j k p merkiziy komitët ben'gungtingi, Gowuyüen ben'gungtingi «uqturush» tarqatti

    xelq tori uyghurche qanilining 24-dëkabir bëyjingdin bergen tëlëgrammisi: j k p merkiziy komitët ben'gungtingi, Gowuyüen ben'gungtingi yëqinda «2016-yilliq yëngi yil, Chaghan mezgildiki alaqidar xizmetlerni yaxshi ishlesh toghrisidiki uqturush»ni tarqatti.

    2016-yilliq yëngi yil, Chaghan mezgilidiki alaqidar xizmetlerni heqiqiy yaxshi ishlep, Memlikettiki her millet ammining xushal-xuram, Tinch-aman bayram ötküzüshige kapaletlik qilish üchün, J k p merkiziy komitëti, Gowuyüenning maqulliqi bilen töwendikidek uqturush tarqatti:

    birinchi, Qiyinchiliqi bar ammining turmushigha yardem bërish xizmitini puxta ishlep, Nishanliq qutquzup, Namratlarni del jayida yölesh kërek.

    ikkinchi, Muhim tawarlar bilen teminleshke kapaletlik qilish xizmitini yaxshi ishlep, Bayramliq bazarning muqim yürüshishige kapaletlik qilish kërek.

    üchinchi, Ammining meniwi-medeniyet turmushini bëyitip, Junggoche bayram keypiyati berpa qilish kërek.

    tötinchi, Chaghanliq yoluchi toshush xizmitini estayidil teshkillep, Xelq ammisining bayramda yolgha chiqishigha yaxshi mulazimet qilish kërek.

    beshinchi, Bixeter ishlepchiqirish xizmitini heqiqiy ching tutup, Jemiyetning inaq, Muqimliqini qanun boyiche qoghdash kërek.

    altinchi, Bayramni tëjeshlik, Medeniy ötküzüshte ching turup, Yaxshi ijtimaiy keypiyatni teshebbus qilish kërek.

    yettinchi, Merkezning sekkiz türlük belgilimisining rohini chongqur emeliyleshtürüp, Pak-diyanetlik bolush, Özige qattiq telep qoyushni qattiq ijra qilish kërek.

    sekkizinchi, Her derijilik rehbiriy kadirlarning mesuliyitini kücheytip, Dijorniliq qilish xizmitini estayidil ishlesh kërek.

    jaylar, Tarmaqlar yüksek ëtibar bërip, Teshkiliy rehberlikni kücheytip, Yëngi yil, Chaghan mezgilidiki alaqidar xizmetlerni estayidil orunlashturup, Uqturush rohini emeliyleshtürüshke kapaletlik qilish kërek.