گەرچە iPhone 6 ۋە iPhone 6 Plus نىڭ سېتىلىشى iPhone نىڭ سېتىلىشىنى يۇقىرى كۆتۈرگەن بولسىمۇ، لېكىن جۇڭگو چوڭ قۇرۇقلۇقى رايونىدا iPhone 5s نىڭ سېتىلىشى يەنىلا بىرىنچى ئورۇندا تۇرغان.

بەيدۇ كۆچمە ئىستاتىستىكىسى بۈگۈن بىر تۈرلۈك ئەڭ يېڭى سانلىق مەلۇماتلارنى ئېلان قىلغان. سانلىق مەلۇماتلاردا كۆرسىتىلىشىچە، 2015-يىلى 2-ئاينىڭ 1-كۈنىدىن 4-ئاينىڭ 30-كۈنىگىچە بولغان بىر مەزگىل ئىچىدە، بازار ئۈلۈشى ئەڭ چوڭ ئۈسكۈنە iPhone5s بولۇپ، بازار ئۈلۈشى %22.23 كە يەتكەن.

ئەمەلىيەتتە، iPhone 4s نىڭ بازار ئۈلۈشىمۇ  iPhone 6 دىن يۇقىرى ئىكەن، ئىككىسىنىڭ نىسبىتى ئايرىم-ئايرىم ھالدا %17.73 ۋە %15.61 بولۇپ، iPhone 5 بىلەن iPhone 6 Plus نىڭ ئايرىم-ئايرىم ھالدا %12.51 ۋە %10.15 ئىكەن.

ئاندىرويىد يان تېلېفونلىرىنىڭ ئىچىدە، بازار ئۈلۈشى ئەڭ كۆپ بولغىنى سامسۇڭ Galaxy Note 2 بولۇپ، بۇنىڭدىن قالسا شياۋمى يان تېلېفونلىرى ئىكەن.