تەنھەرىكەتچىلەر ئىچىدىغىنى قانداق ئىچىملىك؟(بىلىۋېلىڭ)

بوۋاي

تەنھەرىكەتچىلەر مەيداندا ئىچىدىغىنى زادى قانداق ئىچىملىك؟

  بىز دائىم مۇسابىقە كۆرگەن ۋاقىتتا ياكى ھەر تۈرلۈك پۇتبول پائاليەتلىرىنى كۆرگەن ۋاقىتتا ، مەيداندىكى تەنھەركەتچىلەرنىڭ بەزىدە سېرىق بەزىدە قىزىل قۇتۇلۇق ئىچىملىكلەرنى ئىچىۋاتقانلىقىنى كۆرۈپ تۇرىمىز . ئۇلارنىڭ ئېچىۋاتقىنىڭ ھەرگىزمۇ ئادەتتىكى مېنرال سۇ ياكى شېكەر ، تۇز قوشۇلغان سۇ ئەمەسلىكى ھەممىزگە ئايان .  بىز قەلبىمىزدىكى چولپاننىڭ ياكى مەلۇم كوللىكتىپنىڭ شۇ ۋاقىتتا قانداق ئېچىملىك ئېچىۋاتقانلىقىغا قېزىقىپ قالساقمۇ لېكىن ، ئۇنىڭ زادى قانداق ئىچىملك ؟ تەمى قانداق ؟ ...دېگەنلەرنىڭ تېگىگە يېتەلمەي كەلدۇق . ھەتتا نەچچە قېتىم ماگىزىنلارغا كىرىپ شۇ خىلدىكى ئىچىملىكنى ئىزدىگەن بولساقمۇ ، بۇ تىرىشچانلىقىمىز ئۈنۈمسىز بولۇپ قالدى . بەزىدە ئوخشاش قۇتۇلۇقنى تاپقان بولساقمۇ تېشى ئوخشىغان بىلەن ئىچىدىكىسى ئوخشامدىغاندۇ دەپ دەر گۇمان ھالەتكە كېلىپ قالدۇق . ئۇنداقتا ئۇلار ئىچىۋاتقىنى زادى قانداق نېمە ؟  تەركىۋى شېكەر بىلەن تۇزمىدۇ ؟ ... بۈگۈن مەن بۇ ھەقتە مۇنبەرداشلارغا ئازراق چۈشەنچە بېرىپ ئۆتەي  .

تەنھەرىكەتچىلەر ئىچىدىغان بۇ خىل ئىچىملىكنى ئادەتتە  شۇ كۇلۇپ ۋە شەخىسنى قوللىغان ، تەنھەرىكەت ئىچىملىكى قوللىغۇچى شىركەتلەر ياكى ‹‹ تەنھەركەت قوللۇغۇچى ›› شىركەتلەر ئالاھىدە بىر خىل ئىچىملىك ، بۇنداق ئىچىملىك ئادەتتە مەلۇم كوماندا ياكى مەلۇم تەنھەركەتچىنىڭ بەدەن سۈپۈتىنىڭ ئوخشىماسلىقىغا ئاساسەن ، شۇ كوماندىنىڭ ئوزۇقلۇق دوختۇرىغا تەڭشەپ بېرىدۇ ، ھەر قايسى تەنھەركەتچلەرنىڭ بەدەن سۈپۈتىمۇ ئوخشىمىغان بولغاچقا،ئادەمگە قاراپ پەرقلىق ھالدا  تەڭشەپ بېرىلىدۇ.  
بۇنداق ئالاھىدە تەنھەركەت ئىچىملىكنى ، ئالدىنقى ئەسىرنىڭ 20-يىللىرىدىلا دۇنيادىكى ھەرقايسى دۆلەت ۋە ئىچىملىك كارخانلىرى ئارقا-ئارقىدىن تەتقىق قىلىش ۋە قوللىنىشنى قانات يايدۇرغان . ئادەتتىكى ئىچىملىك بىلەن ئوخشىمايدىغىنى شۇكى ، تەنھەرىكەت ئىچىملىكى  ھەرىكەت قىلغان ۋاقىتتىكى ئېنىرگىيە خورىشى، ئورگانىزىم ئىچكى مۇھىتىنىڭ ئۆزگىرىشى ، ۋە ھۈجەيرە ئىقتىدارىنىڭ تۆۋەنلىشى قاتارلىق ھەرىكەت قىلغان ۋاقىتتىكى فىزىئولوگىيىلىك خوراشنىڭ ئالاھىدىلىكى بويىچە تەييارلىنىدۇ، ئىچىملىك تەنھەرىكەتچىنىڭ يوقاتقان ئوزۇقلۇقىنى تولۇقلاشقا، ھەرىكەت ئىقتىدارىنى يۇقىرى كۆتۈرۈپ، ھەرىكەتتىن كېيىنكى چارچاشنىڭ يوقىتىشقا مەنپەئەت قىلىدۇ.

