ ﻗﯘﺭﻏﺎﻥ. ﻛﯧﻴﯩﻦ، ﻏﯘﻟﺠﯩﻐﺎ ﻳﯚﺗﻜﯩﻠﯩﭗ، ﺋﯜﭺ ﯞﯨﻼﻳﻪﺕ ﻫﯚﻛﯜﻣﯩﺘﯩﻨﯩﯔ ﺩﯙﻟﻪﺗﻠﯩﻚ ﺳﻪﻧﺌﻪﺕ ﺋﯚﻣﯩﻜﯩﺪﻩ ﯞﻩ ﻣﯩﻠﻠﻰ ﺋﺎﺭﻣﯩﻴﻪ ﺳﻪﻧﺌﻪﺕ ﺋﯚﻣﯩﻜﯩﺪﻩ ﺧﯩﺰﻣﻪﺕ ﻗﯩﻠﻐﺎﻥ. ﺋﻪﻳﻨﻰ ﯞﺍﻗﯩﺘﺘﯩﻜﻰ ﺟﯘﻣﻬﯘﺭﯨﻴﻪﺕ ﻫﯚﻛﯜﻣﯩﺘﯩﻨﯩﯔ ﻣﯩﻠﻠﯩﻲ ﺳﻪﻧﺌﻪﺗﻜﻪ ﺋﺎﻻﻫﯩﺪﻩ ﺋﻪﻫﻤﯩﻴﻪﺕ ﺑﻪﺭﮔﻪﻧﻠﯩﻜﻰ ﺋﯜﭼﯜﻥ ﻧﺎﺧﺸﺎ-ﻣﯘﺯﯨﻜﺎ ﺋﯩﺸﻠﯩﺮﯨﻤﯘ ﺗﻪﺭﻩﻗﻘﻰ ﻗﯩﻠﻐﺎﻥ ﺑﻮﻟﯘﭖ، ﺑﯩﺮ ﺗﯜﺭﻛﯜﻡ ﻳﺎﺵ ﻣﯘﺯﯨﻜﺎﻧﺘﻼﺭ، ﻧﺎﺧﺸﯩﭽﯩﻼﺭ ﻳﯧﺘﯩﺸﯩﭗ ﭼﯩﻘﻘﺎﻥ، ﺭﻭﺯﺍ ﺗﻪﻣﺒﯘﺭ ﻗﺎﺗﺎﺭﻟﯩﻖ ﺑﯩﺮ ﻗﯩﺴﯩﻢ ﭘﯧﺸﻘﻪﺩﻩﻡ ﺳﻪﻧﺌﻪﺗﻜﺎﺭﻻﺭﻏﺎ "ﺧﯩﺰﻣﻪﺕ ﻛﯚﺭﺳﻪﺗﻜﻪﻥ ﺋﺎﺭﺗﯩﺴﺖ" ﺩﯦﮕﻪﻧﺪﻩﻙ ﺷﻪﺭﻩﭘﻠﯩﻚ ﻧﺎﻣﻼﺭ ﺑﯧﺮﯨﻠﮕﻪﻥ ﺋﯩﺪﻯ. ﺋﯩﺴﻤﺎﺋﯩﻞ ﺋﺎﻛﺎ ﺋﯜﭺ ﯞﯨﻼﻳﻪﺕ ﻫﯚﻛﯜﻣﯩﺘﯩﻨﯩﯔ ﻳﺎﺭﯨﺘﯩﭗ ﺑﻪﺭﮔﻪﻥ ﺑﯘ ﺋﻪﯞﺯﻩﻟﻠﯩﻜﯩﺪﯨﻦ ﺋﯜﻧﯜﻣﻠﯜﻙ ﭘﺎﻳﺪﯨﻠﯩﻨﯩﭗ، ﻗﺎﺑﯩﻠﯩﻴﯩﺘﯩﻨﻰ ﺗﯧﺨﯩﻤﯘ ﺋﯚﺳﺘﯜﺭﺩﻯ.
