سۆيگۈ دېگەن بۇزۇلغان ئاھاڭ

سۆيگۈ دېگەن بۇزۇلغان ئاھاڭ، ئېيتقان ئۇنى ئاشىقلار كۈنۈپ. ۋىسال پەيتى لەززەتلىك قىسقا،     چىققان شېرىن سۆزلەردىن ئۈنۈپ.  سۆيگۈ دېگەن بۇزۇلغان ئاھاڭ، تەمى يەرلىك شىۋىدەك تاتلىق.  يېڭى ھايات باشلىنار سەرخۇش، كېلىپ تەلەي يىراقتىن ئاتلىق.   سۆيگۈ دېگەن بۇزۇلغان ئاھاڭ،     شورلۇق قىسمەت باغرىدا ياتقان. يارنى دەپلا ئۆرتىنىپ كۆڭۈل، ئۇزۇن تۈندە قوشاققا قاتقان.  سۆيگۈ دېگەن بۇزۇلغان ئاھاڭ،  ھەركىم بىلگەن پەدىگە چالغان.   ئوتلۇق كۈيلەر ياڭرىتىپ ئۇزاق، كوچا-كۇينى لەرزىگە سالغان.  سۆيگۈ دېگەن بۇزۇلغان ئاھاڭ،   ئۆرلەپ تۇرغان مۇڭىدىن پىراق. بولۇپ نازۇك بارمىقى يارا، تاشلاپ كەتكەن بىراۋلار يىراق.   سۆيگۈ دېگەن بۇزۇلغان ئاھاڭ،     بارى ئەبجەش تۇيغۇدىن پۈتكەن.   ھىجران دەردى بولسىمۇ ئاچچاق،  ئەمما، شېرىن لەززىتى كۈتكەن.

كۆرۈلۈشى:2097

قوشۇلغان ۋاقتى:2012/7/26 17:34:34

يوللىغۇچى ئەزا: