گېرمانىيە VS ئالجىرىيە (1/8تاللاش )

باشئەگىم · ۋاقتى: 2014-7-1 07:06:30

بۇ يازمىنى ئاخىرىدا ئەلبارىس تەھرىرلىگەن. ۋاقتى 2014-7-1 13:45

ناھايىتى شەپقەتلىك ۋە مېھرىبان ئاللاھنىڭ ئىسمى بىلەن باشلايمەن ...

ئەسسالامۇ ئەلەيكۇم !

گېرمانىيە 1:2 ئالجىرىيە

7-ئاينىڭ 1-كۈنى سەھەر سائەت «02:00 » دە ،2014-يىللىق بىرازىلىيە دۇنيا لوڭقىسى 8 كۈچلۈككە كىرىشتىكى بىر مەيدان مۇسابىقە گېرمانىيە كوماندىسى بىلەن ئالجىرىيە كوماندىسى ئوتتۇرسدا ئېلىپ بېرىلدى .

مۇسابىقە باشلىنىپ ھەر ئىككى تەرەپ كۈچەپ ئوينىدى ، مۇسابىقە باشلىنىپ سەككىز مىنۇتتا ئالجىرىيە كوماندىسىدىن ھىلال سۇدانى مۇداپىئە رايونىدىن ئالدى ھۇجۇم ئورنىدىكى سۇلايمانغا پاس بەردى ، ۋارىتار بىلەن يەكمۇ-يەك قالغان ئەھۋال ئاستىدا نويىر گېرمانىيە كوماندىسىنى قۇتقۇزۇپ قالدى .

مۇسابىقىنىڭ 14-مىنۇتىدا ئالجىرىيەنىڭ قاپقاۋۇلى رايىس گېرمانىيە كوماندىسىدىن شىۋىنىستايگېرنىڭ يىراقتىن ئۇرغان توپىنى توسۇۋالدى ، 24-مىنۇتىدا رايىس يەنە ئۆزىنىلنىڭ يىراقتىن ئۇرغان توپىنى توسۇپ قالدى ، 41-مىنۇتتا ئالجىرىيە كاپىتانى رەفىق ھەلىش شىۋىنىستايگېرغا قارىتا قائىدىگە خىلاپ ھەركەت ئىشلەپ سېرىق كارتىغا ئېرىشتى ، ئالدىنقى مەيدان 0:0 ئاياغلاشتى .

كېيىنكى مەيداندا گېرمانىيە كوماندىسىدىن شۈرلى گوتزىنىڭ ئورنىغا ئالمىشىپ چۈشتى ، 69-مىنۇتتا گېرمانىيەنىڭ ئوڭ تەرەپ مۇداپىئەچىسى مۇستافى يارلىنىپ ئورنىغا ھەدىرا مەيدانغا چۈشتى ، لام ئەسلى ئورنى ئوڭ بېكلىق ئورنىغا قايتتى ، 77-مىنۇتتا ئالجىرىيە تۇنجى ئادەم ئالماشتۇرۇش ئېلىپ باردى ، ھەر ئىككى تەرەپ قاپقاۋۇللىرىنىڭ ئىپادىسى ئاستىدا بۇ مەيدانمۇ توپ كىرمەي نەتىجە 0:0 ئاياغلىشىپ مۇسابىقە قوشۇپ بېرىلگەن ۋاقىت باسقۇچىغا كىردى .

قوشۇپ بېرىلگەن ۋاقىتنىڭ ئالدىنقى يېرىم مەيدانى باشلىنىپ ئىككىنچى مىنۇتتا گېرمانىيە كوماندىسىدىن شۈرلى مۇللىر بەرگەن پاسنى ئۇرۇپ كىرگۈزدى ، گېرمانىيە كوماندىسى نەتىجىدە ئالدىغا ئۆتتى ، ئالجىرىيە كوماندىسىمۇ قاتتىق كۈچىگەن بولسىمۇ توپ ئۇرالماي كېيىنكى يېرىم مەيدانغا ئۆتتى .

