ئامېرىكا دۆلەت مۇداپىئە مىنىستىرلىقى ياۋروپا ۋە ش ئا ئە ت سىياسىتى مەھكىمىسىنىڭ باشلىقى شىمىس يېقىندا مۇنداق دىدى:<بەش بۇرجەكلىك بىنا ياۋروپادىكى ئامېرىكا ئارمىيەسىنىڭ يېرىمىنى قىسقارتىشنى ئويلىشىۋاتىدۇ،بىراق ھۆكۈمەت بۇ ھەقتە تېخى قارار چىقارمىدى،بەلكىم دۆلەت مۇداپىئە مىنىستىرلىقىنىڭ 6-فېۋرال ئېلان قىلىنىدىغان يېڭى بىر يىللىق خامچوت لاھىيىسىگە ئاساسەن،ئېنىق قارار چىقىرىلىشى مۇمكىن >.
شىمىس يەنە مۇنداق دىدى:<بىز ياۋروپاغا تۆت بىرگادا ئەسكەر ئورۇنلاشتۇرغان ،لېكىن نۇرغۇن قىسمىمىز باشقا رايونلارغا ئورۇنلاشتۇرۇلدى،ئۆتكەن10يىلدا ئاز بولغاندا ئىككى بىرگادىمىز ئافغانىستاندا تۇردى،شۇڭا ھازىر ئۇلارنى نەگە قايتۇرۇش مەسىلىسى تۇغۇلدى>.
ھازىرغا قەدەر ئامېرىكا دۆلەت مۇداپىئە مىنىستىرلىقىنىڭ ئەمەلدارى ياۋروپادىكى ئامېرىكا ئارمىيەسىنىڭ كۈچى ھەققىدە بە-بەس مۇنازىرە قىلىپ كەلگەن ،كىچىك بۇش ھاكىمىيەت يۈرگۈزىۋاتقاندا،ياۋروپادىكى ئامېرىكا ئارمىيەسىنىڭ تۆت بىرگادادىن ئىككىگە قىسقارتىشنى پىلانلاپمۇ بولغانىدى.
ئامېرىكا دۆلەت مۇداپىئە مىنىستىرلىقى بۇلتۇر سىنتەبىردە مۇنداق خەۋەر بەرگەن :ياۋروپادا ئامېرىكىنىڭ 81مىڭ ئەسكىرى بار ،ئۇلارنىڭ 43مىڭ قۇرۇقلۇق ئارمىيەسىگە ،31مىڭى ھاۋا ئارمىيەسىگە تەۋە.