| ئومۇمى يازمىسى: |
ھوقۇق چېكى: 1 |
| جۇغلانمىسى: 9186 |
تۆھپىسى: سەر |
|
بۇ يازمىنى ئاخىرىدا زەربىدار تەھرىرلىگەن. ۋاقتى 2015-10-15 14:18
ئەسسالامۇ ئەلەيكۇم
ئالدىن تاللاش مۇسابىقىسى ھەققىدە
بۈگۈن ئېلىپ بېرىلغان مۇسابىقىلەرنىڭ ئاخىرلىشىشىغا ئەگىشىپ، كېلەر يىللىق ياۋروپا لوڭقىسى گۇرۇپ مۇسابىقىسىگە بىۋاستە قاتنىشىدىغان فىرانسىيە، گېرمانىيە، ئىتالىيە... تۈركىيە قاتارلىق 20 كوماندا تاللاپ چىقىلدى، ئۆتكەن يىلى دۇنيا لوڭقىسىدا 3- بولغان گوللاندىيە كوماندىسى ئالدىن تاللاش مۇسابىقىسدە بىۋاستە شاللىنىپ قالدى.
2016-يىلى فىرانسىيەنىڭ بېلىتىنى ئالغان 20 كوماندا ۋە قوشۇمچە سالاھىيەت مۇسابىقىسى ئوينايدىغان 8 كوماندا تۆەندىكىچە
A گۇرۇپپا: چېخ جۇمھۇرىيىتى ۋە ئىسلاندىيە
B گۇرۇپپا: بېلگىيە ۋە ۋېلىس
C گۇرۇپپا: ئىسپانىيە ۋە سىلوۋاكىيە
D گۇرۇپپا: گىرمانىيە ۋە پولشا
E گۇرۇپپا: ئېنگىلاند ۋە شىۋىتسارىيە
F گۇرۇپپا: شىمالى ئېرلاندىيە ۋە رومىنىيە
H گۇرۇپپا: ئاۋىستىرىيە ۋە روسىيە
G گۇرۇپپا: ئىتالىيە ۋە كىرودىيە
J گۇرۇپپا: پورتۇگالىيە ۋە ئالبانىيە
تۈركىيە كوماندىسى 9 گۇرۇپپا ئىچىدىكى نەتىجىسى ئەڭ ياخشى 3-بولغان كوماندا بولدى.
قالغان 8 گۇرۇپپىدىكى 3-بولغان بوسنىيە، ئوكرائىنا، ئېرلاندىيە، سىلوۋىنىيە، ۋېنگىرىيە، شىۋىتسىيە، نورۋىگىيە ۋە دانىيە قاتارلىق 8 دۆلەت چەك تارتىش ئارقىلىق رەقىبلىرى بەلگىلىنىدۇ.
كىشىنىڭ دىققىتىنى تارتقىنى بولسا تۈركىيە كوماندىسىنىڭ ئەڭ ياخشى 3- بولغان كوماندا سۈپتىدە بىۋاستە قاتنىشىش سالاھىيتىگە ئېرىشكىنى بولدى، تۈركىيە كوماندىسى 5 ئۇتۇپ، 3 تەڭلىشىپ، 2 ئۇتتۇرۇپ جۇغلانما نۇمۇرى 18 بولغان، ئەمما C گۇرۇپتىكى 6 ئۇتۇپ، بىر تەڭلىشىپ، 3 ئۇتتۇرۇپ 19 نۇمۇرغا ئېرىشكەن 10 ساپ توپقا ئىگە ئۇكرائىنا، H گۇرۇپتىكى 6 ئۇتۇپ، بىر تەڭلىشىپ، 3 ئۇتتۇرۇپ 19 نۇمۇرغا ئېرىشكەن 1 ساپ توپقا ئىگە نورۋىگيە، D گۇرۇپتىكى 5 ئۇتۇپ 3 تەڭلىشىپ ، 2 ئۇتتۇرۇپ 18 نۇمۇرغا ئېرىكەن 12 ساپ توپقا ئىگە ئېرلاندىيە، G گۇرۇپتىكى 2 ئۇتتۇرۇپ 18 نۇمۇرغا ئېرىشكەن6 ساپ توپقا ئىگە شىۋىتسىيە كوماندىلىرى تاللىنالمىغان، شىۋىتسىيە ۋە ئېرلاندىيەنىڭ نۇمۇرى تۈركىيەنىڭ نۇمۇرى بىلەن تەڭ بولغان ئەھۋال ئاستىدا ساپ توپ كۆپ.
قائىدىدە مۇنداق بېكىتىلگەن، ئالدىنقى 8 گۇرۇپپا 6 كوماندىدىن تەركىب تاپىدۇ، I گۇرۇپپا 5 كوماندىدىن تەركىب تاپىدۇ، شۇڭا ئەڭ ياخشى 3- بولغان كوماندىنى تاللاشتا، ئالدىدىكى 8 گۇرۇپپىدا 3-بولغان كوماندىنىڭ نەتىجىسىدىن شۇ گورۇپتا ئەڭ ئاخىرىغا تىزىلغان كوماندا بىلەن بولغان مۇسابىقىدە قولغا كەلتۈرگەن نەتىجىسىنى ئېلىۋىتىدۇ.
قائىدە بويىچە بولغاندا تۈركىيە كوماندىسىنىڭ تەلىيى كەلگەن دېيىشكە بولىدۇ، تۈركىيە گۇرۇپتا ئاخىرىغا تىزىلغان لاتىۋىيە بىلەن بولغان مۇسابىقىدە ئاران 2 نۇمۇرغا ئېرىشكەن بولۇپ، تۈركىيەنىڭ نۇمۇرىدىن 2 نۇمۇرنى ئېلىۋەتسەك ئاخىرىدا ئېرىشكەن نۇمۇرى 16 بولىدۇ، ئەمما ئۇكرائىنا گۇرۇپپىسىدا ئەڭ ئاخىرىغا تىزىلغان ماكىدونىيە بىلەن بولغان مۇسابىقىدە قوش ئۇتۇپ 6 نۇمۇرغا ئېرىشكەن بولۇپ، 6 نۇمۇرنى چىقىرۋەتسەك ئېرىشكەن نۇمىرى 13 بولىدۇ، ئوخشاش ئۇسۇلدا كەلتۈرۈپ چىقارساق نورۋىگىيە 13 نۇمۇرغا، ئېرلاندىيە بىلەن شىۋىتسىيە 12 نۇمۇرغا ئېرىشكەن بولىدۇ.
قارىغاندا تۈركىيە كوماندىسىنىڭ گۇرۇپتىن چىقىش ئەندىزىسى گۇرۇپتىن چىقىش ئۈچۈن ئاجىز كوماندىلارنى قويۇپ بېرىش، كۈچلۈك كوماندىلار بىلەن جان تىكىشىش بولسا كېرەك. 
گۇرۇپپا مۇسابىقىسى ۋە شاللاش مۇسابىقىسى ھەققىدە
2016-يىللىق فىرانسىيە ياۋروپا لوڭقىسىغا قاتنىشىدىغان كوماندىلار ئەسلىدىكى 16 دىن 24 كە كېڭەيتىلگەن بولۇپ، 36 مەيدان گۇرۇپ مۇسابىقىسى ۋە 15 مەيدان شاللاش مۇسابىقىسى بولۇپ جەمئى 51 مەيدان مۇسابىقە ئوينىلىدۇ، كوماندىلار 4 تىن 6 گۇرۇپپىغا بۆلىنىدۇ.
ئىلگىرى 16 كوماندا ئوينىغاندا، 4 تىن 4 گۇرۇپقا بۆلۈنگەن، ھەر بىر گۇرۇپتىن نۇمۇرى ئالدىدىكى ئىككى كوماندا گۇرۇپتىن چىقىپ 8 كۈچلۈكنى تەشكىل قىلغان، 8 كوماندىدىن 4 كۈچلۈك تاللاپ چىقىلغان، 4 كۈچلۈكتىن ھەلقىلغۇچ ئوينايدىغان ئىككى كوماندا تاللاپ چىقىلغان، ۋە ئاخىرىدا چىمپىيون بارلىقققا كەلگەن.
بۇ يەردە كىشىنىڭ دىققىتىنى تارتىدىغان يەنە بىر مەزمۇن بار. بۇ قېتىم 24 كوماندىغا كېڭەيتىلگەندىن كېيىن ئوخشاشلا تۆتتىن 6 گۇرۇپپىغا بۆلۈنگەن، ئەمما ئىلگىركىدەك ھەر بىر گۇرۇپتىن ئىككى كوماندا چىقسا، ئاخىردا 12 كۈچلۈك كوماندا بارلىققا كېلىپ، 12 كۈچلۈكتىن 6 كۈچلۈك، 6 كۈچلۈكتىن 3 كۈچلۈك چىقىپ قالاتتى. ئەلۋەتتە يېرىم ھەل قىلغۇچنى قانداقمۇ 3 كوماندا بۇرۇنقىدەك شاللاش مۇسابىقىسى قىلىپ ئوينىغىلى بولسۇن؟ ئايلانما مۇسابىقە قىلغان ھالەتتە قىزغىنلىق ۋە قاتتىق ھاياجاننىڭ تۆۋەنلەپ كېتىشىنى يوققا چىقارغىلى بولمايدۇدە؟ ئەمسە قانداق قىلىش كېرەك؟
قائىدىدە، گۇرۇپتىن 12 كوماندا ئەمەس 16 كوماندا چىقىدۇ دەپ بەلگىلەنگەن، شۇنداق بولغاندا 16 كۈچلۈك، 8 كۈچلۈك، 4 كۈچلۈك، چىمپىيون بولۇپ مۇسابىقە تەرتىۋى نورمال بولاتتى. ئەمما 6 گۇرۇپتىن قانداقسىگە 16 كوماندا چىقىدۇ؟
بۇ ئۈستىدىكى تۈركىيە كوماندىسىنىڭ ياۋروپا لوڭقىسىغا بىۋاستە قاتنىشىش سالاھىيتىنى قولغا كەلتۈرگىنىگە ئوخشاپ قالىدۇ، يەنە 6 گۇرۇپتىن ئالدىنقى ئىككى كوماندا چىقىپ 12 كوماندىنى تەشكىل قىلغاندىن سىرت، ئىپادىسى ئەڭ ياخشى 3- بولغان كوماندىدىن 4 كوماندا تاللاپ چىقىلىپ، ئالدىدا تاللانغان 12 كوماندا بىلەن 16 كوماندىنى تەشكىل قىلىدۇ.
ئەگەر گۇرۇپتتا نۇمۇرى ئوخشاش بولۇپ قېلىش ئەھۋالى كۆرۈلسە، ئاۋال ئۆز ئارا تۇتۇشقاندىكى نەتىجىگە، كېيىن ساپ توپقا، ئۇنىڭدىن كېيىن كىرگۈزگەن توپىغا، ئادىل مۇسابىقىلشىپ ئېرىشكەن نۇمۇرىغا، ئەڭ ئاخىرىدا ياۋروپا پۇتبولچىلار بىرلەشمىسى تىزغان رەت تەرتىپكە قارايدۇ. ئىپادىسى ياخشى 3-بولغان كوماندىنى ئايرىشتىمۇ ئوخشاش ئۇسۇل قوللىنىدۇ.
|
|
ۋاقتى: 2015-10-14 18:20:19
تېما كۆتۈرۈش
تېما چوققىلاش
تېما تاقاش
变色卡
ئىگىسى
