فىرانسىيە كىچىك شاھى- كەرىم بېنزىما

تۈمەن

ھەممىمىزگە ئايان بولغۇنىدەك كەرىم-بېنزىما خانلىق مادرىد كوماندىسى ۋە فىرانسىيە دۆلەت كوماندىسىنىڭ ئاساسلىق ئوتتۇرا ھۇجۇمچىسى. بېنزىمادەك شەخسىيەتسىز ئوتتۇرا ھۇجۇمچى ئاز تىپىلىدۇ. لىكىن مۇنبىرىمىزدىكى بەزى مادرىد مەستانىلىرى بېنزىمانى ياقتۇرمايدۇ، توپ ئۇرالمىسا تىخى تىللىغان، توپ ئۇرسا يەنىلا گەپ تاپقان، لىكىن پۇتبۇل دۇنياسىدا بېنزىمادەك توپچىلار ئاز ئۇچىرايدۇ. تۆۋەندە بېنزىما بىلەن تونۇشۇپ چىقايلى.

ئىسمى: كەرىم مۇستافا بېنزىما              ئېنگىزچە: Karim Mostafa Benzema             نامى: فىرانسىيە كىچىك شاھى، بېنىز
دۆلەت تەۋەلىكى: فىرانسىيە                  تۇغۇلغان يىرى: فىرانسىيە لىئون شەھرى                    تۇغۇلغان ۋاقتى: 1987-يىلى 12-ئاينىڭ 19-كۈنى
ئىغىرلىقى: 80 كىلوگىرام                     ئىگىزلىكى: 184 سانتىمىتىر                                   دىنى ئىتىقادى: ئىسلام دىنى
تەۋە كۇلۇب: خانلىق مادرىد                 كۇلۇبتىكى كىيىم نومۇرى: 9-نومۇر                          دۆلەت كوماندىسىدىكى نومۇرى: 10-نومۇر

قىسقىچە تۇنۇشتۇرلىشى:

كەرىم-بېنزىما 1987-يىلى 12-ئاينىڭ 19-كۈنى فىرانسىيەنىڭ لىئون شەھرىدە تۇغۇلغان. بېنزىمامۇ باشقا داڭلىق پۇتبۇلچىلارغا ئوخشاش كىچىكىدىن پۇتبۇلغا قىزىقاتتى، بېنزىما 7 ياش ۋاقتىدىن باشلاپ توپ ئوينىغان، ئەينى ۋاقىتتا مەيداندىكى ئورنى ۋارتا ئىدى. بېنزىما كىچىكىدە گوللاندىيەنىڭ داڭلىق ۋارتاسى ۋان دىرسارغا ۋە بىرازىلىيەلىك چولپان رونالدوغا مەستانە ئىدى، ئۇنىڭ ئارزۇسى بولسا ۋان دىرسارغا ئوخشاش داڭلىق ۋارتا بولۇش ئىدى. ئۇنىڭ ئەڭ ئامراق كوماندىسى خانلىق مادرىد ئىدى.
بېنزىما 9 ياشقا كىرگەندە، بىر قىتىم لىئون ئۆسمۈرلەر كوماندىسى بىلەن بولغان مۇسابىقىدە 2 توپ ئۇرىدۇ، بېنزىمانىڭ ماھارىتى لىئون كۇلۇبىدىكىلەرنى قايىل قىلغاچقا نەچچە كۈندىن كىيىن لىئون كۇلۇبىنىڭ بايقاش ئەترىتىدىكىلەر بېنزىمانىڭ ئۆيىگە ئۇنى ئېزدەپ كىلىدۇ، نەچچە قىتىملىق مەشىقتىن كىيىن بېنزىما لىئون كۇلۇبىنىڭ ئۆسمۈرلەر كوماندىسىنىڭ ئەزاسى بولۇپ قالىدۇ.
2003-يىلى 11-ئايدا بېنزىما لىئون ياشلار كوماندىسىغا ۋاكالىتەن بىر مەيدان مۇسابىقىگە قاتنىشىپ 4 توپ ئۇرۇپ ھەممە ئادەمنى ھەيران قالدۇرۋىتىدۇ.

15ياشقا كىرگەن يىلى بېنزىما لىئون ياشلار كوماندىسىغا رەسمى قوشۇلىدۇ ھەمدە شۇ پەسىللىك فىرانسىيە ياشلار بىرلەشمىسىگە قاتنىشىدۇ. كىيىن تىخىمۇ پىشىپ يىتىلىپ  لىئون كوماندىسىنىڭ بىرىنچى سەپ كوماندىسىغا چىقىدۇ. بېنزىما يەنە فىرانسىيە 17 ياشلىقلار ۋە 19 ياشلىقلار كوماندىسىغا ۋاكالىتەن ياۋرۇپا لوڭقىسىغا قاتنىشىپ ياۋرۇپا لوڭقىسىنىڭ چېمپىيونلىقىغا ئېرىشىدۇ.


پۇتبۇلچىلىق ھاياتى
2005-يىلدىن باشلاپ بېنزىما ئۇزغۇنلۇققا قاتنىشىشقا باشلىغان. 2005-يىلى 12-ئاينىڭ 6-كۈنى بېنزىما  لىئون كوماندىسىغا ۋاكالىتەن ئۇزغۇنلۇقتا تۇنجى مەيدان مۇسابىقىگە قاتنىشىپ 1 توپ ئۇرىدۇ. 2009-يىلى مادرىدقا قوشۇلغۇچە بولغان ئارلىقتا بېنزىما ئۇزغۇنلۇقتا ئاللىقاچان 19مەيداندا 12 توپ ئۇرۇپ بولىدۇ.
2006-يىلى 11-ئاينىڭ 10-كۈنى فىرانسىيە دۆلەت كوماندىسىغا تاللانغان بېنزىما يوتىسى يارلانغاچقا دۆلەت كوماندىسىغا ۋاكالىتەن مۇسابىقىگە قاتنىشالمايدۇ. 2007-يىلى 3-ئاينىڭ 28-كۈنى بېنزىما تۇنجى قىتىم دۆلەت كوماندىسىغا ۋاكالىتەن مۇسابىقىگە قاتنىشىپ 1 توپ ئۇرىدۇ. يەنى ئاۋىستىرىيە بىلەن بولغان دوستلۇق مۇسابىقىسىنىڭ كىيىنكى يىرىم مەيداندا بېنزىما ئالمىشىپ چىقىپ توپ ئۇرىدۇ، فىرانسىيە 1-0 نەتىجە بىلەن ئاۋىستىرىيەنى مەغلۇپ قىلىدۇ. 2007-يىلى 9-ئاينىڭ 15-كۈنى لىئون بىلەن مېتىز كوماندىسى ئوتتۇرسىدىكى مۇسابىقىدە تۇنجى قىتىم كەسپى ھاياتىدىكى قالپاق ئويۇنىنى ئوينايدۇ.
بېنزىما لىئون كوماندىسىغا ۋاكالىتەن ھەرتۈرلۈك مۇسابىقىلەردە 38 توپ ئۇرىدۇ. ھەمدە كوماندىنىڭ ئاساسلىق ھۇجۇمچىسى بولۇپ قالىدۇ.



2009-يىلى 7-ئاينىڭ 2-كۈنى لىئون كۇلۇبى ئورگان تورىدا فىرانسىيەلىك توپچى بېنزىمانىڭ خانلىق مادرىدقا قوشۇلغانلىقىنى، يۆتكۈلۈش سوممىسىنىڭ 35 مىليون ياۋرۇ بولغانلىقىنى ئىلان قىلىدۇ. مادرىد ئورگان تورىمۇ بېنزىمانىڭ قوشۇلغانلىقىنى، مادرىد بىلەن 6 يىللىق توختام ئېمزالىغانلىقىنى ئىلان قىلىدۇ. بېنزىما مادرىد تارىخىدىكى 14-فىرانسىيەلىك توپچى ھىسابلىنىدۇ.
مادرىدقا قوشۇلغان تۇنجى پەسىل بېنزىمانىڭ ئىشلىرى كۆڭۈلدىكىدەك بولمايدۇ، ئارگىنتىنالىق توپچى ھىگۇئايىننىڭ زاپىسى بولۇپ مۇسابىقىگە قاتنىشىدۇ، مادرىدقا قوشۇلغان تۇنجى پەسىل مادرىدقا ۋاكالىتەن قاتناشقان رەسمى مۇسابىقىلەردە 9 توپ ئۇرىدۇ.
2010-2011-مۇسابىقە پەسلى ھىگۇئايىن يارلانغاچقا بىنزىما ئاساسلىق ئەزا بولۇپ مۇسابىقىگە قاتنىشىدۇ ھەم كوماندىنىڭ ئاساسلىق ئەزاسى بولۇپ قالىدۇ. 2010-يىلى 12-ئاينىڭ 9-كۈنى ئۇزغۇنلىقنىڭ مادرىد بىلەن بارسىل كوماندىسى ئوتتۇرسىدىكى مۇسابىقىدە بېنزىما مادرىدقا قوشۇلغاندىن بۇيانقى تۇنجى قالپاق ئويۇنىنى ئوينايدۇ، بۇ ھەم ئۇنىڭ ئۇزغۇنلۇقتىكى تۇنجى قالپاق ئويۇنى بولۇپ ھىسابلىنىدۇ. 2010-يىلى 12-ئاينىڭ 23-كۈنى مادرىد بىلەن لەيۋەنت كوماندىسى ئوتتۇرسىدىكى شاھلىق لوڭقىسىدا بېنزىما بىلەن كىرىستىيانو-رونالدو قالپاق كىيىدۇ. 2011-يىلى 3-ئاينىڭ 4-كۈنى ئىسپانىيە بىرلەشمىسىدىكى مالاگا كوماندىسى بىلەن بولغان مۇسابىقىدە بېنزىما 2 توپ ئۇرىدۇ، مادرىد 7-0 نەتىجە بىلەن مالاگا كوماندىسىنى قىرغىن قىلىدۇ.


ھىگۇئايىن يارلىنىشتىن ئىلگىرى بېنزىمانىڭ ھەر مەيداندا ئۇرغان توپ سانى 0.12 ئىدى، كىيىن ئاساسلىق ئەزا بولغاندىن كىيىن ھەرمەيداندا ئۇرغان توپ سانى 0.64 بولغان. ئادىبايىر قوشۇلغاندىن كىيىن بېنزىمانىڭ توپ ئۇرۇش ئۈنىمى تىخىمۇ يۇقىرىلاپ ھەر مەيداندا ئۇرغان توپ سانى 1 بولغان.
23 ياشلىق بېنزىما 2010-2011-مۇسابىقە پەسلى مادرىدقا ۋاكالىتەن 48 مەيدان مۇسابىقىگە قاتنىشىپ 26 توپ ئۇرۇپ 9 ياردەمچى پاس بەرگەن.


2012-يىلى 12-ئاينىڭ 16-كۈنى بېنزىما دۆلەت كوماندىسىدىكى سەبدىشى رىبىرىنى مەغلۇپ قىلىپ، 2012-يىللىق " فىرانسىيە پۇتبۇل ئەپەندىسى " بولۇپ باھالانغان.



شەخسى تۇرمۇشى
نىكاھ ئەھۋالى: توي قىلمىغان.
دادىسى خافىد ئالجىرىيەنىڭ بىر شەھەر ھۆكۈمىتى خىزمەتچىسى ئائىلىسىدە تۇغۇلغان، ئانىسى مەلىكە فىرانسىيەدە تۇغۇلغان.
بېنزىما 9 بالا بولۇپ، 5 قىز 4 ئوغۇل، بېنزىما بالىلارنىڭ ئالتىنجىسى. بېنزىما كىچىكىدە ئىككى بالا بىر ياتاق ئۆيدە يىتىپ چوڭ بولغان. بېنزىمانىڭ ئەڭ كىچىك ئىنىسىنىڭمۇ پۇتبۇل تالانتى بولۇپ، ئىنىسنىڭ تالانتى بېنزىمانىڭ تالانتىدىن نەچچە ھەسسە ئۈستۈن تۇرىدۇ.
تىل: بېنزىما فىرانسوز تىلى، ئىسپان تىلى، ئېنگلىز تىلى، ئەرەب تىلىنى پىششىق بىلىدۇ.
ئەڭ ياقتۇرىدىغان توپچىلىرى:  گوللاندىيەنىڭ داڭلىق ۋارتاسى ۋان دىرسار ۋە بىرازىلىيەلىك چولپان رونالدو.


تىخنىكا ئالاھىدىلىكى
ھۇجۇم قىلىش ئىقتىدارى: 9 نومۇر
بېنزىمانىڭ توپ ئۇرۇش ئۇسۇلى ھەرخىل،  ئالداپ ئۆتۈپ توپ ئۇرۇش ، يىراقتىن توپ ئۇرۇش ، ئۆرلىتىپ توپ تاشلاش ، ئىختىيارى توپ ئۇرۇش قاتارلىق ئالاھىدىلىككە ئىگە.

توپ يەتكۈزۈش : 9 نۇمۇر
يىقىندىن بىرى بېنزىمانىڭ توپ تەتكۈزۈش ئۈنىمى ئىشىپ بارماقتا، ھەر قانداق ئورۇنغا ، ھەرقانداق ئورۇندىن توپ يەتكۈزەلەيدۇ، شەخسىيەتسىز ھالدا توپنى رونالدو ۋە بىلغا يەتكۈزۈپ بىرىدۇ.

توپ ئىلىپ مىڭىش :9 نۇمۇر
بېنزىمانىڭ توپنى كونترول قىلىشى ياخشى بولۇپ، توپ ئىلىپ مىڭىشى ئۇنىڭ يەنە بىر ئارتۇقچىلىقى ھىسابلىنىدۇ.

سۈرئەت :9 نۇمۇر
قارشى تەرەپ مۇداپىيەچىلىرىدىن تىز سۈرئەتتە بۆسۈپ ئۆتۈش ئالاھىدىلىكى يۇقىرى،  تىز سۈرئەتتە بۆسۈپ ئۆتۈش بېنزىمانىڭ يەنە بىر ئالاھىدىلىكى.

باش توپ : 8 نۇمۇر
ھەر قايسى مۇسابىقىلەردە بېنزىمانىڭ باش توپ بىلەن توپ ئۇرىشىمۇ ئاز ئەمەس.


ئېرىشكەن شان-شەرەپلىرى
دۆلەت كوماندىسى
2004-يىلى 17 ياشلىقلار ياۋرۇپا لوڭقىسى چېمپىيونى
2005-يىلى 19  ياشلىقلار ياۋرۇپا لوڭقىسى چېمپىيونى

كۇلۇب
فىرانسىيە بىرلەشمىسى چېمپىيونى ( 2004-2005، 2005-2006، 2006-2007، 2007-2008-مۇسابىقە پەسلى )
2008-يىلى فىرانسىيە لوڭقىسى چېمپىيونى
فىرانسىيە دەرىجىدىن تاشقىرى لوڭقىسى چېمپىيونى ( 2004،2005،2007،2008-يىللىرى )
ئىسپانىيە شاھلىق لوڭقىسى چېمپىيونى ( 2010-2011، 2013-2014-مۇسابىقە پەسلى )
ئىسپانىيە بىرلەشمىسى چېمپىيونى ( 2011-2012-مۇسابىقە پەسلى )
ئىسپانىيە دەرىجىدىن تاشقىرى لوڭقىسى چېمپىيونى ( 2012-يىلى )
ياۋرۇپا چېمپىيونلۇق بىرلەشمىسى چېمپىيونى ( 2013-2014-مۇسابىقە پەسلى )
ياۋرۇپا دەرىجىدىن تاشقىرى لوڭقىسى چېمپىيونى ( 2014-يىلى )
كۇلۇبلار لوڭقىسى چېمپىيونى ( 2014-يىلى )

شەخسى شان-شەرەپ
2007-يىلى فىرانسىيە ئاپلىسىن رەڭ تەنتەربىيە مۇكاپاتى
2007-2008-پەسىلى فىرانسىيە بىرلەشمىسى ئەڭ مۇنەۋۋەر ھۇجۇمچى
2007-2008-پەسىلى فىرانسىيە بىرلەشمىسى ئەڭ مۇنەۋۋەر توپچى
2011-يىلى فىرانسىيە پۇتبۇل ئەپەندىسى
2012-يىلى فىرانسىيە پۇتبۇل ئەپەندىسى
2014-يىلى فىرانسىيە پۇتبۇل ئەپەندىسى
2014-يىلى 10-ئاي ئىسپانىيە بىرلەشمىسىدىكى ئەڭ مۇنەۋۋەر توپچى

ئابلەتجان

XATKAR886 يوللىغان ۋاقتى  2015-1-4 16:11
بېنزىمانىڭ ئۇزغۇنلقتىكى ئىپادىسىمۇ كۆرۈنەرلىك،  لىكى ...

مۇھىم مۇسابىقىلەردە پۇرسەتنى قولدىن بېرىپ قويمىغان كىم بار؟؟ ئىبراھىموۋىچمۇ تازا چوڭ، مۇھىم مۇسابىقىلەردە ئاكا دەيتتى... مېسسىمۇ ھالقىلىق مۇسابىقىلەردە پۇرسەتنى ئەمەس نۇقتا توپنىمۇ كەتكۈزۈپ قويغان، رونالدومۇ ھالقىلىق نۇقتا توپ، ئەڭ مۇھىم پۇرسەتلەرنى كەتكۈزۈۋەتكەن... ھۇجۇمچى 10 پۇرسەتتىن بىرنى تۇتسا ياخشى ھۇجۇمچى، بېك 10 خەتەرلىك ھۇجۇمدىن 9 نى توسۇپ، بىرنى كەتكۈزۈپ قويسا ناچار بېك... ئامال يوق، پۇتبولنىڭ قىممەت قارىشى مۇشۇ... دۇنيادا مۇكەممەل نەرسە يوق، بۇنى بىز مۇسۇلمانلار تېخىمۇ ئېنىق بىلىمىز، بەندە دەل ئاشۇنداق مۇكەممەلسىزلىكى بىلەن ئالەمدىن ئۆتۈپ كېتىدىغان نەرسىدۇر...
  ئەخمەتكا، جىق سۆزلەپ قويدۇم ھە...

نېھال11

بۇ سۆرەتنى مەن ئۆزۈم ئۆيۈمدىكى تېلۋۇزۇردىن تارتقان    شۇ ۋاقىتتا دۇنيا لوڭقىسىنىڭ ئالدى ئىدى    ،  فىرانسىيە كوماندا گېزىتىنىڭ تېلۋۇزۇر قانىلى مەخسۇس پىروگرامما ئىشلەپ بېنزىمانى تۇنۇشتۇرغان  فىلىم ئىسمى ‹. بېنزىما  -فىرانسىيىنىڭ بېنزىماسى ›› ئىدى    ، بۇ پىروگراممىدا بېنزىمانى تۇلۇق چۈشەندۈرۈپ بەرگەن  شۇ ۋاقىتتا ئىسىمدە قالغان مەزمۇنلار:

رەئىس فىلورىنتو  مۇنداق دىگەن :   كەرىم بىر تالانتلىق شەخسىيەتسىز  بىر توپچى  ، ئۇنى ئۆزەمنىڭ بالىسىدەك كۆرىمەن   رائۇل دىن كىيىنكى رېئال ئۈچۈن بارلىقىنى شەرەپنى ۋە ئۆز كۈچ قۇۋۋېتىنى توختاۋسىز بېغىشلاۋاتقان بىر تەنھەرېكەتچى   ،  مىنىڭچە بولغاندا ئۇ  رونالدو بىلەن زىدانىنىڭ بىرىكمىسى ، ئۇ شۇ ئىككىسىنىڭ ئايرىم ئايرىم ئۇرۇندا كۇلۇب ئۈچۈن ئېلىپ كەلگەنلىرىنى  بىرلا ۋاقىتتا ئېلىپ كەلدى .
زىدانى مۇنداق دەپ ئېيتقان : ھەممە ئادەم ئۇنى پەقەت مەن بولغانلىقىم ئۈچۈنلا مادرېدتا پۇت تېرەپ تۇرالىدى دەپ قارايدۇ ، ئەمىلىيەتتە مەن ئۇنىڭدىن مىنىڭ سىمايىمنى    تېخىمۇ مۇكەممەل بولغان ئۆزەمنى كۆردۈم ،  ھەرقانداق چاغدا ئۇ ھەرقانداق تېرىنىرنىڭ بىرىنچى تاللىشى بوپ كەلدى  نىمە ئۈچۈن ؟    ئۇ تېرىنىرنىڭ دىگەنلىرىنى بىجاندىل ئۇرۇنلايدۇ ، مەشىق تاشلىمايدۇ  ، كىچىكمەيدۇ ،   ئۇنىڭغا ئاتا ئانىسى ياق دىيىشنى ئۆگەتمىگەن چېغى ....
بېنزىما  :   ھەر مەيدان مۇسابىقىدىن بۇرۇن  مەن يېرىم سائەت ۋاقىتنى ئۆزەم ئۈچۈن ئەپ قۇيىمەن  .  10 مىنۇت تېرىنىرنىڭ ئۇرۇنلاشتۇرۇشىنى بىر قېتىم كاللامدا تەھلىل قىلىمەن  ، يەنە 10 مىنۇت  نائۇشنىك بىلەن قۇرئان ئاڭلايمەن  ئاللانىڭ ماڭا نۇسرەت ئاتا قىلىشىنى تىلەيمەن  10 مىنۇت ئۆزەمنى تىنىچلاندۇرۇش ئۈچۈن كۈزۈمنى يۇمۇپ خىيال سۈرىمەن .
بېنزىمانىڭ باسقۇنچىلىق دىلوسىغا چېتىلىپ قالغىنى راست  لىكىن ئۇ ۋاقىتتا بېنزىمامۇ تېخى قۇرامىغا يەتمىگەن دەپ قارېلىپ  ئۇنىڭ ئۈستىگە پاراكەندىچىلىككە ئۇچرېغىچىمۇ بىر كوچا قىزى بولغاچقا ئاخىردا بۇ ئىشلارمۇ بېسىقىپ كەتتى ، مىنىڭ بىلگىنىم بولسا بېنزىمانىڭ لىيوڭدىكى مەسچىت قۇرلىشىغا قىلغان 3 مىلىيون ياۋرو ئىئانىسى
2014-يىلى  فىرانسىيىدە مادرېدنىڭ كىيمى ئەڭ كۆپ سېتىلغان   ئەڭ كۆپ سېتىلغىنى رونالدو يا بېل ئەمەس  بەلكى بېنزىمانىڭ كىيمى   جەمىي 230 مىڭ قۇر سېتىلغان   
يېقىندا تېلۋۇزۇردا فىلورېنتو بىر خەۋەر ئاشكارلىدى   ،  ‹‹ رونالدو ؟  بېل   ؟   مۇۋاپىق باھا بولسا  بىز ئويلىشىمىز .   بېنزىما ؟ئۇنداقتا مىنىمۇ قۇشۇپ يۆتكىسەڭلار قانداق ؟››
  بۇ بالىنى 2007-يىلى تۇنجى تۇنۇغان   لىكىن  قاتتىق ياقتۇرمىغان    ، شۇ مەيدان مۇسابىقىدە  قارشى تەرەپ ماھىرى يارېلىنىئپ قالسا توپنى توختاتماي ئاپىرىپ  توپنى توختىتىدۇ دەپ قاراپ تۇرغان ۋارېتارغا ئۇرېۋەتكەن  ، شۇ ۋاقىتتا كۆزۈمگە بەكلام سەت كۆرۈنگەنتى .
يەنە بىر خەۋەردە بېنزىما ئەگەر  پارىژغا كەلسە   پارىژ مادرېدقا كاۋانى ئۈستىدىن پۇل قېتىپ بېرىشكىمۇ رازى ئىكەنلىكىنى ئېيتىپتۇ  شۇنداقلا بېنزىماغا فىرانسىيە بويىنچە ئەڭ كۆپ مائاش بېرىشكىمۇ قۇشۇلۇپتۇ

ئابلەتجان

ئەجرىلىك تېما بوپتۇ...
  مۇشۇ بىر گەپنى دەي، توغرا چۈشىنىڭلار جامائەت. ئەمما، ھەقىقىي ئىش. مۇشۇ بېنزىمانى شىنجاڭدىكى ئۇيغۇر تاماشىبىنلاردىن ئەڭ بۇرۇن بىلگەن ئالدىنقى 10 كىشىنىڭ ئىچىدە مەن بار. ئاكام بىلەن ئىككىمىز 2006 - يىلى يازلىق تەتىل مەزگىللىرىدە لىئوننىڭ بىر مەيدان مۇسابىقىسىنى كۆرۈۋاتقانىدۇق. بېنزىما شۇ مەيدان مۇسابىقىدە ئالمىشىپ چىقىپ، نۇرغۇن پۇرسەتنى كەتكۈزۋەتكەن، ئاخىرىدا بىر توپ كىرگۈزگەن. مەن ئۇنى شۇ چاغدا بېنىز ماشىنا دەيتتىم. كېيىنچە تېلېۋىزوردا لىئوننىڭ مۇسابىقىسىنى قويسىلا بېنزىماغا دىققەت قىلاتتۇق. ماڭا ئۆزىدىن بەكرەك ئىسمى تەسىر قىلغاچقا يادىمدا قاپتىكەن. كېيىن رەسمىي بېنىز ماشىنا بولدى.
   بېنزىمانى پالاكەت دېسەك، پالاكەت ئەمەس ئوتتۇرا ھۇجۇمچىمۇ قالمىدى. ئۇنى مۇداپىيەگە يانمايدۇ دېسەك ئىنزاگى، رونالدو، ۋان نېستىلروي قاتارلىقلارنىڭ كاچىتىغا سالغان بولىمىز. ئوتتۇرا ھۇجۇمچىغا نىسبەتەن ئۇنىڭ سۈرئىتى ھېلىمۇ تېز، تېخنىكىسى ھېلىمۇ يۇقىرى، پاسلىرى، توپ ئۇرۇش ئۈنۈمى ھېلىمۇ جىق ئۈستۈن. ۋان پېرىسمۇ توپنى تۈزۈكرەك ئېلىپمۇ ماڭالمايدۇ. ئوتتۇرا ھۇجۇمچىدىن بېنزىمادىن ياخشىراقنى ساناپ باقايلى: ئىبراھىموۋىچ، ئىبراھىموۋىچ... ھە راست، كوستا، لېكىن كوستانىڭ پاسلىرىمۇ، قۇربانلىق بېرىشىمۇ بەك ۋاي دېگۈدەك ئەمەس... يەنە كىم بار؟ رونى! رونىينىڭ ئوتتۇرا ھۇجۇمچى دېگەن سەپتىن چىقىپ كەتكىنىگە تالاي ئەسىرلەر بولدى. ھازىرقى رېئال مادرىدقا بېنزىمادەك ياۋاش، ئۇنىڭدەك قۇربانلىق بېرىدىغان، ئۇنىڭدەك ئەسقاتىدىغان ئوتتۇرا ھۇجۇمچى يوق....   

