مۇھەببەت بۇلىقى -ئايال

ئۇلۇغلۇق تاجىنىڭ ساھىبى ئايال ، سۆيۈنەر ھۆرمەتتە سەندىن كۆڭۈللەر. ساداقەت ، ۋاپانىڭ ھامىيسىدۇر سەن ، ھەر باسقان ئىزىڭدىن ئېچىلغاي گۈللەر .   سەن بولماي جاھاندا مۇھەببەت نەدە ؟ ئائىلە بەرىكىتى كۈلكىسى نەدە ؟ كۆرۈنەر سەن بىلەن گۈزەل بۇ جاھان ، سېنىڭسىز مېھىرنىڭ نۇرى قەيەردە ؟   ئۈن-تىنسىز تارتىسەن بارچە جاپانى، سېنىڭسىز تۈگىمەس باشلاردىكى غەم . سېنىڭسىز پۈتمەيدۇ ساناقسىز ئىشلار ، ۋە ئەپسۇس چېكىسەن ساناقسىز ئەلەم .   ئەي ئايال،ھاياتلىق چىرىقى ئۆزۈڭ ، سەن بىلەن نۇرلىنار قاراڭغۇ دۇنيا . لاتاپەت، گۈزەللىك بۇلىقىدۇر سەن ، سېنىڭدە ئوقچۇيدۇ ئەخلاق ۋە ھايا.     ئايال سەن ۋاپاغا لىق تولغان دۇنيا ، مۇھەببەت ئالەمگە سەندىن تارايدۇ . ئەڭ ئېسىل زىننەتسەن رەڭدار دۇنياغا ، سەن بولغاچ مۇھەببەت مەڭگۈ ياشايدۇ .    -ئاينۇر سەيدىنھاجى

كۆرۈلۈشى:896

قوشۇلغان ۋاقتى:2012/3/8 10:56:54

يوللىغۇچى ئەزا: