شاراۋېي ھەققىدە قىسسە

ئابلەتجان

  بۈگۈن مەن بۇ تېمامنى كېسەل كارۋىتىدا كۈرەش قىلىۋاتقان، مىلان شۇنداقلا ئىتالىيەنىڭ كەلگۈسىدىكى ئەڭ زور ئۈمىدلىرىنىڭ بىرى بولغان ئىستېفان ئەل شاراۋېيغا بېغىشلايمەن.
     ئەمىسە، ئۇ ھەقتە توختىلىشقا باشلىدىم، قۇلىقىڭلار مەندە، كۆزۈڭلار ئېكراندا بولسۇن:

    1. شاراۋېينىڭ تۇغۇلغان كۈنى
    شاراۋېي مىلادىيە 1992 – يىلى 10 – ئاينىڭ 27 – كۈنى سەيشەنبىدە تۇغۇلغان. بۇ كۈنى دۇنيا بويىچە يېشى ئەڭ چوڭ ئوستېر بېلىقى تۇنجى قېتىم قولغا چۈشۈرۈلگەن بولۇپ، تارىخىتىكى مۇھىم كۈندۇر. يەنە قارايدىغان بولساق تارىختىكى 10 – ئاينىڭ 27 – كۈنلىرىمۇ بىكار ئەمەس بولۇپ، 1947 – يىلى تۇنجى قېتىملىق كەشمىر ئۇرۇشى پارتىلىغان، 1989 – يىلى 10 – ئاينىڭ 27 – كۈنى سوۋېت ئىتتىپاقى ئوتتۇرا قىسقا مۇساپىلىك باشقۇرىلىدىغان بومبىلىرىنى پۈتۈنلەي يوقاتقان، 2002 – يىلى 10 – ئاينىڭ 27 – كۈنى دۆلىتىمىز «جۇڭگو بايلىقى 2- نومۇر» ناملىق سۈنئىي ھەمراھنى مۇۋاپپىقىيەتلىك قويۇپ بەرگەن.



        2. شاراۋېينىڭ يۇرتى
    شاراۋېي ئانىسى ئىتالىيەلىك، دادىسى مىسىرلىق بولۇپ، ئۇ ئانىسىنىڭ يۇرتى بولغان ساۋونا شەھىرىدە تۇغۇلغان. ساۋونا شەھىرى گىنويا قولتۇقىغا جايلاشقان لىگۇرىيا ئۆلكىسىنىڭ مەركىزى بولۇپ، نوپۇسى 60 مىڭ. بۇ شەھەردىن ئىلگىرىكى ئىتالىيە زۇڭلىسى پاۋلو بوسەيرى ۋە داڭلىق توپچى پانۇچى چىققانىدى.



       3. شاراۋېينىڭ ئىسىمى
    شاراۋېينىڭ تولۇق ئىسىمى سىتېفان ئەل شاراۋېي بولۇپ، غەرب ۋە شەرق ئىسىملىرى تەڭ گىرەلەشكەن، خەلقئارالاشقان ئىسىمدۇر. سىتېفان ئانىسىنىڭ ئىتالىيەلىك ئىكەنلىكىنىڭ بەلگىسى بولسا، ئەل شاراۋېي دېگەن ئىسىم ئۇنىڭ دادىسىنىڭ مىسىرلىق ئىكەنلىكىنى بىلدۈرگەن. ئەل دېگەن سۆز ئەرەبچە ئىسىملارنىڭ كۆپىنچىسىنىڭ ئالدىغا كېلىدىغان سۆزلەرنىڭ بىرى بولۇپ، بۇنى ئەرەبلەرنىڭ ئەڭ بۇرۇنقى قەبىلىرىدىن بىرى بولغان سېمىتىسلار كۆپ قوللانىدىكەن. شاراۋېي دېگەن سۆز مىسىرلىقلارنىڭ سۆزى بويىچە «شېئىر يازغۇچى»، يەنە شائىر دېگەنلىكتۇر.



      4. شاراۋېينىڭ لەقىمى
      شاراۋېينىڭ لەقىمى كىچىك فىرئەۋىن. 2013 – يىلى 4 – ئايدا مىسىر زۇڭتۇڭ مەھكىمىسىنىڭ بىر تەرجىمانى مىسىر ھۆكۈمىتىنىڭ سالىمىنى ئېلىپ، شاراۋېيغا مىسىر تارىخىدىكى داڭلىق ئېمپىراتور، فىرئەۋىن رامسېس ئىككىنچىنىڭ بىر ھەيكىلىنى سوۋغا قىلغان، ئۈستىگە «قالتىس فىرئەۋىن، خۇددى ساڭا ئوخشاشلا» دەپ يېزىلغانىكەن. شاراۋېي مىلانغا كەلگەن دەسلەپكى چاغلاردىلا ئۇنىڭ مىسىرغىمۇ تەۋە ئىكەنلىكى ۋە قالتىس ماھارىتى كىشىلەرنىڭ ئۇنى «كىچىك فىرئەۋىن» «FARONE» دېيىشىگە سەۋەب بولغانىدى.



       5. شاراۋېينىڭ چېچى
     شاراۋېينىڭ چېچى ئۇنىڭ تىپىك بەلگىلىرىدىن بىرى بولۇپ، ئۇنىڭ چاچ پوسۇنى ياۋروپادا «موچىكەن» چاچ پاسونى دەپ ئاتىلىدۇ، مۇنبىرىمىزدە «ھۆپۈپ» دېيىلىدۇ. بۇ سۆز ئەسلى شىمالىي ئامېرىكىدىكى ئىندىيانلارنىڭ بىر تارماق قەبىلىسىنىڭ نامى بولۇپ، كېيىن نۇرغۇن چولپانلار ئارقا – ئارقىدىن مۇشۇ خىل پاسوندىكى چاچ شەكلى بىلەن كىشىلەرگە قىزقارلىق تۈس بەرگەن. بېكخامدىن بالوتېلىغىچە، رونالدودىن شاراۋېيغىچە، مېكىستىن نېيمارغىچە بولغان چولپانلار مۇشۇ خىل چاچ شەكلىنى خېلى ئىشلەتتى. بىراق، شاراۋېي بۇلارنىڭ ئىچىدە بۇ چاچ شەكلىنى ئەڭ ئۇزۇن ۋە ئەڭ نوچى سىياقتا ئىشلەتكەن پۇتبولچىدۇر. 2012 – يىلى 11 – ئايدا كۇلۇب رەئىسى بېرلۇسكونى ئۇنىڭغا چاقچاق ئارىلاش:«ماۋۇ يەلكەنلىك كېمىدەك چاچلار قىسقارسا بولاتتى» دېسىمۇ، ئۇ يەنىلا ئېرەن قىلماي، چېچىمنى ھەرگىز ئۆزگەرتمەيمەن، دېگەن. ئۇنىڭ مىلاندا مەخسۇس ساتىراشى بار بولۇپ، ئۇ ھازىر شاراۋېينىڭ چېچىنى ياساپ داڭق چىقىرىپ، ھازىر ناھايىتى بازارلىق ساتىراش بولۇپ قالغان.



      6. شاراۋېينىڭ قاش – كۆزى
     شاراۋېي شالغۇت، بىر قىسىم چوڭلىرىمىزنىڭ سەترەك ئېيتىشى بويىچە «قېچىر» بولغاچقا، چىرايىدىن ئارىلاش تەنلىك ئىكەنلىكى بىلىنىپ تۇرىدۇ. ئۇنىڭ ئۇزۇن، ئەگىم قارا قاشلىرى، نەمخۇش نۇر چاچىدىغان كۆزلىرى كىشىگە ئەرەبلەرنى ئەسلەتسە، ئاق تېرىسى ئىتالىيانلارنى ئەسلىتىدۇ.



          7. شاراۋېينىڭ بەدەن شارائىتى
شاراۋېينىڭ بوي ئېگىزلىكى 1 مېتىر 78 سانتىمېتىر بولۇپ، ياۋروپانىڭ ئوتتۇرىچە بوي ئېگىزلىكىگە تەڭداش، ئېغىرلىقى 73 كىلوگرام بولۇپ، بوي ئېگىزلىكىگە نىسبەتەن باش بارماقتىن ئىككىنى چىقىرىشقا لايىق. يىغىپ ئېيىتقاندا، ئۇنىڭ بەدەن شارائىتى پۇتبولغا تولىمۇ ماس كەلگەن.



         8. شاراۋېينىڭ پۇتبول ئايىغى
     شاراۋېي نايكې شىركىتىنىڭ «قاتىل» تىپىدىكى پۇتبول ئاياغلىرىنىڭ ئوبراز ئەلچىسى بولۇپ، ئۇ باشتىن – ئاخىرى نايكېنىڭ مۇشۇ خىل تىپتىكى، ھەر خىل رەڭدىكى ئاياغلىرىنى كىيگەن بولۇپ، قىزىل، سېرىق، كۆك قاتارلىق ھەرخىل رەڭلەر ئۇنىڭ نەزەرىدىن قېچىپ قۇتۇلالمىدى.

                  

         9. شاراۋېينىڭ دوستى
    شاراۋېينىڭ ھازىرغىچە ئۆزى ئەڭ چوڭ بىلگەن، شۇنداقلا ئەڭ ياخشى ئۆتكەن دوستى بالوتېلى بولۇپ، بۇ ئىككىيلەن مىلاندا ۋە ئىتالىيە دۆلەت كوماندىسىدا ياش جەھەتتىكى يېقىنلىقى، مەيداندىكى ئورنىنىڭ ئوخشاشلىقى، ئافرىقىدىكى دۆلەتكىمۇ تەۋە ئىكەنلىكى، مودا بولغان قىزىقىشى ۋە تۇغما تالانتى جەھەتتىكى يېقىنلىقى بىلەن ناھايىتى ياخشى دوستلاردىن بولغان. ھەر ئىككىيلەن بىر – بىرىگە ناھايىتى ياخشى مۇئامىلىدە بولۇپ، ياردەم بېرىپ ئۆتكەن. ئىككىيلەننىڭ مەيلى مىلاندا بولسۇن، مەيلى دۆلەت كوماندىسىدا بولسۇن توپ كىرگۈزۈپ بولغاندىن كېيىن، ئىككىيلەنگىلا مەنسۇپ بولغان پارول بىلەن غەلىبىنى تەبرىكلەپ يۇقىرىقى نۇقتىنى ئىسپاتلىغان. گەرچە، بالوتېلى يىراق ئىنگىلاندتقا كەتكەن بولسىمۇ، بۇ ئىككىسىنىڭ دۆلەت كوماندىسىدا يەنىلا بىللە بىر يەڭدىن قول چىقىرىشىنى ئۈمىد قىلىمەن.






            10 . شاراۋېينىڭ لايىقى
    2013 – يىلى 4 – ئايدا شاراۋېينىڭ لايىقى ئاشكارىلاندى. ئۇنىڭ لايىقى ئۆزىدىن 3 ياش چوڭ، كۆزگە كۆرىنىۋاتقان مودېل ئېستېر بولۇپ، ئۇلارنىڭ بەزى سۈرەتلىرى ئاشكارىلىنىپ، شاراۋېيغا بەزى بېسىملارنى ئېلىپ كەلدى. بەزى ئاخبارات ۋاسىتىلىرى:«مۇھەببەت ئۇلۇغ، ئەمما ۋاقتى كەلمىگەن ئىش خەيرلىك بولمايدۇ» دەپ ئاگاھلاندۇرۇشمۇ بەردى. ئەپسۇس، بۇ بالا ھېچ گېپىمىزنى ئاڭلايدىغاندەك ئەمەس، نە ئامال، ياشلىق دېگەن مۇشۇنداق بەڭۋاشلىققا تولغانىكەن...



             11. شاراۋېينىڭ كەسپى
         ئەتىگەندىن بېرى شاراۋېي ھەققىدە توختىلىپتىمەن، ئەمما ئۇنىڭ كەسپىنى دېيىشنى ئۇنتۇپ قاپتىمەن. ئۇ پۇتبول تېپىدىغان بىر پۇتبولچى. ئاساسەن 11 كىشىلىك، ئۆلچەملىك مۇسابىقىلەرنى ئوينايدۇ. توپچىنىڭ ئاساسلىق ئىشى مەيداندا بولغاندىكىن، ئەسلى مۇشۇنىلا يازسام بوپتىكەن ھە... ئېزىپتىمەن...



                12. شاراۋېينىڭ كۇلۇبلىرى
ئۇ 1998 – يىلىدىن 2003 – يىلىغىچە لېگىنو كۇلۇبىدا تەربىيەلەنگەن، 2003 – يىلى ئۇنى گىنويا كۇلۇبى بايقاپ، ياشلار مەشىق بازىسىغا ئېلىپ كەلگەن. ئۇ 2011 - يىلى 6 مىليون ياۋروغا 10 مىليون ياۋرو قىممىتىدىكى مىلان توپچىسى مېركېلنى قوشۇپ بېرىش شەرتى بىلەن، مىلانغا قېتىلدى.



             13. شاراۋېينى تالاشقان كۇلۇبلار
    شاراۋېينىڭ ئىتالىيە 17  ياشلىقلار كوماندىسىدىكى ئىپادىسى 2008 – يىلىدىن باشلاپلا يۇۋېنتۇس، ئارسېنال، بارسېلونا قاتارلىق كۇلۇبلارنىڭ دىققىتىنى تارتقان. 2013 – يىلى يازدا رېئال مادرىد، چېلسى ۋە پارىژ قاتارلىق كۇلۇبلار شاراۋېيغا ئارقا – ئارقىدىن باھا قويغان، رېئال مادرىد ھەتتا 40 مىليون ياۋرو باھا قويغان. كېيىن بۇ سەپكە يەنە مانچېستېر شەھىرى، موناكو قاتارلىق زەردارلارمۇ قېتىلغان. ئاخىر شاراۋېي يەنىلا مىلانغا بولغان مېھىر مۇھەببىتىنى دەپ يەنىلا مىلاندا قېلىشنى تاللىغان.



             14. شاراۋېينىڭ ئۈلگىسى
   شاراۋېينىڭ توپ مەيدانىدىكى ھەقىقىي ئۈلگىسى، ئامراق توپچىسى كاكا بولۇپ، ئۇ 12 يېشىدىن باشلاپلا كاكانىڭ مۇسابىقىلىرىنى كۆرگەن ۋە ئۆمۈرلۈك ئارزۇيۇم كاكا بىلەن توپ تېپىش دېگەنىدى. ئۇنىڭ بۇ ئارزۇسى 2013 – يىلى ئەمەلگە ئېشىپ، ئۇ كاكا بىلەن بىر يىل بىللە توپ تېپىپ، ئىنتايىن ھاياجنالغان، كاكامۇ ئۇنىڭغا كۆپ نەرسىلەرنى ئۆگەتكەن.



            15. شاراۋېينىڭ ئۇرغان توپى
    شاراۋېي ھازىرغا قەدەر مىلاندا 85 مەيدان مەيدانغا چىقىپ، 21 توپ كىرگۈزۈپ، 11 تۆھپە پاس بەرگەن.



              16. شاراۋېينىڭ رېكورتى
     شاراۋېي 2012 – 2013 – يىللىق مۇسابىقە پەسلىدە سانكىت – پېتىبۇرگ زېنت كۇلۇبىغا بىر توپ كىرگۈزگەن، ئۇ بۇ كۈنى 19 ياش 342 كۈنلۈك بولغان بولۇپ، كۇلۇب تارىخىدىكى ئۇزغۇنلۇقتا توپ كىرگۈزگەن ئەڭ ياش پۇتبولچى بولۇپ قالغان.



             17. شاراۋېينىڭ شان – شەرەپلىرى
    2013 – يىللىق كۈمۈش توپ مۇكاپاتى. بۇ مۇكاپات ئىتالىيەدىكى بىر قەدەر چوڭ تەنتەربىيە مۇكاپاتى بولۇپ، ھەرقايسى تەنتەربىيە تۈرلىدىرىدىكى كۆزگە كۆرۈنگەن، شۇنداقلا ئەخلاقى ناھايىتى ياخشى پۇتبولچىلارغا تارقىتىلىدۇ. ئىلگىرى مىلاندىن شېۋىچىنكو ۋە كاكا مۇشۇ مۇكاپاتقا ئېرىشكەنىدى. شۇ يىلى ئۇ يەنە پۇرسىكو مۇكاپتاىغا ئېرىشتى. بۇ مۇكاپاتمۇ ئوخشاشلا پۇتبولدا ئۇتۇق قازانغان، كەسپىگە يۈز كېلەلىگەن، كەسپىي ۋە شەخسي ئەخلاقى ئەڭ ياخشى پۇتبولچىىغا بېرىلىدىغان مۇكاپات.



