ئاسما ئوكۇل ھەقىقەتەن قان تومۇرنى راۋانلاشتۇرامدۇ؟
يېقىندا «بىر يىلدا ئىككى قېتىم ئاسما ئوكۇل سالدۇرسا، قان تومۇرلار راۋانلىشىدۇ» دېگەن گەپ پەيدا بولدى، شۇڭا قىش كىرگەن پەيتتە يۈرەك ۋە مېڭە قان تومۇر كېسىلى بارلار دوختۇرخانىلارنىڭ ئوكۇل سېلىش بۆلۈمىنى ئاۋاتلاشتۇردى. بىراق مۇتەخەسسىسلەر مۇنداق دېيىشتى: «مۇنداق بىكاردىن بىكار ئاسما ئوكۇل سالدۇرۇپ تومۇرلارنى راۋانلاشتۇرۇش ئارقىلىق سەكتە، يۈرەك ۋە مېڭە قان تومۇر كېسەللىكلىرىنىڭ ئالدىنى ئېلىش ئۇسۇلى ئىشەنچىلىك ئەمەس، شۇنداقلا بۇنىڭ ئىلمىي ئاساسى يوق، ھەتتا ساغلاملىققا زىيان سالىدۇ».
مۇتەخەسسىسلەر يەنە مۇنداق دېيىشتى: «يۈرەك ۋە مېڭە قان تومۇر كېسەللىكلىرىگە گىرىپتار بولغان ئاغرىقلارغا نىسبەتەن ئېيتقاندا، ئۇلاردا يۈرەك ۋە مېڭە قان تومۇر كېسەللىكلىرى قوزغالغانلىقنى بىلدۈرىدىغان باش قېيىش، مەيدە چىڭقىلىشقا ئوخشاش ئالامەتلەر كۆرۈلسە، دوختۇر قان تومۇرنى راۋانلاشتۇرىدىغان ئوكۇل بېرىدۇ. يۈرەك ۋە مېڭە قان تومۇر كېسەللىكلىرىگە ئىشلىتىلىدىغان ئاسما ئوكۇل ھەقىقەتەن قاننىڭ يېپىشقاقلىقىنى تەڭشەپ، قان تومۇرنى كېڭەيتىپ، مېڭىگە بارىدىغان قاننى كۆپەيتسىمۇ، بىراق بۇنداق بىكاردىن - بىكار ئاسما ئوكۇلنى سالدۇرۇشنىڭ پايدىسى بارلىقى تېخى كىلىنىكىلىق دەلىللەشتىن ئۆتكىنى يوق».
ئەسلى مەنبە: ئۈرۈمچى كەچلىك گېزىتى
