راكىتادەك ئۇيغۇر پۇتبولچى ئابدۇۋەلى ئابلەتنىڭ كۆرۈنۈشلىرى

qimbulak · ۋاقتى: 2016-3-16 16:23:42

بۇ يازمىنى ئاخىرىدا qimbulak تەھرىرلىگەن. ۋاقتى 2016-3-16 17:20

چىمبۇلاق تورىمىز تەييارلىغان ئابدۇۋەلى ئابلەتنىڭ خېنەن جىيەنيە كۇلۇبىدىكى يەنى 2016- يىللىق جۇڭگو دەرىجىدىن تاشقىرى دەرىجىلىكلەر بىرلەشمىسى 2- ئايلانمىسىدىكى كۆرۈنۈشلىرى

فىلىمنى قويۇش كۇنۇپكسىنى بېسىپ قويۇڭ . فىلم سۈزۈكلۈك دەرىجىسى ئەڭ يۇقىرى دەرىجىدە يەنى 1080P بولۇپ ، فىلىمنى كۆرگەندە تور سۈرئىتىڭىز يار بەرسە 清晰度 دىگەننى 1080P غا توغۇرلاپ ئەڭ سۈزۈك 蓝光ھالەتتە كۆرسىڭىز بولىدۇ !

بۇ ئايلانمىدا خېنەن قۇرۇلۇش كوماندىسىدىكى مۇداپىيەچى ماھىرىمىز ئابدۇۋەلى ئابلەتنىڭ بۇ ئايلانمىدىكى تېز سۈرئەتتە بۆسۈپ كىرىش ، پاس چىقىرىش قاتارلىق كۆرۈنۈشلىرى كۆپلىگەن كىشىلەرنىڭ دېققىتىنى تارتىپ ، جۇڭگونىڭ ئاجىز ھالەتتىكى سول بېكىنىڭ ئورۇنىنى تولۇقلىيالايدىغان ماھىر دىگەن باھالىرىغا ئېرىشتى ، بەلكىم ئابدۇۋەلى ئابلەت مۇشۇ ياخشى ھالىتىنى ساقلاپ ماڭالىسا دۆلەت كوماندىسى ۋە چەتئەللەردە توپ تېپىش پۇرسەتلىرىنى يارىتالىشى مۆمكىن ، بىز ئۇنىڭغا ئامەت ۋە ئۇتۇقلار تىلەيمىز !

يانفۇندا كۆرۈش ئادېرىسى :
يانفوندا كۆرۈش ئۈچۈن بۇ يەرنى بېسىڭ!

ئىسم - فامىلىسى : ئابدۇۋەلى ئابلەت
تۇغۇلغان ۋاقىتى : 1987. يىلى 4- ئاينىڭ 14- كۈنى
يۇرتى : شىنجاڭ ئۇيغۇر ئاپتۇنۇم رايۇنى قاراماي شەھىرى
بوي ئېگىزلىكى : 176 سانتېمىتىر
بەدەن ئېغىرلىقى : 63 كىلوگىرام
پۈتتۈرگەن مەكتىپى : شىنجاڭ پىداگوگىكا ئۇنۋېرسىتېتى
كەسپى : كەسىپى پۇتبولچى
كوماندىسى : خىنەن جىيەنيە كۇلۇبى
ئىلگىرىكىسى : شىنجىن قىزىل ياقۇت كۇلۇبى
شەخسى بىلوگى :http://weibo.com/wali0414

قاراماي خەلقىنىڭ پەخىرلىك ئوغلانى ، كېلىشكەن ئۇيغۇر
پۇتبول چولپىنى ئابدۇۋەلى ئابلەت پۇتبولنى قىزغىن سۆيىدىغان
قاراماي شەھىرىدە كىچىكىدىن باشلاپلا پۇتبولغا ھېرىسمەن
بولۇپ چوڭ بولغان ، شىنجاڭ پىداگوگىكا ئۇنۋېرسىتېتىغا ئالاھىدە
قوبۇل قىلىنغاندىن كېيىن پۇتبول كەسپى بىلەن سېستىمىلىق
تەربىيىلىنىپ ئۆزىنى تاكاممۇللاشتۇردى .

ھازىر خىنەن جىيەنيە كۇلۇبىنىڭ ئاساسلىق توپچىسى بولغان ئابدۇۋەلى
ئۆزىدىكى تالانت ۋە ئىقتىدار بىلەن كەڭ كەسىپداشلار ۋە كۇلۇبداشلىرىنىڭ
ئېتىراپ قىلىشىغا ئېرىشتى ، ئىشىنىمىزكى ئابدۇۋەلىمۇ داۋاملىق تىرىشىپ خەلقىمىزنىڭ ياش پۇتبول مايسىلىرىغا
ئۈلگە بولغىدەك ئېسىل پۇتبولچى بولۇپ قالىدۇ .

چىمبۇلاق تورىمىز ئابدۇۋەلىنىڭ بۇندىن كېيىنكى ئىشلىرىغا زور ئۇتۇقلار تىلەيمىز !
ئىھتىرام بىلەن : چىمبۇلاق تورى تەنتەربىيە دۇنياسى قانىلى

تارىمجان · ۋاقتى: 2016-3-16 16:26:05

قارىماي خەلقىنىڭ پەخىرلىك ئوغلانىمۇ ياكى ئۇيغۇر خەلقىنىڭ پەخىرلىك ئوغلانىمۇ؟ مەن خوتەنلىك تۇرۇپ دەرىجىدىن تاشقىرى بىرلەشمىسىدىكى ۋە ھەرقانداق بىرلەشمىدە توپ تىپىپ يۈرگەن ئوغلانلىرىمىزنىڭ ھەممىسىدىن پەخىرلىنىپ يۈرۈپتىمەنيا

-دولان- · ۋاقتى: 2016-3-16 16:35:02

ھەي يېشى 29。غا بېرىپ قاپتۇ دە تېخىمۇ ئۇتۇق قازانغىن ئاكا

qimbulak · ۋاقتى: 2016-3-16 16:36:35

تارىمجان يوللىغان ۋاقتى 2016-3-16 16:26
قارىماي خەلقىنىڭ پەخىرلىك ئوغلانىمۇ ياكى ئۇيغۇر خەلقى ...

بىزمۇ خوتەنلىك ئەخمەتجاندىن ئوخشاشلا پەخىرلىنىپ يۈرىمىز ...
قۇسۇر تاپماي ھوزۇر تېپىڭ قېرىنىشىم !

بۇ يەردە ئېيتىلىۋاتقان قاراماي خەلقىنىڭ پەخىرلىك ئوغلانى دىگىنىمىز ، قارامايغا بېرىپ ئابدۇۋەلىنىڭ ئىسمىنى چىقارسىڭىز بىلىسىز، ئۇ مەكتەپتە ئەلاچى ئوقۇغۇچى ، ئەخلاقتا ، تەنتەربىيەدە ھەممىدە ھەتتا ساز - مۇزىكىلاردا ناخشا ئىيتىشلاردا ھەممىگە ئۈلگە قىلىنغان بالا ،
شۇڭلاشقا قاراماي خەلقى پەخىرلىنىپ تۇرۇپ باللىرىغا ئابدۇۋەلىدەك ئەخلاقلىق ياخشى چوڭ بولۇڭلار دەيمىز دىگەن ، ئىدى شۇنىڭ ئۈچۈن شۇنداق يىزىلغان ، ئەمما ئۇ ئۇيغۇر يىگىتى ، يالغۇز شىنجاڭدىلا ئەمەس پۈتۈن دۇنيادىكى ھەرقانداق ئۇيغۇر ئۇنى تونىسا پەخىرلەنسە بولىۋىرىدۇ .

uyghurum · ۋاقتى: 2016-3-16 16:48:42

دۆلەت كوماندىسدا ئۇيغۇر بولماسلىق تارىخىغا ئابدۇۋەلىنىڭ خاتىم بېرشىنى ئۈمۈت قىلمە

تېۋىلغا · ۋاقتى: 2016-3-16 16:51:41

تىرىشچان ئەخلاقلىق يىگىت ،مىكرو بىلوگدا ئىزچىل دىققەت قىلىپ كىلىۋاتىمەن

خانزاد1 · ۋاقتى: 2016-3-16 16:54:13

بۇ يازمىنى ئاخىرىدا خانزاد1 تەھرىرلىگەن. ۋاقتى  2016-3-16 17:38

( ، يېقىندا بۇ كۇلۇب دەرىجە ئۆرلەش ئالدىدا تۇرماقتا)  مۇشۇ قۇرلارنى چۈشىنەلمەي قالدىم. ئ‍الدىنقى يىلمۇ خىنەن كوماندىسىنىڭ مۇسابىقلىرىنى خىلى كۆپ كۆرگەن ئىدىم. ئابدۇۋەلى بىر قىتىملىق قىززىققانلىق بىلەن ئاساسلىق ئورنىدىن ئايرىلىپ قالغان. مانا بۇ پەسىل ئاساسلىق ئەزا بولۇپ، بىزلەرگە ۋە پۇتبولخۇمارلارغا ئۆز ماھارىتىنى نامايەن قىلغۇسى!!!!!
چىمبۇلاق بۇرادەر تىمىڭىزغا رەھمەت.  رايۇنىمىز تەنتەربىيەسى ئۈچۈن زور كۈچ چىقىرۋاتسىز. ئاددى خەتتە بولسىمۇ سىزگە چىن كۆڭلۈمدىن خاتىرجەملىك ۋە بەرىكەت تىلەيمەن.

خانزاد1 · ۋاقتى: 2016-3-16 16:57:16

خاپا بولماي، يانفۇندا كۆرۈش ئادرىسىنى تەھرىرلەپ قويغان بولسىڭىز بوپتىكەن. ياكى ئۇلانما ئادرىسى بولسىمۇ تىلفۇندا كۆرسەك دىگەن ئۈمۈدتە مەن.

tagderem · ۋاقتى: 2016-3-16 17:03:34

ئ‍ۇ راستىنلا ئ‍ەخلاقتا ۋە مىجەز خارەكتىر جەھەتتە باشقىلارغا ئ‍ۈلگە بولالىغۇدەك توپچى . جۇڭگۇچىلىقتا مۇداپىئە ئ‍ورنىدىكى تاللاش كۆپرەك پەرەڭلەر بولدىغان . ئ‍ىشىنىمىزكى ئ‍ابدىۋەلى بىزدىكى ئ‍ارتۇقچىلىق بولغان تەن ساپاسى ،تىرىشچان روھى ئ‍ارقىلىقمۇ بۇ ئ‍ورۇندا مەزمۇت پۇت تىرەپ تۇرالايدۇ . ھىس قىلىشىمچە ئ‍ابدىۋەلى تەتۈر كىرايدىنمۇ ئ‍وت چىقىرۋەتكۈدەك سەۋىيەدە ئ‍ىدى . بوپتۇ ، قەيەرنى ئ‍وينىسۇن ئ‍اساسلىق بولۇپ چاندۇرماي ئ‍ويناپ كىتەلىگىنىمۇ بىر تالانىت !

مۇھەممەت0999 · ۋاقتى: 2016-3-16 17:05:41

بۇلىدىغان بالا بۇ مىجەزىمۇ ئ‍ىسىل بىراق ياشمۇ چوڭىيىپ قاپتۇ بولسا دۆلەت كۇماندىسىغا تاللىنىپ بىر قانچە يىل ئ‍وت چىقرىۋەتسە بۇلاتتى ...

qimbulak · ۋاقتى: 2016-3-16 17:21:18

خانزاد1 يوللىغان ۋاقتى 2016-3-16 16:54
( ، يېقىندا بۇ كۇلۇب دەرىجە ئۆرلەش ئالدىدا تۇرماقتا) مۇ ...

كەچۈرسىز ،تەھىرلەش جەريانىدا مەسېلە كۆرۈلۈپتۇ ، تولىمۇ ياخشى بولدى ، ئۆزگەرتىپ قويدۇم

سايرام22 · ۋاقتى: 2016-3-16 17:28:42

بولسا بىر نەچچە يىل دۆلەت كوماندىسىدا ئ‍وينىۋەتسە بۇلاتتى