___________________________________________________________
بىلقۇت سوۋغىسى مۇكاپاتلىق پائالىيىتى
«تۆھپىكار باشقۇرغۇچى» ۋە «مۇنەۋۋەر ئاپتور»لارنى باھالاپ، مۇكاپاتلاش پائالىيىتى
ﭘﺎﺋﺎﻟﯩﻴﻪﺗﻨﻰ ﻗﻮﻟﻼﭖ ﻗﯘﯞﻩﺗﻠﯩﮕﻪﻥ ﯞﻩ ﺋﯘﻳﯘﺷﺘﯘﺭﻏﺎﻥ " ﺷﯩﻨﺠﺎﯓ ﺑﯩﻠﻘﯘﺕ ﭘﻪﻥ - ﺗﯧﺨﻨﯩﻜﺎ ﺋﯩﻠﯩﻜﺘﯧﺮﻭﻥ ﭼﻪﻛﻠﯩﻚ ﺷﯩﺮﻛﯩﺘﻰ " ﮔﻪ ﺋﺎﻻﮬﯩﺪﻩ ﺭﻩﮬﻤﻪﺕ ﺋﯩﻴﺘﯩﻤﯩﺰ !
ئەسسالامۇ ئەلەيكۇم تورداشلار!ھەممىڭلارنىڭ ئايىمىڭلارغا مۇبارەك بولسۇن !
شىنجاڭ «بىلقۇت» ئېلېكترون پەن - تېخنىكا تەرەققىيات چەكلىك شىركىتى روزى ھېيىت مۇناسىۋېتى بىلەن ئۇيغۇر يۇمشاق دېتالچىلىقى ۋە ئۇيغۇر توربەتچىلىكى ئۈچۈن ئۈن - تىنسىز تۆھپە قوشىۋاتقان، يېڭى دەۋىردىكى مىللىي تور مەدەنىيىتىنى گۈللەندۈرۈش، مەدەنىي مىراسلىرىنى قوغداپ، مىللىي خاسلىقىنى گەۋدىلەندۈرۈش، ئىلىم - پەن تەرەققىياتىنى ئىلگىرى سۈرۈش يولىدا تەماسىز ئىزدىنىۋاتقان تور دۇنياسىدىكى چەۋەندازلارغا مەدەت بېرىش ئۈچۈن «بىلقۇت سوۋغىسى» پائالىيىتى ئۇيۇشتۇرۇشنى قارار قىلدى.
شىنجاڭ «بىلقۇت» ئېلېكترون پەن - تېخنىكا تەرەققىيات چەكلىك شىركىتى بىر ئۇيغۇر كارخانىسى بولۇش سۈپىتى بىلەن توربەتچىلىك ساھەسىدىكى ئۈن – تىنسىز ئىشلەۋاتقان مېھنەتكەشلەرگە رەھمىتىنى بىلدۈرۈش يۈزىسىدىن ئۇيغۇر توربەتچىلىكىنىڭ بارلىققا كېلىشى ۋە تەرەققىي قىلىشىغا ھەسسە قوشۇۋاتقان 10 توربەتتىن 10 دىن جەمئىي100 «تۆھپىكار باشقۇرغۇچى»، 100 «مۇنەۋۋەر ئاپتور»نى باھالاپ چىقىپ، شىنجاڭ ئۇنىۋېرسىتېتى بىلەن شىركىتىمىز 2002 - يىلىدىن باشلاپ بىرلىكتە ئىزدىنىپ، كەڭ خەلقنىڭ ئېھتىياجىنى نەزەردە تۇتۇپ، يۇقىرى، يېڭى پەن - تېخنىكىنى خەلقىمىزگە كېڭەيتىشنى مەقسەت قىلغان «بىلقۇت خەزىنىسى» ناملىق كومپيۇتېر يۇمشاق دېتالى سوۋغا قىلىنىدۇ.
