دوستلىرىم !
جۇدۇن
ئالدىمىزدا تېخى قارا قىش ،
تاشلىمىسۇن بەرگىلەر ياپراق .
نادانلىقنى ياختۇرماس شەبنەم ،
ئاڭا ھۆرمەت بولغىنى خۇپراق .
غەرەز ئىلمەك بولسا ھەرجايدا ،
كۆتەرگەندىن زارلىنار تۇپراق !
ئاپتاپ كۆرۈپ ئۆتسۇن ئۈستى باش ،
ئولتارمايلى چۇيۇندەك قېتىپ .
دەيدۇ تەغرىر سەن تېخى ياپياش ،
(ئۆز يۈرۈكۈڭ) باقمىغىن تېتىپ ،
ئىجىللىقتىن ئىرىپ كەتسۇن تاش ،
قالار بىر كۈن تاڭلارمۇ ئېتىپ .
نەۋ باھارنىڭ ئۈشىكى ئازدەك ،
مۇز بولمىغىن زېمىندا قاتقان .
دېمەك :يازمۇ بولمىدى يازدەك ،
رەقىپ بىردۇر ،نەۋباھار تارتقان .
سۇزۇپ باققىن بۇيۇننى غازدەك ،
ئۆزگە ئەمەس ئۆزگىگە چاققان !
جاراڭلايتى قۇلاق تۈۋىدە ،
ئەجەپ بىر كۈي ئىسمى ئەتە بار .
روھ چىلاپ باق ۋىجدان سۈيىگە ،
(ئەتىمىزدىن قۇتلۇق شەپە بار)
مەۋھۇم جىسم تىكەنلەشسە گەر ،
«چۈلۈك »كالا كەبى تەتە بار ...