خاتىرجەم ياتقىن،ئاتا...
لەيلى
(دادام ۋاپاتىنىڭ 25 يىللىقىغا بېغىشلايمەن)
ئەي ئاتا مىھرىبان كۆيۈمچان ئىدىڭ.
ئەۋلات دەپ تەر تۆككەن جاپاكەش ئىدىڭ.
جاپانى كۆپ تارتىپ ھالاۋەت كورمەي،
يۈرەكنى ئازاپقا تاشلاپلا كەتتىڭ.
ئىسىمدە سەن كەتكەن شۇ مۇدھىش كېچە،
قىش بىلەن تەڭ كەلگەن ئىدى شۇم ئەجەل.
زۇلمەتتە قالغانتۇق يەتتە قېرىنداش،
تەيياركەن ئاناممۇ تۆلەشكە بەدەل.
سەن كەتتىڭ بىز قالدۇق ياشايدىكەنمىز،
ھاياتنىڭ مەنزىلى شۇنچە ئۇزۇنكەن.
مىھرىبان ئاناممۇ مۈكچەيدى مانا،
ئاتىسىز ئۆتمەكمۇ شۇنچە قىيىنكەن.
مانا دەل ئۆتۈپتۇ يىگىرمە بەش يىل،
بىزلەرمۇ بوپ قالدۇق ئاتا ھەم ئانا.
ئەجرىڭدىن گۈل ئۈندى خاتىرجەم ياتقىن،
مىللەت دەپ ياشايمىز يەتتىمىز ئاتا.
ئەركزات تەستىقى