«بىلقۇت خەزىنىسى» كومپيۇتېر يۇمشاق دېتالى ئۇيغۇر خەلقىنىڭ ئۆرپ - ئادىتى، مەشھۇر شەخسلىرى، تېبابەتچىلىك، ماقال - تەمسىللىرى، چۆچەك، رېۋايەتلىرى، چالغۇ – ئەسۋاب، يېمەك-ئىچمەك، ئەدەبىيات - سەنئەت قاتارلىق مەدەنىيەت خەزىنىمىزدىكى بىباھار گۆھەرلەرنى؛ كارتون ئېلىپبە، قانۇن - نىزام، ئىشارەت تىلى(گاس - گاچىلار ئۈچۈن)، پەلسەپە، تەنتەربىيە، فىزىكا، خىمىيە قاتارلىق 600 دىن ئارتۇق كەسپىي ساھە ئۇچۇرلىرىنى ئۆزىگە مۇجەسسەملىگەن ئۇيغۇرچە، خەنزۇچە، ئىنگلىزچە 3 خىل تىل، 6 مىليوندىن ئارتۇق سۆز، ئاۋاز ھەم سۈرەت بىرگەۋدىلەشتۈرۈلگەن شىنجاڭ كومپيۇتېرچىلىق تارىخىدىكى نامايەندە خاراكتېرلىك كومپيۇتېر يۇمشاق دېتالى بولۇپ، تېخى يېڭىلا دۇنياغا كۆز ئاچتى. دېمەك، بۇ يېڭى بوۋاق كەڭ خەلقىمىزنىڭ بىلىشىگە، ئاسرىشىغا، قارا قوللاردىن قوغداپ، يېتەكلىشىگە مۇھتاج. بىزنىڭچە ئۇيغۇر تور دۇنياسىدىكى قېرىنداشلار يېڭىلىققا ئىنتىلىدىغان، ئەخلاق – پەزىلەت ۋە تىرىشچانلىقتا خەلقىمىزگە ئۈلگە بولىدىغان ۋە ياخشىلىققا يېتەكلەيدىغان مۇنەۋۋەر كىشىلەردۇر. بىز ئىشىنىمىزكى بۇ پائالىيەتنىڭ ئۆتكۈزۈلىشى، ئۇيغۇر توربەتچىلىكىدىكى بۇ ئېسىل پەزىلەتلىك تۆھپىكارلىرىمىزغا ئىلھام ۋە مەدەت بولۇپلا قالماي، بۇ يۇمشاق دېتالنىڭ خەلقىمىزنىڭ تىل ئۈگۈنىش، بىلىم ئىگىلەش، ئۇچۇر ئالماشتۇرۇش ئىشلىرىدا ئەڭ يېقىن دوستىغا ئايلىنىشىغا تۈرتكە بولغۇسى!(تەپسىلاتنى بىلقوت توربېكىتىدىن كۆرۈڭ http://www.bilqut.com.)...
پائالىيەتنىڭ تەلىپى:
پائالىيىتىمىزگە قاتناشقان تۆۋەندىكى توربېكەتلەر ئۆز تور بەتلىرىنىڭ باشقۇرغۇچى ۋە 30دىن50 كىچە بولغان ئەزالىرىنى تاللاپ، ئۆز توربېتىنىڭ مۇنبىرى ياكى كۆزگە كۆرۈنەرلىك سەھىپىسىگە قويۇپ «بىلقۇت سوۋغىسى پائالىيىتى» نامىدا «تۆھپىكار باشقۇرغۇچى» ۋە «مۇنەۋۋەر ئاپتور»غا بىلەت تاشلاش پائالىيىتى ئېلىپ بارىدۇ، بۇ جەرياندا پائالىيەت ئېلىپ بېرىۋاتقان توربەتلەر «بىلقۇت سوۋغىسى پائالىيىتى» نىڭ داۋاملىشىۋاتقانلىقىنى تەكىتلەپ تۇرۇشى ۋە مۇۋاپىق سەھىپىلىرىدە ئېلان تەشۋىقاتىنى ئىشلەپ زىيارەتچىلەرگە بىلدۈرۈپ تۇرۇشى كېرەك.
