ئەنگلىيەلىك مۇتەخەسسىسلەر يېقىندا تەجرىبە ئىشلەپ مۇنداق ئەھۋالنى بايقىدى: ئادەمنىڭ يول مېڭىش سۈرئىتى 0.1 مېتىر/ سېكۇنت تېزلەشسە، ئۇلارنىڭ تۇيۇقسىز ئۆلۈپ كېتىش خەۋپى %12 تۆۋەنلەيدىكەن. مىسالغا ئالساق، 75 ياشتىن 84 ياشقىچە بولغان ئاياللارنىڭ ئارىسىدىكى تېز ماڭىدىغان (مېڭىش سۈرئىتى 1.4 مېتىر / سېكۇنت ياكى ئۇنىڭدىن تېز) ئاياللارنىڭ ئون يىل ئۆمۈر كۆرۈش نىسبىتى %92 تىن ئاشىدىكەن.

مۇتەخەسسىسلەر مۇنداق دېيىشتى: «پىيادە مېڭىش سۈرئىتى بىر ئادەمنىڭ ھاياتىي كۈچىنى بىۋاسىتە نامايان قىلىپ بېرەلەيدۇ، چۈنكى پىيادە مېڭىش بەدەندىكى نۇرغۇن ئەزا ۋە سىستېمىلارغا تەسىر كۆرسىتىدۇ. مەسىلەن: يۈرەك، ئۆپكە، مۇسكۇل، بوغۇم، سۆڭەك ۋە چوڭ مېڭە پىيادە مېڭىشنىڭ ئىجابىي تەسىرىگە ئۇچرايدۇ، شۇڭا مۇنداق دېيىشكە بولىدۇ: ئادەمنىڭ پىيادە مېڭىش سۈرئىتى شۇ ئادەمنىڭ بەدەن سۈپىتىگە ھۆكۈم قىلىشتىكى مۇھىم ئاساسلارنىڭ بىرى».

ئەسلى مەنبە: ئۈرۈمچى كەچلىك گېزىتى