                18. شاراۋېينىڭ ئاغرىقى
   شاراۋېي سۈرئەتكە تاينىپ جان باقىدىغان ماھىرلارنىڭ بىرى بولغاچقا، يرقىنقى ئىككى پەسىلدىن بۇيان كۆپ ھەرەج تارتتى. بۇ پەسىلدىمۇ ئىلگىرى كېيىن ئىككى قېتىم يارىلاندى، ھازىرمۇ داۋالىنىۋاتىدۇ. ئۇنىڭ ھەرگىزمۇ ئوۋېن ۋە دايسىلېر ئىزىدىن مېڭىپ قالماسلىقىنى ئۈمىد قىلىمىز.



                  19. شاراۋېينىڭ پىسخىكىسى
شاراۋېي بىر قېتىم كوللېكتىپ سۈرەتكە چۈشكەندە بالوتېلى ئۇنىڭ چېچىنى بۇزىۋەتسە ناھايىتى خاپا بولۇپ كېتىپتىكەن، يېقىن دوستىغا بۇنداق ئاچچىغلاپ كەتكىنىگە قاراپ پىسخىكىسى ناچارمىكىن دېدىم. ئەمما، مۇسابىقە جەريانىدا بەزى توپلارنى شەخسىيەتچىلىك قىلىپ پاس بەرمىگەندە، بولۇپمۇ پاززىنىغا پاس بەرمەي ئۇ قاقشاپ، ھەتتا تىللاپ كەتسىمۇ، خۇددى ھېچ ئىش بولمىغاندەك يۈرگىنىگە قاراپ، ئۇنىڭ پىسخىكىسىنى ئەلى مۇئەللىمدىن قالسىلا ئەڭ ياخشىمىكىن دەيمەن.

ئابلەتجان

XATKAR886 يوللىغان ۋاقتى  2015-2-15 16:51
مانا سەۋەبىمۇ ئاخىرى چىقتى. تۇلۇق چۈشەندىم دىسەممۇ يا ...

  مەن مۇنبەرگە ھەممىمىزگە بىلىم بەرگۈدەك، ئەسقاتقۇدەك، تۇتامىغا چىققۇدەك، تالاش - تارتىش قىلىشقا ئەرزىگۈدەك يازمىلار يوللانسا، ھەممىمىزنىڭ پۇتبول بىلىمىمىز ئاشسا دېگەن ئۈمىتتە...
  مۇنبەر بەزىدە شۇنداق قالايمىقان بولۇپ كېتىدۇ، تېما، ئەجىرلەر بەزىدە شۇنداق بىئەتىۋا بولۇپ كېتىدۇ، باشقىلارنىڭ چېچى بىلەن نىكاھسىز تاپقان بالىسىنىمۇ سۆرەپ كىرىپ خاپا بولۇشىمىز، لېكىن يەنىلا مۇنبەرگە كىرىمەن، سەۋەبى نېمە؟
1. مۇنبەر ئارقىلىق پۇتبول سەۋىيەمنى ئاشۇرالايمەن. مۇنبەردە پۇتبول سەۋىيەسى، تەھلىلى خېلى ياخشى بالىلارمۇ ئاز ئەمەس.
2. مۇشۇ مۇنبەرنى ئۇيغۇرلارنىڭ مۇشۇ تۈردىكى ئەڭ نوپۇزلۇق، ئەڭ سەۋىيەلىك مۇنبىرى دەپ قارايمەن. ئۇيغۇرلادىكى ئەڭ ئەشەددىي توپ مەستانىلىرىنىڭ %99 ى مۇشۇ مۇنبەردە، پەقەت بولمىسا مۇنبەرنى مارايدۇ دېيىش مېنىڭچە خاتا ئەمەس. مۇنبەر ئارقىلىق رايونىمىزدىكى توپ مەستانىلىرىنىڭ ئومۇمىي ۋە ئوتتۇرىچە سەۋىيەسىنى بىلىپ تۇرىمەن.
3. مەن ئىلگىرىمۇ دېگەن. مۇسابىقە چۈشەندۈرۈشنىڭ تەسلىكى مۇسابىقە چۈشەندۈرۈلىشىنى ئاڭلاۋاتقان كىشىلەر توپىنىڭ سەۋىيەسىنىڭ پەرقىدە ئىپادىلىنىدۇ. يەنى 4231 سەپ شەكلىنى 442 گە ئۆزگەرتتى دېگەن گەپنى قانچىلىك ئادەم چۈشىنىدۇ، قانچىلىك ئادەم چۈشەنمەيدۇ ئۆزىڭىز بىلىسىز. مۇسابىقە چۈشەندۈرگەندە بەك كەسپىي بولۇپ كەتسىڭىز ياشانغانلار، ئەمدى مۇسابىقە كۆرۈۋاتقانلار زېرىكىدۇ، بەك تۆۋەن سەۋىيەلىك سۆزلىسىڭىز نۇرغۇن مەستانىلەر قاقشايدۇ. شۇڭا كۆرۈلمەنلەرنىڭ مۇسابىقە سەۋىيەسىنى ئاشۇرۇش، ئۇلارنى تەربىيەلەش كېرەك. تەربىيەلەشنى ئەڭ ئاۋۋال مۇنبىرىمىزدىن، پۇتبول مۇنبىرىدە تۇرۇپمۇ ھەقىقىي پۇتبولنى چۈشەنمەيدىغانلاردىن باشلاش كېرەك.
   يۇقىرىقىلار مېنىڭ مۇنبەرگە كىرىشىمنىڭ ھەقىقىي سەۋەبىم.