پائالىيەتنىڭ ئۇسۇلى ۋە ۋاقتى:
«بىلقۇت سوۋغىسى پائالىيىتى» 2007 - يىلى 10 - ئاينىڭ 13 - كۈنى يەنى روزا ھېيتنىڭ بىرىنچى كۈنى باشلىنىپ 2007 - يىلى 10 - ئاينىڭ 20 - كۈنى ئاياغلىشىدۇ. بۇ پائالىيەت پائالىيەتكە قاتناشقان 10 توربەتتە بىرلا ۋاقىتتا ئېلىپ بېرىلىپ، بىرلا ۋاقىتتا توختىتىلىدۇ. «تۆھپىكار باشقۇرغۇچى» ۋە مۇنەۋۋەر ئاپتور»لارنى باھالاشنى ھەرقايسى توربەتلەرنىڭ زىيارەتچىلىرى بىلەت تاشلاش ياكى ئاۋاز قوشۇش ئارقىلىق باھالاپ بېكىتىدۇ.
پائالىيەت ئاياغلاشقاندىن كېيىن ھەرقايسى توربەتلەردە مۇكاپاتقا ئېرىشكۈچىلەرنىڭ ئىسىم - فامىلىسى پائالىيەت ئېلىپ بېرىلغان توربەتلەردە تەڭلا ئېلان قىلىنىدۇ. پائالىيەتكە قاتناشقان توربەتلەر مۇكاپاتقا ئېرىشكۈچىلەرنىڭ تېلېفون نومۇرى، پوچتا نومۇرى قاتارلىق كونكىرىتنى ئالاقىلىشىش ئادرېسى بىلەن شىركىتىمىزنى تەمىنلەيدۇ.
پائالىيەت مۇكاپاتىنى تەمىنلەش ئۇسۇلى:
بۇ پائالىيەتنىڭ مۇكاپاتىنى شىنجاڭ «بىلقۇت» ئېلېكترون پەن - تېخنىكا تەرەققىيات چەكلىك شىركىتى تەمىنلەيدۇ. يەتكۈزۈپ بېرىشكە ھەرقايسى توربېكەتلەر ئۆزلىرى مەسئۇل بولىدۇ.
شىنجاڭ «بىلقۇت» ئېلېكترون پەن - تېخنىكا تەرەققىيات چەكلىك شىركىتى
ئالاقىلىشىش تېلېفونى: 0991 – 2552897 13999285547
شەبنەم تورىدىكى پائالىيەتنىڭ قائىدىسى :
مۇنبەر ۋە چايخانا ئەزالىرى قوشۇلۇپ پائالىيەت ئېلىپ بېرىلىدۇ . ھەر بىر ئەزا ئۆزى نادىر دەپ قارىغان باشقۇرغۇچى ۋە ئادەتتىكى ئەزالارنى نامزاتقا كۆرسەتسە بولىدۇ . ئاۋۋال بېلەتلىك تېما تەسىس قىلىنماي ، ئىنكاس شەكلىدە نامزاتقا كۆرسۈتۈلگەنلەرنىڭ ئىسمى قالدۇرۇلىدۇ . مۇقىم سانغا ئېرىشكۈچىلەر كۆپ سان بويىچە بېلەتلىك تېما قىلىنىپ ، ئەڭ ئاخىرقى نەتىجە تۇرغۇزۇپ چىقىلىدۇ .
