alga~nap
ھالىتى :
دەرىجە: تىرىشچان ئەزا
نادىر تېما:
0
يازما سانى: 597
شۆھرەت: 598 نۇمۇر
پۇل: 5705 سوم
تۆھپە: 0 نۇمۇر
توردىكى ۋاقتى:121(سائەت)
ئەزا بولغان ۋاقتى : 2007-01-06
|
يەيدۇ نامەرد بۇلۇڭدا بەتتىنى ،
مەردبىرىدۇ تاپسا بىر نان تېڭىنى.
قاچسا نامەرد بىمار -مىيىپنى ،
مەردئايىماس كىرەك بولسا جىنىنى .
قىز ئۈچۈ ن دۇنيادا نىمە قىممەتلىك ،
چىرايمۇ ۋەياكى ئالتۇن بىلەيزۇك .
ياق دوستۇم ھەممىدن بىلىم ئەلادۇر،
ئۇنىڭسىز قىز ئەسلا بولالماس تۈزۈك.
بەك قىزىق بولىدۇ دۇنيانىڭ ئىشى ،
يولۇقار دەشنەمگە ساپ ۋىجدان كىشى .
ھەقىقەت مىزانىنى تۇتقانلار ئۈچۈن ،
بىلەكلىك ھەسەتخۇر ،ئىبلىسنىڭ چىشى.
دۇشمەننىڭ قەستىدىن ئوچۇ ق نىشانى ،
چوڭدۇر بى ۋاپادوستنىڭ زىيانى .
ئاۋۇ باھانە تىپىپ چىقىلار ،
ماۋۇ ئالدىڭدا ئويناپ سامانى.
بارمىدۇ دۇنيادا ئۆچمەيدىغان ئوت،
باردىسە،قەلبىڭدە يىنىشىنى كۈت.
يانمىسا ئەل ئۈچۈن سۆيگۈ گۈلخانىڭ ،
ئادەمدىن تۆرەلگەن ھايۋان بولۇ پ ئۆت.
ئەمەس ھىچ كىشىگە بۇ دۇنيا باقى ،
قەلبىمدە ئەل-ۋەتەن دىيار پىراقى.
مۇستەسنا خىيالىم مونكىر -نىكىردىن ،
ئىڭىمدا ھەر قاچان ئەۋلاد سوراقى.
بەزىلەر چىقىدۇ ئىغىزدا ئايغا،
قارىساڭ پىتىقلىق تىزغىچە لايغا .
پو ئىتىپ ئاتالغان بولسىمۇ پالۋان،
ھاياتى ئوخشايدۇ بەئەينى سايغا.
قولۇمدا قەلىمىم،ھەمراھىم خىيال ،
تۇيغۇمدا چىقىلار جاۋاپسىز سۇئال.
ئۆمرۇمدە نىشانە قالدۇردۇم نىمە ،
ئويلىسام ئۆزەمچە بولىمەن ئوسال.
ئوتتۇزغا تاقىدى يىشىم ،ئاھ تىلەك ،
بىر ئىغىر كىسەلدىن قۇتۇلماي پەقەت.
روھىمنى زەئىپلىك باسقاندا بىلدىم .
ۋاي ئىسىت ،دورىسى ئىكەن مۇھەببەت.
بىر يالغان ئورنىدىن تۇرغىنىدا دەس،
كۈرمىڭ ھەقىقەتكە قىلماق بولۇر قەس.
مەگەركى ھەق ئۈچۈن تاپمىساڭ ئۆلچەم .
ئىنساننى بىتەھلىق باسار ئىكەن تەس.
ئون سەككىز يىشىمدا كەلدىڭ يىنىمغا،
مۇھەببەت سەۋداسى چۈشتى بىشىمغا.
ئاھىمدىن يىرىلار تاشمۇ ،سەن ئۈچۈن .
چۆمۇلۈپ ئوينايسەن تۆككەن يىشىمغا.
دۇينادا سەن ئۈچۈن ئاۋارىدۇر مەن ،
مىلى كۆپ ،بەختى يوق دىۋانىدۇر مەن .
ئەرزائىل -جىنغىمۇ باقالايمەن تىك،
بىر سىنىڭ ئالدىڭدا بىچارىدۇر مەن .
(كۆرگەن -ئاڭلىغانلىرىم )دىن پارچىلار
|
ئەربولساڭ مەرد بولغىن ،ۋەدىدىن يانما،
ئازغىنا نەپنى دەپ ۋىجداننى ساتما.
|
|
[1 - قەۋەت]
|
يوللانغان ۋاقىت : 2007-11-20 20:54 |
| |
XabnamBBS -> رەسىملەر دۇنياسى -> رۇبائىيلار
