گۈزەللىك ۋە نومۇس

گۈزەللىك  بىر ھەكىم مۇنداق دەيدۇ: مۇنداق تۆت تۈرلۈك سۈپەت بىر ئادەمنىڭ ۋۇجۇدىدىن تېپىلسا، ئۇ باشقا ئادەمنىڭ ۋۇجۇدىدىن تېپىلغاندىكىدىن تېخىمۇ گۈزەل بولىدۇ. 1.شەرمى-ھايا ئوغۇللاردا بولسا گۈزەل، لېكىن قىزلاردا بولسا تېخىمۇ گۈزەلدۇر. 2. ئادالەت ھەر ئادەمدە بولسا گۈزەل، لېكىن باشلىقتا بولسا تېخىمۇ گۈزەلدۇر. 3. توۋا قىلىپ يېڭى ئادەم بولۇش ياشانغان ئادەمدە بولسا گۈزەل، لېكىن ياشلاردا بولسا تېخىمۇ گۈزەلدۇر. 4. سېخىيلىق بايلاردا بولسا گۈزەل، لېكىن كەمبەغەللەردە بولسا تېخىمۇ گۈزەلدۇر.  نومۇس بىر ھەكىم مۇنداق دەيدۇ: تۆت تۈرلۈك قىلمىش بىر ئادەمنىڭ ۋۇجۇدىدىن تېپىلسا ، باشقا بىر ئادەم ۋۇجۇدىدىن تېپىلغاندىكىدىن تېخىمۇ قەبىھ بولىدۇ. 1. ياشلار گۇناھ قىلسا نومۇس، لېكىن قېرىلار گۇناھ قىلسا تېخىمۇ نومۇستۇر. 2. نادان ھەۋەسنىڭ كەينىگە كىرسە نومۇس، لېكىن دانا ھەۋەسنىڭ كەينىگە كىرسە تېخىمۇ نومۇستۇر. 3. ئاۋام ياخشى ئىشلاردىن باش تارتسا نومۇس، لېكىن ئەھلى ئۆلىمالار ياخشى ئىشلاردىن باش تارتسا تېخىمۇ نومۇستۇر. 4. بايۋەچچە ئۆزىنى چوڭ تۇتسا نومۇس، لېكىن نامرات ئۆزىنى چوڭ تۇتسا تېخىمۇ نومۇستۇر.

كۆرۈلۈشى:1900

قوشۇلغان ۋاقتى:2011/7/21 12:11:14

يوللىغۇچى ئەزا: