باھادىر جـەڭچى ( 3 ۋىلايـەت مىللىي ئارمىيـە جـەڭچىسى ھىبىم ئـەمرۇللا )

>> سىز تېخى كىرمىدىڭىز كىرىش تىزىملىتىڭ | مىدال مەركىزى | تور تېلۋىزىيەسى | كونا مۇنبەر

مۇنبەر قوللانمىسى

XabnamBBS -> مەشھۇر شەخىسلەر -> باھادىر جـەڭچى ( 3 ۋىلايـەت مىللىي ئارمىيـە جـەڭچىسى ھىبىم ئـەمرۇللا )

سىز بۇ تېمىنىڭ 3233 ـ ئوقۇرمىنى

← تېمىسى : باھادىر جـەڭچى ( 3 ۋىلايـەت مىللىي ئارمىيـە جـەڭچىسى ھىبىم ئـەمرۇللا )

IE دا ساقلىۋېلىش | تېما ساقلاش | ئالدىنقى تېما | كېيىنكى تېما

HIJIRAT

ھالىتى : بۇ ئەزا توردا يوق
دەرىجە: دائىملىق ئەزا
نادىر تېما: 0
يازما سانى: 433
شۆھرەت: 434 نۇمۇر
پۇل: 4334 سوم
تۆھپە: 1 نۇمۇر
توردىكى ۋاقتى:215(سائەت)
ئەزا بولغان ۋاقتى : 2007-06-06

باھادىر جـەڭچى ( 3 ۋىلايـەت مىللىي ئارمىيـە جـەڭچىسى ھىبىم ئـەمرۇللا )

ئـەخمـەد تۇردىيېۋ

باھادىر جـەڭچى

( ئـەســلــىــمــە )

بـەزى چاغلاردا، ئۇرۇشنىڭ تازا جىددىي پـەيىتلىرىدە بىرەر شـەخىسنىڭ ئۆلۈمدىن قورۇقماي كۆرسـەتكـەن قـەھرىمانلىقى پۈتۈن قىسىمنىڭ جاسارىتىنى ئاشۇرۇپلا قالماستىن ،بـەلكى غـەلبىنى قولغا كـەلتۈرۈشنىڭ مۇھىم ئامىلى بولۇپ قالىدىكـەن. 3 ۋىلايـەت مىللىي ئارمىيـە جـەڭچىسى ھىبىم ئـەمرۇللا ئـەنـە شۇنداقلارنىڭ بىرى ئىدى.
* * * * * * *
3ۋىلايـەت ئارمىيىسىنىڭ ئوتتىرا يۆنىلىش قىسىملىرى شىخو ناھىسىگـە ئومۇمىيۈزلۈك ھۇجۇم باشلىدى. سۈيدۈڭ بىرىنچى پىيادىلـەر پولىكى شىخونىڭ شىمالىدىن( يـەنى چۆچـەك يولى تـەرىپىدىن) ھۇجۇم قىلدى. پولىك قوماندانلىقى بىزنىڭ بىرىنچى روتىغا ساسلىقتىن ئۆتۈپ دۆڭگـە جايلاشقان گومىنداڭ پوتىيىنى ئىگىلـەپ، شىخونىڭ غـەربىي شىمالىغا جايلاشقان گومىنداڭ مۇداپىئـە قىسىملىرىنىڭ ئوت مـەركىزى بولغان « چوڭ بۇتخانا» غا ھۇجۇم قىلىشنى تاپشۇرىۋالدى.
شىخو ــــ ئىلى، ئالتاي، تارباغاتاي، ئۈرۈمچى قاتناش تۈگىنىگـە جايلاشقان سىتراتېگىيىلىك موھىم ئورۇن بولۇپ، گومىنداڭچىلار شىخونى ئۈرۈمچىنىڭ غـەربىي دەرۋازىسى دەپ قاراپ، بۇجاينى پۈتۈن كۈچىنى سـەرىپ قىلىپ قاتمۇ ـ قات ئىستىكاملارنى قۇرۇپ، زامانىۋىي قۇراللىق 10مىڭدەك ئـەسكىرىي كۈچ ئورۇنلاشتۇرغانىدى. ئـەكسىچـە، شىخوغا ھۇجۇم قىلىدىغان مىللىي ئارمىيـە قىسىملىرىنىڭ قۇراللىرى ئاددى، ئـەسكىرىي كۈچى مىڭغا يـەتمـەيتى. كۈچ سېلىشتۇرما پـەرىقى زور بولسىمۇ، جـەڭچى ـ ئوفىتسىرلارنىڭ ئىنقىلابىي روھى ،قۇربان بولۇشتىن قورۇقمايدىغان قـەھرىمانـلىقى غـەلبـە قىلىشىمىزنىڭ ئـەڭ ئشـەنچىلىك مـەنىۋىي قۇرالى ئىدى.
قىسىملىرىمىز دۈشمـەننىڭ قۇيرۇق ئوت كۈچىنى يېرىپ ئۆتۈپ ھـەدېمـەيلا ئۇلارنىڭ 3- مۇداپىئـە لېنىيىسىنى ئىگىلىدى. جـەڭچىلـەر پۇرسـەتنى قولدىن بـەرمـەي، 2- لېنىيىسى( قارا دۆڭ مـەھـەللسى) گـە ھۇجۇم قىلغاندا، دۈشمـەننىڭ ئىككى تانكىسى شىخو تـەرەپتىن توپ ۋە زەمبىرەك ئىتىپ، پىلىيومىتىدىن يامغۇردەك ئوق ياغدۇرۇپ ، ناھايىتىي سۈرلىك ھۆركىرەپ چىقىپ كـەلدى. يـەر تۈپتۈز ، كۆكتات تـەرگـەن چۆنـەكتىن باشقا پاناھلانغىدەك ھىچقانداق بىر ئـەپلىك ئورۇن قالمىدى. جـەڭچىلـەر تىڭىرقاپ قالدى.بۇرۇن تانكا كۆرۈپ باقمىغان جـەڭچىلـەر ئۈچۈن بۇ تاساددىپىيلىق بولۇپ تۇيۇلدى. بىزنىڭ سول قانىتىمىزدىكى 3- روتىنىڭ پـەيجاڭى ھاجى جـەڭچى ئابدۇراخماننىڭ قولىدىكى20 كىلوگىرام ئىغىرلىقتىكى تانغا ئاتار(دەسلـەپكى تانكا ئاتار قۇرالىنىڭ بىر خىلىنى)يۇلۇپ ئالدى ــ دە،كۈچلۈك قۇرال ئارقىغا تىپىۋەتمىسۇن ئۈچۈن ئىككى پۇتىنى چۆنـەك قىرىغا تىرەپ، تانكىنى قارىغا ئالدى. « كېلـە، يامان بولساڭ يىقىنراق كـەل! » دىدى ئۇ ۋە ئىككى پاي ئوقنى كـەينى كـەينىدىن ئاتتى. تانكىنىڭ ئالدىدىن ئىككى تۆشۈك ئىچىلىپ، تانكا توختىدى، ئۇلارنىڭ ھـەيۋىسىمۇ يـەرگـە ئۇرۇلدى. بۇ ھال تىڭىرقاپ قالغان قىسىم جـەڭچىلىرىگـە قايتىدىن جاسارەت بىغىشلىدى. ئىشنىڭ ئـەپلـەشمـەيۋاتقانلىقىنى بىلگـەن گومىنداڭ تانكىسىتلىرى زەخىم يىگـەن تانكىسىنى ئالمان ـ تالمان ئارقىسىدىكى ساق تانكىسىغا سۆرىتىپ ، قۇيرىقىنى ئىچىگـە تىقىپ، تانكا ھىمايىسىدە كىلىۋاتقان چۈمۈلىدەك ئـەسكـەرلىرى بىلـەن قارا دۆڭ مـەھـەللىسى ئارقىلىق شىخوغا چىكىنىپ كىرىپ كـەتتى. قىسىملىرىمىز بۇ پۇرسـەتنى قولدىن بـەرمـەي ئارقىدىن قوغلاپ، گومىنداڭنىڭ 2- مۇداپىئـە لىنىيىسىنى ئىگىلىدۇق. جـەڭچىلـەرنىڭ غـەيرىتى ناھايىتى ئۈستۈن ئىدى.
ئۇلار كۈچلۈك ئوت كۈچىگـە قارشى قاتمۇ ـ قات مۇھاسىرلـەرنى بۆسـەپ ئۆتـەپ، تۈگمـەننىڭ جـەنۇبىدىكى دۆڭ ئۈستىگـە جايلاشقان، دۈشمـەننىڭ بۇتخانىدىن قالسىلا 2- ئورۇندىكى ئوت كۈچى توپلاشقان پوتىيىنى ئىگىلىدۇق. دۈشمتەن بۇ مـەغلۇبىيىتىگـە تـەن بـەرمـەي ئۆلـەر ـ تىرىلىشىگـە قارىماي غالجىرلارچـە قايتارما ھۇجۇم قىلدى. جـەڭچىللىرىمىز بـەزىدە قۇچاغلاشما جـەڭ ئارقىلىق دۈشمـەننى ئارقا ـ ئارقىدىن مـەغلۇبىيـەتكـە ئۇچىرىتىپ، ئۇلارنى بۇتخانىغا بىكىنىشكـە مـەجبۇر قىلدى. قىسىملىرىمىز بۇتخانىنىڭ غـەرىبىدە 100مىتىردەك ئارلىقتا ئاكوپ كولاپ مۇداپىئـە قۇرۇپ، يىڭى ھۇجۇمغا تـەييارلاندۇق.
* * * * * * *
بۇ 1945-يىلى9- ئاينىڭ 8- كۈنى ( يـەنى شىخو غا ھۇجۇم باشلانغان 4- كۈنى) ئىدى. گومىنداڭنىڭ 3-مۇداپىئە لېنىيىسىنى بۆسۈپ ئۆتۈش جىڭىدە لىيـەنىمىزنىڭ كوماندارى( قۇماندانى) راشىدىن بىلـەن مۇئاۋىنى ئارتىقۇۋلار ياردار بولۇپ سـەپتىن چىققاچقا، يۇقىرىدىن( مىللىي ئارمىيـە باش شىتابىدىن) لىيـەنگـە مىنى قۇماندانلىق قىلىشقا بۇيرىدى. لىيـەندە بار ـ يوقى 60 -70 دەكلا ئادەم قالغان، ئۇنىڭ ئۈستىگـە ئوق ـ دورىللىرىمىز قۇرۇغدىلىپ قالغاچقا ، مۇداپىئـەدە تۇرۇۋالدۇق. يۇقىرى قۇماندانلىقنىڭ « غـەلبىدىن ئىسـەنكىرەپ بىھۇدە قاراملىق قىلىشتىن ساقلىنىش كىرەك » دىگـەن يوليۇرىقى