   يىغىپ ئېيىتقاندا، مېنىڭ بۇ تېمامنى مەجبۇرىي نادىرلىتىشىم مۇشۇ تېما كۆزگە چېلىققۇدەك يەردە تۇرسا، جىقراق كىشى كۆرۈپ بەزى نەرسىلەرنى ھېس قىلسا دەپ ئويلايمەن... نادىرلىسىغۇ ماڭا چوڭ پايدىسى يوق... ئەلۋەتتە، بۇنداق تېمىنى يېزىشقىمۇ بەك جىق سۈرەت ۋە ماتېرىيال كېتىدىكەن...

ۋىروس

ئۇزغانلىقتا ئەڭ ياش توپ ئۇرغىنى پاتومىكى دەيمىنا

ئابلەتجان

7RoNALDo يوللىغان ۋاقتى  2015-2-15 16:07
ھەراس بۇنىڭ دىنى نىمە؟؟؟؟؟

سىز ئۈچۈن شۇنچىلىك مۇھىمما؟؟؟
  بۇ تېما شاراۋېينى تونۇشتۇرغان تېما ئەمەس، پۇتبولچىنىڭ مەيداندىكى ئىپادىسىدىن باشقا خەۋەرلەر بەك مۇھىم ئەمەس دەپ يازغان تېما... مەن شاراۋېينىڭ چېچى، قاش كۆزى، چۇخىيىنى، ھەتتا تۇغۇلغان كۈنىنىمۇ خاسىيەتلىك كۈن دەپ تونۇشتۇرۇپ يازدىم. ئەمەلىيەتتە، بىز ئۈچۈن ئۇنىڭ بۇ نەرسىلىرىنىڭ نېمە كېرىكى، مەيداندا توپنى ياخشى ئوينىدى دەپلا تونۇيمىزغۇ ئۇنى...
   ئەگەر ئۇ ئىسلامدا بولغان بولسا سىلەرنى بەك خۇش قىلىش ئۈچۈن بىرىنچى ئورۇنغا مۇش گەپنى يازىتىم، ئۇ ئىسلامدا بولـمىغاچقا پالانى دىن دېيىشنىڭ زۆرۈرىيىتى يوق... روبېرت باگىيو بۇددا دىنى مۇرىتى، ئۇنى ھەممىمىز ياخشى كۆرىمىز، ئۇنى ياخشى كۆرۈشىمىز دىن سەۋەبلىك ئەمەس... يازمىنى تولۇق ئوقۇڭلار، مائۇسنىڭ غالتىكىنى تېگى تۆپى قىلىپ قويىدىغان ئىش بولسا، ئىنكاس يازمىساڭلارمۇ بولىدۇ...
  سىزگىلا دېگەن گەپ ئەمەس جۇمۇ، سىز بىلەن ئاكا ئۇكىدەك بولغاچقا يازدىم...

