بەك قىزىق ۋە بەك سوغۇق يېمەكلىكلەرنىڭ ھەممىسى مىجەز-خۇلۇققا زىيانلىق

تاماق يېگەندە، تاماقنىڭ ئىسسىق-سوغۇقلۇقى مۇۋاپىق بولۇشى كېرەك. بەك قىزىق تاماق ئېغىزنى كۆيدۈرۈپ قويماسلىقى، بەك سوغۇق يېمەكلىك چىشنى توڭلىتىپ ئاغرىتىشتىن ساقلىنىش كېرەك. كۈندىلىك تۇرمۇشتا بۇ ئىككى نوقتىغا دىققەت قىلغاندا، خىلىت تۇلۇقلاپ كەيپىياتنى ياخشىلاش ھەمدە ئاشقازان ۋە ئۈچەينى ئاسراش مەقسىتىگە يەتكىلى بولىدۇ. يازدا مۇز يېگەندە، چىش توڭلاپ ئاغرىش تۇيغۇسى بولىدۇ. بۇ دەل يېمەكلىكنىڭ تېمپېراتۇرىسىنىڭ ئاشقازان ۋە ئۈچەينىڭ بەرداشلىق بېرىش چېكىدىن ئېشىپ كەتكەنلىكىنى بىلدۈرىدۇ. بۇنداق سوغۇق يېمەكلىكنى يۇتىۋەتكەندىن كېيىن، ھەزىم قىلىش يولىنىڭ تېمپىراتۇرىسى شىددەت بىلەن چۈشۈپ، ئاشقازان-ئۈچەي قان تومۇرلىرى تېز سۈرئەتتە تارتىشىپ قېلىش (痉挛) ئەھۋالى كېلىپ چىققانلىقتىن قان ئايلىنىش ئازلايدۇ. بۇنىڭ بىلەن فىزىئولوگىيىلىك ئىقتىدارى يوقىلىپ، ئادەمنىڭ يېمەكلىكنى ھەزىم قىلىش ۋە قوبۇل قىلىشى تەسىرگە ئۇچرايدۇ. ئۇنىڭدىن باشقا، ئاشقازان-ئۈچەي سوغۇقنىڭ غىدىقلىشىغا ئۇچرىغانلىقتىن، ئاشقازان-ئۈچەينىڭ لۆمۈلدىشى كونتروللۇقنى يوقىتىدۇ-دە، ۋاقىتنىڭ ئۇزىرىشىغا ئەگىشىپ ئاستا خاراكتىرلىق ئاشقازان ئاغرىش، قورساق ئاغرىش، قۇسۇش ھەمدە ئۇزۇقلۇق ناچار بولۇش قاتارلىق كېسەللىكلەر كېلىپ چىقىدۇ. شۇڭا كېسەلچان كىشىلەر ئالاھىدە دىققەت قىلىشى كېرەك. قىزىققا نىسبەتەن ئېلىپ ئېيتقاندا، كالپۇكنىڭ سېزىمچانلىقى تىل ۋە ئېغىز بوشلۇقىدىن سەزگۈر. ئەگەر كالپۇك قىزىق يېمەكلىككە يولۇققاندا كۆيۈشۈپ ئاغرىسا، بىردەم توختاپ يېگەننىڭ زىينى يوق. ھازىرقى زامان تېببىي ئىلمى ئېغىز بوشلۇقىدىكى شۆلگەي ئېنزىمى (唾液酶) نىڭ ئەڭ مۇۋاپىق تېمپىراتۇرىسىنىڭ 37 گرادۇس ئىكەنلىكىنى ئوتتۇرىغا قويدى. شۇڭا 37 گرادۇس ئەتراپىدىكى يېمەكلىك ئەڭ ئاسان ھەزىم بولغاندىن سىرت، ئادەم بەدىنىنىڭ ساغلاملىقى ئۈچۈن ئەڭ پايدىلىق. ھەر بىر ئادەم توغرا بولغان يېمەك-ئىچمەك ئادىتىنى يېتىلدۈرۈشى كېرەك. يەنى تاماق بەك ئىسسىقمۇ بولۇپ كەتمەسلىك، بەك سوغۇقمۇ بولۇپ كەتمەسلىك كېرەك. ئالاھىدە دىققەت قىلىشقا تىگىشلىكى، قىزىق يېمەكلىكنى يەپ بولۇپلا ئارقىدىن سوغۇق نەرسىلەرنى يېمەسلىك كېرەك. ياز كۈنلىرى ئاچچىق-چۈچۈك شورپا (麻辣烫)، يەل قازان (火锅) قاتارلىقلارنى ئاز يېيىش كېرەك. ئەگەر بۇ خىل يېمەكلىكلەرنى يېيىشكە توغرا كەلسە، سوغۇق نەرسىلەرنى يېمەسلىك كېرەك. ئۇنىڭدىن باشقا، توڭلاتقۇدىن ئالغان مۇز توڭلاپ قالغان تاۋۇز، سۇغۇق ئىچىملىك قاتارلىقلارنى بىر ئاز قويۇپ قويۇپ ئاندىن يېيىش كېرەك.

كۆرۈلۈشى:700

قوشۇلغان ۋاقتى:2012/5/17 12:30:10

يوللىغۇچى ئەزا: