Salam URUMQI :: سالام ئۈرۈمچى :: 乌鲁木齐综合娱乐网 :: 维吾尔综合门户网:: 新疆维吾尔文化::

قىرغىزىستاننىڭ شىمالىدىكى چۇخ ئوبلاستىدىكى دېھقانلار ئامېرىكىنىڭ ئايرۇپىلانلىرىنىڭ كېرەكسىز ماددىلارنى قويۇپ بېرىپ مۇھىتنى بۇلغىغانلىقىدىن نارازى بولۇپ ، يىغىن ئېچىپ ئامېرىكا ئارمىيىسى ئىجارە ئالغان ماناس خەلقئارا چېگرا ئۆتۈشمە مال يەتكۈزۈش مەركىزىنى تاقىۋېتىشنى تەلەپ قىلدى .

 قىرغىزىستان پارلامېنتىنىڭ پارلامېنت ئەزاسى غالىپبېك-سارۇنوف دۆلەت مۇداپىئە ھەيئەت ئەزالىرىغا مۇنداق دېدى:« 2007-يىلىدىن بۇيان ماناس خەلقئاراچېگرا ئۆتۈشمە مال يەتكۈزۈش مەركىزىدىكى ئامېرىكا ئايروپىلانلىرى ئىزچىل ھالدا چۇخ ئوبلاستىدىكى ئاھالىلەر رايونىغا كېرەكسىز يېقىلغۇلارنى تۆكتى، ئەتراپتىكى مۇھىتقا ئېغىر ناچار تەسىر كۆرسەتتى. كېرەكسىز يېقىلغۇلار دېھقانلارنىڭ زىرائەتلىرىنى كۆيدۈرۈۋېتىپ دېھقانلارغا زىيان سالدى. نۆۋەتتە زىيانغا ئۇچرىغان رايونلار بارغانسېرى كېڭىيىۋاتىدۇ .> ئۇ پارلامېنت مۇنبىرىگە مال يەتكۈزۈش مەركىزىنى تاقىۋېتىش ۋە دېھقانلارنىڭ چىقىمىنى تۆلىتىش ئەندىزىسىنى سۇندى .

پارلامېنت دۆلەت مۇداپىئە ھەيئىتىنىڭ رەئىسى ئىسمىر-ئىسكاكۇفنىڭ قارىشىچە، شۇ يەرلىك ھۆكۈمەت ۋە مۇھىت ئاسراش تارماقلىرى بۇ ئىشقابىخەستەلىك قىلغان . ئۇ قىرغىزىستان ئېلىم -پەن تەتقىقات مەركىزىگە چۇخ ئوبلاستىدىكى ئامېرىكا ئايرۇپىلانلىرىنىڭ ئۇچۇش دائىرىسىنى ئىنچىكىلەپ تەكشۈرۈشكە دەۋەت قىلدى .

سالام ئۈرۈمچى ئونۋىرسال توربېكىتى