1830

بۇنىڭغا خېلى بۇرۇن كۈزۈم چۈشكەنتى ، توپ ئويناشلىرى بىر خىل نەپىس، لىكىن زە كارۋاتقا ئامراق چىقىپ قالدىمۇيا بۇ بالا؟

ئابلەتجان

جاغىستاي120 يوللىغان ۋاقتى  2015-2-15 01:30
تېمىنى تەپسىلى ئوقۇدۇم، ‹‹شاراۋېي مىلانغا كەلگەن دە ...

بەك تەپسىلىي ئوقۇپسىز. بىرنىڭ كەينىدىن ئىككى، ئاندىن ئۈچ كېلىدىغاندۇ. ئىككىنچى ۋە ئۈچىنچىلەرنى ئوقۇسىلا جېنىم ئاكا...بۈگۈن قېنىمنى سىزگە چاچىمەن زادى... ھەممە يېرىنى تولۇق ئوقۇپ باقسىلا ئانداق قىلماي...

ئابلەتجان

جاغىستاي120 يوللىغان ۋاقتى  2015-2-15 01:19
تېماڭلارنى بەك ماختىۋېتەي دەپ ئۆزەمنى تۇتىۋالدىم، ھەر ...

  ئات ئۈستىدە گۈل كۆرمەي تېمىنى تولۇقراق ئوقىسىلا، ناھايىتى تەپسىلىي بار... تېمىغا مۇنداقلا كۆز يۈگۈرتۈپ سۇئال سورىلىما قارىم؟؟؟

ئابلەتجان

تەھرىرلەندى...

azgun110

شاراۋى دېگەن بالىنى مەن تونۇغاندىن بېرى ياتىدۇيا؟ مېنىڭغۇ كۆزۈم يامان ئەمەس بولمىسا

دىيارىم

   تۇلا يارلىنىش  مۇشۇ بالىنىڭ  ئ‍ىستىقبالىغا تەسىر كۆرستىۋاتىدۇ .  تىخىمۇ تىرىشقىن  فىرئ‍ەۋىن لات  2.

ئارىف

ئابلەتجان مىلاندىكى بارلىق ئىش -پۇشقۇڭلىنى شاراۋىنى يېزىپ چىقىرىپسىلە. قالتىس تەبئى سۆز ئىبارىلەر بىلەن يېزلىپتۇ.

ئابلەتجان

ئارىف يوللىغان ۋاقتى  2015-2-15 00:37
ئابلەتجان مىلاندىكى بارلىق ئىش -پۇشقۇڭلىنى شاراۋىنى ي ...

سامان تېگىدىن سۇ يۈگۈرتتىم...

مەشئەل520

بالاتولى كىلىشنىڭ ئالدىدا شۇنداق چاقنىغان ،بالاتولى كەپلا يۇقاپ كەتكەن بۇ بالا  شۇنىڭدىن بىرى ئەسلىگە كىلەلمىدى دىسە  . نادىر تېما بۇلاپتۇ

سەھرا9

يازلىق بازار كەلگۈچە ئىتالىيەدىكى نۇپۇزلۇق ئاخپارات ۋاستىللىرىغا ئەۋەتىپ شاراۋىينىڭ باھاسىنى ئۆستۈرگىدەك تېما بوپتۇ

ئارىف

ئابلەتجان يوللىغان ۋاقتى  2015-2-15 00:23
مۇنبىرىمىزدە شەخسكە ئاتالغان تېما ئاز ئەمەس، ئەمما م ...

گۇمىغا بېرىش ۋاقتى يېقىنلاپ قالغانسىرى ئاچچىق گەپ قىلدىغان بۇلۇپ قاپسىلە.

ئابلەتجان

ئارىف يوللىغان ۋاقتى  2015-2-15 00:48
گۇمىغا بېرىش ۋاقتى يېقىنلاپ قالغانسىرى ئاچچىق گەپ قى ...

  بەزى ئىشلاردىن تازا قورسۇقۇم كۆپەپ تۇرغاندا، يەنە بەزى ئىشلار...