گال سىلىقلاش كەمپۈتى قاتارلىق يېمەكلىكلەرنىڭ ھەممىسىگە دېگۈدەك چۈچۈكبۇيا قېتىلىدۇ. يۇقىرى قان بېسىم بىمارلىرى بۇنداق يېمەكلىكلەرنى كۆپرەك يېسە، قان بېسىمنىڭ تۇراقسىزلىقىنى كەلتۈرۈپ چىقىرىدۇ. چۈچۈكبۇيا تەبىئىي ئۆسۈملۈككە تەۋە بولغاچقا، بىر قەدەر بىخەتەر، ئەمما ئۇزاق ۋاقىت ئىستىېمال قىلغاندا، بەدەن ئىششىش، قاندىكى ناترىينىڭ قويۇقلۇقى ئېشىپ كېتىش قاتارلىق ئەھۋاللار كۆرۈلىدۇ. ئاستا-ئاستا شەكىللەنگەن ئىششىق يۈرەك ۋە قان تومۇرلارنىڭ يۈكىنى ئاشۇرۇۋېتىدۇ، بۇنىڭغا قاندىكى ناترىينىڭ قويۇقلۇقى قوشۇلۇپ، قان تومۇر دىۋارىنى زەخىملەندۈرىدۇ، ئاخىرىدا يۇقىرى قان بېسىم كېسىلىگە گىرىپتار قىلىدۇ. كۆپلىگەن يېمەكلىكلەرگە چۈچۈكبۇيا قوشۇلىدۇ، مەسىلەن، سوغۇق چاي، كۆپلىگەن كىشىلەر بۇنداق چايدىن كۈندە بىر بوتۇلكا ئىچىپ ئادەتلىنىپ قالغان. سوغۇق چاينىڭ ئۆزىگە خاس پايدىلىق تەرەپلىرى بولسىمۇ، زىيادە كۆپ ئىچمەسلىك كېرەك.
