"ئۇ"لۇغلۇقتىن باشلانغان نەسەب
ئەسرلەرنىڭ چاپقۇنلىرىدا
سىڭىپ كېتىپ تەكلىماكانغا
ئېغىر - ئېغىر ئېپتىمىش نەپەس .
كۆك بۆرىنىڭ كۈكۈش يايلىدىن
ئۇچۇپ چىققان ئۇيغۇر تەقدىرى .
ئۇندا نە قىلسۇن ئالتۇن قەپەز .
مانا بۇ قىسمەت ، ئوغۇزخان !
تىرىۋالغىن قارچۇقلىرىڭنى ،
مەڭگۈلۈك ساڭا ئەبەدىي مەنسۇپ .
كارۋان يولىدا ھۇشقىيتار بوران

ئانا دىمەك-مىللەت دىمەك،بەخىت دىمەك
ئانا دىسە ئىرەر ھەتتاباغرى قاتقان يۈرەك

ئانىنىڭ ئۇھلىرى گويا ھەسرەتلىك ناخشا
غەمكىن ئانىلارنىڭ قوللىرىدا يارالغان دۇنيا

ئانام ئۈچۈن قىلاي مىڭ قېتىم جېنىمنى پىدا
يەتسەدەيمەن ئەگەر تەڭرىگە بۇلۇپ نىدا

(لۇتپۇللا مۇتەللىپ)

ۋاقىت ئالدىراڭغۇ ساقلاپ تۇرمايدۇ ،
يىللار ۋاقىتنىڭ ئەڭ چوڭ يورغىسى .
ئاققان سۇلار ،ئاتقان تاڭلار قايتىلانمايدۇ ،
يورغا يىللار ئۆمۈرنىڭ يامان ئوغرىسى .

ئوغرىلاپلا قاچىدۇ ئارقىغا يانماي ،
بىر-بىرىنى قوغلىشىپ ،يورغىلىشىپ .
ياشلىق بېغىدا بۇلبۇللار قانات قاقماي ،
يوپۇرماقلار قۇيۇلىدۇ پورلىشىپ

ئابدۇخالىق ئۇيغۇر: ئويغان

ئەي پېقىر ئۇيغۇر ، ئويغان ، ئۇيقۇڭ يېتەر ،
سەندە مال يوق ، ئەمدى كەتسە جان كېتەر ،
بۇ ئۆلۇمدىن ئۆزۈڭنى قۇتقازمىساڭ ،
ئاھ ، سېنىڭ ھالىڭ خەتەر ، ھالىڭ خەتەر .

قوپ ! دېدىم ، بېشىڭ كۆتەر! ئۇيقۇڭنى ئاچ !
رەقىبىڭ باشنى كەس ، قاننى چاچ !
كۆز ئېچىپ ئەتراپقا ئوبدان باقمىساڭ ،
ئۆلىسەن ئارماندا بىر كۈن نائىلاج .