ﺋﯩﺴﻤﺎﺋﯩﻞ ﺋﺎﻛﺎ 1949-ﻳﯩﻠﻰ 12-ﺋﺎﻳﻼﺭﺩﺍ ﺋﯜﭺ ﯞﯨﻼﻳﻪﺕ ﻫﯚﻛﯜﻣﯩﺘﻰ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﯘﭖ، ﻣﯩﻠﻠﻰ ﺋﺎﺭﻣﯩﻴﻪ ﺟﯘﯕﮕﻮ ﺋﺎﺯﺍﺩﻟﯩﻖ ﺋﺎﺭﻣﯩﻴﯩﺴﯩﻨﯩﯔ 5-ﻛﻮﺭﭘﯘﺳﻰ ﻗﯩﻠﯩﭗ ﺋﯚﺯﮔﻪﺭﺗﯩﻠﮕﻪﻧﺪﻩ، ﻣﯘﻫﻪﻣﻤﻪﺩ ﺋﯩﻤﯩﻦ ﺋﯩﻤﯩﻨﻮﯞ ﻗﻮﻣﺎﻧﺪﺍﻧﻠﯩﻘﯩﺪﯨﻜﻰ 13-ﺩﯨﯟﯨﺰﯨﻴﻪ ﺗﻪﺭﻛﯩﺒﯩﺪﻩ ﺟﻪﻧﯘﺑﻘﺎ ﭼﯜﺷﯜﭖ، ﻗﻪﺷﻘﻪﺭﮔﻪ ﺋﻮﺭﯗﻧﻠﯩﺸﯩﭗ، ﺋﯚﺯ ﭘﺎﺋﺎﻟﯩﻴﻪﺗﻠﯩﺮﯨﻨﻰ ﺩﺍﯞﺍﻣﻼﺷﺘﯘﺭﻏﺎﻥ. ﺑﯘ ﭼﺎﻏﺪﺍ ﺋﯘ 13-ﺩﯨﯟﯨﺰﯨﻴﻪ ﺳﻪﻧﺌﻪﺕ ﺋﯚﻣﯩﻜﯩﺪﻩ ﺋﺎﺳﺎﺳﻠﯩﻖ ﻧﺎﺧﺸﯩﭽﻰ ﯞﻩ ﻣﯘﺯﯨﻜﺎﻧﺘﻠﯩﻖ ﯞﻩﺯﯨﭙﯩﺴﯩﻨﻰ ﺋﯚﺗﯩﮕﻪﻥ ﺑﻮﻟﯘﭖ، ﻣﯩﻠﻠﯩﻲ ﺋﺎﺭﻣﯩﻴﻪ 5-ﻛﻮﺭﭘﯘﺱ ﺋﻪﻣﻪﻟﺪﯨﻦ ﻗﺎﻟﺪﯗﺭﯗﻟﻐﺎﻧﺪﺍ، 13-ﺩﯨﯟﯨﺰﯨﻴﯩﻤﯘ ﻗﯩﺴﻘﺎﺭﺗﯩﻠﯩﭗ، ﺋﻪﻳﻨﻰ ﯞﺍﻗﯩﺘﺘﯩﻜﻰ ﻫﻪﺭﻩﻣﺒﺎﻍ، ﺟﯩﯔ -ﺷﯩﺨﻮﻻﺭﺩﯨﻜﻰ ﻗﺎﺗﺘﯩﻖ ﺟﻪﯕﻠﻪﺭﺩﻩ ﺗﺎﯞﻻﻧﻐﺎﻥ ﻗﻪﻫﺮﯨﻤﺎﻥ ﺋﻮﻓﯩﺘﺴﯧﺮﻻﺭ ﯞﻩ ﭘﯧﺸﻘﻪﺩﻩﻡ ﺟﻪﯕﭽﯩﻠﻪﺭ ﻫﻪﺭﺑﯩﻲ ﺳﻪﭘﺘﯩﻦ ﺑﻮﺷﯘﺗﯘﻟﯘﭖ، ﺋﯚﺯ ﻳﯘﺭﺗﻠﯩﺮﯨﻐﺎ ﻗﺎﻳﺘﯘﺭﯗﻟﻐﺎﻧﺪﺍ ﯞﻩ ﺋﻪﻣﮕﻪﻙ ﻣﻪﻳﺪﺍﻧﻠﯩﺮﯨﻐﺎ ﺋﻪﯞﻩﺗﯩﻠﮕﻪﻧﺪﻩ، ﺋﯩﺴﻤﺎﺋﯩﻞ ﻧﺎﺳﯩﺮ ﺋﺎﻛﯩﻤﯘ ﻫﻪﺭﺑﯩﻲ ﺳﻪﭘﺘﯩﻦ ﺑﻮﺷﯘﺗﯘﻟﻐﺎﻥ. ﺋﯘ، 1958-ﻳﯩﻠﻰ ﺳﻮﯞﯦﺖ ﺋﯩﺘﺘﯩﭙﺎﻗﯩﻐﺎ ﻛﯚﭼﯜﭖ ﻛﻪﺗﻜﻪﻥ ﻫﻪﻣﺪﻩ ﺋﺎﻟﻤﯘﺗﯩﻐﺎ ﻛﯧﻠﯩﭗ ﻣﺎﻛﺎﻧﻠﯩﺸﯩﭗ ﻗﺎﻟﻐﺎﻥ. ﻣﯘﺭﺍﺕ ﻣﺎﻧﺎ ﺷﯘ ﭘﯧﺸﻘﻪﺩﻩﻡ ﺳﻪﻧﺌﻪﺗﻜﺎﺭﻧﯩﯔ ﺗﻪﺭﺑﯩﻴﻠﯩﺸﯩﺪﻩ ﺋﺎﻟﺪﻯ ﺑﯩﻠﻪﻥ ﺋﯩﺴﻜﯩﺮﯨﭙﻜﺎ ﯞﻩ ﻧﺎﺧﺸﺎ ﺋﯧﻴﺘﯩﺸﻨﻰ ﺋﯚﮔﻪﻧﮕﻪﻥ. ﺋﯘ، ﺋﯚﺳﻤﯜﺭﻟﯜﻙ ﯞﺍﻗﺘﯩﺪﺍ ﺩﺍﺩﯨﺴﻰ ﺋﯚﮔﻪﺗﻜﻪﻥ ﺋﯘﻳﻐﯘﺭﭼﻪ ﻧﺎﺧﺸﯩﻼﺭﻧﻰ ﺑﻮﻟﯘﭘﻤﯘ، ﻣﯩﻠﻠﯩﻲ ﺋﺎﺭﻣﯩﻴﯩﻨﯩﯔ ﻣﺎﺭﺷﻠﯩﺮﯨﻨﻰ ﺋﯚﺯ ﺋﯩﭽﯩﮕﻪ ﺋﺎﻟﻐﺎﻥ ﺋﯩﻨﻘﯩﻼﺑﯩﻲ ﻧﺎﺧﺸﯩﻠﯩﺮﯨﻨﻰ ﺋﺎﺋﯩﻠﻪ ﺳﻮﺭﯗﻧﻠﯩﺮﻯ ﯞﻩ ﻣﻪﻛﺘﻪﭘﻠﻪﺭﺩﻩ ﺋﯧﻴﺘﯩﭗ، ﺋﯚﺯ ﺗﺎﻻﻧﺘﻰ ﺑﯩﻠﻪﻥ ﻛﯩﺸﯩﻠﻪﺭﻧﻰ ﻗﺎﻳﯩﻞ ﻗﯩﻠﻐﺎﻥ. ﻣﯘﺭﺍﺗﻨﯩﯔ ﺋﺎﻧﯩﺴﻰ ﺧﺎﺗﯩﺮﻩ ﺧﺎﻧﯩﻤﻤﯘ ﺋﻮﻏﻠﯩﻨﯩﯔ ﺑﺎﻟﯩﻼﺭ ﺑﺎﻏﭽﯩﺴﻰ، ﺑﺎﺷﻼﻧﻐﯘﭺ ﻣﻪﻛﺘﻪﭘﺘﯩﻜﻰ ﯞﺍﻗﯩﺘﻠﯩﺮﯨﺪﯨﻼ ﺩﺍﺩﯨﺴﯩﺪﯨﻦ ﻛﯚﭘﻠﯩﮕﻪﻥ ﻧﺎﺧﺸﯩﻼﺭﻧﻰ ﺋﯚﮔﯩﻨﯩﭗ ﺋﯧﻴﺘﻘﺎﻧﻠﯩﻘﻰ ﻫﻪﺗﺘﺎ ﺋﯚﺯﻯ ﺳﻪﻧﺌﻪﺕ ﮔﯘﺭﯗﭘﭙﯩﺴﻰ ﻗﯘﺭﻏﺎﻧﻠﯩﻘﯩﻨﻰ، ﺩﺍﺩﯨﺴﯩﻨﯩﯔ ﺑﯘﻧﯩﯖﺪﯨﻦ ﻫﺎﻳﺎﺟﺎﻧﻠﯩﻨﯩﭗ، ﺋﯘﻧﻰ ﭘﯜﺗﯜﻥ ﺋﯩﻤﻜﺎﻧﯩﻴﻪﺗﻠﯩﺮﻯ ﺑﯩﻠﻪﻥ ﺗﻪﺭﺑﯩﻴﯩﻠﯩﮕﻪﻧﻠﯩﻜﯩﻨﻰ ﺋﻪﺳﻠﻪﭖ ﺋﯚﺗﻜﻪﻥ ﺋﯩﺪﻯ.
