ئۇنتۇلمىغاي  باشتىكى  سۆيگۈ
                                                (مۇھەممەتجان  راشىدىن )



     كەلگىنىڭنى  دوستلاردىن  ئۇقتۇم  ،
     كەتكىنىڭنى   دۈشمەنلىرىڭدىن  .
     ئۇچۇرۇڭغا   ئالدىم  گۇۋاھلىق  ،
     شاخ  ئۈستىگە يايغان  كىرىڭدىن .


                                                                      ئەگىپ  باقتىم  ئۆيۈڭنى  قانچە  ،
                                                                      شۇ  گەپلەرنىڭ  راستتىنى  ئۇققىلى  .
                                                                      سوراپ  باقاي  دېسەم  سىڭلىڭدىن  ،
                                                                      يامان   بولدى   ئاناڭ   چىققىنى   .


      راست  كەتتىمۇ  مېنىڭ  يارىم ؟ دەپ ،
      ئۇيات  ئىكەن  ئەلدىن  سورىماق  .
      ئىزلىرىڭنى   ئىزدەپ   يۈرىمەن  ،
      خۇمار   قىلىپ   سېنى   پۇرىماق  .


                                                                      بېدە  كۆكى  تەرگەن  باغلارغا  ،
                                                                      كىرىپ  چىقتىم ، كەتتى  دېسىمۇ  .
                                                                      ئىشەنمىدىم : يارىڭ  كۆڭلىدىن ،
                                                                      سېنى  تەرك  ئەتتى  !   دېسىمۇ   .


     دۈشمەن  دېسە  نېمە  دېمەيدۇ  ،
     دۈشمەن  دائىم  كۆرەلمەسلىكتە  .
     تەڭرىم  بىلۇر ، بىر  مەن بىلۇرمەن ،
     كەتكىنىڭنى   بۇندىن   تەسلىكتە  .


                                                                     تۇرۇپ  قايتتىڭ  قايسى  سۆگەتنىڭ  ،
                                                                     دالدىسىدا    مېنى    كېلەر    دەپ  .
                                                                     قىلمىدىڭمۇ    بۇلتۇرمۇ    شۇنداق  ،
                                                                     كەلگىنىمنى   ئۆزى   بىلەر ،   دەپ  .


     ئادەت  ساڭا  كۆكلەمدە  كەلمەك  ،
     ھەر  باھاردا  بىر  كۆرمەك  مېنى  .
     مەن  ھېلىمۇ  كۈتۈپ  ئۆلمىدىم  ،
     چىڭ  ئىكەنغۇ   ئاشىقنىڭ  جېنى  .


                                                                     باھار  دېسە ، سېنى  ئەسلەيمەن  ،
                                                                     كۆكلەم  دېسە ، كېلىدۇ  كۆرگۈم  .
                                                                     تەڭرى  بەرسە  ياشلىقنى  قايتا  ،
                                                                     يېڭىباشتىن    كېلىدۇ    سۆيگۈم   .


     غورا  ئېلىپ  بەرسەم  باغلاردىن  ،
     ئاچچىق  دېمەي  يېگۈزسەم  دەيمەن  .
     سېغىز  ئېتىپ  بېرىپ  ھەر  كۈنى  ،
     مىڭ _ مىڭ رەھمەت! دېگۈزسەم دەيمەن .


                                                                     توزۇپ  كەتكەن  گۈلنى  بىراقتا  ،
                                                                     ئەمدى  ئىزدەپ  نەدىن  تاپىمەن  ؟
                                                                     بۇ  ئۆمۈردىن  كەتكەن  ياشلىقنى  ،
                                                                     تاپىمەن ،  دەپ  نەگە  چاپىمەن   ؟


     سورۇپ  قالدى  كونا  ئاشىقىڭ  ،
     خىيالىدا    كونا   خاماننى  .
     ئۆرۈپ  قالدى  بىتەلەي  كۆڭلۈم  ،
     ئۆزۈڭ  يىغقان  كونا  ساماننى  .


                                                                     قوشمايدىكەن  قىسمەت  بەزىدە  ،
                                                                     قەدىردانغا     قەدىرلىگەننى  ،
                                                                     سەن  كەتكەندە  مەھەللىمىزدىن  ،
                                                                     ئاندىن  بىلدىم  تەقدىر  دېگەننى  .


     شۇندىن   بۇيان  شولاڭ  كۆڭلۈمدە  ،
     ئىچ _ ئىچىمدىن  يىغلاپ  كېلىمەن  .
     سەن  شەھەردە ،  مەن  بۇ  سەھرادا  ،
     يەر _ زېمىننى  تىلغاپ  كېلىمەن  .


                                                                     سەن  كېلىسەن ، گاھ  مەن  بارىمەن  ،
                                                                     ئىككىمىزگە     باھار     باھانە  ،
                                                                     ئۇچرىشىمىز    سېرىن    تۈۋىدە  ،
                                                                     ئۆتەر   ئاشۇ    دەملەر    شاھانە  .


     سەن  كېلىسەن ، يېشىل  دۆڭلەردىن  ،
     كاككۇك  گۈلى  تەرگۈم  كەلدى ، دەپ  .
     بۇلبۇل   ئۇۋا   سالغان   باغلارغا  ،
     بىر _ بىر  سالام  بەرگۈم  كەلدى ، دەپ  .


                                                                    مەن  ئوقۇيمەن  باھارغا  رەھمەت  ،
                                                                    باھار   بەردى   بىزگە   ۋىسالنى  .
                                                                    ئالەم  ئالسۇن  ئۆلمەس  سۆيگۈگە  ،
                                                                    شۇ   باھاردا   بىزدىن   مىسالنى  .


     قاقىرلارنىڭ   قاتارىدا   بار  ،
     سېنىڭ  ھىدىڭ ، سېنىڭ  ئاۋازىڭ  .
     قارلىغاچلارنىڭ  خۇلقىدا  كەلدى  ،
     قارلىغاچ  بولۇپ  سېنىڭ  پەرۋازىڭ  .


                                                                    ماڭا  مەكتۈپ  قالدۇرمىساڭمۇ  ،
                                                                    ئىزلىرىڭدىن  خەتلەر  ئوقۇيمەن  .
                                                                    باھار  كەلسە ،  تورغايدىن  ئاۋۋال  ،
                                                                    سېنىڭ  ئۈچۈن  قوشاق  توقۇيمەن  .


     مەيلى  باھار  كەلسۇن  ،  كەلمىسۇن  ،
     سېغىنغاندا   كېلىپ   تۇر   گۈلۈم   ،
     ئۇنتۇلمىغاي    باشتىكى    سۆيگۈ   ،
     مەندىن   خەۋەر   ئېلىپ   تۇر  ،  گۈلۈم   .




                                                                              
                                                                  1993_يىل  ،  ئاپرىل  ،   غۇلجا   .
                                                                      
    
    


    
                                                                    

    

                                                            
      
    

   مۇھەممەتجان راشىدىن  ئەپەندىگە :
  
                                    ئۇزۇن  ئۆمۈر  ،  سالامەتلىك  تىلەيمەن !  !  !

مۇھەممەتجان راشىدىن  ئەپەندىگە :
  
                                  
                                      ئۇزۇن  ئۆمۈر  ،  سالامەتلىك  تىلەيمەن !  !  !

پاھ سۆز دىگەن قاپىيە ۋە مەنىسى بىلەن مۇشۇنداق تىزىلسا مەرۋايىتلاردىن تىزىلغان مارجانغا ئۆخشايدىكەن ، نىمىدىگەن ئېسىل شىئېر بۇ !

كۆڭلۇم يىرىم          

  بىر  نەچچە  كۈن  بوپتىكەن ئالدىراشچىلىقتا  مۇنبەرگە كىرمىگىلى ،  مانا بۈگۈن مۇنۇ  شېئىرنى ئۇقۇپ  ،بىر نەچچە كۈنلۇك ھاردۇقۇم  چىقىپ قالدە!  شېئىر دېگەننى  مۇشۇ  ئۇستازىمىزلا  يازسا  !  بۇلۇپمۇ  ئارۇز  ۋەزنىدىكى شېئىرنى  ئالامەت  يېزىۋېتىدۇ -جۇما ! بۇلۇپمۇ مۇخەممەسلەرنى !(مۇنۇ شېئىرلىرى بولسا ،ئۇستازىمىزنىڭ يېرىم كېچىدە چۈشىدىن ئويغۇنۇپ ،ئەسنىگەچ  جىجىلاپ  قويغانلىرى بولسا  كېرەك !).  ھازىر  شېئىرىيەت  ساھەسىدە پەقەت  ۋە پەقەت مۇشۇ ئۇستازىمىزلا  ئەجدادلىرىمىزنىڭ  ئىزىنى  بېسىپ كېلىۋاتىدۇ .  قالغانلرىنىڭكىنى  شېئىر  دېگىلى  بولامدۇ  ؟ بەزىلىرىنىڭ  مەزمۇنى، سۆز-جۈملە، قاپيەلىرى   ناچار بولسا ،بەزىلىرىنىڭ شەكلى ،قۇرۇلمىسىدىن  گەپ ئاچقىلى  بولمايدۇ !. نەدىن چىقتى ئەركىن شېئىر ،چاچما شېئىر ،نەسىرىي شېئىر دەپ؟ !  شېئىرىيەت  ساھەسىنى بولغىۋەتتىغۇ  -  خالىغانچە  يېزىپ!!!   مۇشۇنداق ئەخلەتلەر   شېئىرىيەت ساھەنىمۇ تۈگەشتۈرىدىغاندەك قېلىدۇ!  خۇددى بىر  شاتراق كالا قۇتاندىكى ھەممە كالىلارنى شاتراق قىلۋەتكەندەك !   بۇ  ئۇستازىمىزنىڭ  شېئىرلىرىغا قارايدىغانلا  بولساق، شۇ زامانلا   بوۋىمىز نەۋائىنىڭ شېئىرلىرىنى  كۆرگەندەك  بولىمىز !  خۇدايىم مۇھەممەتجان راشىدىن ئۇستازىمىزنىڭ  ئۆمرىنى ئۇزۇن، تۇرمۇشىنى كۆڭۈللۈك ، تېنىنى ساق-سالامەت ،قەلىمىنى تېخىمۇ ئۆتكۈر ،ئۇچلۇق  قىلغاي !!!

پاھ !!! مۇنداق ياخشى شېئىرلانى ئوقۇغۇلىمۇ بولىدىكەن ھە؟؟ تېما ئىگىسىگە كۆپ رەھمەت!!! شۇنداقلا مۇھەممەتجان راشىدىن ئەپەندىمگە ئۇزۇن ئۆمۈر ھەم سالامەتلىك تىلەيمەن!!!

چاڭقىغان  دىللارغا  زەم زەم بولدى غۇ بۇ شېر

ۋاھ ۋاھ نىمىدىگەن ئىسىل شېئىر بۇ
شائىرىمىزنىڭ ئۆمۇرنىڭ ئۇزاق بولىشىنى تىلەيمىز

./read.php?tid-92931-keyword-.html

./read.php?tid-92486-keyword-.html

بۇ يەردىمۇ  ئېسىل شېئىرىدىن ئىككى پارچە بار كۆرۇپ بېقىڭلار دوستلار ،بۇ شائىرىمىز ھەقىقەتەن بەك ياخشى يازىدۇ جۇمۇ  .مەنمۇ بەك ياخشى كورمەن مۇھەممەتجان راشىدىن ئەپەندىنىڭ شېئىرلىرىنى .

سىزنى ياخشى كۆرمەن دىيىشكە جۇرئەت قىلالماسلىقنىڭ ئۆزى ھەقىقى مۇھەببەت .

ئېسىل شېئىركەن ساقلىۋالدىم.

Quote:

بۇ مەزمون5قەۋەتتىكىsarkarda-1نىڭ2009-04-01 16:22 دە يوللىغان يازمىسى   :
  بىر  نەچچە  كۈن  بوپتىكەن ئالدىراشچىلىقتا  مۇنبەرگە كىرمىگىلى ،  مانا بۈگۈن مۇنۇ  شېئىرنى ئۇقۇپ  ،بىر نەچچە كۈنلۇك ھاردۇقۇم  چىقىپ قالدە!  شېئىر دېگەننى  مۇشۇ  ئۇستازىمىزلا  يازسا  !  بۇلۇپمۇ  ئارۇز  ۋەزنىدىكى شېئىرنى  ئالامەت  يېزىۋېتىدۇ -جۇما ! بۇلۇپمۇ مۇخەممەسلەرنى !(مۇنۇ شېئىرلىرى بولسا ،ئۇستازىمىزنىڭ يېرىم كېچىدە چۈشىدىن ئويغۇنۇپ ،ئەسنىگەچ  جىجىلاپ  قويغانلىرى بولسا  كېرەك !).  ھازىر  شېئىرىيەت  ساھەسىدە پەقەت  ۋە پەقەت مۇشۇ ئۇستازىمىزلا  ئەجدادلىرىمىزنىڭ  ئىزىنى  بېسىپ كېلىۋاتىدۇ .  قالغانلرىنىڭكىنى  شېئىر  دېگىلى  بولامدۇ  ؟ بەزىلىرىنىڭ  مەزمۇنى، سۆز-جۈملە، قاپيەلىرى   ناچار بولسا ،بەزىلىرىنىڭ شەكلى ،قۇرۇلمىسىدىن  گەپ ئاچقىلى  بولمايدۇ !. نەدىن چىقتى ئەركىن شېئىر ،چاچما شېئىر ،نەسىرىي شېئىر دەپ؟ !  شېئىرىيەت  ساھەسىنى بولغىۋەتتىغۇ  -  خالىغانچە  يېزىپ!!!   مۇشۇنداق ئەخلەتلەر   شېئىرىيەت ساھەنىمۇ تۈگەشتۈرىدىغاندەك قېلىدۇ!  خۇددى بىر  شاتراق كالا قۇتاندىكى ھەممە كالىلارنى شاتراق قىلۋەتكەندەك !   بۇ  ئۇستازىمىزنىڭ  شېئىرلىرىغا قارايدىغانلا  بولساق، شۇ زامانلا   بوۋىمىز نەۋائىنىڭ شېئىرلىرىنى  كۆرگەندەك  بولىمىز !  خۇدايىم مۇھەممەتجان راشىدىن ئۇستازىمىزنىڭ  ئۆمرىنى ئۇزۇن، تۇرمۇشىنى كۆڭۈللۈك ، تېنىنى ساق-سالامەت ،قەلىمىنى تېخىمۇ ئۆتكۈر ،ئۇچلۇق  قىلغاي !!!

بۇ ئىنكاس ماڭا ياقتى،مۇشۇنداق شائىرلارنى نىمىشقا مۇكاپاتلىماي،نەدىكى مىڭ قېتىم ئوقۇسا بىر قېتىم چۈشەنگىلى بولمايدىغان شېئرلارنى يازىدىغان«شائىر»لار ئۇ-بۇ مۇكاپاتلارغا ئېرىشىپ يۈرىدىكىنە،ھازىر خەقلەرنىڭ كاللىسىمۇ ئەبجەش شېئىرلاردەك ئەبجەبلىشىپ كېتىكلىك،قانچە چۈشەنمىسە شۇنچە پەيزى بىلىنىدىغان ئوخشايدۇ....

ئىسىل شىئىردىن بىر تەقدىم قىلىپسىز رەھمەت سىزگە !

مۇھەممەتجان راشىدىن ئاكىمىزنىڭ ئۆمرى ئۇزۇن، قەلىمى تېخىمۇ ئۆتكۈر بولغاي. تېما ئىگىسىنىڭ ئەجرىگە تەشەككۈر!