بويىنچـە، ئېھتىياتچان بولۇپ، جـەڭچىللىرىمىزنىڭ دۈشمـەننى داۋاملىق قوغلاپ زەربـە بىرىش تـەلىپىگـە نىسبـەتـەن سـەۋىرچانلىق بىلـەن خىزمـەت ئىشلـەپ، ئۇلارنى قايىل قىلدىم. ئـەمما، مۇشۇ ئۇرۇشتا قۇربان بولغان نۇرغۇن سـەبداشلىرىنى ۋە گومىنداڭ تـەرىپىدىن كۈرە ـ سۈيدۈڭلـەردە كۆزى ئويىۋىلىنغان، قورسىقى يىرىلىپ يۈرىكى سۇغۇرىۋىلىنغان بىگۇناھ قېرىنداشلىرىنىڭ پاجىئـەلىك كۆرۈنىشلىرىنى
ئىسىگـە ئالغان جـەڭچىلـەرنىڭ قـەلبىدىكى قىساس ئوتى لاۋۇلداپ يانغانلىقتىن،كۆزىگـە ئىچنىمـە كۆرۈنمـەيتى. پۈتۈنلـەي ئسىنى ئۇنۇتقان ھالدا بۇتخانىغا تېزدىن ھۇجۇمغا ئۆتۈشنى قـەتئىي تـەلـەپ قىلىشاتتى.
«مۆھتـەرەم كوماندىر»دىگـەن بوم ئاۋاز دىققىتىمنى بۇزدى. روتا مىنامىيوتىنىڭ ئىستانوكىدىن ئاجىرىتىۋالغان سىتىۋولنى ئىككى قولى بىلـەن چىڭ تۇتقان ھىبىم ئـەمرۇللا ئاكوپتىن توك تـەپكـەندەك ئىرغىپ تۇرۇپ «مـەن گومىنداڭ بۇتخانىسىغا ھۇجۇمغائۆتتۈم» دىگىنىچـە ئالغايۈگۈردى.
ھىبىم ئـەمرۇللا بورسۇنلۇق بولۇپ،23 ياشلاردا ئىدى. ئوتتۇرا بويلۇق،كـەڭ غوللۇق، مىجـەزى ئىغىر بىسىق، ھـەمىشــە كۈلۈپلا تۇرىدىغان بۇ يىگىت ناھايىتى ئاچچىقى كـەلدى دىگـەندىمۇ چىشىغا تـەككـەن سـەبدىشىنىڭ بىلىدىكى ھـەربىي كـەمىرىدىن تۇتۇپ، بىر قولى بىلـەن بىشىدىن ئىگىز كۆتۈرىۋالاتتى. ئۇ ئادەتتـە ماڭغاندا بىر مۈرىسى ئىگىز ، بىر مۈرىسى پـەس ماڭاتتى. بۇ ئۇنىڭ پالۋانلىق ئىغىر مىجـەز خۇلۇقىغا تولىمۇ يارىشاتتى.. ئۇنىڭ سىتىۋولنى تۇتۇپ ئالغا يۈگۈرىشى خۇددى بىر قانىتىنى پـەس قىلىپ شۇڭغۇغان ھۇجۇمچى ئايروپىلانغا ئوخشاپ كـەتتى. ئۈمۈتۋارلىق، قىزغىنلىق،قـەتئىيلىك، ھـەرقانداق خـەتـەردىن قورۇقماس ئۇنىڭ ھۇجۇدىدا چاقناپ تۇرغان ئالاھىدىلىك ئىدى. شۇڭا لىيـەن ئۇنىڭغا كۈچ تـەلـەپ قىلىدىغان مىنا مىيوتچىلىك ۋەزىپىسىنى بـەرگـەن ئىدى.. ئۇ بۇ ۋەزىپىنى شۇنداق ياخشى ئادا قىلدىكى ، بىر تال ئوقنىمۇ زايا قىلمايتى.. مانا ئـەمدى بولسا ئوق تۈگىگـەن مىنامىيوت سىتىۋولىنى كۆتۈرۈپ دۈشمـەنگـە ھـەيۋە قىلىپ ئالغا يۈگۈرمـەكتـە.
___ ھىبىم ئارقاڭغا قايت، يالغۇز ماڭما ! ــ دەپ بۇيرۇق بـەردىم مـەن.بىراق ئۇ خىلىلا ئۇزاپ كـەتكـەن ئىدى. مـەن ئىلاجىسىزلىقتىن جـەڭچىلـەرگـە بۇتغانىغا ھۇجۇم قىلىشقا بۇيرۇق بـەردىم.
* * * * * * *
جـەڭچىلـەر بۇتخانا قورۇسىغا كىرگـەندە گومىنداڭ چىرىكلىرى قۇراللىرىنى يـەرگـە قويۇپ، قوللىرىنى كۆتۈرۈشۈپ تۇرۇپتۇ. مـەن بۇ مـەنزىرىنى كۆرۈپ: ئاپىرىن، مۆجىزىغۇ بۇ،دەۋەتتىم ئىچىمدە. شۇكۈنى چۈشتىن بۇرۇن ئۈچ ۋىلايـەت ۋاقىتلىق ھۆكۈمىتى بـەلگىسى چۈشۈرۈلگـەن بومباردىمانچى ئايروپىلاندىن ئىككسى شىخو ھاۋا بوشلىقىدا ئايلىنىپ ، شىخودىكى گومىنداڭ ھـەربىي قىسىملىرىنىڭ مۇھىم ھـەربىي بازىللىرىغا بومبا تاشلىدى. بومبىلارنىڭ پارتىلىشى بىلـەن ئوت لاۋۇلداپ ئاسمان پـەلـەك كۆتۈرۈلدى. گومىنداڭ قىسىملىرى ساراسىمىگـە چۈشتى. بولۇپمۇ مىللىي ئارمىىيىنىڭ بوراندەك ئالغا بىسىپ، قـەدەممۇ قـەدەم قورشاۋ چـەمبىرىكىنى قىسىپ يىقىنلىشىپ قالغانلىقىنى كۆرگـەن گومىنداڭ ھـەربىي مـەمۇرىي ئـەمـەلدارلىرى ئۆزلىرىنىڭ مـەمۇرىي ئـەمـەلدارلىرى جىنىنى قۇتۇلدۇرۇش ئۈچۈن ئـەسكـەرلىرىنى مۇداپىيـەدە قويۇپ، مۇھاپىزەتچى قىسىملىرى بىلـەن شـەرەققـە قاراپ قاچقاچقا، قوماندانلىرىدىن ئايرىلغان گومىنداڭ ئـەسكـەرلىرى قورقۇپ كـەتكـەنلىكىدىن نېمـە قىلارىنى بىلـەلمـەي تـەمتىرەپ قىلىپ، پۇتى كۆيگـەن توخۇدەك بولۇپ قالغان ئىدى. بىز بۇتخانىنىڭ باشقا ئۆيلىرىدە پىلىمۇت ئىتىۋاتقانلارنى ئوڭايلا تـەسلىم قىلىپ، پۈتۈن بۇتخانىنى ئىگـەللىدۇق. مـەن ھىبىم تۇرغان ئۆيگـە كىرسـەم. ئۇ يـەردە مىڭىسى چۇۋۇلغان بىر گومىنداڭ چىرىكى يىتىپتۇ. ھىبىم ئۆزىنى تۈزەشتۈرۈپ ماڭا دوكىلات بـەردى. كىيىن مـەلۇم بولدىكى ، ھىبىم مىنامىيوتنىڭ قۇرۇق سىتۇۋولىنى كۆتۈرۈپ بۇتخانىغا كىرگـەندە، قورۇ ئىچىدە چىرىكلـەر مىغ ـ مىغ ئىكـەن. «قورققانغا قوش كۆرۈنـەر» دىگـەندەك ئۇنىڭ قولىدىكى قۇرۇق سىتىۋول ئۇلارغا نىمـە كۆرۈندىكىن تاڭ، ئوق چىقارمايلا تۇرۇپ قاپتۇ. خۇددى باش قۇماندانغا يول بوشۇتۇپ بـەرگـەندەك ، ئوتتۇردىن يول ئىچىپ بىرىپتۇ.ئۇ ھىچ بىر قارشىلىقسىزلا بۇتخانىغا كىرىپتۇ. دۈشمـەننىڭ پىلىموتچىكى زىنىت پىلىمۇتتىن ساسلىقتىكى مىللىي ئارمىيىگـە قارىتىپ ئوق ئۈزىۋاتقان ئىكـەن.، ھىبىم قولىدىكى سىتىۋول بىلـەن ئۇنىڭ مىڭىسىغا بىر قويۇپلا يىقىتىپتۇ __ دە، پىلىموتنى ئىستانوكى بىلـەن قوشۇپ كۆتۈرۈپ( ئـەمىلىيـەتتـە زىنىت پىلىمۇتنى ئىككى ئادەم ئاران كۆتۈرەلـەيدۇ) ئىشىككـە ئـەكىلىپ، بۇتخانىدىكىلـەرگـە: قۇرالىڭنى تاشلا، قولۇڭنى كۆتۈر. دەپ بۇيرۇق بىرىپتۇ. تـەمتىرەپ قالغان چىرىكلـەر ئۇنىڭ بۇيرىقىغا بويسۇنۇپ، تـەسلىم بوپتۇ. مـەن ھىبىمنىڭ مـەيدىسىگـە چاپلىشىپ قالغان مىڭـە قىتىقىدىن ھـەممىنى چۈشـەندىم.
