| ئومۇمى يازمىسى: |
ھوقۇق چېكى: 1 |
| جۇغلانمىسى: 639 |
تۆھپىسى: سەر |
|
ئەسسالامۇ ئەلەيكۇم مۇنبەر ئەھلى كەمىنە تۇتىيادىن ھەممىڭلارغا ئوتلۇق سالام.
تېمىنىڭ ماۋزۇسىغا قاراپ ھەيران قالدىڭلار ھە قاچان،توغرا بۇ تېمىنىڭ ئىسمىنى بالىلىققا قايتىش دەپ قويدۇم…ھەممىمىزگە مەلۇم ھەر قانداق ئىنساننىڭ بالىلىقى خۇشال－خوراملىققا،گۆدەكلىككە،ساددىلارچە ئوي پىكىرلەرگە تولغان بولىدۇ،ئىشقىلىپ ئىنساننىڭ بالىلىق ۋاقتى ئەڭ خۇشال ئوتكەن چاغلار بولسا كېرەك. ئەمدى مەقسەتكە كەلسەك بەلكىم ئاشۇ بالىلىقىمىزدا قىلغان گۆدەكلەرچە ئىشلىرىمىزنىڭ ياكى ئوي پىكىرلىرىمىزنىڭ پۇتبولغا مۇناسىۋەتلىكلىرى بۇلىشى مۇمكىن،ياشنىڭ چوڭىيىشىغا ئەگىشىپ تۇرمۇشنىڭ ھەر تۇرلۇك بېسىملىرى ئاستىدا بالىلىقتا ئېرىشكەن ئاشۇ خۇشاللىقلارغا ئېرىشەلمەيۋاتىمىز،شۇڭا بۇگۇن بالىلىقتا قىلغان گۆدەكلەرچە ئىش－ئىزلىرىمىزنى ئەسلەشكەچ بىردەم بولسىمۇ بالىلىققا قايتىش مەقسىتىدە بۇ تېمىنى يازدىم.دوستلارنىڭ قوللىشىنى ئۇمۇد قىلىمەن.
كىچىك ۋاقىتلىرىمدا ئۆيىمىزنىڭ كەينىدە چوڭ－چوڭ خامانلىقلار بار ئىدى،مەھەللىمىزدىكى بالىلار ھەر كۇنى بۇ خامانلىققا چىقىپ توپ ئوينايتۇق، توپنىڭ كەينىدىن يۇگۇرۇشۇپ ھارغىچە يۇگۇرەيتۇق.ھېرىپ قالغاندا بولسا ھەممىمىز بىر يەرگە يىغىلىپ ئولتۇرۇپ توپا بۇلۇپ كەتكەن مەيدانغا قاراپ شىرىن خىياللارنى قىلىشقا باشلايتۇق.ھەركۇنى مەيدانغا سۇ چېچىپ قېتىتىپ،توپا چىقمايدىغان قىلىدىغانغا، يەنە تېخى مەيداننىڭ ئىككى تەرىپىگە ياغاچ قاداپ ۋارتار ياساشنى ئويلۇشۇپ خۇشال خۇرام ئۆيىمىزگە كىرىپ كېتەتتۇق.لېكىن بۇ خىياللىرىمىز شۇ ئولتۇرغان يىرىمىزدىلا قېلىپ قالاتتى.ئەتىسى يەنىلا ئاشۇ توپىلىق مەيداندا ئويناۋېرەتتۇق……
قوشنىمىزنىڭ ئۆيىدە بىر رەڭلىك تېلىۋۇزۇر بولىدىغان پات－پات پۇتبول مۇسابىقىللىرىنى كۆرەتتۇق، شۇ ئىشنى ئويلىساملا كۇلگۇم كېلىدۇ،رىپىرنىڭ قائىدىگە خىلاپ ھەرىكەت ئىشلىسە كارتا چىقىرىدىغانلىقى بىلەتتىم.لېكىن دەسلەپتە چىقارغان كارتىسىنىڭ بىر تەرەپە قىزىل يەنە بىر تەرىپى سېرىق دەپ ئويلاپتىكەنمەن.
كىيىن ئۇنىڭ ئايرىم ئايرىم كارتا ئىكەنلىكىنى بىلدىم.لېكىن مۇنداق بىر سۇئال كاللامغا كىرۋالدى،ئۇ ۋاقىتتا مەن رىپىر قائىدىگە خىلاپ ھەرىكەت ئىشلىگەن ھامانلا پۇچتەك چېلىپ ناھايىتى تېزلىكتە كارتا چىقىرىدۇ،مۇشۇ ۋاقىتتا سېرىق كارتا چىقىرىدىغان يەرگە قىزىل كارتا چىقىرىپ قويسا قانداق قىلار؟دەپ ئويلاپ قالاتتىم.（ئۇچاغلاردا رىپىرنىڭ ئالدىرماي ھۆكۇم چىقىرىدىغىنىنى مەن نەدىن بىلەي）.
ھەي…………ئىشقىلىپ ئۇ چاغلار گۇزەل چاغلار ئىدى.قېنى دوستۇم بەلكىم سىزنىڭمۇ ئاشۇنداق گۆدەكلەرچە قىلغان ئىشلىرىڭىز ياكى ئوي خىياللىرىڭىز باردۇ…؟ غەم قايغۇ ،بىسىملارنى بىر چەتكە تاشلىۋېتىڭ دە ،قوللىرىڭىزنى ھەرىكەتلەندۇرۇپ ئاشۇ گۇزەل چاغلارنى مۇنبەرداشلار بىلەن ئورتاقلىشايلى. قاچانغىچە خەقنىڭ تارىخىنى ۋاراقلاپ يۇرۇيمىز دەيمەن.ئۆزىمىزنىڭ تارىخىنىمۇ ئانچە－مۇنچە ۋاراقلاپ قويايلى… |
-
|
ۋاقتى: 2015-1-9 21:15:27
تېما كۆتۈرۈش
تېما چوققىلاش
تېما تاقاش
变色卡
ئىگىسى
