مادرىدتىكى مېنى بىئارام قىلىدىغان نۇقتىلار ( بۇغرا )

بۇغرا

ئەسسالامۇ ئەلەيكۇم
   ھەر قانداق بىر كوماندىدا ئىنتايىن باش قاتۇرىدىغان ئىشلار بار. بەزىلىرىدە تاكتىكا بەزىلىرىدە كېسەل، بەزىلىرىدە پىسخىكا بەزىلىرىدە جېدەل ... دېگەندەك. ياقتۇرىشىمىزنىڭ ھەم كۆرۈش نۇقتىمىزنىڭ ئوخشاش بولماسلىقى سەۋەبلىك ئۆزىمىز ئامراق كوماندىدىكى بەزى نۇقتىلار ئىچىمىزنى ئىنتايىن سىقىشى مۇمكىن. شۇڭا مەستانىلەرنىڭ ئوخشاش بىر كوماندىغا نىسبەتەن ياقتۇرىدىغان ھەم ياقتۇرمايدىغان تەرەپلىرىمۇ ئوخشاش بولماي قالىدىكەن. شۇڭلاشقا مەن ياقتۇرىدىغان مەلۇم سەپ شەكلى،تاكتىكا، توپچىلار بىلەن يەنە بىر مادرىد مەستانىسىنىڭكى يۈزدە يۈز ئوخشاش بولۇپ كەتمەيدىكەن. ھازىرقىدەك ئەڭ ياخشى ھالەتتە دېيىلىۋاتقان مادرىدقا نىسبەتەنمۇ مېنى ئىزچىل بىئارام قىلىدىغان مەلۇم نۇقتىلار بار. تۆۋەندە شۇلارنى كۆپچىلىك بىلەن ئورتاقلىشاي

    1. مارسېلو
   ئېسىمدە قېلىشىچە مارسېلو 8 يىللار بۇرۇن ھىگۇائىن بىلەن گاگونى سېتىۋالغان قىشلىق يۆتكىلىشتە مادرىدقا قوشۇلغان.  (06-يىللىرى بولىشى مۇمكىن) مارسېلو مادرىدقا كەلگەندىن تارتىپلا ئۇنىڭ يۇقىرى تېخنىكىسى ھەم ھۇجۇمىنىڭ كۈچلۈكلىكى سەۋەبلىك ئۇنىڭغا يۇقىرى باھا بېرىلىپ ، بىرازىلىيە ھەم مادرىدنىڭ داڭلىق سول بېكى كارلوسنىڭ ئىز باسارى دەپ تەرىپلەنگەن. ئۇنىڭ ھۇجۇمىنىڭ كۈچلۈك ھەم تېخنىكىسىنىڭ يۇقىرىلىقى ھەقىقەت . لېكىن مېنىڭ نەزىرىمدە ئۇ مادرىدتىكى روشەن بىر چوڭ ئۆسمە. ئۇ كۆپ مۇسابىقىلەردە باشقىلارنىڭ كۆزىگە چېلىقىدۇ، ھۇجۇم تەشكىللەپ ئانچە مۇنچە توپ ئۇرۇپ ھەم پاس چىقىرىپ تۇرىدۇ. لېكىن مېنىڭ ئۆلچىمىمدە ئۇ ئۆزىنىڭ ئەڭ ئاساسلىق ۋەزىپىسىنى ئۆتىيەلىگەندىن كېيىن ھۇجۇمدىكى ئارتۇقچىلىقلىرىنى جارى قىلدۇرالىسا، ئاندىن ئالقىشلاشقا تېگىشلىك ئىدى. بىراق ئۇ مۇقىم ئەزا بولغاندىن بۇيانقى مۇسابىقىلەردە، مادرىدنىڭ سول تەرىپى قارشى تەرەپنىڭ ئەڭ ئاساسلىق ھۇجۇم قىلىش ئوبېكتى بولۇپ كەلدى. ھازىرغىچە بولغان مۇھىم مۇسابىقىلەردىكى مەغلۇبىيەتلەرنىڭ تەڭدىن تولىسدا ئۇنىڭدىن يوچۇق چىقىۋاتقانلىقىنى كۆرۈپ تۇرىمىز. ھازىرمۇ قاچانكى چوڭراق بىرەر مۇسابىقە بولۇپ قالسا، قارشى تەرەپنىڭ سول تەرەپتىن بۆسۈپ كىرىپ قىلىۋاتقان ھۇجۇملىرىنىڭ قايسىبىرى كىرىپ كېتەركىن دەپ يۈرەك سۇ. مورىنىئو كوئېنتىراۋنى شۇ سەۋەبلىك سېتىۋالغان ئىدى، بىراق ئۇ پورتۇگالىيەدىكى سەۋىيەسىنى جارى قىلدۇرالمىدى. شۇنداقتىمۇ مورىنىئو دەۋرىدىكى مۇھىملا مۇسابىقە بولسا مارسېلونى ئەمەس كوئېنتىراۋنى سول بېكتە كۆردۇق. بۇنىڭدىن قىلچىلىك ھەيران قالمايتتىم. ئەنچېلوتتى چىققاندىن كېيىنمۇ دىققەت قىلساق، توپ كەتكۈزمەسلىك بەكرەك ئاساس قىلىنغان مۇھىم مۇسابىقىلەردە، ئىككىلىسى ساق بولۇپ قالسا، يەنىلا كوئېنتىراۋنى ئىشلەتكىنىنى كۆرىمىز. بۇ يىل ئىسكونىڭ غايەت زور تىرىشچانلىقىنىڭ پايدىسىنى مارسېلو كۆردى دېسەكمۇ بولىدۇ. ئىسكو مالاگادىكى ۋاقتىغا قىلچىلىك ئوخشىمىغان ھالدا، مۇداپىئەگە ئىنتايىن كۆپ كۈچ چىقىرىدىغان ھالەتكە كەلدى، بۇنىڭ پايدىسى ھۇجۇمغا كۆپ چىقىدىغان ھەم مۇداپىئەسى ناچار مارسېلوغا بولدى. بىراق ھازىرمۇ مۇھىم مۇسابىقىلەر بولسا قارشى تەرەپ مارسېلو تەرەپتىن ھۇجۇمنى كۆپرەك تەشكىللەيدۇ. شۇڭلاشقا مارسېلو ياكى مۇداپىئەنى ياخشىلىشى ياكى چوڭ مۇسابىقىلەردە كوئېنتىراۋغا ئورۇن بېرىشكە مەجبۇر . بۇ نۇقتا مېنى ئىزچىل بىئارام قىلىدىغان نۇقتىلارنى بىرى ...


   2. سېرگىئو راموسنىڭ ئاتكاچىلىقى
  يېقىنقى بىر نەچچە يىلدا تەجرىبىنىڭ تولۇقلىنىۋېرىشى بىلەن راموسنىڭ مۇداپىئەسىدە ئىلگىرىلەش ئىنتايىن چوڭ. ئۇنىڭ بەدەن قۇۋۋىتى، سۈرئىتى، كاللا توپى قاتارلىقلار ئىنتايىن ياخشى. بىراق مادرىدتىكى ۋاقتىنىڭ ھەم ئورنىنىڭ ئۆسۈشىگە ئەگىشىپ، ئۇنىڭ ئۆزىگە بولغان ئېشىپ كەتكەن ئىشەنچى مېنى سەل بىئارام قىلىپ قويىدۇ. قاچانكى راموس پۇتىغا توپ چۈشۈپ يىراققا قارىسىلا ھاياجانلىنىپ كېتىپ ئۇزۇن توپ تاشلاپ قويىدۇ. نەزىرىنى ئالونسو كەبى يىراقلارغا سالىدۇكى، توپ توققۇز ئۈلۈشلا قارشى تەرەپكە چۈشىدۇ ياكى چىقىپ كېتىدۇ. ئۇندىن باشقا ئىختىيارى توپلارغا ئىنتايىن زور ئىشەنچلەر بىلەن يېقىنلىشىدۇ. ئادەمنىڭ ئەقلى يەتمەيدىغان توپلارنى تېپىپ قويىدۇ، تەلىيىگە قانداق بولدىكىن بىر قېتىم ئۇقۇشماسلىقتىن توپ ئۇرۇپمۇ قويغان بولدى. بىراق ئۇ كىرگەن توپنى تەپكەن سانىغا نىسبەتلەشتۈرسەك ئىنتايىن يۇمۇرىستىك سانلارنى كۆرىشىمىز مۇمكىن. بۇلار يەتمىگەندەك نۇقتا توپ تېپىپ قويۇشىمۇ بار. ئىككى يىلنىڭ ئالدىدا بايرىن بىلەن سېلىشقان نۇقتا توپتا، مادرىد ئىككى توپ كەينىدە تۇرۇقلۇق يېتىشىۋالسا، راموس تېپىپ چىقىرىۋېتىپ ئىنتايىن ئۆچلىگىمنى كەلتۈرگەن. مورىنىئونىڭ دەۋرىدە بىر نۇقتا توپنى تالىشىپ تېپىپ نۇرغۇن يۇمۇرلارغا سەۋەب بولغان. ئۇنىڭ مادرىدنىڭ مۇداپىئەسىنىڭ ھازىرقى ھالەتكە كېلىشىدىكى تۆھپىسىنىڭ چوڭلۇقىغا كۆز يۇمغىلى بولمايدۇ. ئۇندىن باشقا ئالدىنقى يىللىق ئۇزغانلىق چېمپىيونىدىمۇ بۇنىڭ تۆھپىسىنى ئەڭ چوڭ دېيىشكە بولىدۇ. باشقا يەرلىرىدە مەسىلە يوق شۇ ئاتكاچىلىقى مېنى ئىنتايىن تەڭقىسلىقتا قويىدۇ ...


