قەھۋە ئادەمنى ھۇرۇن قىلىپ قويامدۇ ؟

كولومبىيە ئۇنىۋېرسىتېتىنىڭ ئەڭ يېڭى تەتقىقاتىدىن قارىغاندا، قەھۋە ئارقىلىق روھى كەيپىياتنى كۆتۈرۈش پەقەت ھۇرۇن ئادەملەر ئۈچۈنلا ئۈنۈملۈك ئىكەن. ئەسلىدىلا تىرىشچان ئادەملەر قەھۋە ئىچسە خىزمەت ئۈنۈمىنى تۆۋەنلىتىۋېتىدىكەن. قەھۋە ئادەمنى ھۇرۇن قىلىپ قويامدۇ؟ ھازىر، ئەتىگەندە بىر ئىستاكان قەھۋە ئىچىپ روھى كەيپىياتنى كۆتۈرۈش خېلى كۆپ ئاق ياقىلىقلار ئۈچۈن بىر خىل ئادەت بولۇپ قالدى. كېچىلىك سىمىنا ئىشلەيدىغان شوپۇرلاردىن تارتىپ كېچىلەپ كىتاب يادلايدىغان ئالىي مەكتەپ ئوقۇغۇچىلىرىغىچە نۇرغۇنلىغان ئادەملەر قەھۋەگە ئوخشاش كەيپىياتنى كۆتۈرىدىغان نەرسىلەرنى ئىشلىتىپ، ئۆزىنى سەگەكلەشتۈرۈپ، خىزمەت ئۈنۈمىنى يۇقىرى كۆتۈرىدۇ. لېكىن ئەڭ يېڭى تەتقىقاتتىن بايقىلىشىچە، قەھۋە كەيپىياتنى كۆتۈرمەيلا قالماستىن يەنە خىزمەت ئۈنۈمىنى تۆۋەنلىتىۋېتىدىكەن. ئەنگىلىيەدە چىقىدىغان نوپۇزلۇق ژۇرنال «تەبىئەت» ئىلمى ژۇرنىلىدا ئېلان قىلىنغان كولومبىيە ئۇنىۋېرسىتېتى پىسخولوگىيە فاكۇلتېتى ئىشلىگەن ئەڭ يېڭى تەتقىقاتنىڭ نەتىجىسىدە، كىشىلەر كەيپىياتنى كۆتۈرىدۇ دەپ قارىغان قەھۋە ماددىسى قاتارلقلارنىڭ خىزمەت ئاكتىپلىقىنى يۇقىرى كۆتۈرۈشكە پايدىسى يوقلۇقى كۆرسىتىلگەن. تەتقىقات يېتەكچىسى چۈشەندۈرۈپ،-«بۇ قېتىملىق تەتقىقاتتا كەيپىيات كۆتۈرگۈچى ماددىلارنىڭ ئەكس تەسىرىنى بايقىدۇق» دېگەن. -«چاشقان ئۈستىدىن ئىشلەنگەن تەتىقىقاتتىن شۇ مەلۇم بولدىكى، قەھۋە ماددىسىغا ئوخشاش ماددىلار تىرىشچان چاشقانلارنى ھورۇنلاشتۇرىۋەتتى...». يۇقىرىقى تەتقىقات ئادەمنى سەل ئۈمىدسىزلەندۈرىدۇ. ئەمما، خارۋارد ئۇنىۋېرسىتېتىنىڭ پروفېسسورى قەھۋەنىڭ ئەۋزەل تەرەپلىرىنى تونۇشتۇرۇپ،- « قەھۋەنى بىر خىل ئاجايىپ ئېسىل دورا دېيىشكە بولىدۇ» دەپ كۆرسەتكەن. قەھۋەنىڭ ئاجايىپ ئۈنۈمى كېسەللىكلەرنىڭ تارقىلىش ئىلمى بويىچە ئىشلەنگەن نۇرغۇنلىغان تەتقىقات نەتىجىلىرى قەھۋەنىڭ تۆۋەندىكىدەك ئاجايىپ ئۈنۈمى بارلىقىنى ئىسپاتلىدى: كۈندە 3 ئىستاكاندىن ئارتۇق قەھۋە ئىچىپ بەرسە، ئاياللارنىڭ تېرە راكىغا گىرىپتار بولۇش خەتىرىنى %20 تۆۋەنلىتىدۇ. كۈندە 6 ئىستاكاندىن ئارتۇق قەھۋە ئىچىپ بەرسە، ئەرلەرنىڭ مەزى بېزى راكىغا گىرىپتار بولۇش خەتىرىنى %60 تۆۋەنلىتىدۇ. كۈندە 1 ئىستاكان قەھۋە ئىچىپ بەرسە، ئاياللارنىڭ شامالدارىپ قېلىش خەتىرىنى %20 تۆۋەنلىتىدۇ. ئىگىلىنىشىچە، ئادەتتىكى قەھۋەگە قارىغاندا قارا قەھۋە ئىچسە ياخشى ئىكەن.

كۆرۈلۈشى:1108

قوشۇلغان ۋاقتى:2012/5/17 12:25:19

يوللىغۇچى ئەزا: