ئۆزىنى قاچۇرۇش . سىزنى خاپا قىلىدىغان ئىشلاردىن يىراق تۇرسىڭىز ، باشقىلار بىلەن ئاسانلىقچە ئازارلىشىپ قالمايسىز . بۇراش . دىققىتىڭىزنى بۇراپ كۆڭلىڭىزنى خۇش قىلىدىغان ، ئۆزىڭىز ياقتۇرىدىغان ئىشلارنى قىلسىڭىز ، ئاچچىقىڭىز يېنىپ قالىدۇ . چەكلەش . كۆڭۈلسىز خىياللارنى مەقسەتلىك ھالدا چەكلەپ ، ئۆزىڭىزنى ئۆزىڭىز تەنقىد قىلىپ ، ئىرادە ئارقىلىق ھېسياتىڭىزنى تىزگىنلەڭ . ئىچ پۇشۇقىنى چىقىرىش . يىقىن دوستىڭىزغا دەردىنى تۆكۈۋالسىڭىز روھىي جەھەتتىن يېنىكلەپ ، كەيپىياتىڭىزنى ياخشىلىغىلى بولىدۇ . يۆتكەش . مەلۇم بىرىگە بولغان بىزارلىق ، غەزەپلىنىش كەيپىياتىڭىزنى باشقا بىر ئوبيېكىتقا يۆتكەپ ، ئاچچىقىڭىزنى ياندۇرۇڭ . ئىنكار قىلىش . ئۈمىدۋار بولۇپ ئۆزىڭىزدە بىرەر كۆڭۈلسىزلىك بارلىقىنى ئىنكار قىلىڭ . يول قويۇش . قارشى تەرەپ كۆڭلىڭىزنى ئاغرىتسا ، تىغمۇتىغ تاقابىل تۇرماي ، ئاقىلانىلىك بىلەن يول يول قويسىڭىز ، ئازارلىشىشتىن ساقلىىنالايسىز ھەمدە تەربىيە كۆرگەنلىكىڭىزنى نامايەن قىلالايسىز . تەسەۋۋۇر قىلىش . ئاۋۋال كۆزئالدىڭىزدىكى ئوسال ھالەتكە تەن بېرىڭ . ئاندىن ئۇ ئىشنى ھازىرقىدىنمۇ نەچچە ھەسسە ئوسال ھالەتتە تەسەۋۋۇر قىلىش ئارقىلىق ئۆزىڭىزگە تەسەللى بېرىڭ . ئورنىغا دەسسىتىش . ئۆزىڭىز قىزىقىدىغان ئەھمىيەتلىك بىر ئىشقا ياكى كەسىپكە پۈتۈن ۋۇجۇدىڭىز بىلەن بېرىلىپ ، تولۇپ تاشقان قىزغىنلىقنى ئاچچىقلىنىشنىڭ ئورنىغا دەسسىتىڭ . ئۆزىنى ئاقلاش . بىرەر باھانە –سەۋەب كۆرسىتىپ كەيپىياتىڭىز ۋە قىلمىشىڭىزنى چۈشەندۈرۈش ئارقىلىق كەيپىياتىڭىزنى ياخشىلاڭ . مەنبە:ساغلاملىق خەۋىرى |