   3. كوماندىنىڭ رونالدو ئۈچۈن خىزمەت قىلىشى
  رونالدونىڭ مادرىدتىكى رولىغا ھەم تۆھپىسىگە گەپ كەتمەيدۇ. بىراق ئۇنىڭ شەخسىي شان شەرىپى ئۈچۈن مادرىدنىڭ ھەم سەبداشلىرىنىڭ تۆلىگەن بەدىلى سەل بىنورمال تەسىر بېرىدۇ. مۇشۇ بىر نەچچە يىلدىكى مۇسابىقىلەرگە دىققەت قىلساق، ئالدى سەپتىكى پۇتبولچىلار ئۆزىنىڭ توپ ئۇرۇش شارائىتى ياخشى بولغان ئەھۋالدىمۇ ، توپنى ئالدى بىلەن رونالدوغا ياساپ بېرىپ ئۇنىڭ توپ ئۇرىۋېلىشىنى بەكرەك مەقسەت قىلىدۇ.  بۇنىڭ تىپىك مىسالى بېنزېما. ھىگۇئائىننىڭ كېتىپ بېنزېمانىڭ قېلىشىمۇ دەپ بېنزېمانىڭ ھۇجۇمچىلاردا ئاز بولغان شەخسىيەتسىزلىكىدە. رونالدو توپ ئۇرالمىغان ئەھۋالدا كوماندىدىكى باشقا ئەزالار توپ ئۇرۇپ ئالدىغا ئۆتۈپ كەتكەن ۋاقىتلاردىمۇ، رونالدونىڭ توپ ئۇرۇشى ئۈچۈن قايتا قايتا كۈچلۈك ھۇجۇم تەشكىللەپ كېتىدۇ. توپ ئۇرالمىغان رونالدو چېچىلىپ توپ ئۇرغۇسى كېلىپ شەخسىيەتچىلىك قىلىشقا باشلايدۇ. ئۇ توپ ئۇرىۋالسىغۇ ياخشى، بىراق ئۇرالماي قالسا مۇسابىقىدە توپ كونترول قىلىپ قۇۋۋەت ساقلاپ قالسا بولىدىغان شارائىت تۇرۇقلۇق، رونالدونىڭ توپ ئۇرىشى ئۈچۈن قۇۋۋەت ئىسراپ قىلىپ ھۇجۇم تەشكىللەشكە ئۇرىنىدۇ.  رونالدو بالدۇر توپ ئۇرىۋالغان مۇسابىقىلەردىكى ئومۇمىي كەيپىيات ئىنتايىن ياخشى بولىدۇ، بىراق توپ ئۇرالمايلا قالسا كوماندىدىكى باشقا ئەزالارغا ئۇۋال بولغاندەك ھېسىياتقا كېلىپ قالىمەن. ئەڭ دەسلەپ مادرىدقا كەلگەندىكى ھەمدە پورتۇگالىيە دۆلەت كوماندىسىدىكى رونالدوغا سېلىشتۇرغاندا، مادرىدتىكى رونالدو كۆپ ئۆزگەرگەن، يەنى ئۇنىڭ ياردەمچى پاسلىرىنىڭمۇ ئىنتايىن كۆپلىكىنى كۆرىمىز. بىراق مۇشۇنداق شەخسىي شان شەرەپ جېڭى يۇقىرى پەللىگە چىققان ۋاقىتلاردا كوماندىنىڭ ئۇنىڭ ئۈچۈن خىزمەت قىلىشى مېنى ئازراق بىئارام قىلىپ قويىدۇ. بۇ يىللىق ئالتۇن توپنىڭ رونالدوغا بېرىلىش ئېھتىماللىقى ئەڭ يۇقىرى، مېنىڭچە ئاساسەن ئېنىق دېسەكمۇ بولىدۇ. بىراق لوڭقا قولغا تەگمىگەشمىكىن ئۇ ئارتۇقچە كۈچەپ ئۆزىنى ھەن سەبداشلىرىنى سەل چارچىتىپ قويىۋاتىدۇ ...