laqin1

بىنزىمانى تىخىمۇ چۈشەندۇق، ياخشى تىما بوپتۇ.

XATKAR886

ھېلىقى قايسى بىرگەپ بارئىدى، ھە نادىر تېما

1215

بايام تېخى بەيدۇ تورىدىن مۇشۇنى ئىزدەپ تەرجىمىھالىنى ئوقۇغان ئېدىم  ، ياخشى تىما بوپتۇ  .  

XATKAR886

بېنزىمانىڭ ئۇزغۇنلقتىكى ئىپادىسىمۇ كۆرۈنەرلىك،  لىكىن بىرلەشمە مۇسابىقلەردە مۇھىم پۇرسەتلەرنى قولدىن بىرىپ قويغان چاغلىرىمۇ كۆپ.

sensiz

مانا نادىر تىما ، تۈمەن بۇرادەر داۋاملىق مۇشۇنداق تېمىلارنى يوللاپ تۇرۇڭ.
بېنزىما غا كەلسەك ئازراق كالامپايلىقىنى ھېسابقا ئالمىغاندا ھەقىقىتەن قابىل ھۇجۇمچى،  بۇلۇپمۇ شەخسىيەتسىز بولغانلىقىغا بەك قايىل

kunqi

مەن ياختۇردىغان توپچىلارنىڭ بىرسى،،،،تىخى مەندىن بىر كۈنلىك كىچىككەن،،ھى ھى ھى
fifa3 ئويىنىدا مۇشۇنى سىتىۋالايدىسەم 150مىليونكەن پۇلۇم يەتمىدى،،،،

قەشقەرىي

بىنزىمانى تولۇق چۈشنىۋالدۇق رەخمەت سىزگە

ھەمراھ

بىنزىما مەن مادرىد كوماندىسىدىكى بىردىن بىر ياقتۇردىغان توپچى!
مەيلى ئۇنىڭغا  قانداق قارلار  چاپلانسۇن . ئۇنىڭ ھەربىر كۈلىشىدىنلا ئۇنىڭ قانچىلىك ئىللىق چىراي  ، ۋە  ئىسىللىقى چىقىپ  تۇردۇ!

مۇشۇ بالا  مانا  «كىلاسسىكو»  دا  ئامما  ئىچىلىپ  قويدۇ  ھە! دىربىدا ئەنسىرەيدىغان 1- ئادىمىم دەل كەرىم!
بىنزىما تىخىمۇ تىرىشقىن ! ئالدىڭدا تىخى  نۇرغۇن شان-شەرەپلەر سىنى كۈتمەكتە!

تۈمەن بۇرادەر ئۈشبۇ تىمىڭىزغا رەھمەت!
بىزنىڭ مۇشۇنداق چولپانلارغا بولغان چالا ئۇقۇمىمىزنى  تولۇقلاپ تۇرۋاتىسىز! ھارمىغايسىز!

يىتۈك

kunqi يوللىغان ۋاقتى  2015-1-4 16:17
مەن ياختۇردىغان توپچىلارنىڭ بىرسى،،،،تىخى مەندىن بىر  ...

خاتا كۆرۋالدىممۇ نىمە،بىر مېليوندىن جىقراق پۇلغا كېلىدۇغۇ بۇ بالا

pahri

ئالغا قارىم بىنزىما

HoPe157

بېنزىماغا لىئوندىكى ۋاقتىدىلا قول قويغان...............................!!