ئۈرۈمچى كەچلىك گېزىتى خەۋىرى:

تاماق ئەتكەندە، سوغۇق سەي تەييارلىغاندا، قورۇما تەييارلىغاندا ئاچچىقسۇ قوشۇۋېتىلىسە، ئەتكەن تامىقىڭىزغا تەم كىرگۈزۈپلا قالماستىن، بەلكى يېيىشلىك بولىدۇ， ۋىتامىن Cنىڭ بۇزۇلۇپ كېتىشتىن ساقلانغىلى بولىدۇ.

 ئاچچىقسۇ بىلەن يۇقۇملۇق زۇكام قان تولغاق كېسەللىكىنىڭ ئالدىنى ئالغىلى بولىدۇ ھەم زەھەر قايتۇرغىلى بولىدۇ. 

ناۋادا زەھەرلىك، شورلۇق نەرسىلەرنى ئىستېمال قىلىپ زەھەرلەنسە، تېزلىكتە كۆپ مىقتاردا ئاچچىقسۇ ئىچىلسە، تېز قۇتقۇزۇش ئۈنۈمى بولىدۇ. 

ئاچچىقسۇنى ئۇزاق مۇددەت ئىستىمال قىلغاندا ئورۇقلاش مەقسىتىگە يەتكىلى بولىدۇ. 

ئاچچىقسۇنىڭ بۇنىڭدىن باشقا كۆپلىگەن خۇسۇسىيەتلىرى بار. مەسىلەن، كىيىم-كېچەك، تاۋار-دۇردۇن، شايى-ئەتلەس قاتارلىق رەخت، يىپەك توقۇلمىلىرىنى يۇيغاندا سۇغا ئازراق ئاچچىقسۇ تېمىتىۋەتسە، رەختنىڭ ئەسلى ھالىتىنى ساقلاپ قالغىلى بولىدۇ.

 ئاليۇمىن، مىس قاچىلارغا ئاچچىقسۇ سۈركەپ قۇرۇتۇلغاندىن كېيىن سۇ بىلەن يۇيۇۋەتسە، پارقىراقلىقى ئەسلىگە كېلىدۇ.

چايدان، چەينەكنى ئاچچىقسۇ بىلەن چايقىغاندا ئىچىگە ئورنىتىۋالغان قايناق سۇ كىرى چىقىپ كېتىدۇ.

 قوي گۆشى، كالا گۆشى پىشۇرغاندا ئازراق ئاچچىقسۇ تېمىتىۋەتسە، ئاسان پىشىدۇ. 

كىيىم كېچەكتىكى يەل-يېمىشلەرنىڭ سۈيى ياكى رەڭ يۇقۇپ قالسا داغ ئۈستىگە ئازراق ئاچچىقسۇ تېمىتىپ ئۇۋۇلىسا، داغ چىقىپ كېتىدۇ. 

ئاياق مايلىغاندا ماي ئۈستىگە بىرئاز ئاچچىقسۇ تېمىتىۋەتسە، بەك پارقىرايدۇ ھەم ماي ئۇزۇن تۇرىدۇ.