جۇڭگو مىكروسوفتنىڭ نوكىيانى سېتىۋېلىشىنى تەستىقلىدى

رىيتېر ئاگېنىتلىقىنىڭ خەۋەر قىلىشىچە ، جۇڭگو ھۆكۈمىتى يېقىندا ئاللىقاچان مىكروسوفتنىڭ نوكىيانى سېتىۋېلىش سودىسىنى تەستىقلىغان، نوكىيامۇ سەيشەنبە كۈنى جۇڭگو ھۆكۈمىتىنىڭ بۇ سودىنى تەستىقلىغانلىقىنى بىلدۈرگەن ، مىكروسوفتنىڭ نوكىيانى سېتىۋېلىش سودىسى 4-ئاي ئىچىدە تاماملىنىشى مۇمكىن .

بۇلتۇر 9-ئايدا مىكروسوفت شىركىتى 5 مىليارد400 مىليون ياۋرۇغا نوكىيا شىركىتىنىڭ يانفون كەسىپىنى سېتىۋالىدىغانلىقىنى جاكارلىغان ئىدى .

نوكىيا تەرەپ سەيشەنبە كۈنى مۇنداق بىلدۈرگەن:« نوكىيا ۋە مىكروسوفتنىڭ سودىسى ھازىر جۇڭخۇا خەلق جۇمھۇرىيىتى ، ياۋرۇپا ئىتتىپاقى ، ھىندىستان ، ئامېرىكا تەپتىش ئورگىنى ۋە باشقا نازارەت ئورگانلىرىنىڭ تەستىقىنى قولغا كەلتۈردى.»
جۇڭگو بۇ سودىنى تەستىقلىغاندىن كېيىن نوكىيانىڭ پاي باھاسى %2.4 ئۆرلەپ ھەربىر پېيىنىڭ باھاسى 5.44 ياۋرۇغا يەتكەن.