ئەبرار

مۇسابىقىدىكى ئۇرۇن تولۇقلاش دېگەن ئۇقۇم بولمىغان بولسا ، سىزنىڭ مارسىللو تۇغۇرسىدىكى پىكىرىڭىزگە تامامەن قوشۇلاتتىم ،لېكىن مارسىللو ئالدىغا چىقىپ كەتكەن ۋاقىتتا ، مارسىللونىڭ ئورۇننى تۇلۇقلايدىغان بىردىن بىر ئادەم دەل راموس ، بۇنىڭدىن خاتىرجەم بولساقمۇ بولىدۇ .

رامۇس ھازىر راستلا بەك ئۇزۇن پاس تاشلايدىغان بولىۋالدى ، لېكىن تۇنۇگۈنكى سان سېپىرلارغا قاراپ باقسام ،كوماندىدا ئەڭ توغرا پاس يەتكۈزگۈچى تونى كىروس ، ئۇنىڭدىن قالسا مۇئاۋىن كاپىتان راموس ئىكەن .

رونالدوغا قارىتا : ھۇجۇم دىگەننىڭ باشلىنىش نۇقتىسى ۋە ئاخىرلىشش نۇقتىسى بولىدۇ ، مەشىق جەريانىدىمۇ شۇ نۇقتىنى چۇردىگەن ھالدا ، ماسلىشش مەشىقى قىلىنىدۇ ، شۇنداق ئىكەن ھازىرىقى مادرىد كوماندىسىدا ھۇجۇمنىڭ ئاخرىلىشىش نۇقتىسى دەل رونالدو ، شۇنداق بولغاندا قىلىنغان ھۇجۇم ئۇنۇملۇك بولىدۇ . لېكىن تەكىتلەپ قويدىغىنىم ، ھازىر رونالدو ھەممە توپنى ئۆزەملا ئۇرىمەن دىمەي ، پاس جەھەتتىمۇ خىلى ياخشى نەتىجە ئالدى، ئىسپان بىرلەشمىسىنىڭ پاس شاھى ھازىرچە رونالدو  .

ئەمدى تېمىدا تېلغا ئېلىنغان ، مادرىتتىكى مېنى بىئارام قىلدىغان نۇقتا بولسا گارىس بىل .
ئۇتتۇرا مەيداندىكى توپنى ئەڭ كۆپ تارتقۇزۇپ قويغۇچى ۋە مۇداپىيەگە ياردەم بەرمىگۈچى مېنىڭ بىلدۇر .
شەخسى تېخنىكا بىلەن بىر ئادەمنى ئالداپ ئۆتكىنىنى كۆرۇپ باقمىدىم ، كەممىگەن توپلارنى ۋارتارغا ئۇرۇپ ، نۇرغۇن توپلارنى ئىسراپ قىلىۋىتىدۇ ، ئوڭ تەرەپتىكى كارۋاخال بىلەن ماسلىششى نول ، بىنزىماغا قەتئي پاس بەرمەيدۇ . ئۆزىنى كوماندىدا رونالدودىن قالسا ئىككنچى چاغلايدۇ دەپ قارايمەن .

گەپنى يېغىشتۇرسام ، مادرىتتا مېنى ئەڭ بىئارام قىلدىغىنى ، بىل بىلەن ئىيارامىندى .

FC-Messi

مېنىڭ ئەڭ غەش بولىدىغان يېرىم رونالدونىڭ چەكلەنگەن رايون ئىچىدىكى يالغان يىقىلىشى بىلەن بېلنىڭ قۇشقاچ سوقىشى

بارچۇق

كاسمىرونى قايتۇرۇپ كىلىپ مودرىچنىڭ زىممىسىدىكى يۈكنى يىنىكلىتىش كىرەك

مادرىدنىڭ مۇسابىقىسىنى كۈرۈۋېتىپ تۈۋەندىكى ئىشلارنىڭ يۈز بىرىشىنى ئەڭ خالىمايمەن

1.بوغرا دىگەندەك راموسنىڭ ھەددىدىن ئېشىۋېلىشى ئالدىنقى يىلى كاشىلياس زاپاس بولسا ئۇ كاپىتان بۇلۇپلا ئۈزىنى قەتئى بىلەلمىگەن بالا بۇ ھە دىسە توپ ئۇرۇشقا ئىنتىلگەن ئالدىنقى يىلى بەزى يۇچۇقلىرىنى ئالونسو ياپقان بىلەن بۇيىل ئۇنداق ئادەم يوق
2.مارسىلو مەسلىسىدە پىكىرىمىز ئوخشاشكەن مۇشۇ بالىنى سول ئوتتۇر مەيدانغا قۇيۇپ باقسىمۇ بۇلاتتى كوئىنتىروۋنى مۇداپىيەگە قۇيۇپ
3.پىپى تۇرۇپلا كاللىسى تورمۇزلىنىپ قالىدۇ ،ئەمدى رەھمەتنى ئېيتىپ يولغا سالسا بۇلىتى بولمىسا ۋارانىنى تۇتۇپ قالغىلى بولمىغىدەك (مادرىدنىڭ بىر دېغىمۇ تۈگەيتى)

4.تىپىك ئارقا بەل يوق ،كىيىنلىك ئۈچۈنمۇ بولسا مۇشۇ ئۇرۇنغا جىددى ئادەم تۇلۇقلاش زۈرۈر
5.س ر7 كۇماندىنىڭ پۈتۈن كەيپىياتىغا ئەڭ چوڭ تەسىر كۆرسىتىدىغان ئادەم ،ئىپادىسى سەللا ياخشى بولمىسا بولدى پۈتۈن ئەزالارغا تەسىرىنى يەتكۈزۈدۇ

تۇمشۇق

مېنى ئەڭ بىزار قىلىدىغىنى ئېسكونىڭ تۇرۇپلا شەخسىيەتچىلىك قىلىپ شۇنداق ياخشى پۇرسەتلەرنى ئىسىراپ قىلىۋېتىشى ،

بىل دىگەن گۇي بېنزىمانى ياراتمامدىكىن دىسە تېخى ، بېنزىمانىڭ ئورنى شۇنداق ياخشى ۋاقىتلاردىمۇ بېنزىماغا پاس بەرمەيدۇ ، بولمىسا ئۈزى مەيلى پاس ياكى توپ ئۇرۇشتا بولسۇن بېنزىماچىلىك ئەمەس نەتىجىسى

tagderem

ئەسساللاممۇ - ئەلەيكۇم  ،   بۇغرا ئەپەندىمنى قايتا كۆرگىنىمدىن خوشالمەن .  

مارسىلۇ مۇرىنىئۇ دەۋرىدە ئەڭ تىز ئىلگىرلىگەن ئادەملەرنىڭ بىرى دەپ قارايمەن . لىكىن   سىز دىگەندەك ئۇنىڭ چاققان - چەبدەسلىكىنىڭ  تولىراق ئالدى مەيداندىلا  ‹‹ئىسراپ بولۇپ كىتىشى ››    دىمىسىمۇ ئادەمنى راستىنلا ئەنسىرتىدۇ .    نەچچە يىل ئىلگىرىكى بارسىلۇنا سۇلتانلىقى مەزگىللىرىدە   ‹‹ مارسىلۇ قانۇنىيىتى ››  پەيدا بولۇپمۇ قالغان ھەتتا ،   ئوتتۇرا مەيداننىڭ مۇداپىئە سالمىقى ياخشى بولمىسىلا   سىز دىگەندەك مادىرىت يوقاتقان توپنىڭ كۆپۈنچىسىنى    سول تەرەپتىن دەپ ھۆكۈم قىلساق يۈزدە سەكسەن پىرسەنت  خاتالاشمىغان بولارمىزمىكىن دەيمەن .      لىكىن كىيىم ئالماشتۇرۇش ئۈيدىكى  ۋە مەيدان كەيپىياتىنى ئوڭشاشتىكى ئاكتىپ پوزىتسىيىسى     ساراڭ  لەقەملىق  بۇ گۇيغا  ‹‹ قىيالماسلىق ›› تىكى يەنە بىر تەرەپلەرىم  .   

كۆڭلۈمدىكنى ئىيتسام ھازىرقى مادىرىتنىڭ مۇداپىئە سىپىدە  ‹‹ئۆزىگە ئىشىنىش  تەمەننا قويۇش ›› ئازراق ئەۋىج ئالغان چىغىۋا ،    بولۇپمۇ  نۇمۇر جەھەتتە ئالدىغا سەل ئۆتۈپ كەتكەن مۇسابىقىلەردە  مۇداپىئەچىلەر  ‹‹ ئويۇنچى  ›› بولۇپ كىتۋاتقاندەك .  ئاخشام    مۇسابىقە ئاياغلىشاي دىگەن ھالەتتىكى بىر ھالنى كۆرۈپ ھەيران قالدىم  ،   سەرتانىڭ چەكلەنگەن رايۇنىغا تىزلىك بىلەن توپ ئاپارغان  ، چەكلەنگەن رايۇن ئىچىدە    ئۈچ مۇداپىئەچىمىز پەيدا بولۇپ بوپتۇ ،  تېخى ئىرنەندىسمۇ يىتىپ كىلەلمەپتۇ بولمىسا .   . . كۈلۈپ كىتىپتىمەن .   

كوماندىنىڭ  بەزىدە  رونالدۇ ئۈچۈن مەجبۇر خىزمەت قىلىشى  مىنىڭمۇ سەل بىئارام قىلىپ قويىدۇ بەزى ۋاقىتلاردا  .   

مەن ئىزچىل  رامۇسنى ئوڭ مۇداپىئەدە  قايتا كۆرسەم دەپ خىيال قىلىپ كەلدىم . لىكىن    كارۋاخالنىڭ تىرىشچانلىقى تىنىمسىزلىقى  بۇ ئويۇمنى يىقىن كەلگۈسىدە   ئىشقا ئاشۇرمايدىغان ھالەتكە   بىر يىل بۇرۇنلا ئەكەپ بولدى  ، رامۇس سول مۇداپىئەچىىسى بولۇپ قالغان بولسىچۇ دەپ ئارمان قىلىپ كىتىمەن ھازىر .   

داۋاملىق كىرىپ تۇرۇڭ  دىسەك  ئوخشاشلا زورلىغان بولۇپ قالمىز ، بۇغرا ئەپەندىم   سىزنىمۇ تۇرمۇشنىمۇ چۈشەنمەي بولمايدۇ .      ھىچ بولمىغاندا  ئانچە مۇنچە      مادىرىت ھەققىدىكى يازمىلىرىڭىزنى  كۆرۈپ تۇرسامكەن دىگەن  زور ئۈمۈدلەردىمەن   .   

ئابلەتجان

مادرىدنىڭ ئىچكى ئىشىغا ئارىلاشماي، يەنىلا جۇڭگوچە ئىش تۇتاي

ئىلىم

مارسىلوغا بولغان قارشىڭىزغا قۇشۇلمەن ،  رونالدو ئوڭ تەرەپتىكى بىلغا قارغاندا مۇداپىيەگە بەك  قايتمايدىكەن
،شۇنداق بولغاندىنكىين مارسىلو بەك ئالدىغا جىقىۋالماسلىغى كېرەك

YARQIN

مەن ھازىرقى مادرىتنىڭ ھالىتىدىن بەكلا خۇش ، بىرلەشمە مۇسابىقىلىرىدە بەك چېچىلغاندەك كۆرۈنگىنى بىلەن ئۇزغۇنلىق دېگەندەك چوڭ مۇسابىقىلەردە كوماندا ئىتپاقى بەكلا ياخشى ، ماسلىشىش بەك ياخشى ، راموسقا كەلسەك بۇنىڭ مادرىدقا قوشقان تۆچپىسى راستىنلا كۆپ ، مارسىلومۇ شۇنداق……  رونالدونى يۆلەش ھەقىقەتەن مەۋجۇت ، بۇ مادردرىدنىڭ ئەركە توپچىسى ئۈچۈن بەدەل تۆلەۋاتقانلار جىق ، بۇمۇ مادرىدنىڭ مەيداندىكى نىشانى ، رونالدو  كوماندىغا مەنىۋى كۈچ بېرەلەيدۇ

ئازىغ

拉模斯0605 يوللىغان ۋاقتى  2014-12-8 01:05
قىلدىغانغا ئىش چىقمىغاندەك ئۇ ئىشلارنى ئويلىشىپ ئاۋار ...

قىلىدىغان ئىشى يوق يازغانغان تېما  ئەمەس بۇ، مۇنازىرە مۇنبىرى بولغاندىكىن تورداشلارنى مۇنازىرىلەشسۇن، پىكىرلىرىنى بايان ئەيلىسۇن دەپ يازغان تېما…

قەدىناس

ئېسىل تىما .  
  ئۈچىنجىسى دەل مېنىڭ كۆڭلۈمدىكى گەپلەركەن.

pahri

رونالدۇ مادرىت ئۈچۈن بىر روھى تۈۋرۈك ، ئۇ بولىمىسا مادرىت ماڭا بىرخىل ئاجىزدەك تەسىر بىرىدۇ(شەخىسى قاراش). راموسىنىڭ توپ تىپىشىنى ئىنتايىن ياختۇرىمەن. ئۇ بىرخىل جەڭىگىۋار كۆرىنىدۇ .... مارسىلوغا بولغان كۆز  قارىشىم سىز بىلەن ئوخىشاش .......    ئېسىل تېما

ھەمراھ

مادرىدنىڭ  شۇنچە  ئارتۇقچىلىرى  ئارىسىدىن مۇشۇ  كەمچىلىكلىرىنى  تىپىپ   چىقىپسىز!  ئەمەلىيەتتىمۇ  سىز  دىگەن  يەرلەرگە  دىققەت  قىلدىغان بولساق  راسلا  كەمچىللىك  بار!
مانا  دۈشمەنلەرنىڭ  كامچىلىقىنى  بىلۋالدۇق! ئەمدى  دەرھال ئىنرىكقا  ئۇچۇر  يوللاي!

نادىر تىما!

باشئەگىم

ۋە ئەلەيكۇم ئەسسالام ، مۇنبەر يۈزىدە سىزنىڭ تېمىڭىزنى كۆرۈش مېنى خوشال قىلدى ، ئانچە-مۇنچە ئىنكاسلىرىڭىزنى كۆرۈپ تۇرغان بولساق تېخىمۇ ياخشى بولاتتى ..
مادرىد توغرىلىق پىكىرلىرىڭىز جايىدا ، مارسېللونىڭ ھۇجۇمغا قاتنىشىش ئىستىكى مۇداپىئەگە قارىغاندا يۇقىرى ئورۇندا تۇرىدۇ ، شۇڭا توپ ئىستىمال قىلىۋېلىش كۆپىنچە شۇ تەرەپتىن يۈز بېرىدۇ ، پەسىل بېشىدىكى خانلىق جەمئىيەتتىن 4:2 يېڭىلگەن مۇسابىقىدىمۇ مارسىللودىن كۆپ خاتالىق ئۆتكەن ، ئەمما ئۇنىڭ ھۇجۇمغا بولغان ياردىمىغىمۇ كۆز يۇمۇۋالغىلى بولمايدۇ ، ئۇنىڭ ھۇجۇمغا ماسلىشىشى بارسادىكى ئارۋېسقا ئوخشاشلا كۈچلۈك ، رونالدوغا كەلسەك ، كوماندا شۇنى مەركەز قىلىپ تۇرىۋاتىدۇ ، بۇ خۇددى ئۆتكەن يىللاردىكى بارسانىڭ مېسسىنى مەركەز قىلىۋالغىنىغا ئوخشاپ قالدى ، ئەمما ئۇ چاغدىكى بارساغا ئوخشىمايدىغان تەرىپى مادرىدنىڭ باشقا ھۇجۇمچىللىرىنىڭمۇ نۇمۇر ئېلىش ئارتۇقچىلىقى زور ، شۇڭىمۇ رەقىبلىرىنى زور نۇمۇر پەرقى بىلەن قىرغىن قىلىپ مېڭىۋاتىدۇ ، راموس توغرىلىق ئارتۇق توختالغۇم يوق .