قوشۇپ بېرىلگەن ۋاقىتنىڭ كېيىنكى يېرىم مەيدانىدا مۇسابىقە باشلىنىپ ئۇزاق ئۆتمەي گېرمانىيە كاپىتانى لام قائىدىگە خىلاپ ھەركەت ئىشلەپ سېرىق كارتىغا ئېرىشتى ، ئۇمۇمىي مۇسابىقىنىڭ 119-مىنۇتىغا كەلگەندە گېرمانىيە كوماندىسىدىن مەسئۇد ئۆزىل بىر توپ ئۇرۇپ نەتىجىنى زورايتتى ، ئارىدىن بىر مىنۇت ئۆتۈپلا ئالجىرىيە كوماندىسى قايتۇرما ھۇجۇم قوزغاپ توپ ئۇرۇپ نەتىجىنى 2:1 قىلىپ ئۆزگەرتتى ، مۇسابىقە 2:1 نەتىجە بىلەن گېرمانىيەنىڭ غەلبىسى ئاستىدا ئاياغلاشتى ، ئالجىرىيە كوماندىسى شاللىنىپ كەتتى ، گېرمانىيەنىڭ تۆت كۈچلۈككە كىرىشتىكى رەقىبى فىرانسىيە كوماندىسى بولۇپ 7-ئاينىڭ 4-كۈنى ئۈرۈمچى ۋاقتى 22:00 دە ئوينايدۇ .

جەۋھىرى:

مۇسابىقە تولۇق فىلىمىنى قايتا كۆرمەكچى بولسىڭىز بۇ يەرنى بېسىڭ!

ئۇستاز · ۋاقتى: 2014-7-1 07:26:52

ئالجىرىيەگە ھۆرمەت، گىرمان بىلەن 120 مىنۇت تىركەشتى، لېف دىگەن ماڭقىنى بىر مىنۇتمۇ ئولتارغۇزمىدى، ئەگەر ئۆزىلنىڭ توپى چۈشمىگەن بولسا نوقتا توپ جېڭىغا كىرىپ قالاتتى،
بۇ يىل ۋارتالارنىڭ ئىكەن، قايسى كۇماندىغا قارىسا بىر بىرىدىن يارام ۋارتالار.

قەشقەرىي · ۋاقتى: 2014-7-1 07:38:51

ئالجىريەگە ھۆرمەت تەلەي كۈلۈپ باقمىدى بۇلارغا گىرمانىيە بەك توڭگۇز تەلەيكەن مىنىڭچە گىرمانىيە بىز ئۇتتۇدۇق دىسە بولدۇ

باشئەگىم · ۋاقتى: 2014-7-1 07:44:57

ئالجىرىيە ھەقىقەتەنمۇ ھۆرمەتكە لايىق ئوينىدى ، گېرمانىيەنى ئوبدانلا تەرلىتىپ قويدى ، گېرمانىيە تارىختىن بۇيان ئالجىرىيە كوماندىسىنى ئۇتۇپ باقمىغانلىق تارىخىغا خاتىمە بەردى ، ئاخىرىدا ئالجىرىيەنىڭ كوماندا ئەزالىرىدا بەدەن قۇۋۋەت يېتىشمەي قالدى ، جەزائىرلىقلارغا ھۆرمەت !!!

چوكىنات · ۋاقتى: 2014-7-1 08:34:17

مەنمۇ ئۇستازغا ئەگەشتىم ، ھەقىقەتەنمۇ ئالجىرىيە توپچىلىرى ھۆرمەتلەشكە تېگىشلىك توپچىلار . گېرمانىيەنىڭ ئۇتتۇرىشىنى شۇنداق تىلىگەن ئىدىم ، لېكىن تەلەي ئالجىرىيەگە ئوڭ كۆزى بىلەن قارىماي قويدى. ئىككىدە نۆل نەتىجە مېنىڭچە ھېچنىمىنى ئىسپاتلاپ بىرەلمەيدۇ . ئىككى سائەتلىك مۇسابىقىدە ھەقىقىي يەڭگۈچى مېنىڭچە يەنىلا ئالجىرىيە ، مۇسابىقە جەريانىدىلا گېرمانىيىلىكلەر ئاللىقاچان ئالجىرىيگە روھى جەھەتتىن تەسلىم بولۇپ بولغان دىسەكمۇ ئارتۇق كەتمەس. لىفنىڭ قەقەش ماڭقىسىنى يەنە قولىغا ئېلىپ يەپ سالغان كۆرىنىشىنى يەنە بىر قېتىم بەك كۆرگۈم كېلىپ كەتكەنتى. نېمىنىڭ سۇنماس ئىرادە ئىكەنلىكىنى گېرمانىيىلىكلەر ئەمدى ھېس قىلدىغۇ دەيمەن.

isimsiz · ۋاقتى: 2014-7-1 08:40:40

گىرمانىيەگە بېسىم بۇلىدىغانلىقىنى ھىس قىلغان لىكىن بۇنچىلىك قىينىلىدۇ دەپ ئويلىمىغان. ئالجىرىيەنىڭ ھىچ قانداق بېسىمى يوق. يەڭسە تارىخى شان-شەرەپ، يىڭىلسە ۋەزىپە ئورۇنلاندى.

isimsiz · ۋاقتى: 2014-7-1 09:00:48

بىر-بىرىدىن ئىسىل قايتۇرما ھۇجۇملىرى بىلەن نويېرنى خېلى ئالدىراش قىلغان ئەمما پۇرسەت تۇتالمىدى. "سەھرا جەڭچىلىرى" گىرمانىيەگە بىر دەرس ئۈتۈپ قويدى. گوللاندىيە گىرمانىيەلەرنىڭ ئىسپانىيە ۋە پورتۇگاللارنى قىرغىن قىلغىنىنى كۆرۈپ لوڭقىنى بېرىپ بولغانلار شاللاش مۇسابىقىلىرىدىكى ئىپادىسىنى كۆرۈپ بەزى گەپلەرنى ئالدىرىماي دەيدىغاننى ئۆگەنگەندۇ.

قۇياش · ۋاقتى: 2014-7-1 09:32:31

گېرمانلاردا چېمىپىيۇنلۇقنىڭ تەييارلىقى تولۇق ئەمەسكەن، ئالجرىيەنى كۆزگە ئىلمىغان ئەسلى.....لېكىن، كېيىنكى مەيدان ياخشى ئوينىدى، ئالجرىيە بىر قانچە قايتۇرما ھوجۇمىغىلا ئېرىشتى، بۈگۈن گېرماننىڭ ئورنىدا باشقا كوماندا بولغان بولسا، ئالجرىيەگە بۇنداق ئاخرىغىچە تاقابىل تۇرالمايتتى، نويېر5- مۇداپىئەچىلىكنى ياخشى ئوينىدى، قىززىق ئاداشتە بۇ.....

قۇياش · ۋاقتى: 2014-7-1 09:35:42

گېرماننىڭ بوئاتىڭ بىلەن خوۋېدېس، مۇستافى ياخشى ئوينىمىدى، بوئاتېڭنىڭ بىر توپنى توختىتىشى ،خوتۇن كىشىنىڭ ماشىنا توختىتىشىدىنمۇ تەسكەن، خوۋېدېس قانداق ئويناش لازىملىقىنى بىلمەي ئوينىدى، مۇستافى بەكرەك ھاياجانلىنىپ قالدى، 75 مىنۇتلۇق ئۆزىلغۇ ئاخىرىدا گېرمانغا خوشياقمىغان بىر توپنى ئۇرۇپ قويدى شۇ... مۈللېر ياخشى ئوينىدى، بولۇپمۇ ھېلىقى ئىختىيارى توپى قىززىق بولدى دە.....

بىنزىما9 · ۋاقتى: 2014-7-1 09:57:45

ئالجىرىيە ياخشى ئۇينىدى

dolantekin1981 · ۋاقتى: 2014-7-1 09:58:01

ئالجىريە كۇماندىسىدىكى ماھىرلارنىڭ ئىپادىسىمۇ شۇنداق ياخشى بولغان ،لىكىن يەنىلا ئۇتتۇرۇپ قۇيدى دە ......

قۇتيار · ۋاقتى: 2014-7-1 10:07:57

ئۇف ماۋۇ مۇسابقىنى ئەمدى كۆرۈپ تۈگەتتىم. مەن تېخى گىرمانلارنى ھېچ قىينالمايلا ئۇتىدۇ دەپ ئويلاپ بار بىساتىمنى تىكىۋەتكەنتىم. ئەپسۇس ھەي ئەپسۇس. ئەمما ماۋۇ ئالجىرىيەلىكلەر بەك ياخشى ئويناپتۇ. تانكىلارنى خېلى تەرلىتىپ بېقىپتۇ جىمۇ.