مىكروسوفت Metro چە پۈتۈنلەي ئۇيغۇرچە كۆرۈنمە يۈزدىكى E-Mail مۇلازىمىتى Outlook.com نى ئوتتۇرىغا چىقارماقچى!
مىكروسوفت تېخى يېقىندا ئۆزىنىڭ Office ئورگان بلوگىدا بايانات ئېلان قىلىپ، E-Mail مۇلازىمىتىنى تېخىمۇ ياخشىلىماقچى ئىكەنلىگىنى، ھەمدە ھازىردىن باشلاپ بىر قىسىم ئۆزگەرتىشلەرنى ئېلىپ بېرىشنى قارار قىلغانلىقىنى، شۇ سەۋەپتىن Outlook.com نامىدىكى يېڭى ئى-خەت مۇلازىمىتىنى يولغا قويغانلىقىنى جاكارلىدى. بۇ ئۆزگەرتىشلەرنىڭ ئارىسىدىكى بىرسى، ئېنىقكى بىز ئۈچۈن خۇشخەۋەر بولۇپ ھېسابلىنىدۇ…
Outlook.com پۈتۈنلەي Metro كۆرۈنمە يۈزىدە لايىھەلەنگەن بولۇپ، ئەڭ يېڭى نەشىردىكى Office 2013 ۋە Windows8 كە تېخىمۇ يېقىنلاشتۇرۇلغان. كىشىگە بېرىدىغان تەسىرى ئىنتايىن پاكىز، ئىخچام. ئەلۋەتتە، خۇددى ئىلگىرى «Windows8 نىڭ ئۇيغۇرۇچىسى چىقىدۇ» دا ئېيتقىنىمىزدەك، مىكروسوفت بۇداقى مەھسۇلاتلىرىدا ئۇيغۇرچىنىمۇ ئويلاشقان بولۇپ، يېڭى ئېلان قىلىنغان Outlook.com مۇ، نۆۋەتتە پۈتۈنلەي ئۇيغۇرچە كۆرۈنمە يۈزگە ئىگە بىردىنبىر ئى-خەت مۇلازىمىتى بولۇپ ھېسابلىنىدۇ.
يۇقارقى رەسىم گۈدۈكتىن ئېلىندى
ئەلۋەتتە، بۇ يەردە مەن يېڭىلىقلارنى بىرمۇ-بىر چۈشەندۈرۈپ ئولتۇرۇشقا ئامالسىز، ئىشىنىمەنكى بۇ يازما ئېلان قىلىنغاندىن كېيىن نۇرغۇن تورداشلار بېرىپ يېڭىدىن Outlook.com نامىدىكى ئىلخەت ئىلتىماس قىلىشى ياكى بۇرۇنقى live، Hotmail ھېساباتى ئارقىلىق كىرىپ كۆرۈش جەريانىدا تەپسىلاتىنى ھېس قىلالايدىغىنىغا ئىشىنىمەن.