uighur_ay
ھالىتى :
دەرىجە: يېڭى ئۆگەنگۈچى
نادىر تېما:
0
يازما سانى: 10
شۆھرەت: 11 نۇمۇر
پۇل: 100 سوم
تۆھپە: 0 نۇمۇر
توردىكى ۋاقتى:4(سائەت)
ئەزا بولغان ۋاقتى : 2007-09-26
|
ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﺪﺍ ﺗﻮﻧﯘﻟﻐﺎﻥ ﺋﺎﻟﯩﻢ ﻣﯘﻫﻪﻣﻤﻪﺩ ﺋﯩﺒﺮﺍﻫﯩﻢ
ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﺪﺍ ﺗﻮﻧﯘﻟﻐﺎﻥ ﺋﺎﻟﯩﻢ ﻣﯘﻫﻪﻣﻤﻪﺩ ﺋﯩﺒﺮﺍﻫﯩﻢ ﻓﻪﺯﻟﻰ ﺧﻮﺗﻪﻧﻰ
ﺋﯘﻳﻐﯘﺭﻻﺭ ﺋﻪﺯﻩﻟﺪﯨﻦ ﺗﯩﺮﯨﺸﭽﺎﻥ ﯞﻩ ﺋﯩﻠﯩﻢ - ﻣﻪﺭﯨﭙﻪﺗﻨﯩﯔ ﻗﻪﺩﺭﯨﻨﻰ ﺑﯩﻠﯩﺪﯨﻐﺎﻥ ﺑﯩﺮ ﺧﻪﻟﻖ ﺑﻮﻟﻐﺎﻧﻠﯩﻘﺘﯩﻦ، ﺋﯘﻻﺭ ﺑﺎﺭﻏﺎﻧﻠﯩﻜﻰ ﺟﺎﻳﺪﺍ ﻳﺎﺧﺸﻰ ﺋﯩﺰﻻﺭﻧﻰ ﻗﺎﻟﺪﯗﺭﯗﭖ ﺋﯚﺗﻜﻪﻥ. ﺋﯚﺗﻤﯜﺷﻠﻪﺭﺩﻩ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻐﺎ ﻛﯧﻠﯩﭗ ﻣﻪﻛﻜﻪ ﻣﯘﻛﻪﺭﺭﻩﻣﻪ ﯞﻩ ﻣﻪﺩﯨﻨﻪ ﻣﯘﻧﻪﯞﯞﻩﺭﻩ ﺷﻪﻫﻪﺭﻟﯩﺮﯨﺪﻩ ﻛﯩﺸﯩﻠﻪﺭ ﺋﯜﭼﯜﻥ ﺋﯩﻠﯩﻢ - ﻣﻪﺭﯨﭙﻪﺕ ﻳﯘﻟﺘﯘﺯﻟﯩﺮﻯ ﺑﻮﻟﯘﭖ ﺗﻮﻧﯘﻟﻐﺎﻥ ﺋﯘﻳﻐﯘﺭ ﺋﯚﻟﯩﻤﺎﻟﯩﺮﯨﻨﯩﯔ ﻧﺎﻡ - ﺷﯚﻫﺮﯨﺘﻰ ﻫﺎﺯﯨﺮﻣﯘ ﺗﯩﻠﻼﺭﺩﺍ ﺩﺍﺳﺘﺎﻥ ﺑﻮﻟﯘﭖ ﻛﻪﻟﻤﻪﻛﺘﻪ.
ﺋﯘﻳﻐﯘﺭ ﺋﯧﻠﯩﻨﯩﯔ ﺧﻮﺗﻪﻥ ﯞﯨﻼﻳﯩﺘﯩﺪﻩ ﺗﯘﻏﯘﻟﯘﭖ، ﺋﯩﻠﯩﻢ ﺗﻪﻫﺴﯩﻞ ﻗﯩﻠﯩﺶ ﻳﻮﻟﯩﺪﺍ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻐﺎ ﻛﯧﻠﯩﭗ ﻳﻪﺭﻟﯩﺸﯩﭗ ﻗﺎﻟﻐﺎﻥ ﯞﻩ ﻣﯩﯖﻼﺭﭼﻪ ﺋﺎﻟﯩﻤﻼﺭﻧﻰ ﻳﯧﺘﯩﺸﺘﯜﺭﯛﭖ ﭼﯩﻘﺎﺭﻏﺎﻥ ﻣﻪﺭﻫﯘﻡ ﺋﺎﻟﯩﻢ ﻣﯘﻫﻪﻣﻤﻪﺩ ﺋﯩﺒﺮﺍﻫﯩﻢ ﻓﻪﺯﻟﻰ ﺧﻮﺗﻪﻧﯩﻤﯘ ﺋﻪﻧﻪ ﺷﯘﻻﺭﻧﯩﯔ ﺟﯜﻣﻠﯩﺴﯩﺪﯨﻨﺪﯗﺭ. ﺋﻪﻟﻼﻣﻪ ﻣﯘﻫﻪﻣﻤﻪﺩ ﺋﯩﺒﺮﺍﻫﯩﻢ ﺧﻮﺗﻪﻧﻰ ﺋﯚﺯﯨﻨﯩﯔ ﺋﺎﻧﺎ ﺗﯩﻠﯩﻨﻰ ﭘﯘﺧﺘﺎ ﺑﯩﻠﮕﻪﻧﻨﯩﯔ ﺳﯩﺮﺗﯩﺪﺍ، ﺋﻪﺭﻩﺏ، ﺗﯜﺭﻙ، ﭘﺎﺭﺱ، ﺋﻮﺭﺩﯗ ﺗﯩﻠﻠﯩﺮﯨﻨﯩﻤﯘ ﭘﯩﺸﺸﯩﻖ ﺑﯩﻠﯩﺪﯨﻐﺎﻥ ﺋﺎﻟﯩﻢ ﺋﯩﺪﻯ.
ﻳﯧﻘﯩﻨﺪﺍ ﻣﻪﺭﻫﯘﻡ ﻣﯘﻫﻪﻣﻤﻪﺩ ﺋﯩﺒﺮﺍﻫﯩﻢ ﻓﻪﺯﻟﯩﻲ ﺧﻮﺗﻪﻧﯩﻨﯩﯔ ﺋﻮﻏﻠﻰ ﻳﻪﻫﻴﺎ ﻓﻪﺯﻟﻰ ﺋﺎﺗﯩﺴﯩﻨﯩﯔ ﺗﻪﺭﺟﯩﻤﻬﺎﻟﯩﻨﻰ ﺋﻪﺭﻩﺏ ﺗﯩﻠﯩﺪﺍ ﻳﯧﺰﯨﭗ ﭼﯩﻘﻘﺎﻥ ﯞﻩ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻨﯩﯔ ﻫﻪﺭ ﻗﺎﻳﺴﻰ ﺟﺎﻳﻠﯩﺮﯨﻐﺎ ﺗﺎﺭﻗﺎﺗﻘﺎﻥ.
ﺋﺎﺑﺪﯗﻟﻼ ﺩﯙﻟﻪﺕ ﺑﯩﻠﻪﻥ ﺳﯚﻫﺒﻪﺕ ﻣﻪﺩﯨﻨﻪ ﻣﯘﻧﻪﯞﯞﻩﺭﻩ ﺷﻪﻫﯩﺮﯨﺪﯨﻜﻰ ﺧﻮﺗﻪﻥ ﯞﻩﻗﭗ ﺋﯚﻳﯩﻨﯩﯔ ﻣﻪﺳﺌﯘﻟﻰ ﺋﺎﺑﺪﯗﻟﻼ ﺩﯙﻟﻪﺕ ﺳﯚﻫﺒﯩﺘﯩﻤﯩﺰﻧﻰ ﻗﻮﺑﯘﻝ ﻗﯩﻠﻐﺎﻥ ﺋﯩﺪﻯ.
ﺋﺎﺑﺪﯗﻟﻼ ﺩﯙﻟﻪﺕ ﺋﻪﻟﻼﻣﻪ ﻣﯘﻫﻪﻣﻤﻪﺩ ﺋﯩﺒﺮﺍﻫﯩﻢ ﻓﻪﺯﻟﻰ ﺧﻮﺗﻪﻧﻰ ﻫﻪﻗﻘﯩﺪﻩ ﻣﯘﻧﺪﺍﻕ ﺩﯨﺪﻯ:" ﻳﻪﻫﻴﺎ ﻓﻪﺯﻟﯩﻨﯩﯔ ﺩﺍﺩﯨﺴﻰ ﻫﻪﻗﻘﯩﺪﻩ ﻳﺎﺯﻏﺎﻥ ﻛﯩﺘﺎﺑﯩﻐﺎ ﺋﺎﺳﺎﺳﻼﻧﻐﺎﻧﺪﺍ، ﺋﻪﻟﻼﻣﻪ ﻣﯘﻫﻪﻣﻤﻪﺩ ﺋﯩﺒﺮﺍﻫﯩﻢ ﻓﻪﺯﻟﻰ ﺧﻮﺗﻪﻧﻰ 1896- ﻳﯩﻠﻰ ﺧﻮﺗﻪﻥ ﯞﯨﻼﻳﯩﺘﯩﻨﯩﯔ ﻗﺎﺭﺍﻗﺎﺵ ﻧﺎﻫﯩﻴﯩﺴﯩﺪﯨﻜﻰ ﺟﯩﻠﻐﺎﻣﺎﻥ ﻛﻪﻧﺘﯩﺪﻩ ﺑﯩﺮ ﻣﻪﺭﯨﭙﻪﺗﭙﻪﺭﯞﻩﺭ ﺋﯚﻟﯩﻤﺎ ﻛﯩﺸﯩﻨﯩﯔ ﺋﺎﺋﯩﻠﯩﺴﯩﺪﻩ ﺩﯗﻧﻴﺎﻏﺎ ﻛﻪﻟﮕﻪﻥ. ﺋﯘ ﻛﯩﭽﯩﻜﯩﺪﻩ ﺋﺎﺗﯩﺴﯩﺪﺍ ﺋﻮﻗﯘﭖ ﻳﯧﺘﯩﺸﻜﻪﻧﺪﯨﻦ ﻛﯧﻴﯩﻦ، ﻗﻪﺷﻘﻪﺭ ﺧﺎﻧﻠﯩﻖ ﻣﻪﺩﺭﯨﺴﯩﮕﻪ ﻛﯧﻠﯩﭗ ﺋﻮﻗﯘﻏﺎﻥ. 1911- ﻳﯩﻠﻰ ﻳﻪﻧﻪ ﻛﯚﭘﻠﻪﭖ ﺋﯩﻠﯩﻢ ﺗﻪﻫﺴﯩﻞ ﻗﯩﻠﯩﺶ ﻳﻮﻟﯩﺪﺍ ﻗﻪﺷﻘﻪﺭﺩﯨﻦ ﺋﺎﻳﺮﯨﻠﯩﭗ، ﺑﯘﺧﺎﺭﺍﻏﺎ ﻳﻮﻟﻐﺎ ﭼﯩﻘﯩﺪﯗ. ﺑﯘﺧﺎﺭﺍﻏﺎ ﺑﺎﺭﻏﺎﻧﺪﯨﻦ ﻛﯧﻴﯩﻦ، ﺋﯘ ﺟﺎﻳﺪﺍ ﻣﻪﺷﻬﯘﺭ ﺋﯚﻟﯩﻤﺎﻻﺭﻧﯩﯔ ﻗﻮﻟﯩﺪﺍ ﺋﯘﺯﯗﻥ ﻳﯩﻞ ﺋﯩﻠﯩﻢ ﺗﻪﻫﺴﯩﻞ ﻗﯩﻠﯩﺶ ﺑﯩﻠﻪﻥ ﺑﻮﻟﯩﺪﯗ. ﻛﯧﻴﯩﻨﭽﻪ ﺋﯘ ﻣﻪﻛﻜﻪ ﯞﻩ ﻣﻪﺩﯨﻨﻪ ﺷﻪﻫﻪﺭﻟﯩﺮﯨﮕﻪ ﺋﯩﺸﺘﯩﻴﺎﻕ ﺑﺎﻏﻼﭖ ﺳﻪﭘﻪﺭﻧﯩﯔ ﺗﻪﻳﻴﺎﺭﻟﯩﻘﯩﻨﻰ ﻗﯩﻠﯩﺪﯗ ﯞﻩ ﺋﯘ ﺟﺎﻳﺪﯨﻜﻰ ﺋﯘﺳﺘﺎﺯﻟﯩﺮﯨﻨﯩﯔ ﺋﯩﺠﺎﺯﯨﺘﯩﻨﻰ ﺋﯧﻠﯩﭗ ﻫﻪﺭﻩﻡ ﺳﻪﭘﯩﺮﯨﮕﻪ ﺋﺎﺗﻠﯩﻨﯩﺪﯗ. ﺋﻪﻣﻤﺎ ﺋﯘﻧﯩﯔ ﻫﻪﺭﻩﻣﮕﻪ ﻛﯧﻠﯩﺸﻰ ﺋﺎﺳﺎﻧﻐﺎ ﺗﻮﺧﺘﯩﻤﺎﻳﺪﯗ. ﻣﻪﺭﻫﯘﻡ ﺋﺎﻟﯩﻢ ﭘﯩﻴﺎﺩﻩ ﻳﻮﻝ ﻳﯜﺭﯛﭖ، ﺗﺎﺷﻜﻪﻧﺘﺘﯩﻦ، ﭘﻪﺭﻏﺎﻧﻪ ﯞﺍﺩﯨﺴﯩﻐﺎ، ﺋﺎﻧﺪﯨﻦ ﺋﯩﺸﻘﺎﺑﺎﺩ ﺷﻪﻫﯩﺮﯨﮕﻪ ﻳﯧﺘﯩﭗ ﻛﯧﻠﯩﺪﯗ. ﺋﯩﺸﻘﺎﺑﺎﺩﺗﯩﻦ ﻳﻮﻟﻐﺎ ﭼﯩﻘﯩﭗ، ﺋﺎﯞﯞﺍﻝ ﺋﯩﺴﺘﺎﻧﺒﯘﻟﻐﺎ، ﺋﺎﻧﺪﯨﻦ ﻣﯩﺴﯩﺮﻧﯩﯔ ﺳﯘﯞﻩﻳﺶ ﻗﺎﻧﯩﻠﯩﻐﺎ، ﺋﺎﻧﺪﯨﻦ ﻣﻪﻛﻜﯩﮕﻪ ﻳﯧﺘﯩﭗ ﻛﯧﻠﯩﺪﯗ. ﻣﻪﺭﻫﯘﻣﻨﯩﯔ ﻣﻪﻛﻜﯩﮕﻪ ﻳﯧﺘﯩﭗ ﻛﻪﻟﮕﻪﻥ ﯞﺍﻗﺘﻰ 1930- ﻳﯩﻠﻠﯩﺮﯨﻐﺎ ﺋﯘﺩﯗﻝ ﻛﯧﻠﯩﺪﯗ."
ﺋﻪﻟﻼﻣﻪ ﻣﯘﻫﻪﻣﻤﻪﺩ ﺋﯩﺒﺮﺍﻫﯩﻢ ﻓﻪﺯﻟﻰ ﺧﻮﺗﻪﻧﯩﻨﯩﯔ ﺋﻪﻣﮕﻪﻛﻠﯩﺮﻯ ﺋﺎﺑﺪﯗﻟﻼ ﺩﯙﻟﻪﺗﻨﯩﯔ ﺋﯧﻴﺘﯩﺸﯩﭽﻪ، ﺋﻪﻟﻼﻣﻪ ﻣﯘﻫﻪﻣﻤﻪﺩ ﺋﯩﺒﺮﺍﻫﯩﻢ ﻓﻪﺯﻟﻰ ﺧﻮﺗﻪﻧﻰ ﻳﯩﮕﯩﺮﻣﻪ ﻳﺎﺷﻘﺎ ﺗﻮﻟﻤﺎﺳﺘﯩﻦ ﻛﯩﺘﺎﺏ ﻳﯧﺰﯨﺸﻘﺎ ﻛﯩﺮﯨﺸﻜﻪﻥ ﺑﻮﻟﯘﭖ، ﻗﻪﺷﻘﻪﺭﺩﻩ ﺧﺎﻧﻠﯩﻖ ﻣﻪﺩﺭﯨﺴﺘﻪ ﺋﻮﻗﯘﯞﺍﺗﻘﺎﻥ ﻣﻪﺯﮔﯩﻠﻠﯩﺮﯨﺪﻩ، "ﺋﻪﺭﻩﺏ ﺗﯩﻠﻰ ﮔﺮﺍﻣﻤﺎﺗﯩﻜﯩﺴﯩﻨﯩﯔ ﺷﻪﺭﻫﻰ"، " ﭘﻪﺗﯩﯟﺍﻻﺭ"، " ﺟﯜﻣﻪ ﻧﺎﻣﯩﺰﯨﻨﯩﯔ ﺋﻪﻫﻜﺎﻣﻠﯩﺮﻯ" ﻗﺎﺗﺎﺭﻟﯩﻖ ﻛﯩﺘﺎﺑﻠﯩﺮﯨﻨﻰ ﺋﻪﺭﻩﺏ ﺗﯩﻠﻰ ﺑﯩﻠﻪﻥ ﻳﺎﺯﻏﺎﻥ ﯞﻩ ﺋﻪﻳﻨﻰ ﯞﺍﻗﯩﺘﺘﺎ ﻣﻪﺩﺭﯨﺲ ﺗﺎﻟﯩﭙﻠﯩﺮﯨﻨﯩﯔ ﺋﻮﻗﯘﺷﻠﯘﻗﻰ ﺑﻮﻟﯘﭖ ﺗﺎﻟﻼﻧﻐﺎﻥ. " ﻫﻪﺝ ﯞﻩ ﺋﯚﻣﺮﻩ ﻗﺎﺋﯩﺪﯨﻠﯩﺮﻯ"، "ﺟﯩﻨﺎﺯﺍ ﯞﻩ ﻫﯧﻴﺖ ﻧﺎﻣﺎﺯﻟﯩﺮﯨﻨﯩﯔ ﺋﻪﻫﻜﺎﻣﻠﯩﺮﻯ" ﻗﺎﺗﺎﺭﻟﯩﻖ ﻛﯩﺘﺎﺑﻠﯩﺮﯨﻨﻰ ﺋﯘﻳﻐﯘﺭ ﺗﯩﻠﯩﺪﺍ ﻳﺎﺯﻏﺎﻥ ﺋﯩﻜﻪﻥ. ﺋﻪﻟﻼﻣﻪ ﺳﻪﺋﯘﺩﻯ ﺋﻪﺭﻩﺑﯩﺴﺘﺎﻧﻐﺎ ﻛﻪﻟﮕﻪﻧﺪﯨﻦ ﻛﯧﻴﯩﻦ، ﺑﯩﺮ ﺗﻪﺭﻩﭘﺘﯩﻦ ﺑﯩﻠﯩﻢ ﺋﺎﺷﯘﺭﯗﺵ ﺑﯩﻠﻪﻥ ﺷﯘﻏﯘﻟﻼﻧﺴﺎ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ ﻛﯩﺘﺎﺏ ﻳﯧﺰﯨﺶ ﺑﯩﻠﻪﻥ ﺷﯘﻏﯘﻟﻼﻧﻐﺎﻥ ﺑﻮﻟﯘﭖ، " ﺧﻮﺗﻪﻧﻠﯩﻚ ﺋﯚﻟﯩﻤﺎﻻﺭﻧﯩﯔ ﺗﻪﺭﺟﯩﻤﯩﻬﺎﻟﻰ"، "ﻫﻪﺩﯨﺲ ﻗﻮﻟﻼﻧﻤﯩﺴﻰ"، " ﺋﯚﻟﯩﻤﺎﻻﺭ ﺋﯩﺨﺘﯩﻼﭖ ﻗﯩﻠﯩﺸﻘﺎﻥ ﻣﻪﺳﯩﻠﯩﻠﻪﺭﮔﻪ ﺟﺎﯞﺍﺑﻼﺭ" ﻗﺎﺗﺎﺭﻟﯩﻖ ﺋﻪﺳﻪﺭﻟﯩﺮﯨﻨﻰ ﺋﻪﺭﻩﺏ ﺗﯩﻠﯩﺪﺍ ﻳﯧﺰﯨﭗ ﭼﯩﻘﻘﺎﻥ.
ﺋﻪﻟﻼﻣﻪ ﻣﯘﻫﻪﻣﻤﻪﺩ ﺋﯩﺒﺮﺍﻫﯩﻢ ﻓﻪﺯﻟﻰ ﺧﻮﺗﻪﻧﻰ 1934- ﻳﯩﻠﻰ ﻣﻪﺩﯨﻨﻪ ﻣﯘﻧﻪﯞﯞﻩﺭﺩﯨﻜﻰ ﭘﻪﻳﻐﻪﻣﺒﻪﺭ ﻣﻪﺳﭽﯩﺘﯩﮕﻪ ﺭﻩﺳﻤﯩﻲ ﻣﯘﺩﻩﺭﺭﯨﺴﻠﯩﻜﻜﻪ ﺗﻪﻳﯩﻨﻠﯩﻨﯩﭗ، ﺋﯘﺯﯗﻥ ﻳﯩﻞ ﺷﯘ ﻣﻪﺳﭽﯩﺘﺘﻪ ﻫﻪﺭ ﻣﯩﻠﻠﻪﺕ ﻛﯩﺸﯩﻠﯩﺮﯨﮕﻪ ﻫﻪﺭﺧﯩﻞ ﺩﯨﻨﯩﻲ ﭘﻪﻧﻠﻪﺭﺩﯨﻦ ﺩﻩﺭﺱ ﺑﯧﺮﯨﺶ ﺑﯩﻠﻪﻥ ﻣﻪﺷﻐﯘﻝ ﺑﻮﻟﻐﺎﻥ. ﻛﯧﻴﯩﻨﭽﻪ، 1963- ﻳﯩﻠﻰ ﻣﻪﺩﯨﻨﻪ ﻣﯘﻧﻪﯞﯞﻩﺭ ﺷﻪﻫﻪﺭﻟﯩﻚ ﺩﯙﻟﻪﺕ ﻛﯜﺗﯜﭘﺨﺎﻧﯩﺴﯩﻐﺎ ﻳﯚﺗﻜﯩﻠﯩﭗ، ﺑﯘ ﺟﺎﻳﺪﺍ ﺗﯜﺭﻙ، ﭘﺎﺭﺱ ﯞﻩ ﺋﻪﺭﻩﺏ ﺗﯩﻠﻠﯩﺮﯨﺪﺍ ﻳﯧﺰﯨﻠﻐﺎﻥ ﻗﻪﺩﯨﻤﻘﻰ ﻧﺎﺩﯨﺮ ﻗﻮﻝ ﻳﺎﺯﻣﺎ ﺋﻪﺳﻪﺭﻟﻪﺭﻧﻰ ﺭﻩﺗﻠﻪﺵ ﯞﻩ ﺗﻪﺭﺟﯩﻤﻪ ﻗﯩﻠﯩﺶ ﺋﯩﺸﯩﻨﻰ ﺋﯧﻠﯩﭗ ﺑﺎﺭﻏﺎﻥ.
ﻳﻪﻫﻴﺎ ﻓﻪﺯﻟﯩﻨﯩﯔ ﺩﺍﺩﯨﺴﻰ ﻫﻪﻗﻘﯩﺪﻩ ﺋﯧﻴﺘﻘﺎﻧﻠﯩﺮﻯ ﻳﻪﻫﻴﺎ ﻓﻪﺯﻟﻰ ﺩﺍﺩﯨﺴﻰ ﻫﻪﻗﻘﯩﺪﻩ ﻣﯘﻧﺪﺍﻕ ﺩﻩﭖ ﻳﺎﺯﯨﺪﯗ:" ﻣﻪﺭﻫﯘﻡ ﺩﺍﺩﺍﻡ ﻣﻪﺩﯨﻨﻪ ﻣﯘﻧﻪﯞﯞﻩﺭﻩ ﺷﻪﻫﯩﺮﯨﺪﯨﻜﻰ ﺩﯙﻟﻪﺕ ﻛﯜﺗﯜﭘﺨﺎﻧﯩﺴﯩﻐﺎ ﻳﯚﺗﻜﯩﻠﯩﭗ ﻛﻪﺗﻜﻪﻧﺪﯨﻦ ﻛﯧﻴﯩﻨﻤﯘ، ﭘﻪﻳﻐﻪﻣﺒﻪﺭ ﻣﻪﺳﭽﯩﺘﯩﺪﻩ ﺩﻩﺭﺱ ﺑﯧﺮﯨﺶ ﺋﯩﺸﻠﯩﺮﯨﻨﻰ ﺗﻮﺧﺘﺎﺗﻤﯩﻐﺎﻥ. ﺋﯘﻧﯩﯔ ﺑﻪﺯﯨﺪﻩ ﺋﺎﺭﺍﻡ ﺋﯧﻠﯩﯟﯦﻠﯩﺸﻘﯩﻤﯘ ﯞﺍﻗﺘﻰ ﻳﻪﺗﻤﻪﻱ ﻗﺎﻻﺗﺘﻰ. ﻣﻪﺭﻫﯘﻡ ﺩﺍﺩﺍﻡ ﺋﯚﺯﯨﻨﯩﯔ ﺋﺎﻧﺎ ﯞﻩﺗﯩﻨﯩﮕﻪ ﺑﻮﻟﻐﺎﻥ ﻣﯘﻫﻪﺑﺒﯩﺘﻰ ﺗﯜﺭﺗﻜﯩﺴﻰ ﺑﯩﻠﻪﻥ " ﺧﻮﺗﻪﻧﺪﻩ ﺋﯚﺗﻜﻪﻥ ﻣﻪﺷﻬﯘﺭ ﺋﯚﻟﯩﻤﺎﻻﺭ" ﻧﺎﻣﻠﯩﻖ ﺋﻪﺳﯩﺮﯨﻨﻰ ﺋﻪﺭﻩﺏ ﺗﯩﻠﯩﺪﺍ ﻳﯧﺰﯨﭗ ﭼﯩﻘﯩﭗ، ﻛﻪﯓ ﻣﯘﺳﯘﻟﻤﺎﻧﻼﺭﻏﺎ، ﺧﯘﺳﯘﺳﻪﻥ ﺋﻪﺭﻩﺏ ﺩﯗﻧﻴﺎﺳﯩﻐﺎ ﺋﯘﻳﻐﯘﺭﻻﺭﻧﻰ ﺗﻮﻧﯘﺷﺘﯘﺭﻏﺎﻥ. ﻣﻪﺭﻫﯘﻡ 1969- ﻳﯩﻠﻰ 17- ﺳﯧﻨﺘﻪﺑﯩﺮ ﻛﯜﻧﻰ ﻣﻪﺩﯨﻨﻪ ﻣﯘﻧﻪﯞﯞﻩﺭ ﺷﻪﻫﯩﺮﯨﺪﻩ 73 ﻳﯧﺸﯩﺪﺍ ﺋﺎﻟﻪﻣﺪﯨﻦ ﺋﯚﺗﺘﻰ. ﺩﺍﺩﺍﻡ ﯞﺍﭘﺎﺕ ﺑﻮﻟﻐﯩﻨﯩﻐﺎ ﺷﯘﻧﭽﯩﻠﯩﻚ ﺋﯘﺯﯗﻥ ﻳﯩﻠﻼﺭ ﺋﯚﺗﻜﻪﻥ ﺑﻮﻟﺴﯩﻤﯘ، ﺩﺍﺩﺍﻣﻨﯩﯔ ﺋﯩﻨﺴﺎﻧﯩﻴﻪﺕ ﺋﯜﭼﯜﻥ ﻗﯩﻠﯩﭗ ﻛﻪﺗﻜﻪﻥ ﺧﯩﺰﻣﻪﺗﻠﯩﺮﻯ ﻛﯚﭘﻠﯩﮕﻪﻥ ﻛﯩﺸﯩﻠﻪﺭﻧﯩﯔ، ﺧﯘﺳﯘﺳﻪﻥ ﺋﯚﺯﻯ ﻳﯧﺘﯩﺸﺘﯜﺭﮔﻪﻥ ﺗﺎﻟﯩﭙﻠﯩﺮﯨﻨﯩﯔ ﻗﻪﻟﺒﯩﺪﯨﻦ ﻫﺎﺯﯨﺮﻏﯩﭽﻪ ﺋﻮﺭﯗﻥ ﺋﯧﻠﯩﭗ ﻛﯧﻠﯩﯟﺍﺗﻘﯩﻨﯩﻐﺎ ﻗﺎﺭﺍﭖ، ﺩﯗﻧﻴﺎﺩﺍ ﻛﯩﺸﯩﻠﻪﺭﮔﻪ ﺋﯩﻠﯩﻢ - ﻣﻪﺭﯨﭙﻪﺕ ﭼﯧﭽﯩﺸﻨﯩﯔ ﻧﻪﻗﻪﺩﻩﺭ ﺋﯘﻟﯘﻍ ﯞﻩ ﺋﯚﭼﻤﻪﺱ ﺋﯩﺶ ﺋﯩﻜﻪﻧﻠﯩﻜﯩﻨﻰ ﺑﯩﻠﯩﭗ ﻳﻪﺗﺘﯩﻢ."
مەنبە:تۈركىيە خەۋەرلىرى خەۋەرلەرنى باشقا مۇنبەرگىمۇ تەڭ يوللايمەن،،،،،،،،قىممىتى بولسىلا
______ جۇدا تەستىقلىدى
|
|
[باش يازما]
|
يوللانغان ۋاقىت : 2007-11-01 09:40 |
| |