نامراتچىلىق

يۈرەكىم  سىقىلدى ... توختىدى  تىنىق...         نىمىشقا  دەمسىزما... بىلمەيمەن  ئېنىق...          دىسەممۇ  كونا  گەپ  خوش  ياقماس  بەلكىم ،        باشقا بىر ئىش ئەمەس ...شۇ  نامراتچىلىق . قارىسام  ئەتراپقا  بىچارە  بەك  جىق ،     يۈرۈكۈم  ئېچىشار  كۆرسەم  شۇنچىلىك .        نامراتلىق  پاتقىقىدا  ھالسىز  ئىڭراشلار... دېمىمنى  سىقىدۇ  شۇ  ئېغىر  تىنىق .      يۇرتىمىز  بايلىققا  تولغان  لىپمۇ - لىق ،      زىرائەتمۇ  ئوخشايدۇ  يوق  قەھەتچىلىك .            تىنىم  تاپماي  ئىشلەيمىز...ھەتتا  بىر  ئۆمۈر،              نىمىشقا  بىز  باي  ئەمەس  باشقا  خەقچىلىك...              يۇرت-يۇرتلاردا  باش  كۆتۈردى  سەرگەردانچىلىق،              ئوغرى، بۇزۇق  بوپ  كەتتۇق...جاھاندارچىلىق...            بىز  ئۈچۈن  پۇل  تاپقۇدەك  بىرەر  يول  يوقمۇ ،      ياكى  بىزگە  بەخشەندىمۇ  بۇ  نامراتچىلىق .      خەۋەرلەردە  دىيىلدى... مول  مەمۇرچىلىق...   پۇخرالارنىڭ  كىرىمى  ئاشتى  مۇنچىلىك...   راستىنلا  شۇنداقمۇ...قەيەركەن  ئۇ  يەر...      نەدىكەن  شۇ  ئادەم ... بايكەن  قانچىلىك...        ئوقۇشسىز  قالغانلار  قانچە -  قانچىلىك ،            ئىش  ئىزدەپ  يۈرگەنلەر  تۈمەن  مىڭچىلىك .           ئالتۇن  تاۋاق  كۆتۈرگەن  تىلەمچى  بۇلۇپ ، يۈرەرمىز  بىز  يەنە  قاچانغىچىلىك  .  بىر  نان  تاپساق  قىلىمىز  مەنىمەنچىلىك ،     دىيىشىمىز  بىز  ياخشى...يوق  ئاچارچىلىق...   بىز دىگەن ھايۋان ئەمەس بەلكى بىر ئادەم... قورساق  ئۈچۈنلا  ياشاش  بىر  نادانچىلىق . ئويلايمەن  ھالىمىز  نىچۈن  بۇنچىلىك... تارتىمىز  بۇ  دەرتنى  يەنە  قانچىلىك... دەردى  يوق  ئادەم  يوق  بۇنى  بىلىمەن ،     دەردى  كۆپ  ئادەم  يوق  لىكىن  بىزچىلىك . بىلمىدىم  بۇ  دۇنيا  زادى  قانچىلىك ،     بولساقمۇ  تىرىشايلى  بىر  قۇرۇتچىلىك .          تۇغۇلدۇق، چوڭ  بولدۇق، قېرىپ  ئۆلىمىز...        بەك  قىسقا  بۇ  ھايات  مانا  شۇنچىلىك...

كۆرۈلۈشى:1647

قوشۇلغان ۋاقتى:2012/5/12 17:00:34

يوللىغۇچى ئەزا: