تارىخنىڭ سۆڭىكى
ئەنۋەر سىيىت
كونا قەلئەنىڭ تەكتىدە مۇسىبەت،
ئاھ، ئاھىم يەتكەي پەلەك قەھرىگە.
تاشلانغان كروران گۈزىلى گاھ،
قاتقان كۆڭۈللەرنىڭ ئىچ-بەھرىگە.
سىزمىلاردىكى ئۇدارسىز ئوينى،
سۆيۈۋالغۇم كېلىدۇ قىزغۇچ رەڭدە.
قانلار دولقۇن ياسايدۇ بەك قىزىل،
كۆك رەڭ يېقىلغان كەڭ-كەڭرى كۆلدە.
تومۇرلاردا ئاققان سوغ مۇزلاردەك،
شۇنچىلىك كۆرۈمسىز تۈستە يېشىل.
ھاياتىنىڭ ئايىغىنى داۋام ئېتەر،
مۇزېيىدا يالىڭاچلانغان گۈل-قىزىل.
