| ئومۇمى يازمىسى: |
ھوقۇق چېكى: 1 |
| جۇغلانمىسى: 236 |
تۆھپىسى: سەر |
|
پۇتبول ساھەسىدىكى سايىم نوچىلار
كونىلار خوتۇنىدىن قورقىدىغانلارنى «سايىم نوچى» دەپ ئاتايدۇ، بۇ «سايىم نوچى» لارنىڭ يەنە سايىماخۇن، «يۇمشاق باش»، «لۆم لۆم»، «پىپى تۇماق»، «لاتا غىلاپ» دېگەندەك ئىلمى ناملىرىمۇ بار. ئەمەلىي ئەھۋال ۋە ئىش ھەرىكەتلىرىگە ئاساسەن بۇ سايىم نوچىلارنى بىرقانچە تۈرگە ئايرىشقا بولىدۇ.
1. خوتۇنىدىن ھەقىقىي تۈردە قورقىدىغانلار، بۇ تىپتىكىلەر خوتۇنىنىڭ باشقۇرۇشىغا بويسۇنۇپ، ھەرقانداق ئىشتا خوتۇنىنىڭ سىزغان سىزىقىدىن چىقالماي ياشايدۇ.
2. كۆرۈنۈشكە خوتۇنىدىن قورقىدىغانلار، بۇ تىپتىكىلەر بىرقەدەر ئەقىللىك بولۇپ ئەمەلىي ئەھۋالغا قارىتا ئىش كۆرۈشكە ماھىر كېلىدۇ.
3. ئاشكارا ھالدا خوتۇنىدىن قورقىدىغانلار، بۇ تىپتىكىلەر كەڭ قورساق كېلىدۇ، ئوچۇق ئاشكارا ھالدا خوتۇنىدىن قورقىدىغانلىقىنى ئېتىراپ قىلىپ باشقىلارنىڭ ھەرنېمە دېيىشى بىلەن كارى بولمايدۇ.
4. يوشۇرۇن ھالدا خوتۇنىدىن قورقىدىغانلار، بۇ خىل تىپتىكەرنىڭ كۈنى تەس بولۇپ، سىرتتا ئۆزىنىڭ خوتۇنىدىن قورقمايدىغان جەسسۇرلىقىنى ئىپادىلىسە، ئۆيىگە كېلىپلا موللا مۈشۈك بولۇپ خوتۇنىنىڭ چىرايىغا قاراپ ئىش تۇتۇشقا مەجبۇر بولىدۇ.
پۇتبول ساھەسىدىمۇ بۇنداق ھەر خىل تىپتىكى سايىماخۇنلار ئاز ئەمەس، لېكىن يېشىل چىملىق مەيداندىكى تۇلپار كەبى چېپىۋاتقان پۇتبولچىلارغا نىسبەتەن ئۇلارنى خوتۇنىدىن قورقىدۇ دېگەندىن، خوتۇنىنى ھۆرمەتلەيدۇ دېيىش مۇۋاپىق بولسا كېرەك.
پۇتبول ساھەسىدىكى خوتۇنىنى ھۆرمەتلەيدىغان ئالدىنقى قاتاردىكى 10«سايىم نوچى» تۆۋەندىكىچە.
10-ئورۇندىكى «سايىم نوچى»، كېۋىن گروسكېرتز (Kevin Grosskreutz).
كېۋىن گروسكېرتز 2016-يىلى 1-ئايدا گېرمانىيە بىرلەشمىسىدىكى سىتۇتگارت كوماندىسىغا قوشۇلغان بولۇپ، قىز دوستى ۋە يېڭى ئائىلىسىنىمۇ بىرگە كۆچۈرۈپ كەلگەن. پۇتبول مەيدانىدىكى بۇ قەھرلىك ئەزىمەت ئائىلىدە ياۋاشلىق بىلەن گەپ ئاڭلايدىغان مۇلايىم ئەر. فوتو-سۈرەت گېزىتىنىڭ خەۋىرىگە قارىغاندا كېۋىن گروسكېرتزنىڭ قىز دوستى كارو ئۇنىڭغا 16 ماددىلىق «ئائىلە قانۇنى» تۈزۈپ بەرگەن، مەسىلەن: ئۆيدە توپ تېپىشكە بولمايدۇ، تاماق يەۋېتىپ گەپ قىلىشقا بولمايدۇ، مەدەنىي سۆزلەشكە ئەھمىيەت بېرىش كېرەك دېگەندەك.
كارونىڭ كېۋىن گرىوسكېرتزنى قاتتىق باشقۇرۇشنىڭ سەۋەبى شۇكى، كېۋىن گىروسكېرتز ئىلگىرى دورتموند كۇلۇبىدا توپ تەپكەن ۋاقىتتا دائىم توپخۇمارلارنى ھاقارەتلەش، قالايمىقان كىچىك تەرەت قىلىشتەك سەتچىلىكلەرنى سادىر قىلىپ ئۆزىنىڭ ۋە كوماندىنىڭ ئابرۇيىغا تەسىر يەتكۈزگەن.
9-ئورۇندىكى «سايىم نوچى»، كونكا (Conca)
كونكا نامى چىققان كۆيۈمچان ئەر، كونكانىڭ 2-بالىسى تۇغۇلغاندىن كېيىن ئۇنىڭ كۆيۈمچانلىقى يەنە بىر بالداق يۇقىرى كۆتۈرۈلگەن. كونكا كۆيۈمچان ئەر بولۇپلا قالماي يەنە ئۇ تىپىك بولغان «سايىماخۇن»، كونكانىڭ دېيىشىچە، ئائىلىدە ھەممە ئىشتا ئايالىنىڭ دېگىنى ھېساب ئىكەن، ھەتتا مۇسابىقىدە ئىپادىسى ياخشى بولمىسىمۇ ئائىلىگە قايتقاندا ئايالىدىن تەنبىھ ئاڭلاشتىن قورقىدىكەن. جۇڭگودا كۆپ قىسىم ئاياللار دائىم ئائىلىنىڭ ئىقتىسادى ھوقۇقىنى تۇتىدۇ، كونكانىڭ ئائىلىسمۇ بۇ خىل ئەھۋالدىن مۇستەسنا ئەمەسكەن. كونكانىڭ دېيىشىچە، ئىقتىسادىي كىرىمىنىڭ ھەممىسىنى ئايالىغا تاپشۇرۇپ ئۇنىڭدىن تۇرمۇش خىراجىتى ئېلىپ ئىشلىتىدىكەن. ھازىر ئىككىنچى بالىسى تۇغۇلغاندىن كېيىن ئۇنىڭ تۇرمۇش خىراجىتىنىڭ كۆپ قىسمى بالىسىغا سەرپ بولۇپ ئۆزىگە ھېچقانچە ئېشىنچا قالمايدىكەن.
8-ئورۇندىكى «سايىم نوچى»، خانلىق مادرىد مەشقاۋۇلى زىدانى
زىدانى ئاممىۋى سورۇنلاردا سەل جىمغۇر كۆرۈنىدۇ. لېكىن ئائىلىدە بولسا ھەقىقىي تۈردىكى كۆيۈمچان، نەمۇنىلىك ئەر. گەرچە ئۇنىڭ تاماق ئېتىش تېخنىكىسى ئالاھىدە ياخشى بولمىسىمۇ، پۇتبول تېپىشتىن چېكىنگەندىن كېيىن كۈنلۈك ناشتىلىق تەييارلاش خىزمىتىنى ئۆز ئۈستىگە ئالغان. ئىككىنچى بالىسى تۇغۇلغاندىن كېيىن ئايالىنىڭ ئائىلىدىكى ھەقىقىي تۈردىكى ئائىلە باشلىقىلىق سالاھىيىتىنى زىدانىمۇ ئېتىراپ قىلغان.
زىدانى 2001-يىلى يۇۋېنتۇستىن خانلىق مادرىدقا يۆتكىلىشتە ئۇنىڭ ئايالى ۋېرونىكانىڭ ئارزۇسى مۇھىم رول ئوينىغان ئىكەن، گەرچە بۇ بىر چاقچاق ھېسابىدىكى پاراڭ بولسىمۇ، بۇنىڭدىن زىدانىنىڭ ئايالىغا بولغان مۇھەببىتىنى ھېس قىلغىلى بولىدۇ. بىر فىرانسىيەلىك مۇخبىرنىڭ ئاشكارىلىشىچە، 2006-يىللىق دۇنيا لوڭقىسى ھەل قىلغۇچ مۇسابىقىسىدە زىدانېنىڭ ماتېراززىنى ئۈسۈپ قىزىل كارتا جازاسىغا ئۇچىرىشىمۇ، زىدانىنىڭ مۇسابىقىدىن بۇرۇن ئايالى بىلەن زىددىيەتلىشىپ قېلىپ مۇسابىقىدە كەيپىياتىنى كونترول قىلالمىغانلىقىدىن بولغان ئىكەن.
7-ئورۇندىكى «سايىم نوچى»، سۇئارېز
سۇئارېزنىڭ ئارزۇ-ئارمىنى بولسا قىز دوستىنىڭ يۇرتىدىكى كۇلۇبقا بېرىش. ئۇ ئاجاكس كوماندىسىدا توپ تېپىۋاتقان ۋاقتىدا، بارسېلونا كوماندىسىدا توپ تېپىش كەسپى ھاياتىمدىكى ئارزۇ-ئارمىنىم دەپ ئىپادە بىلدۈرگەن، چۈنكى ئۇنىڭ قىز دوستى سوفىيەنىڭ ئائىلىسى بارسېلونادا. سۇئارېز بارسېلوناغا قوشۇلغاندىن كېيىن، لىۋېرپول ئۇنى ئېلىپ قېلىش ئۈچۈن بارلىق تىرىشچانلىقنى كۆرسەتكەنلىكىنى، لېكىن ئۆزىنىڭ ئائىلىسى، قىز دوستى ۋە ئىسپانىيەدە توپ تېپىشتىن ئىبارەت ئارزۇ-ئارمىنى ئۈچۈن قەتئىي قارارغا كېلىپ كۇلۇب ئالماشقانلىقىنى ئېيتقان.
6-ئورۇندىكى «سايىم نوچى»، كىرۇيىف
كىرۇيىف پۇتبول مەيدانىدا بىر قوماندان بولسا، مەيدان سىرتىدا ئۇ بىر جانلىق تەشكىللىگۈچى. 1974-يىلى يۈز بەرگەن «سۇ ئۈزۈش كۆلچىكى» ۋەقەسىدە كىرۇيىف ئايالىدىن ئايرىلىپ قالغىلى تاس قالغان. شۇ يىلى گوللاندىيە كوماندىسى دۇنيا لوڭقىسى پۇتبول مۇسابىقىسىدە غەلىبىلىك ھالدا ھەل قىلغۇچ مۇسابىقىگە كىرگەن، كوماندا ئەزالىرى ھەر بىر مەيدان مۇسابىقىدىن كېيىن غەلىبىسىنى تەبرىكلەش ئۈچۈن يىغىلىش ئۆتكۈزگەن. ئىككىنچى ئايلانما مۇسابىقىدە گوللاندىيە كوماندىسى غەربىي گېرمانىيە كوماندىسنى مەغلۇپ قىلغاندىن كېيىن كىرۇيىف قاتارلىق 16 ماھىر مېھمانخانا سۇ ئۈزۈش كۆلچىكىدە يالىڭاچ ھالدا تەبرىكلەش پائالىيىتى ئۆتكۈزگەن، ماھىرلارنىڭ بۇ قىلمىشى تاراتقۇلار تەرىپىدىن ئاشكارىلىۋېتىلگەن. بۇ ئىشتىن خەۋەر تاپقان كىرۇيىفنىڭ ئايالى ئۇنى دەرھال ئۆيگە قايتىشقا بۇيرۇغان. شۇ چاغدىكى گوللاندىيە كوماندىسىنىڭ قاپقىچىسى پىئېت ئەينى ۋاقىتتىكى ۋەقەنى ئەسلەپ مۇنداق دەيدۇ: كرىۇيىف «سۇ ئۈزۈش كۆلچىكى ۋەقەسى»نى ئايالىغا چۈشەندۈرۈش ئۈچۈن جىددىيلىشىپ قاتتىق تەرلەپ كەتكەن، ئۇ جىددىي بىر مەيدان مۇسابىقىگە قاتناشسىمۇ بۇنچىلىك تەرلىمەيتى. شۇ ۋەقەدىن كېيىن پەقەت كرۇيىف ۋە لېۋىنسونلا ئائىلىسىنى ساقلاپ قالالىغان. لېكىن كىرۇيىف 1978-يىللىق دۇنيا لوڭقىسى مۇسابىقىسىگە قاتناشمىغان. گەرچە كرۇيىف مۇسابىقىگە قاتناشماسلىقىنىڭ ئايالى بىلەن مۇناسىۋىتى يوقلىقىنى، بۇ ئۆزىنىڭ قارارى ئىكەنلىكىنى ئېيتقان بولسىمۇ، كىشىلەر كرۇيىفنىڭ مۇسابىقىگە قاتناشماسلىقىنىڭ تۈپكى سەۋەبى، ئايالىنىڭ ئۇنى مۇسابىقىگە قاتنىشىشتىن چەكلىگەنلىگىدە، دەپ قارايدۇ.
|
|
ۋاقتى: 2015-12-25 13:05:42
ئىگىسى