1- مۇنەۋۋەر باشقۇرغۇچىلارنى باھالاش :
مۇنبىرىمىز باشقۇرغۇچىلىرى ئىسىم تىزىملىكى تۆۋەندىكىچە ؛( ئىسىمنىڭ ئىلگىرى كىيىنلىك تەرتىۋى يوق )
xabnam
Ark-zat
ALMAS
Juda
gul-zat
uyghur214
eqiniman
PAYKAR
otto918
nuri0996
dil-rus
-ATAMAN-
kamqa
bay-aka
judun
firkat
qinmodan
parwin
arkhon
uyphp
yilan1
Biperwa
Hursan.
etribe
matimatika
Nazuk-qiman
graf
saderpalwan
arteken
مۇنەۋۋەر باشقۇرغۇچى سايلاشتا شەبنەم مۇنبىرى ئۈچۈن ئالاھىدە تۆھپە قوشۇۋاتقان ، ئەڭ يېڭى ئۇچۇرلارنى خەلقىمىز ئۈچۈن تەقدىم ئېتىۋاتقان ، مۇنبەردە ئالاھىدە تەسىرى بار 10 باشقۇرغۇچى سايلىنىپ چىقىدۇ . مۇنەۋۋەر باشقۇرغۇچىلارغا قويۇلىدىغان ئاساسىي تەلەپ تۆۋەندىكىچە :
1. شەبنەم مۇنبىرىنى قىزغىن سۆيەمدۇ ؟ شەبنەم ئۈچۈن تۆھپە قوشۇشنى خالامدۇ ؟
2. تەھرىرلىك سەۋىيىسى قانداق ؟ تېما تەستىقلىغاندا ئەستايىدىل ئىمزا قويۇپ تەستىقلامدۇ ؟
3. مۇنبەردە تۇرۇشلۇق ۋاقتى ئۇزۇنمۇ ؟ مۇنبەردە نادىر تېمىلىرى ۋۇجۇدقا كەلگەنمۇ ؟
4. مۇنبەر سەھىپىلىرىگە كۆڭۈل بۆلەمدۇ ؟ تورداشلارغا بولغان قىزغىنلىقى قانچىلىك ؟
5. ئەزالارغا بولغان خۇشۇخۇي مۇئامىلىسى قانداق ؟ ئۆز ھوقۇقىغا مەسئۇلىيەتچانلىقى بارمۇ ؟
2- مۇنەۋۋەر ئەزالارنى باھالاش ھەققىدە
مۇنەۋۋەر باشقۇرغۇچىلاردىن باشقا ، مۇنەۋۋەر شەبنەم ئەزالىرىدىن 10نەپەر سايلاپ چىقىلىدۇ . ئەزالار مۇنبەر ۋە چايخانىدىن تاللانسا بولىدۇ . بۇنىڭدا شەبنەم تورىغا بولغان قىزغىنلىقى ، مەسئۇلىيەتچانلىقى ۋە نەتىجىسى كۆزدە تۇتۇلىدۇ . ئۇيغۇر تورچىلىقى ئۈچۈن تۆھپە قوشۇشقا تەييار ، نادىر يازمىلىرى ۋە نۇتۇق قابىلىيىتى بىلەن تور ئەھلىنى قايىل قىلغان ئەزالار سايلاپ چىقىلسا بولىدۇ . سايلاش ھوقۇقى پۈتۈنلەي ئەزالار قولىدا بولىدۇ .
تورداشلار ۋە باشقۇرغۇچىلار تۆۋەندە ئىنكاس ئارقىلىق ئاۋاز قاتناشتۇرسا بولىدۇ . مۇنەۋۋەر باشقۇرغۇچى ۋە ئەزالارنىڭ ھەر قايسىنى ئايرىم يېزىپ يوللىسا بولىدۇ، ھەر بىر تۈردىكى ئادەم سانى چوقۇم 10 دىن ئاشماسلىقى كىرەك . پائالىيەت ئاخىرىدا تورداشلارنىڭ ئىنكاسىدىكى ئۇچۇرلارغا ئاساسەن ئاخىرقى نەتىجە ئېلان قىلىنىدۇ .