مـەن دەررۇ ئـەسىرگـە چۈشكـەن ئـەسكـەرلـەرنى ئورۇنلاشتۇرشقا، تەمىنات روتىسىنىڭ كوماندىرىغا تاپشۇرۇپ، ھىلىقى زىنىت پىلىمۇت ئاتقان تۆشۈكتىن ئالدىنقى سـەپ ___ ساسلىققا قارىدىم. پاھ ! مـەن نېمـە كۆرىۋاتىمـەن دېدىم كۆزۈمگـە ئىشـەنمىگـەندەك. كۆز ئالدىمدىكىسى كىنولاردا كۆرگـەن 2- دۇنيا ئۇرشى مـەزگىلىدىكى قىزىل ئارمىيىنىڭ بىرلىنغا ھۇجۇم قىلىشىدىن قىلىشمايتتى. قۇراللىرىنى مـەھكـەم تۇتقان، غـەزەپتىن چىشلىرى كىرىشكـەن، كۆزلىرىدىن ئۈمۈد ئۇچقۇنلىرى چاقناپ تۇرغان شىھىتلار ساسلىقتا ساينىڭ تىشىدەك ياتاتتى.. دوختۇر سومكا ئاسقان سانتا ر قىزلار ئۆزلىرىگـە كىلىدىغان خـەۋىپكـە قارىماي، جان پىدالىق بىلـەن بىردەم ئۆمىلـەپ، بىردەم مىڭىپ يۈرۈپ، يارىدارلارنىڭ يارىسىنى تاڭاتتى.، نوسۇلكىغا سىلىپ بىخـەتـەر ئورۇنلارغا ئاپىراتتى.. ئالغا ئىلگىرلـەشكـە قاتتىق توسالغۇ بولىۋاتقان بۇتخانىدىكى پىلىمۇتنىڭ ئۈنى ئۆچىشى بىلـەن ساسلىقتا بىلىگىچـە پىتىپ ئوق ئىتىۋاتقان جـەڭچى ـ ئوفىتسىرلار ئورۇنلىرىدىن دەس تۇرۇپ، ھۇررا ساداسى ئىچىدە ئالغا ئىلگىرلىدى، ئالدىدىكىللىرى ساسلىقنىڭ قىرىغا ياماشتى.
* * * * * * *
شىخو ئازاد بولغاندىن كىيىن، شىخو ئۇرىشىدا پىداكارلىق كۆرسـەتكـەن ھىبىم ئالاھىدە تـەغدىرلـەنگـەندىن سىرىت ئۇنى پولىكنىڭ مۇھاپىزەت ئـەتىرىتىگـە يۆتكـەپ كـەتتى. مـەن يىل ئاخىرىسىدا پولىك شىتابىغا يىغىن مۇناسىۋىتى بىلـەن بىرىپ ئۇنىڭ بىلـەن كۆرۈشۈپ قالدىم. ئۇنىڭ جـەڭگىۋار ھالىتى ئۇرۇشتىن بۇرۇنقىدىنمۇ ھـەيۋەتلىك كۆرىنـەتتى. يىنىغا ئىسىۋالغان ياغاچ قاپلىق ماۋزۇر ۋە ھـەربىي فورمىسى قامـەتلىك پالۋان بـەستىگـە تولىمۇ ياراشقان ئىدى.
ھـەر قانداڭ ئىشنىڭ بـەدەلسىز قالمايدىغانلىقىنىڭ نىشانىسى سۈپىتىدە، گومىنداڭ پىلومۇتچىكىنىڭ مىڭـى قىتىقى چاپلىشىپ قالغان ئۇنىڭ مـەيدىسىدە « باھادىر » لىق مىدالى نۇر چاقنىتىپ تۇراتتى. BBS.xabnam.com din kochuruldi
\ت( ھىجىرەت) مـەنبـە: 1994-يىلى تارىم ژۇرنىلىنىڭ 11-سانى. ئۆزگـەرتىلمىدى. كۆچىرمـەكچى بولغانلار مىنىڭ رۇخسىتىمنى ئىلىشىڭلارنى ئۈمىد قىلىمـەن.2007_9-3
تــەھرىر ئلاۋىسى: بۇ ماقالىنى پۈتتۈرۈشكـە mujihad ئالاھىدە ياردەم قىلدى. بۇ ماقالىدىكى باش پۇرسىناژ كىشىگـە جـەسسۇرلۇقنى ئـەسلىتىدۇ. ( مۇجاھىد رەتلىدى، ھىجىرەت تـەھرىرى.)

_____ جۇدا تەستىقلىدى

[ بۇ يازما HIJIRAT تەرپىدىن 2007-11-05 12:15 AM دە ق ]

مـەھلىيا!مـەن سىنى سۆيىمـەن! بىراق ...

[باش يازما] | يوللانغان ۋاقىت : 2007-09-03 20:20

hojayin

ھالىتى : بۇ ئەزا توردا يوق
دەرىجە: دائىملىق ئەزا
نادىر تېما: 0
يازما سانى: 429
شۆھرەت: 430 نۇمۇر
پۇل: 4140 سوم
تۆھپە: 6 نۇمۇر
توردىكى ۋاقتى:33(سائەت)
ئەزا بولغان ۋاقتى : 2007-08-10

بۇخەق بىزدىن پايدىلىنىشنىلا بىلىدۇ! كۆرۇكتىن ئۆتۇپ بولۇپلا كۆرۇكنى سۇندۇرۋىتىدۇ؟ قۇرۇق مىدال بىرىدۇ خالاس!!!!!!

كۇڭۇل ئاپىرىپ تاشلايدۇ باياۋان چۇلگە .

[1 - قەۋەت] | يوللانغان ۋاقىت : 2007-09-04 01:01

Biperwa

ھالىتى : بۇ ئەزا توردا يوق
دەرىجە: مۇنبەر باشقۇرغۇچى
نادىر تېما: 1
يازما سانى: 3056
شۆھرەت: 3112 نۇمۇر
پۇل: 30580 سوم
تۆھپە: 74 نۇمۇر
توردىكى ۋاقتى:827(سائەت)
ئەزا بولغان ۋاقتى : 2006-11-25

قىممەتلىك تارىخى ۋەقەلەر ھەرقاچان ئۆز مىللتىنى سويىدىغان بىر شەخسنىڭ دىققەت -ئىتىبارىنى تارتماي قويمايدۇ . قەلىمىڭزگە باركاللا . تولۇق بىر يىزۋەتكەن بولسىڭىز تىخىمۇ ياخىشى بولاكەنتۇق .
ئەمدى يازغاندا ئىنكاس شەكىلدە ياكى تېمىڭىزنىڭ ئاخىرغىلا ئۇللاپ يىزىڭ.

ئۈمۈد يادىكار

[2 - قەۋەت] | يوللانغان ۋاقىت : 2007-09-04 09:47

tanhakalip

ھالىتى : بۇ ئەزا توردا يوق
دەرىجە: ئالىي ئەزا
نادىر تېما: 1
يازما سانى: 1320
شۆھرەت: 1608 نۇمۇر
پۇل: 5708 سوم
تۆھپە: 35 نۇمۇر
توردىكى ۋاقتى:627(سائەت)
ئەزا بولغان ۋاقتى : 2006-11-17

تارىخ ئۇ بىر ھەقىقەت!
ھەقىقەت ھامان غالىپتۇر!

نىمە ئۇچۇن؟

[3 - قەۋەت] | يوللانغان ۋاقىت : 2007-09-04 12:14

kadijan

ھالىتى : بۇ ئەزا توردا يوق
دەرىجە: يېڭى ئۆگەنگۈچى
نادىر تېما: 0
يازما سانى: 34
شۆھرەت: 34 نۇمۇر
پۇل: 241 سوم
تۆھپە: 0 نۇمۇر
توردىكى ۋاقتى:43(سائەت)
ئەزا بولغان ۋاقتى : 2006-06-02

تارىخنى ھېچكىم ئىنكار قىلالمايدۇ چۇنكى ئۇ بىر ھەقىقەت

[4 - قەۋەت] | يوللانغان ۋاقىت : 2007-09-04 23:49

dolan~ogli

ھالىتى : بۇ ئەزا توردا يوق
دەرىجە: تىرىشچان ئەزا
نادىر تېما: 0
يازما سانى: 832
شۆھرەت: 833 نۇمۇر
پۇل: 8320 سوم
تۆھپە: 0 نۇمۇر
توردىكى ۋاقتى:183(سائەت)
ئەزا بولغان ۋاقتى : 2007-01-19

تۇلۇق قىلىپ يوللاپ قويسىڭىز بولماسمىدى ،ئادەمنى قىزىقتۇرۇپ.

