كورىيە ئاسىيا ئىقتىساد خەنزۇچە تور بېكىتىنىڭ خەۋەرلىرىگە قارىغاندا، كورىيە چېگرىدىن كىرىش-چىقىشنى باشقۇرۇش ئىدارىسىنىڭ مۇناسىۋەتلىك خادىملىرىنىڭ ئاشكارلىنىشىچە « 1-ئىيۇلدىن باشلاپ، D-4،D-2چەت ئەلدە ئوقۇش ۋىزىسىنى ئۇزارتىش كاپالەت سوممىسىنى ئەسلىدىكى 3 مىليون كورىيە پۇلىدىن 13مىڭ ئامېرىكا دوللىرىغا ئۆرلىتىۋەتتى» (كورىيە پۇلىغا سۇندۇرسا تەخمىنەن 14 مىليون كورىيە پۇلى بولىدۇ ).

　　تاپشۇرۇپ بولغان ئوقۇش پۇلىمۇ بۇنىڭ ئىچىدە، يەنى ئامانەت قويغان پۇل بىلەن ئوقۇش پۇلىنى قوشقاندا 14 مىليون كورىيە پۇلى بولغان. بۇنىڭدىن باشقا ئامانەت قويغان پۇلنىڭ كونكرېت ۋاقىت چەكلىمىسى يوق، ھەتتا 24 سائەتلىك توڭلىتىش ئىسپاتىمۇ بېجىرىش ھاجەتسىز، ۋىزا ۋاقتىنى ئۇزارتقاندا پەقەت بانكا پۇل ئامانەت كىنىشكىسىنىڭ ئەسلى نۇسخىسى بىلەن كۆپەيتىلمە نۇسخىسى بولسىلا كۇپايە قىلىدىكەن.

　　يېقىندا، نۇرغۇنلىغان جۇڭگولۇقلار كورىيە بېرىپ ئوقۇشنى تاللىغان، لىكىن كورىيەگە كىلىپ ئوقۇۋاتقان جۇڭگولۇقلاردا قار ئىشچى بۇلۇپ ئىشلەۋاتقان ھادىسىلەر دائىم كۆزگە چېلىقىپ تۇرىدىكەن، ئالاقىدار ئىشلارنىڭ يۈز بېرىشىدىن ساقلىنىش ئۈچۈن، كورىيە ھۆكۈمىتى مۇناسىۋەتلىك تەدبىرلەرنى يولغا قويغان، ۋىزىنى ئۇزارتىش كاپالەت سوممىسىنى يۇقىرى كۆتۈرۈش يولغا قويغان تەدبىرنىڭ بىر تۈرى.

　　تىلغا ئېلىشقا ئەرزىيدىغىنى بولسا ئەگەر ئىلتىماس قىلغۇچىنىڭ ئوتتۇرىچە نەتىجىسى cدىن يۇقىرى بولسا، ھەم ياخشىراق مەكتەپتە ئوقۇسا، كاپالەت سوممىسىنى ئەھۋالىغا قاراپ ئازايتىدىكەن، لىكىن كونكرېت سوممىسىنى كورىيە چېگرىدىن كىرىش-چىقىشنى باشقۇرۇش ئىدارىسىنىڭ خىزمەتچى خادىملىرى قارار قىلىدىكەن.

　　يەنە بىر تەرەپتىن، چەت ئەلگە چىقىپ ئوقۇش ۋىزىسىنى ئۇزارتىش باشقا تەييارلىق ماتىرياللىرى كەڭ كۆلەمدە ئۆزگەرمىگەن، لىكىن رەسمىيەت ھەققى ئەسلىدىكى 30 مىڭ كورىيە پۇلىدىن 20 مىڭغا تۆۋەنلىگەن.

　مەنبە: ئۇزار تورى