ئادەتتىكى كىشىلەر  ھەرىكەت قىلىپ بولغاندىن كېيىن ئادەتتىكى سۇنى ، بەدەنگە سۇ تولۇقلاش بۇيۇمى سۈپىتىدە تاللايدۇ ، بۇنداق ۋاقىتتا ئادەتتىكى كىشىلەرنىڭ بەدىنىدىكى قەنىت ۋە شېكەر ماددىلىرى ئانچە بەك خوراپ كەتمەيدىغان بولغاچقا . ئادەتتىكى مېنىرال سۇ ئۇلارنىڭ ئېھتىياجىنى تامامەن قامداپ كېتەلەيدۇ . بەدەندىكى مەلۇن نىسبەتتە خورىغان تۇز ۋە قەنىت ماددىلىرى نورمال تاماقلىنىش تۈرۈتكىسىدە تەكشىلىپ كېتىدۇ . كەسپىي تەنھەرىكەتچىگە نىسبەتەن ئېيىتقاندا ، ئادەتتىكى مېنرال سۇ بەدەندىكى ئېنىرگىيە خوراشنى ھەرگىزمۇ  قاندۇرالمايدۇ . ئۇلار ھەركەت قىلغان ۋاقىتتا كۆپ مىقداردا تۇز ۋە قەنىت پارچىلنىپ بەدەن سىرتىغا چىقىرىلىپ ، بەدىنى جېددى ھالدا سۇ ، قەنىت ، تۇز تولۇقلاشقا مەجبۇر بولۇپ قالىدۇ . بۇ ۋاقىتتا شېكەر ۋە ناترىينىڭ كەمچىل بولۇشى ئادەمنىڭ ئومۇمىي ئىقتىدارى ۋە چىدامچانلىقىنىڭ تۆۋەنلىشىنى كەلتۈرۈپ چىقىرىدۇ .  كۆپ مىقداردىكى ئىچىملىك سۇ قان سۇيۇقلۇقىنى سۇيۇلدۇرۇپ ، سۈيدۈكنى كۆپەيتىدۇ ھەمدە يەنىمۇ ئىلگىرلەپ ئىچىملىككە تەشنا بولۇشنى تۆۋەنلىتىۋېتىدۇ . بۇنداق ۋاقىتتا  ئىسپىرت، چاي، قەھۋە ۋە باشقا روھلاندۇرۇش تەركىبلىك ئىچىملىكنى ئىشلىتىشتىن  قەتئى ساقلىنىش كېرەك . بۇنداق ماددىلار سۈيدۈك ھەيدەش رولى ۋە سۇسىزلاندۇرۇش قوشۇمچە رولى پەيدا قىلىدۇ. تەنھەرىكەت ئىچىملىكى ئادەم بەدىنىنىڭ ئوزۇقلۇق تەڭپۇڭلۇقىغا كاپالەتلىك قىلالمايلا قالماستىن فىزولوگىيلىك تەڭپۇڭلۇقنى بۇزىۋېتىدۇ .  ئۇ تاماقنىڭ ئورنىنى ئالالمايدۇ . ئەمما ناشتىدىن ئىلگىرى، تەنھەرىكەت ۋە مۇسابىقىدىكى ئارام ۋاقتىدا ھەم تەنھەرىكەتتىن كېيىن دەرھال غىزالىنىشقا بولمايدۇ ، ئېنىرگىيە ئېھتىياجىمۇ ناھايىتى يۇقىرى ۋاقىتتا تەنھەرىكەت ئىچىملىكى ئۈنۈملۈك شىكەر مەنبەسى تەمىنلەيدۇ .

