ھايات نىداسى
مۇختار بۇغرا
مېنى بىلدىم دەيدۇ، بىلمەس ھېچنىمە،
بەزىلەر ئۆزىنى چۈشەنمەس تېخى.
شېرىن مېۋىلەرگە قانغۇچىلارنىڭ،
ياۋا ئوت-چۆپلەرگە قاپلانغان بېغى.
سەن ناۋاي ئەمەسسەن، مەن خېمىر ئەمەس،
تونۇردىن قىزىرىپ چىقىپ بەرمەيمەن.
جەلپكار، ئەيىبكار گاھ خالاسكارمەن،
بەزىدە جاللاتمەن، بەزىدە لەۋەن.
بەزىدە گۈزەلمەن، بەزىدە كېسەل،
ئادەم، مەن ياسىغان ئوماق ئويۇنچۇق.
قوينۇمدا بىر مەھەر قاناتلار قاققان،
قەپەستە قان بولۇپ سايرار تومۇچۇق.