ﻣﯘﺭﺍﺕ ﺑﺎﺷﻼﻧﻐﯘﭺ ﯞﻩ ﺋﻮﺗﺘﯘﺭﺍ ﻣﻪﻛﺘﻪﭘﻠﻪﺭﻧﻰ ﺋﺎﻟﻤﯘﺗﯩﺪﺍ ﺗﯜﮔﻪﺗﻜﻪﻧﺪﯨﻦ ﻛﯧﻴﯩﻦ، 18 ﻳﯧﺸﯩﺪﺍ ﺋﺎﺭﻣﯩﻴﻪ ﺳﯧﭙﯩﮕﻪ ﭼﺎﻗﯩﺮﺗﯩﻠﯩﭗ، ﺗﯜﺭﻛﻤﻪﻧﯩﺴﺘﺎﻧﺪﺍ ﺧﯩﺰﻣﻪﺕ ﺋﯚﺗﯩﮕﻪﻥ. ﺋﯘﻧﯩﯔ ﺋﺎﻛﯩﺴﯩﻤﯘ ﺳﻮﯞﯦﺖ ﺋﺎﺭﻣﯩﻴﯩﺴﯩﻨﯩﯔ ﻣﺎﻳﻮﺭ ﺩﻩﺭﯨﺠﯩﻠﯩﻚ ﺋﻮﻓﯩﺘﺴﯧﺮﻯ ﺑﻮﻟﯘﭖ، ﺋﯘ ﺋﯩﻨﯩﺴﯩﻨﯩﯔ ﺋﯚﺳﯜﭖ ﻳﯧﺘﯩﻠﯩﺶ ﺋﯜﭼﯜﻥ ﻛﯚﭖ ﻛﯜﭺ ﭼﯩﻘﺎﺭﻏﺎﻥ ﺋﯩﻜﻪﻥ. ﻣﯘﺭﺍﺕ ﻫﻪﺭﺑﯩﻴﺪﯨﻜﻰ ﯞﺍﻗﺘﯩﺪﯨﻤﯘ ﺳﻪﻧﺌﻪﺕ ﻛﯘﺭﯗﺟﯘﻛﻰ ﺗﻪﺷﻜﯩﻞ ﻗﯩﻠﯩﭗ، ﺳﻪﭘﺪﺍﺷﻠﯩﺮﯨﻨﯩﯔ ﻳﺎﺧﺸﻰ ﻛﯚﺭﯛﺷﯩﮕﻪ ﺋﯧﺮﯨﺸﻜﻪﻥ ﺋﯩﺪﻯ. ﻫﻪﺭﺑﯩﻲ ﺧﯩﺰﻣﻪﺗﻨﻰ ﺋﺎﺧﯩﺮﻻﺷﺘﯘﺭﻏﺎﻧﺪﯨﻦ ﻛﯧﻴﯩﻦ ﺋﯘﻧﯩﯔ ﺳﻪﻧﺌﻪﺕ ﺗﺎﻻﻧﺘﯩﻐﺎ ﻗﺎﻳﯩﻞ ﺑﻮﻟﻐﺎﻥ ﻣﻮﺳﻜﯟﺍﻟﯩﻖ ﺭﯗﺱ ﺳﻪﭘﺪﺍﺷﻠﯩﺮﻯ ﺋﯘﻧﻰ ﻣﻮﺳﻜﯟﺍﻏﺎ ﺑﯧﺮﯨﭗ، ﺋﻮﻗﯘﺷﻘﺎ ﺩﻩﯞﻩﺕ ﻗﯩﻠﻐﺎﻥ. ﻣﯘﺭﺍﺕ ﺗﻪﯞﻩﻛﻜﯜﻝ ﻗﯩﻠﯩﭗ، ﺋﯚﻳﯩﮕﻪ ﻗﺎﻳﺘﻤﺎﺳﺘﯩﻦ ﺋﯘﺩﯗﻝ ﻣﻮﺳﻜﯟﺍﻏﺎ ﺑﯧﺮﯨﭗ، ﺋﯚﺯ ﺗﯩﺮﯨﺸﭽﺎﻧﻠﯩﻘﻰ ﺑﯩﻠﻪﻥ ﮔﻨﯧﺴﻮﭖ ﻧﺎﻣﯩﺪﯨﻜﻰ ﻣﯘﺯﯨﻜﺎ ﺋﯩﻨﺴﺘﯩﺘﯘﺗﯩﻐﺎ ﺋﻮﻗﯘﺷﻘﺎ ﻛﯩﺮﯨﭗ، ﺋﯘﻧﻰ 1996-ﻳﯩﻠﻰ ﭘﯜﺗﺘﯜﺭﮔﻪﻥ. ﻣﻮﺳﻜﯟﺍﺩﯨﻜﻰ ﺋﻮﻗﯘﺵ ﻫﺎﻳﺎﺗﻰ ﺋﯘﻧﯩﯔ ﺋﯜﭼﯜﻥ ﺋﺎﺳﺎﻧﻐﺎ ﭼﯜﺷﻤﯩﮕﻪﻥ ﺑﻮﻟﯘﭖ، ﺋﺎﺗﺎ-ﺋﺎﻧﯩﺴﯩﻨﻰ ﺋﯩﻘﺘﯩﺴﺎﺩﯨﻲ ﻣﻪﻧﺒﻪ ﻗﯩﻠﯩﺸﻨﻰ ﻧﻮﻣﯘﺱ ﺩﻩﭖ ﺑﯩﻠﮕﻪﻥ ﺑﯘ ﺋﯘﻳﻐﯘﺭ ﻳﯩﮕﯩﺘﻰ ﺑﯩﺮ ﺗﻪﺭﻩﭘﺘﯩﻦ ﺋﻮﻗﯘﭖ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﺋﯧﻐﯩﺮ-ﻳﯧﻨﯩﻚ ﺟﯩﺴﻤﺎﻧﯩﻲ ﺋﯩﺸﻼﺭ ﺑﯩﻠﻪﻥ ﺷﯘﻏﯘﻟﻠﯩﻨﯩﭗ، ﺗﯘﺭﻣﯘﺵ ﺭﺍﺳﺨﻮﺩﯨﻨﻰ ﺋﯚﺯﻯ ﻫﻪﻝ ﻗﯩﻠﻐﺎﻥ. ﺋﯘ، ﻗﯩﻴﯩﻨﭽﯩﻠﯩﻘﻘﺎ ﺑﺎﺵ ﺋﻪﮔﻤﻪﻱ، ﺗﯩﺮﯨﺸﯩﭗ ﺋﯚﮔﯩﻨﯩﺸﻨﻰ ﺩﺍﯞﺍﻣﻼﺷﺘﯘﺭﻏﺎﻧﻠﯩﻘﻰ ﺋﯜﭼﯜﻥ ﺋﯘﻧﯩﯔ ﺗﺎﻻﻧﺘﻰ ﺗﯧﺰﺩﯨﻨﻼ ﻣﻪﻛﺘﻪﭖ ﺭﻩﻫﺒﻪﺭﻟﯩﺮﻯ، ﺋﻮﻗﯘﺗﻘﯘﭼﯩﻼﺭﻧﻰ ﺷﯘﻧﯩﯖﺪﻩﻙ ﺋﯘﺳﺘﺎﺯﻟﯩﺮﯨﻨﻰ ﻗﺎﻳﯩﻞ ﻗﯩﻠﻐﺎﻥ.
ﻣﯘﺭﺍﺕ ﻧﺎﺳﯩﺮﻭﭖ1991-ﻳﯩﻠﻰ ﻳﺎﻟﺘﺎ ﺷﻪﻫﺮﯨﺪﻩ ﺋﯚﺗﻜﯜﺯﯛﻟﮕﻪﻥ ﺳﺎﺑﯩﻖ ﺳﻮﯞﯦﺖ ﺋﯩﺘﺘﯩﭙﺎﻗﻰ ﺑﻮﻳﯩﭽﻪ ﻳﺎﺷﻼﺭ ﻓﯧﺴﺘﯩﯟﺍﻟﯩﻐﺎ ﻗﺎﺗﻨﯩﺸﯩﺶ ﭘﯘﺭﺳﯩﺘﯩﮕﻪ ﺳﺎﺯﺍﯞﻩﺭ ﺑﻮﻟﻐﺎﻥ ﻫﻪﻣﺪﻩ ﭘﻮﭖ ﻧﺎﺧﺸﺎ ﺗﯜﺭﻟﯩﺮﻯ ﺑﻮﻳﯩﭽﻪ ﺑﯩﺮﯨﻨﭽﻰ ﺋﻮﺭﯗﻧﻨﻰ ﺋﯩﮕﻪﻟﻠﻪﭖ، ﺋﺎﻟﺘﯘﻥ ﻣﯘﻛﺎﭘﺎﺗﻘﺎ ﺋﯧﺮﯨﺸﻜﻪﻥ. ﻳﺎﻟﺘﯩﺪﺍ ﻗﻮﻟﻐﺎ ﻛﻪﻟﮕﻪﻥ ﻣﻪﺯﻛﯘﺭ ﺯﻭﺭ ﻧﻪﺗﯩﺠﯩﺪﻩ ﻣﯘﺭﺍﺗﻨﯩﯔ ﺳﻪﻧﺌﻪﺕ ﻫﺎﻳﺎﺗﯩﻐﺎ ﺋﯩﻠﻬﺎﻡ ﺑﻮﻟﯘﭘﻼ ﻗﺎﻟﻤﺎﺳﺘﯩﻦ، ﺑﻪﻟﻜﻰ ﺋﯘﻧﯩﯔ ﻣﻮﺳﻜﯟﺍ ﺳﻪﻧﺌﻪﺗﻜﺎﺭﻟﯩﺮﻯ ﺋﺎﺭﯨﺴﯩﺪﺍ ﺗﻮﺋﯘﻧﯘﻟﯘﺷﻰ ﻫﻪﻡ ﺋﯘﻻﺭﻧﯩﯔ ﺩﯨﻘﻘﻪﺕ ﻗﯩﻠﯩﺸﯩﻐﺎ ﻳﻮﻝ ﺋﺎﭼﻘﺎﻥ. ﻣﯘﺭﺍﺕ ﺑﯩﺮ ﻳﺎﻗﺘﯩﻦ ﺋﻮﻗﯘﭖ ﻳﻪﻧﻪ ﺑﯩﺮ ﻳﺎﻗﺘﯩﻦ ﺋﯚﺯﯨﻨﯩﯔ "ﻳﯧﯖﻰ ﭘﻮﺭﺕ" ﻧﺎﻣﻠﯩﻖ ﻧﺎﺧﺸﺎ-ﻣﯘﺯﯨﻜﺎ ﮔﯘﺭﯗﭘﭙﯩﺴﯩﻨﻰ ﻗﯘﺭﯗﭖ، ﺋﯘﻧﯩﯖﻐﺎ ﺋﯚﺯﻯ ﻳﯧﺘﻪﻛﭽﯩﻠﯩﻚ ﻗﯩﻠﯩﺶ ﺑﯩﻠﻪﻥ ﺑﯩﺮﮔﻪ ﻛﻮﻧﺴﯧﺮﺗﻼﺭ ﺋﯚﺗﻜﯜﺯﯛﺷﻜﻪ ﺑﺎﺷﻠﯩﻐﺎﻥ ﺷﯘﻧﯩﯖﺪﻩﻙ ﻳﻪﻧﻪ ﺑﻪﺯﻯ ﻛﯩﻨﻮ ﯞﻩ ﺗﯧﻠﯧﯟﯨﺰﯨﻴﻪ ﻓﯩﻠﯩﻤﻠﯩﺮﯨﻨﯩﯔ ﻣﯘﺯﯨﻜﯩﺴﯩﻨﻰ ﺋﯩﺸﻠﻪﭖ، ﻧﺎﺧﺸﯩﻠﯩﺮﯨﻨﻰ ﺋﯧﻴﺘﯩﭗ ﺑﻪﺭﮔﻪﻥ. ﺑﯘﻻﺭﻧﯩﯔ ﻫﻪﻣﻤﯩﺴﻰ ﻛﯧﻴﯩﻨﻜﻰ ﯞﺍﻗﯩﺘﻼﺭﺩﺍ ﺋﯘﻧﯩﯔ ﺋﺎﺗﺎﻗﻠﯩﻖ ﭼﻮﻟﭙﺎﻧﻼﺭﻧﯩﯔ ﺑﯩﺮﯨﮕﻪ ﺋﺎﻳﻠﯩﻨﯩﺸﯩﻨﯩﯔ ﺋﺎﺳﺎﺳﯩﻨﻰ ﻳﺎﺭﺍﺗﻘﺎﻥ ﺋﯩﺪﻯ.
داۋامى بار :
XabnamBBS -> ئۆزىمىزگە نەزەر -> مۇرات ناسىروف ۋە مەن ( ئەدەبىي ئاخپارات )