ئۇنداقتا بۇ خىل تەنھەرىكەت ئىچىملىكى بىلەن ئادەتتىكى تەنھەرىكەت ئىچىملىكىنىڭ پەرقى بارمۇ ؟
  گەرچە بازاردا ھەرخىل تەنھەرىكەت ئىچىملىكى بولسىمۇ ، ئەمما تەييارلاش ئۇسسۇلى ۋە تەركىبلىرىنىڭ نىسبىتىدىن ئېلىپ ئېيتقاندا ، ئۇلار كەسپىي تەنھەرىكەتچىلەر ئىشلىتىدىغان تەنھەرىكەت ئىچىملىكى بىلەن كۆپ پەرقلىنىدۇ . كەسپىي تەنھەرىكەتچىلەرنىڭ كوماندىدىكى ئوزۇقلۇق دوختۇرىنىڭ تەڭشىشىنىڭ قاراتمىلىقى تېخىمۇ كۈچلۈك ، ئوخشىمىغان ئادەمنىڭ ئېھتىياجىغا ئاساسەن تەمىنلەيدۇ ، تەنھەرىكەتچىلەرنىڭ مۇسابىقىدە ئېنىرگىيە تولۇقلىشىنى ئەڭ چوڭ دەرىجىگە يەتكۈزىدۇ .
شۇڭا كەسپىي تەنھەرىكەتچىلەرنىڭ ئىچىملىكى «خۇسۇسىي زاكاس» قا تەۋە ، ئادەتتىكى كىشلەرگە نىسبەتەن ئېيىتقاندا «سېتىلمايدىغان بۇيۇم» قاتارىغا تەۋە . بىراق بەزى خەۋەرلەردە مەلۇم توردىكى سودا سۇپىسىدا بۇ خىل ئىچىملىكنى سېتىۋالغىلى بولىدىغانلىقى ئېيتىلغان، ئەمما باھاسى بىرقەدەر قىممەت، بىر قۇتىسى 50 يۈەن، دۇكان ئىگىسى بۇ ئىچىملىكنىڭ چەتئەلدىكى باھاسى 7 دوللار دەپ ئىپادە بىلدۈرگەن .

بۇ خىل ئالاھىدە تەنھەرىكەت ئىچىملىكىنىڭ تەمىنىڭ ھەممىزنىڭ تېتىپ باققۇسى كېلىدۇ ئەلۋەتە ، كۆپ ئۇچرايدىغان ‹‹ powerade ›› نى مىسال قىلساق ، مەخسۇس ئولىمپىك تەنھەرىكەت مەيدانى ئىشلىتىدىغان سېتىلماس بۇيۇم (تەنھەرىكەتچىلەر مەخسۇس نۇسخىسى) بولغانلىقتىن ، شۇڭا ئۇنى ئىچەلەيدىغان ئادەتتىكى كىشلەر ئىنتايىن ئاز ، ئەمما يوق ئەمەس . ئۇنى ئىچكەن كىشىلەرنىڭ ئاشكارلىشىچە ، powerade «ئۇنداق ئىچىشلىك ئەمەس، تەمى ئادەتتىكىچە، ئازراق تۇزلۇق ھەم ئازراق تاتلىق، ناۋادا ئېغىر ھەرىكەت قىلماي تۇرۇپ سىز بۇ خىل نەرسىنى ئىچسىڭىز كۆڭلىڭىز ئېلىشىدۇ.» بۇنداق بولۇشىدىكى سەۋەپ ئادەتتىكى ئادەملەرنىڭ بەدىنىدىكى تۇز ۋە شېكەر مىقدارى نۇرمال ھالەتتە ، بىز ھېچقانداق ھەركەت قىلماي تۇرۇپ بۇ خىل ئىچىملىكنى ئىچسەك بەدەندىكى پارچىلانمىغا تۇز ۋە قەنىت مىقدارىغا يۇقارقى ئىچىملىكنىڭ تەركىبىدىكى شېكەر تۇز قوشۇلۇپ ، بەدەندە تۇز ۋە شېكەرنىڭ ئېشىپ كېتىشىنى كەلتۈرۈپ چىقىرىپ كۆڭۈل ئېلىشىش ، قۇسۇش ئالامەتلىرىنى كەلتۈرۈپ چىقىرىدۇ .

ئۇنداقتا تەنھەركەت ئىچىملىكى قانداق تەڭشىلىدۇ ؟
تەنھەرىكەت ئىچىملىكى بولسا ئورگانىزىمغا تېز سۈرئەتتە شېكەر ۋە سۇيۇقلۇق تولۇقلاش ئۈچۈن لاھىيەلەنگەن ،  تەييارلىق ئۇسۇلى ئادەتتە تۆۋەن سىرغىتمىلىق، تەڭ سىرغىتمىلىق ۋە يۇقىرى سىرغىتمىلىق ئۈچ خىلغا ئايرىلىدۇ. ئۈچىنىڭ ئاساسلىق پەرقى ئىچىملىكتە ئېرىگەن شېكەر (قۇم شېكەر ۋە بىرىكمە شېكەر) ۋە تۇز (ناترىي ۋە كالىي) نىڭ مىقدارىنىڭ ئوخشىماسلىقىدا، قويۇقلۇقى بارغانسىرى يۇقىرى بولغىنىنىڭ ئوسموتىك بېسىمى شۇنچە يۇقىرى. ئوخشىمىغان ئوسموتىك بېسىمدىكى تەنھەرىكەت ئىچىملىكىنىڭ قان سۇيۇقلۇقىغا كىرىش سۈرئىتىمۇ ئوخشىمايدۇ. تۆۋەن سىرغىتمىلىق ۋە تەڭ سىرغىتمىلىق (يەنى ئادەم بەدىنىدىكى قان سۇيۇقلۇقىنىڭ ئوسموتىك بېسىمىدىن تۆۋەن ۋە تەڭ) بولغان تەنتەربىيە ئىچىملىكى بولسا ئىسسىق مۇھىتتا ئۇزۇن ۋاقىت ھەرىكەت قىلىپ، كۆپ مىقداردا تەر چىققان تەنھەرىكەتچىنىڭ بەدىنى ئۈچۈن لاھىيەلەنگەن، ئۇ سۇ، شىكەر ۋە تۇزنىڭ تېز سۈرئەتتە قان سۇيۇقلۇقىغا كىرىشىگە ئەھمىيەت بېرىدۇ؛ يۇقىرى سىرغىتمىلىق تەنھەرىكەت ئىچىملىكى (يەنى ئادەمنىڭ قان سۇيۇقلۇقىنىڭ ئوسموتىك بېسىمىدىن يۇقىرى) ئاساسلىقى شېكەر زاپىسى تەمىنلەشكە ئىشلىتىلىدۇ، ھەرىكەتتىن ئىلگىرىكى تەييارلىق مەزگىلى ۋە ھەرىكەتتىن كېيىنكى ئەسلىگە كېلىش مەزگىلىدە كۆپ ئىشلىتىلىدۇ.
كەسپى تەنھەرىكەت ئىچىملىكىنىڭ كونكىرت تەييارلاش ئۇسۇلىنى بىلىش ئىنتايىن تەس، تۈجۈپىلەپ تەييارلاپ ياسالغانلىقتىن، شۇڭا ھەربىر قۇتا تەنھەرىكەت ئىچىملىكىنىڭ يۇقىرى باھاسىدىكى تەننەرخىمۇ ئوخشىماسلىقى مۇمكىن.

بۇ خىل ئىچىملىكنى ئۆزىمىز بەدىنىمىزگە مۇناسىپ ھالدا تەڭشىۋالساقمۇ بولىدۇ . تەنھەرىكەت ئىچىملىكى كالىي، ناترىي، كالتىسى، ماگىنىي قاتارلىق ئېلىكتىرولىد ياكى باشقا مىكرو مىقداردىكى ئېلىمىنىت، شېكەر ۋە ۋىتامىن قاتارلىق تەركىب قوشۇلغان ئىچىملىكنى كۆرسىتىدىغانلىقتىن، شۇڭا ئۆزى تەنھەرىكەت ئىچىملىكى ياساشنىڭ يادروسى بولسا سۇ ۋە مېنرال ماددا ھەم ۋىتامىن C تولۇقلاش.
توردىكى بىرقەدەر قولاي بولغان تەڭشەش ئۇسۇلى: ساپ سۇ 1000ml، ئاش تۇزى ئۈچ گرام، بىرىكمە ئۈزۈم شېكىرى (سىنىك، كالتىسى قاتارلىقلارنى ئۆز ئىچىگە ئالىدۇ) ئىككى قوشۇق (30ml)، ھەسەل بىر قوشۇق (15ml)، لىمون شەربىتى ئىككى قوشۇق (10ml). بارلىق ماتىرىيالنى ساپ سۇغا قوشۇپ ئارىلاشتۇرساقلا بولىدۇ. يەككە شەخىس تەم تەلىپى بويىچە تەڭشىسە بولىدۇ، ئەمما بەك تۇزلۇق ياكى بەك تاتلىق قىلىپ قويماسلىققا دىققەت قىلىش كېرەك.

ئالاھىدە دىققەت قىلىشمىز كېرەككى ، بۇ خىل تەنھەرىكەت ئىچىملىكىنى كىملا ئىچسە بولىۋەرمەيدۇ ، تەنھەرىكەت ئىچىملىكى ئادەتتىكى ئىچىملىك بىلەن ئوخشاش، ھەممىسىنىڭ تەركىبىدە بىرقەدەر يۇقىرى شېكەر تەركىبى بار، شۇڭا نۇرغۇنلىغان كىشلەر تەنھەرىكەت ئىچىملىكىنى ئىچىشكە ماس كەلمەيدۇ، يەنى قەنىت سىيىش كېسىلى بىمارى، بەدەن ئېغىرلىقى ئېشىپ كەتكەنلەر تەنھەرىكەت ئىچىملىكى ئىچىشكە ماس كەلمەيدۇ. ئەمىلىيەتتە چوڭ ھەرىكەت مىقدارىدىكى ھەرىكەتتىن ئىلگىرى -كېيىنكى ۋاقىتتىن سىرت، باشقا ئەھۋالدا تەنھەرىكەت ئىچىملىكى ئىچىشنىڭ زۆرۈرىيىتى يوق .


مۇنبەرداشلارنىڭ پايدىلنىشى ۋە مەلۇم چۈشەنچىگە ئېگە بولۇپ قېلىشى ئۈچۈن سۇنۇلدى .

مەنبەسى : http://www.dongqiudi.com/article/132851

تارىماخۇن

تەپسىلى ئوقۇۋەتتىم،مەنمۇ ئىچسەم بولامدۇ نىمە كۈندە ئەتتىگەن ئېغىر ھەرىكەت قىلغاندىكىن…

يۇرتۇم7

مەن تىخى ئادەتتىكى تازلانغان تۇربا سۈيىمىكى دەيتتىم

ئوۋچى450

قايسى كۈنى يىڭشەھەر ناھىيەسىدە مىرئەخمەت مۇسابىقە ئوينىغاندا ئۇلارغا ئىچىملىك ئەكىردىدە،قارسام ئىچىملىك ئەكىرگىنى مىنىڭ مەلىمىم،شۇنىڭ بىلەن بۇلا زادى قانداق ئىچىملىك ئىچدىغاندۇ دەپ قىلىنلىق قىلىپ قەستەن مەلىمنىڭ قىشغا بىرىپ بىر قۇتا ئىلۋالدىم قارسام قىزىل كالا ھە بۇلا مۇشنى ئىچدىكەندە دەپ ئويلاپ تۇسام ئەمدى قىركام بۇ گەپنى دەيدىيا قاچان پۇتبولچىلا ئىچكەن ئىچىملىكنى ئىچەمەن.رونالدو ئىچكىننى

ئېلىخو

ۋۇييۇ  !  بۇۋايكام  «تامغا»لىق  تېمىدىن بىرنى تەييارلاپتىغۇ ؟

راست گەپ قىلسام . شۇلار  مۇسابىقە ئوتتوردا  ئىچىملىكلەرنى ئىچىپ كەتسە مىنىڭمۇ……

كىپ كىتىدۇ جۇمۇ ……


شۇڭا مۇسابىقە كۆرگەندە  «ئابىدە » سودا سۈيىنى يىنىمدىن ئايرىمايمەن ..

ما ئېلان قاملاشتىمۇ يا؟

بابۇر4

ئ‍ىسىل نادىر تىما بوپتۇ

تارىماخۇن

ھەمراھ يوللىغان ۋاقتى  2015-11-18 21:32
ۋۇييۇ  !  بۇۋايكام  «تامغا»لىق  تېمىدىن بىرنى تەييارلاپ ...

ئوخشاشكەنمىز…بىزمۇ ئابىدە سودا سۈيىنى ئىچكەچ كۆرمىسەك بىرسە كەمدەك ھىسياتقا كىپ قالىمىز

ئېلىخو

ئوۋچى450 يوللىغان ۋاقتى  2015-11-18 21:32
قايسى كۈنى يىڭشەھەر ناھىيەسىدە مىرئەخمەت مۇسابىقە ئوي ...

رونالدو ئىچكەننى  ..……

  مانا  مەستانىچىلىكنىڭ  يۇقۇرى پەللىسى……

ئويچان

تەھرىرلەندى ....................

ئېتقاد

مۇنبەرگە كىچىكىپ يوللىنىپ قاپتۇ

قادىخان

بىر پىيالە سۈيۈڭمۇ يوق قىلىن بوۋاي ، نەدىكى بىر نىمىلەنى يوللاپ

يۇرتۇم7

ھەمراھ يوللىغان ۋاقتى  2015-11-18 21:32
ۋۇييۇ  !  بۇۋايكام  «تامغا»لىق  تېمىدىن بىرنى تەييارلاپ ...

مەمەتجان نەدىكى ئىلانغا چىقىپ يۈرگىچە سىلىنىڭكگەلا چىققان بولسا