نېمە ئۈچۈن ئاياللارنىڭ يۈزىگە بۇلۇپمۇ كۆز قىسىمى ئەتىراپىغا 25 ياشتىن باشلاپ قورۇقنىڭ ئىزلىرى پەيدا بۇلىدۇ؟
تەتقىقاتچىلارنىڭ كۆرسىتىشىچە، ئاياللارنىڭ يېشىنىڭ چوڭىيشىغا ئەگىشىپ، تېرىسى يىرىكلىشىش، قۇرغاقلىشىش، سۇ كەمچىلىك، تېرىنىڭ ئىلاستىكىلىقى ناچار بۇلۇشتەك ئەھۋاللار يۈز بېرىدىكەن.
يۈز قىسىمىدىكى قورۇقنىڭ پەيدا بۇلۇش تەرتىپىنى سۆزلىگەندە: 20 ياشتىن باشلاپ ئوڭ-سول پىشانىسىدە ئىنىچكە قورۇقنىڭ ئىزلىرى پەيدا بۇلۇشقا باشلايدىكەن. 30ياشتا بۇ پىشانىدىكى قورۇقلار كۆپۈيۈشكە ۋە چوڭقۇرلاشقا باشلايدىكەن، شۇنداقلا كۆز قۇيرۇقى ئەتىراپىدىمۇ قورۇق كۆرىلىدىكەن. 40 ياشتا بولسا بۇ قورۇقلا تېخىمۇ ئېنىقلىشىش بىلەن بىرگە يۈزىدە باشقا قورۇقلارمۇ پەيدا بۇلىدىكەن. 50 ياشتا بۇرۇن ۋە ئېغىز ئەتىراپىدىكى قورۇقلار چوڭقۇرلۇشۇپ، ئويما بۇلۇشقا باشلايدىكەن. 60 ياشتىن باشلاپ بۇ يۈز قىسىمىدىكى قورۇقلار كۈچۈيۈپ بارىدىكەن.
بۇنىڭدىن شۇنى كۆرۋېلىشقا بۇلىدىكى ئاياللارنىڭ يۈزىدىكى قورۇقنى ئازايتىش باسقۇچى 20 ياشتىن باشلاپ ئېلىپ بېرىلسا ئۈنىمى ياخشى بۇلىدىكەن.
تەتقىقاتچىلارنىڭ كۆرسىتىشىچە، قورۇق چۈشۈشنىڭ سەۋەبى بولسا ئاساسلىقى يۈز تېرىسىدىكى سۇنىڭ كەمچىل بۇلىشىدىن كېلىپ چىقىدىكەن، شۇڭا يۈز يۇيغاندا سۇنى ياخشى سىڭدۈرسىڭىز، سۇ ساقلاش ئۈنۈمى ياخشى بولغان سۇ تۇللۇقلاش گىرىم بۇيۇملىرىنى ئىشلەتسىڭىز يۈزىڭىزدىكى قورۇقنىڭ چۈشۈش ۋاقتىنى كىچىكتۈرۈش رولى بار ئىكەن.
كۆز ئەتىراپىدىكى قورۇقلارغا كەلسەك كۈندە كەچلىكى ياكى ئەتىگىنى باش بارمىقىڭىز بىلەن كۆزىڭىزنىڭ ئاستى تەرىپىدىن باشلاپ ئۈستىگە سىرىش ھەركىتىنى قىلىپ بەرسىڭىز پايدىلىق ئىكەن.
ئەلۋەتتە قورۇق چۈشۈشنى ھۆسۈن تۈزەش ئوپېراسېيەسىدىن باشقا گىرىم بۇيۇملىرى ئىشلىتىپ پۈتۈنلەي يۇقۇتۇش مۇمكىن ئەمەس.لېكىن تېرىڭىزنى ئاسىراپ ياخشى بولغان گىرىم بۇيۇملىرىنى ئىشلىتىپ، يۈز تېرىڭىزنىڭ نەملىكىنى ياخشى ساقلىسىڭىز، كەيپىياتىڭزنى ياخشى تۇتسىڭىز قورۇق چۈشۈشنى كىچىكتۈرەلەيسىز، ھەم قورۇقنى ئازايتالايسىز.
خەۋەر تورى |