Salam URUMQI :: سالام ئۈرۈمچى :: 乌鲁木齐综合娱乐网 :: 萨拉慕乌鲁木齐 :: 维吾尔综合门户网:: 新疆维吾尔文化::

ئادەتتە كۆپىنچە كىشىلەر قۇلىقىغا ئانچە ئېتىبار بېرىپ كەتمەيدۇ. ئەمما، ئاياللار ئۈچۈن قۇلاق گۈزەللىكىگە ئەھمىيەت بېرىش ئىنتايىن مۇھىم.

 

1. قۇلاق تازىلىقىغا دىققەت قىلىش

       قۇلاق گۈزەللىكىنى ئالدى بىلەن قۇلاقنى پاكىز تۇتۇشتىن باشلاش كېرەك. ھەر قېتىم يۈز يۇيغاندا قۇلاقنىڭ ئىچى ۋە ئارقا تەرىپىنى پاكىز يۇيۇش، قۇلاق ئىچىدىكى تۈك ئۇزۇن بولسا ۋاقتى-ۋاقتىدا يۇلۇپ تۇرۇش كېرەك.

 

2. قۇلاق گىرىمىگە ئەھمىيەت بېرىش

       نۇرغۇن ئاياللار گىرىم قىلغاندا قۇلىقى بىلەن كارى بولمايدۇ. يۈزى بىلەن قۇلاقنىڭ رەڭ پەرقىنى ئاشۇرىۋېتىدۇ. ئادەتتە قۇلاققا ئۇپا سۈرگەندىن سىرت، ئازراق ئەڭلىك سۈرتىۋەتسە ئۈنۈمى تېخىمۇ ياخشى بولىدۇ. ئەگەر قۇلاقنىڭ شەكلى تازا چىرايلىق بولمىسا، قۇلاقنى يېپىپ تۇرىدىغان چاچ پوسۇنىنى تاللاش كېرەك.

 

3. ھالقا تاللاش

       ھالقا ئادەمنىڭ چىراي-شەكلىگە ماشلىشىشى كېرەك.
يۈزى چوڭ ئاياللار يۇمىلاق ھالقا تاقىماي، ئۇزۇنراق ياكى ئۈچ بۇرجەك ھالقا تاقىشى؛ يبزى كىچىك ئاياللار چوڭمۇ ئەمەس، كىچىكمۇ ئەمەس، ئوتتۇراھال ھالقىلارنى تاقىشى ، ھالقىنىڭ ئۇزۇنلۇقى قۇلاقنىڭ ھالقا ئاسىدىغان يېرىدىن ئىككى سانتىمېتىردىن ئېشىپ كەتمەسلىكى كېرەك. يۈزى يۇمىلاق ئاياللار ئۇزۇن، ساڭگىلاپ تۇرىدىغان چاسا شەكىللىك ھالقىلارنى ياكى ئۈچ بۇرجەك ھالقىلارنى سېلىشى كېرەك. يۈزى ئۇزۇن ئاياللار ئەڭ ياخشىسى قۇلاققا چاپلىشىپ تۇرىدىغان ھالقىلارنى تاقىغىنى تۈزۈك.