كۆرگىنىڭدىن كۆپتۇر كۆرمىگىنىڭ،
كۆرمىگەننى كۆرەرسەن ئۆلمىگىنىڭ.

[5 - قەۋەت] | يوللانغان ۋاقىت : 2007-09-05 10:02

dilkax520

ھالىتى : بۇ ئەزا توردا يوق
دەرىجە: مۇنبەر ئەزاسى
نادىر تېما: 0
يازما سانى: 221
شۆھرەت: 222 نۇمۇر
پۇل: 2210 سوم
تۆھپە: 0 نۇمۇر
توردىكى ۋاقتى:47(سائەت)
ئەزا بولغان ۋاقتى : 2007-08-16

كىچىككىنە يىزىپ <ۋاقېت مۇناسىۋىتى بىلەن >دەپ توختىتىپ قويوپسېز...مۇشۇ بېر ئابزاسقا نەچچىلىك ۋاقېت سەرىپ قىلدىڭىز.؟

دۇنيا..ئۇنداق قىلما!

[6 - قەۋەت] | يوللانغان ۋاقىت : 2007-09-05 12:41

aykut999

ھالىتى : بۇ ئەزا توردا يوق
دەرىجە: دائىملىق ئەزا
نادىر تېما: 0
يازما سانى: 489
شۆھرەت: 520 نۇمۇر
پۇل: 4740 سوم
تۆھپە: 0 نۇمۇر
توردىكى ۋاقتى:224(سائەت)
ئەزا بولغان ۋاقتى : 2007-08-02

QUOTE:

بۇ مەزمون 3 جى قەۋەتتىكى tanhakalip نىڭ 2007-09-04 12:14 دە يوللىغان يازمىسى“”:
تارىخ ئۇ بىر ھەقىقەت!
ھەقىقەت ھامان غالىپتۇر!

شۇنداق تارىخنى ھىچكىم بۇرمىلايمەن دەپمۇ بۇرمىلىيالمايدۇ، ئۆزگەرتىمەن دەپمۇ ئوزگەرتەلمەيدۇ!

[7 - قەۋەت] | يوللانغان ۋاقىت : 2007-09-06 21:38

nasimi112

ھالىتى : بۇ ئەزا توردا يوق
دەرىجە: تېما چولپىنى
نادىر تېما: 0
يازما سانى: 1002
شۆھرەت: 1002 نۇمۇر
پۇل: 7963 سوم
تۆھپە: 7 نۇمۇر
توردىكى ۋاقتى:462(سائەت)
ئەزا بولغان ۋاقتى : 2006-05-20

مېنىڭ مەرھۇم بۇۋام شۇنداق دىگەن :
ھەقىقەت ئادىل نىمە ھەقىقەتكە كىم يىتۇر ،
ھەقىقەتكە يەتكىچە قانچە قۇربانلار كىتۇر .

مەن ئاللاھنىڭ قۇلىدۇرمەن شەيتان بولدى بەس،
مۇھەممەتكە ئەگەشسەم سەيتان بولۇر پەس.
لائىلاھە ئىللەللاھۇ مۇھەممەدۇر رەسۇلىللا،
شەيتان بىلەن ئارلىق ئۈزۈپ تۇراي ئەمدى دەس.
-نەسىمى

[8 - قەۋەت] | يوللانغان ۋاقىت : 2007-09-06 21:44

HIJIRAT

بۇنى تولۇق يولۇغۇم بار ئىدى ،لىكىن ماتىرىيالنى يۈتتۈرۈپ قويدۇم. كـەچۈرىڭلار.

مـەھلىيا!مـەن سىنى سۆيىمـەن! بىراق ...

[9 - قەۋەت] | يوللانغان ۋاقىت : 2007-09-07 03:04

<< 1 2 3 4 >> Pages: ( 1/4 total )

Beijing Xabnam.com Web site Group || Uighur by Oghuz Code © 2003-06 PHPWind
Time now is:11-05 12:18, Gzip disabled