| ئومۇمى يازمىسى: |
ھوقۇق چېكى: 150 |
| جۇغلانمىسى: 2287 |
تۆھپىسى: سەر |
|
بېيجىڭ ۋاقتى 8-ئاينىڭ 20-كۈنى سائەت 17:30 دە ئاسىيا چىمپىيونلۇق لوڭقىسى 4 كۈچلۈك ھەل قىلغۇچ مۇسابىقىسى تۇنجى ئايلانما مۇسابىقىسىدە گۇاڭجۇ خېڭدا كۇلۇبى مىھمان مەيداندا ئاۋىستىرالىيە سەرگەندانلار كۇلۇبى ئوتتۇرسىدا ئۆتكۈزىلىدۇ.
سىنا تورىنىڭ ئەڭ يىڭى خەۋىرىگە قارىغاندا سېدنىدا ئاسىيا چىمپىيونلۇق لوڭقىسى شاللاش مۇسابىقىسىگە تەييارلىق قىلىۋاتقان خېڭدا تەرەپتىن پارتلاش خارەكتىرلىك بىر خەۋەر تارقالغان. يەنى بۇ يىل 66 ياشقا كىرگەن داڭلىق مەشقاۋۇل، ‹‹كۈمۈش تۈلكە›› لىپى مەشىقتىن بۇرۇن مەيدان سىرتىدىكى يول بۇيىغا تۇختىتىپ قۇيۇلغان ئەخلەت ساندۇقىنى ئۈزى ئىتتىرىپ يانغا ئاچىقىپ قويغان.
ئىشنىڭ جەريانى تۈۋەندىكىچە:
ئاۋىستىرالىيەنىڭ سېدنى رايۇنى سۇبتىروپىك بەلباغنىڭ مۇسسۇنلۇق ئىقلىمىغا تەۋە بۇلۇپ نۆۋەتتە كۈچلۈك مۇسسۇننىڭ كونتىروللۇقىدا تۇرىۋاتىدۇ. شۇ سەۋەپ 17 چىسلادىن باشلانغان يامغۇر تاكى 19-چىسلاغىچە توختىمىغان. خېڭدا تەرەپ بىر قانچە مەشىقنى چىم ئۈستىدە ئېلىپ بېرىشقا ئامالسىز قالغان. شۇڭا تەنتەربىيە مەركىزىدە بەدەن مەشىقى ئېلىپ بارغان. ئەسلىدىكى پىلان بۇيىچە 19-چىسلا مۇسابىقە ئۆتكۈزىلىدىغان چىم مەيداندا ئاخىرقى تاكتىكا ئۇرۇنلاشتۇرشىنى ئېلىپ بارماقچى بولغان، بىراق يامغۇر شارائىتىدا چىم سۈپىتىنىڭ تىز بۇزۇلۇپ كىتىش سەۋەبى بىلەن مەيدان تاقالغان. خېڭدا كوماندا ئەزالىرىمۇ ئامالسىز يېقىن ئەتراپتىكى گولف توپ مەيدانىدا مەشىق ئېلىپ بارماقچى بولغان. خېڭدا كوماندا ئەزالىرى ئاپتۇبۇستا مەيدانغا يىتىپ كەلگەن ۋە ياندىكى يول ئۈستىدە ماشىنىدىن چۈشۈپ ئۇدۇل مەيدانغا قاراپ ماڭغان. بىراق، لىپى يول ئۈستىدە بىر ئەخلەت ساندۇقى بارلىقىنى بايقىغان، ھەمدە بەلگىلىك دەرىجىدە مەشىققە تەسىر كۆرسىتىشى مۇمكىن دەپ قاراپ ئىتتىرىپ يانغا چىقىرىۋەتكەن.
لىپى يۇقىرى ئىش ھەققى بىلەن خېڭدا كۇلۇبىنىڭ مەشقاۋۇللۇق ئورنىغا ئولتۇرغاندىن كىيىن تىنىمسىز ئەجىر قىلىپ كۇلۇپنى كۇلۇپ تارىخىدىكى تۇنجى ئاسىيا چىمپىيونلۇق لوڭقىسىغا ئىرىشتۈردى. خېڭدانىڭ دۆلەت ئىچىدىكى شۆھرىتىلا ئېشىپلا قالماستىن خەلقئارادا بەلگىلىك تەسىر قوزغىدى. مۇشۇنداق ۋەزىيەتتە بۇ خىل ئادەمنى ھاياجانغا سالىدىغان، چوڭقۇر ئويلىنىشقا سالىدىغان ئىشنىڭ يۈز بىرىشى لىپىنىڭ تەسىرىنى تېخىمۇ ئاشۇرىۋېتىشى مۇمكىن. تاراتقۇلارمۇ بەس-بەستە لىپىنىڭ بۇ ھەركىتىنى ماختاپ كەتكەن. 5000 يىللىق مەدەنىيەت تارىخىغا ئىگە دۆلىتىمىز پۇقرالىرى ( توپچىلىرى ) بىلەن 66 ياشلىق بۇۋاينىڭ ھەركىتى ھەقىقەتەنمۇ ئادەمنى چوڭقۇر ئويلاندۇرىدىغان مەسىلە!
پۇتبول بىز ياقتۇرىدىغان بىر تەنھەركەت تۈرى. بەزىلەر بۇ كەسىپ بىلەن شۇغۇللىنىدۇ. مەيلى قانداقلا بولمىسۇن پۇتبول ھاياتىمىزنىڭ ھەممىسى ئەمەس. بەلكى ئىنتايىن كىچىك بىر قىسمى. ئادىمىلىك، مۇھاببەت، ھەققانىيەت، غۇرۇر، ئىتقات ھەر ۋاقىت بىزدىن ئايرىلالمايدۇ، ھەم ئايرىلمىسۇن!
|
|
ۋاقتى: 2014-8-20 00:53:19
تېما كۆتۈرۈش
تېما چوققىلاش
تېما تاقاش
变色卡
ۋاقتى: 2014-8-20 10:11:06
